Решение #107930 Уголовные

ҲУКМ 2024 йил ноябрь ойининг 13 куни, Тошкент шаҳар жиноят ишлари бўйича Чилонзор туман суди, Чилонзор туман МФЙ биносида, очиқ суд мажлисида, туман судининг судьяси Ж.Курбановнинг раислигида, судья ёрдамчиси Х.Махмадиярованинг баённома юритувида, тарафлардан Чилонзор тумани прокурорининг ёрдамчиси Н.Рустамов, судланувчи С.Кудратова ва унинг манфаатларини ҳимоя қилувчи адвокат “Advokat Mira” адвокатлик бюросининг адвокати А.Юлдашевларнинг иштирокида, Кудратова Сакина Рустамовнага нисбатан 1-1006-2409/1018-сонли ишни кўриб чиқди. Иш ҳужжатларига кўра: Кудратова Сакина Рустамовна (Kudratova Sakina Rustamovna) - 1983 йил 9 октябрь куни Тошкент шаҳрида туғилган, миллати ўзбек, Ўзбекистон Республикаси фуқароси, маълумоти ўрта-махсус, оилали, икки нафар фарзанди бор, вақтинча ишсиз, муқаддам судланган; 1) жиноят ишлари бўйича Чилонзор туман судининг 2005 йил 13 октябрдаги ҳукмига кўра, ЖК 277-моддасининг 1-қисми билан 391.750 сўм жазоси тайинланиб, 2005 йил 2 декабрдаги амнистия актига асосан жазодан озод қилинган; 2) жиноят ишлари бўйича Мирзо Улуғбек туман судининг 2008 йил 26 сентябрдаги ҳукмига кўра, ЖК 168-моддаси 2-қисмининг “б” банди, 164моддаси 2-қисмининг “а,б” бандлари билан ЖКнинг 57,59-моддаларига асосан 6 йил 6 ой озодликдан маҳрум қилиш жазоси тайинланиб, 2011 йил 5 декабрдаги амнистия актига асосан жазодан озод қилинган, ЖКнинг 78-моддасига асосан судланганлик ҳолати тугалланган; 3) жиноят ишлари бўйича Янгийўл туман судининг 2017 йил 5 майдаги ажримига кўра, ЖК 168-моддасининг 1қисми билан юритилган жиноят иши тарафларнинг ярашганлиги муносабати билан ЖКнинг 1 66 -моддасига асосан жиноий жавобгарликдан озод қилинган; 4) жиноят ишлари бўйича Жиззах шаҳар судининг 2017 йил 19 сентябрдаги ажримига кўра, ЖК 168-моддасининг 1-қисми билан юритилган жиноят иши тарафларнинг ярашганлиги муносабати билан ЖКнинг 661-моддасига асосан жиноий жавобгарликдан озод қилинган; 5) жиноят ишлари бўйича Жиззах шаҳар судининг 2018 йил 18 майдаги 1 юритилган жиноят иши тарафларнинг ярашганлиги муносабати билан ЖКнинг 1 66 -моддасига асосан жиноий жавобгарликдан озод қилинган; 6) жиноят ишлари бўйича Яшнобод туман судининг 2019 йил 25 апрелдаги ҳукмига кўра, ЖК 169моддаси 3-қисмининг “а” банди билан ЖКнинг 57моддаси қўлланиб, 2 йил 6 ой ахлоқ тузатиш ишлари жазоси тайинланган, ЖКнинг 78-моддасига асосан судланганлик ҳолати тугалланган; 7) жиноят ишлари бўйича Олтиариқ туман судининг 2024 йил 16 июлдаги ажримига кўра, ЖК 169-моддасининг 1қисми билан юритилган жиноят иши тарафларнинг ярашганлиги муносабати билан ЖКнинг 661моддасига асосан жиноий жавобгарликдан озод қилинган; 8) жиноят ишлари бўйича Қўқон шаҳар суднинг 2024 йил 7 августдаги ажримига кўра, ЖК 169-моддасининг 1-қисми билан юритилган жиноят иши тарафларнинг ярашганлиги муносабати билан ЖКнинг 661-моддасига асосан жиноий жавобгарликдан озод қилинган; 9) Тошкент шаҳар жиноят ишлари бўйича Янгихаёт туман судининг 2024 йил 5 сентябрдаги ҳукмига кўра Ўзбекистон Республикаси ЖК 169моддасининг 1-қисми билан ЖКнинг 71-моддасига асосан жазодан озод қилинган, судланмаган шахс ҳисобланади, