Решение #104750 Уголовные

ҲУКМ 2024 йил ноябрь ойининг 27 куни, Тошкент шаҳар жиноят ишлари бўйича Чилонзор туман суди, ўз биносида, очиқ суд мажлисида, раислик қилувчи, судья Д.Турсунов, судья ёрдамчиси Э.Хайриддиновнинг котиблигида, тарафлардан давлат айбловчиси – Чилонзор туман прокурорининг ёрдамчиси Н.Рустамов, судланувчи М.Миркамалов ва унинг ҳимоячиси “AUXILIUM” адвокатлик бюроси адвокати А.Камолхоновнинг иштирокида, Миркамалов Миралишер Алимджановичга нисбатан 1-1006-2407/1119-сонли жиноят ишини кўриб чиқди. Иш ҳужжатларига кўра: Миркамалов Миралишер Алимджанович (MIRKAMALOV MIRALISHER ALIMDJANOVICH), 1989 йил 12 февралда Тошкент шаҳрида туғилган, Ўзбекистон Республикаси фуқароси, миллати ўзбек, оилали, уч нафар фарзанди бор, маълумоти ўрта, “Balton-Trade” фирмасида ишчи, муқаддам судланмаган, Тошкент шаҳри, Чилонзор тумани, Мевазор МФЙ, Ҳосилот кўчаси, 22-уйда яшайди, 2024 йил 26 июлдда ЖПКнинг 224-моддаси тартибида ушлаб турилган, 2024 йил 5 августда ЖПКнинг 221-моддаси тартибида ушланиб, 2024 йил 6 августда озод қилинган, иш бўйича “гаров” тарзидаги эҳтиёт чораси қўлланилган, айблов хулосаси нусхасини муддатида олган, Ўзбекистон Республикаси ЖКнинг 276-моддаси 2-қисми “а” банди билан айбланган. Суд, судланувчи ва гувоҳларнинг кўрсатувларини тинглаб, жиноят иши ҳужжатларини ўрганиб чиқиб ва ишдаги мавжуд бўлган далилларга баҳо бериб, қуйидагиларни АНИҚЛАДИ: Судланувчи М.Миркамалов 2024 йил 14 июль куни бошқа шахсдан интернет тармоғининг телеграмм платформаси орқали ташлаб берилган манзил бўйича Тошкент вилояти ҳудудида жойлашган Зангиота туманига бориб, ушбу транспорт қатнов йўлидан 1 дона қора рангли полиэтилен пакетга ўралган тўқ жигарранг рангли, ўткир ҳидли мумсимон модда ва 2 дона оқ-қизил рангли капсулаларни олиб, мазкур гиёҳвандлик воситаларини ўтказиш мақсадини кўзламай воситасини иккига бўлиб, ярмини ўзининг бошқарувидаги давлат рақами 01B772LA бўлган қора рангли “Lacetti-Gentre” русумли автомашинада, гиёҳвандлик воситасининг қолган қисмини эса ўзининг яшаш жойи, яъни Чилонзор тумани, Мевазор МФЙ, Ҳосилот кўчаси, 22-уйда сақлаб қўйган. 2024 йил 26 июль куни соат тахминан 15:30да Чилонзор тумани ИИО ФМБ ходимлари томонидан ўтказилган тезкортадбирда М.Миркамаловнинг бошқарувидаги давлат рақами 01B772LA бўлган қора рангли “Lacetti-Gentre” русумли автомашинаси холислар иштирокида кўздан кечирилганда автомашинанинг олд ҳайдовчи томонининг тепа қисмида кўзойнак солиш мўлжалланган жойдан 1 дона қора рангли полиэтилен пакетга ўралган тўқ жигарранг рангли, ўткир хидли мумсимон модда ва 2 дона оқ-қизил рангли капсулалар борлиги аниқланиб, холислар иштирокида баённома асосида расмийлаштириб олинган. Шундан сўнг, тезкор-тадбир давом эттирилиб, М.Миркамаловнинг яшаш хонадони, яъни Чилонзор тумани, Мевазор МФЙ, Ҳосилот кўчаси, 22-уй холислар иштирокида кўздан кечирилганда мазкур уйнинг таъмирланаётган хонасидан оқ рангли, шишадан ишланган кулдон ичидан тўкилган ҳолатда тўқ жигарранг рангли, ўсимлик моддалари ва мумсимон ҳолдаги тўқ жигарранг рангли майда бўлакчали моддалари билан аралашма ҳолда модда ва ичида модда юқиси бўлган 1.5 литрлик елим баклажка ҳамда чекиш мосламаси бўлган ангишвона борлиги аниқланиб, холислар иштирокида баённома асосида расмийлаштириб олинган. Судга оид кимёвий экспертизасининг 30.07.2024 йилдаги 2873-сонли хулосасига кўра, М.Миркамаловнинг автомашинасидан олинган модда (объект №1) таркибида фаол гиёҳванд модда тетрагидроканнабинол мавжуд бўлиб, бу модда “Гашиш” деб аталиши, ушбу модданинг (объект №1) оғирлиги 0.98 граммга тенглиги кўрсатилган. Судга оид кимёвий экспертизасининг 29.07.2024 йилдаги 2878-сонли хулосасига кўра, М.Миркамаловдан олинган модда (объект №1) таркибида фаол гиёҳванд модда Тетрагидроканнабинол мавжуд бўлиб, бу модда (объект №1) “Гашиш” деб аталаши, ушбу модданинг аралашма ҳолдаги умумий оғирлиги 1.22 граммга тенглиги кўрсатилган. М.Миркамаловдан олинган елим баклажка чекиш мосламаси(объект №2) ҳамда чекиш мосламаси ангишвона (объект №3)дан олинган сув этанол экстрактининг таркибида фаол гиёҳванд модда, “Тетрагидроканнабинол” моддасининг излари борлиги аниқланган. олинган “Гашиш” гиёҳвандлик моддасининг умумий оғирлиги 2.2 граммга тенглиги аниқланган. Судланувчи М.Миркамалов суд мажлисида айбига тўлиқ иқрорлик билдириб, 2022 йилда хусусий клиникада текширувдан ўтганида шифокорлар белида грижа борлигини маълум қилишганлиги, белидаги оғриқни камайтириш мақсадида турли хил оғриқ қолдирувчи дорилар ичса ҳам таъсир қилмай қолганлиги, 2024 йил 14 июль куни белидаги оғриқлардан ухлолмай ётган пайти телефон аппаратидан Телеграм платформасида “Blu-Pliss” номли гуруҳга қизиқиб кирганида “спектор аператор” номли аккаунтдан прегабалин таблеткаси сотилади деб хабар жўнатилганлиги, у прегабалин таблеткасидан 2 дона ва 1 дона Гашиш олишини ёзганида ушбу прегабалин таблеткасининг хар бири 23 АҚШ доллар эканлигини, Гашишни 400.000 сўм эканлигини айтганлиги, у рози бўлганида ҳисоб рақамига пул ташлашини айтганлиги, сўнг “Paynet” шахобчасидан унинг ҳисоб рақамига пул ташлаганлиги, кейин “спектор аператор” номли аккаунт эгаси унга локация ташлаганлиги, ушбу локацияга кирганида Тошкент вилояти Зангота туманидаги жойни кўриб, ушбу жойга 14.07.2024 йилда соат тахминан 19:00да борганлиги, манзилга келганида ер юзида шафоф пакетга ўралган ҳолда турган 2 дона қизил капсула ва қора полиэтилен пакетда гашиш бўлганлиги, ушбу пакетни олиб уйга олиб борганлиги, уйга келиб, озгина миқдорда гашишни чекканлиги, қолган гашишни қора полиэтилен пакетга ўраб, “Lacetti-Gentre” автомобилининг салон қисмидаги очки қўйиш учун мўлжалланган жойига 2 дона қизил капсуладаги прегабалин билан бирга қўйганлиги, орадан уч тўрт кун ўтгач яна гашиш воситасини чекиб, қолганини автомашинасига қўйганлиги, 2024 йил 26 июль куни ишдан чиқиб, соат тахминан 15:30да уйга келиб, эшик олдида автомашинаси ичида ўтирганида ҳуқуқни муҳофаза қилувчи орган ходимлари келишиб, нима қилиб ўтирганини сўрашганлиги, у шунчаки ўтирганлигини айтганлиги, шунда улар ёнингизни текширамиз деб, йўлда кетаётган икки нафар фуқароларни чақириб келишганлиги, сўнг ҳуқуқни муҳофаза қилувчи орган ходимлари ёнини кўздан кечиришганлиги, ёнидан ҳеч нима чиқмаганлиги, кейин ходимлар бошқарувида бўлган автомобилни салон қисмини текширишганда автомобилнинг салон қисмининг юқори қисмида кўзайнак турадиган жойда 2 дона қизил капсула ва 1 дона қора рангли полиэтилен пакетга ўралган тўқ жигарранг рангли ўткир хидли мумсимон модда чиққанлиги, ушбу гиёҳвандлик воситалари холислар иштирокида баённома асосида расмийлаштириб олинганлиги, сўнг ҳуқуқни муҳофаза қилувчи орган ходимлари хонадонини текширишганда уйнинг ангишвонани далилий ашё сифатида олишганлиги ҳақида кўрсатув бериб, ҳозирда қилмишидан чин кўнгилдан пушаймонлиги, бошқа бу ҳолат такрорланмаслигини, оилавий шароитини инобатга олиб, суддан ўзига нисбатан енгиллик беришни сўради. Гувоҳ О.Рустамов суд мажлисида, 2024 йил 26 июль куни у Чилонзор тумани Мевазор МФЙ биносида ўз ишлари билан банд бўлиб ўтирганида олдига ҳуқуқни муҳофаза қилувчи орган ходимлари келишиб, бир ишда холис сифатида иштирок этишини сўрашганлиги, у рози бўлганлиги, кейин эса маҳалла раиси Ш.Тиллабаевдан холис сифатида иштирок этишини сўрашганлиги, у ҳам рози бўлгач, бирга Чилонзор тумани, Мевазор МФЙ, Хосилот кўчаси, 22-уй олдида турган “LacettiGentra” русумли автомашина олдига боришганида ичида кейин унга маълум бўлган М.Миркамалов ўтирган бўлганлиги, ходимлар уларга тезкор-қидирув тадбири ўтказиш тўғрисида қарорни ўқиб эшитиришганлиги ва ҳуқуқ ва мажбуриятларини тушунтиришганлиги, ҳуқуқни муҳофаза қилувчи орган ходимлари М.Миркамаловдан ёнида тақиқловчи нарсалар бор ёки йўқлигини сўрашганида у йўқ деб жавоб қайтарганлиги, сўнг ходимлар “Lacetti-Gentra” русумли автомашинани ва М.Миркамаловни ёнини кўздан кечиришганлиги, кўздан кечириш давомида автомашинанинг олд ҳайдовчи томоннинг тепа қисмида кўзойнак солиш мўлжалланган жойдан бир дона қора рангли полиэтилен пакетга ўралган тўқ жигарранг рангли, ўткир хидли мумсимон модда ва 2 дона оқ-қизил рангли капсулалар борлиги аниқланганлиги, М.Миркамаловнинг яшаш уйи бўлмиш Чилонзор тумани, Мевазор МФЙ, Ҳосилот кўчаси, 22-уйни кўздан кечириш давомида уйнинг 2-қаватидаги таъмирланаётган хонадан оқ рангли, шишадан ишланган кулдон ичидан тўкилган ҳолатда тўқ жигарранг рангли, ўсимлик моддалари ва мумсимон ҳолдаги тўқ жигарранг рангли майда бўлакчали моддалари билан аралашма ҳолда модда ва ичида модда юқиси бўлган 1.5 литрлик елим баклажка ҳамда чекиш мосламаси бўлган ангишвона борлиги аниқланиб, расмийлаштириб олинганлиги ҳақида кўрсатувлар берди. Гувоҳ Ш.Тиллабаев суд мажлисида гувоҳ О.Рустамовнинг кўрсатувига ўхшаш кўрсатув бериб, маҳалла раиси сифатида М.Миркамаловни ижобий тавсифлашини, оилада ягона боқувчи эканини инобатга олиб, унга енгилик беиршни сўради. Гувоҳ Э.Юнусов суд мажлисида, у Тошкент шаҳар ИИББ Эксперт-криминалистик марказининг эксперти лавозимида ишлаб келиши, Чилонзор тумани ИИО ФМБ тезкор вакили Ж.Мусаевнинг қарорига асосан мазкур иш бўйича судга оид кимёвий экспертизасини ўтказганлиги, судга оид кимёвий кўра, М.Миркамаловдан олинган модда (объект №1) таркибида фаол гиёҳванд модда Тетрагидроканнабинол мавжуд бўлиб, бу модда (объект №1) “Гашиш” деб аталаши, ушбу модданинг аралашма ҳолдаги умумий оғирлиги 1.22 граммга тенглиги аниқланганлиги, гашиш – Ўзбекистон Республикаси Вазирлар Маҳкамасининг 878-сонли қарорининг 28-тартиб рақамидаги 1қаторида Гашиш (анаша, смола каннабиса)* деб кўрсатилганлиги, М.Миркамаловдан олинган елим баклажка чекиш мосламаси(объект №2) ҳамда чекиш мосламаси ангишвона (объект №3)дан олинган сув этанол экстрактининг таркибида фаол гиёҳванд модда, “Тетрагидроканнабинол” моддасининг излари борлиги аниқланганлиги, Вазирлар Маҳкамасининг қарорида «*» белгиси билан қайд этилган моддалар бошқа қўшимчалар, аралашмалар билан бирга қўшилиб уларнинг миқдори аниқланиши, у шунга асосланиб ўз хулосасини берганлиги ҳақида кўрсатувлар берди. Суд, судланувчи М.Миркамаловнинг жиноят содир этишдаги айби, ўзининг айбига тўлиқ иқрор бўлиб берган кўрсатуви ва гувоҳларнинг берган кўрсатувидан ташқари, жиноят ишида тўпланган далиллар, жумладан, тушунтириш хатлари, судга оид кимёвий экспертизаси хулосаси, ашёни олиш, нарсани кўздан кечириш, ҳодиса содир бўлган жойни кўздан кечириш, юзлаштириш, кўрсатувларни ҳодиса содир бўлган жойда текшириш баённомалари, ашёвий далил, нарсани ашёвий далил деб топиш тўғрисидаги қарор ҳамда жиноят иши бўйича барча тўпланган, текширилган, ишга алоқадорлиги, мақбуллиги ва ишончлилиги нуқтаи назаридан баҳоланган далиллар мажмуи билан тўлиқ исботланган деб ҳисоблайди. Суд, дастлабки тергов органи томонидан судланувчи М.Миркамаловнинг ўтказиш мақсадини кўзламай, қонунга хилоф равишда кўп миқдордаги гиёҳвандлик воситаларини эгаллаш ва сақлаш жинояти аломатлари бўйича Ўзбекистон Республикаси ЖКнинг 276-моддаси 2-қисми “а” банди билан тўғри квалификация қилинган деб ҳисоблайди. Суд, судланувчи М.Миркамаловга нисбатан жазо тайинлашда ҳаракатларида Ўзбекистон Республикаси ЖКнинг 56-моддасида назарда тутилган жазони оғирлаштирувчи ҳолатлар мавжуд эмаслигини инобатга олиб, айбига тўлиқ иқрор бўлиб, қилмишидан пушаймонлиги, муқаддам судланмагани, оилавий шароитини Ўзбекистон Республикаси ЖКнинг 55-моддасига асосан жазони енгиллаштирувчи ҳолатлар деб топиб, унга нисбатан Ўзбекистон Республикаси ЖКнинг 276моддаси 2-қисми билан ушбу модда санкцияси доирасида озодликни чеклаш жазосини тайинлашни, ЖК 62-моддасига август) ҳар бир кунини озодликни чеклаш жазосининг бир кунига тенглаштириб ҳисоблаб, тайинланган жазодан чегириб ташлаб, узил-кесил ўташ учун озодликни чеклаш жазосини тайинлашни лозим топади. Шунингдек суд, Тошкент шаҳар наркология диспансерининг 2024 йил 13 августдаги 1871-сонли далолатномасига кўра, М.Миркамалов каннабиноидли наркоманияга (анаша, гашиш) ва токсикоманияга (соннат, регопен, прегабалин) йўлиққанлиги ҳамда ушбу касалликлардан даволанишга муҳтожлигини инобатга олиб, унга нисбатан Ўзбекистон Республикаси ЖКнинг 96-моддасига асосан тиббий муассасаларда каннабиноидли наркомания (анаша, гашиш) ва токсикомания (соннат, регопен, прегабалин)дан мажбурий даволаниш тиббий йўсиндаги мажбурлов чорасини тайинлашни; иш бўйича ашёвий далил деб топилган давлат рақам белгиси 01 B 772 LA бўлган “Ласетти-жентра” русумли автомашина М.Миркамаловга тилхат орқали қайтарилганлигини инобатга олишни; иш бўйича ашёвий далил деб топилган Ўзбекистон Республикаси ДХХ МСБда сақланаётган оғирлиги 0,95 грамм ва 1,19 грамм, жами оғирлиги 2,14 грамм бўлган “Гашиш” гиёҳвандлик воситаларини ҳукм қонуний кучга кирганидан сўнг йўқ қилишни; иш бўйича ашёвий далил деб эътироф этилган видеотасвирлар ёзилган дискни жиноят иши ҳужжатлари билан бирга сақлаш учун қолдиришни лозим топади. Ўзбекистон Республикаси ЖПКнинг 454-457, 462, 463, 465468, 471, 472, 473-моддаларига амал қилиб, суд Ҳ У К М Қ И Л Д И: Миралишер Алимджанович (MIRKAMALOV MIRALISHER ALIMDJANOVICH) Ўзбекистон Республикаси ЖКнинг 276-моддаси 2-қисми “а” бандида назарда тутилган жиноятни содир этганликда айбли деб топилсин ва унга шу модда бўйича 3 (уч) йил муддатга озодликни чеклаш жазоси тайинлансин. Ўзбекистон Республикаси ЖК 62-моддасига асосан М.Миркамаловни ушлаб турилган (2024 йил 26 июль, 5 август) ҳар бир кунини озодликни чеклаш жазосининг бир кунига тенглаштириб ҳисоблаб, тайинланган жазодан чегириб ташлансин ва унга узил-кесил ўташ учун 2 (икки) йил 11 (ўн бир) ой 28 (йигирма саккиз) кун муддатга озодликни Миркамалов Ўзбекистон Республикаси ЖКнинг 481-моддасига асосан М.Миркамаловга сутканинг муайян вақти, яъни кеч соат 22:00дан эрталабки соат 06:00га қадар яшаш жойи, яъни Тошкент шаҳри, Чилонзор тумани, Мевазор МФЙ, Ҳосилот кўчаси, 22-уйдан чиқиш чеклансин ва унга қўшимча: -ҳар ойда бир маротаба яшаш жойи бўйича ИИО ФМБ Пробация бўлимидан рўйхатдан ўтиб туриш; -алкоголли ичимликлар истеъмол қилмаслик; -маҳкумларни назорат қилувчи органнинг розилигисиз яшаш жойини ўзгартирмаслик каби тақиқлар юклансин. Жазо ижросини таъминлаш М.Миркамаловнинг яшаш жойи бўйича ИИО ФМБ Пробация бўлими зиммасига юклатилсин. Озодликни чеклаш муддати М.Миркамалов жазоларни ижро этиш органида ҳисобга қўйилган кундан бошлаб ҳисоблансин. М.Миркамаловга Ўзбекистон Республикаси ЖК 481моддасининг 5 ва 6-қисми талаблари тушунтирилсин. Ўзбекистон Республикаси ЖКнинг 96-моддасига асосан М.Миркамаловга нисбатан тиббий муассасаларда каннабиноидли наркомания (анаша, гашиш) ва токсикомания (соннат, регопен, прегабалин)дан мажбурий даволаниш тиббий йўсиндаги мажбурлов чораси қўлланилсин. М.Миркамаловга нисбатан қўлланилган “гаров” тарзидаги эҳтиёт чораси ҳукм қонуний кучга кирганидан сўнг бекор қилинсин ва Тошкент шаҳар ИИББ молия-иқтисод бошқармасининг депозит ҳисоб рақамига топширилган 10.000.000 сўм миқдоридаги гаров пули М.Миркамаловга қайтарилсин. Иш бўйича ашёвий далил деб топилган давлат рақам белгиси 01 B 772 LA бўлган “Ласетти-жентра” русумли автомашина М.Миркамаловга тилхат орқали қайтарилганлиги инобатга олинсин. Иш бўйича ашёвий далил деб топилган Ўзбекистон Республикаси ДХХ МСБда сақланаётган оғирлиги 0,95 грамм ва 1,19 грамм, жами оғирлиги 2,14 грамм бўлган “Гашиш” гиёҳвандлик воситалари ҳукм қонуний кучга кирганидан сўнг йўқ қилинсин. Иш бўйича ашёвий далил деб эътироф этилган видеотасвирлар ёзилган диск жиноят иши ҳужжатлари билан бирга сақлаш учун қолдирилсин. Ҳукм устидан апелляция шикояти ва протестлари ҳукм эълон қилинган кундан эътиборан ўн сутка ичида, маҳкум томонидан эса унга ҳукмнинг кўчирма нусхаси топширилган кундан эътиборан шу муддат ичида ҳукм чиқарган суд орқали Тошкент шаҳар судига берилиши мумкинлиги, агар ҳукм апелляция тартибида кўрилмаган бўлса кассация тартибида қайта кўрилиши мумкинлиги тушунтирилсин. Раислик қилувчи, судья: Д.Турсунов (имзо) Маъсул судья: Турсунов Дилмурод Нормуротович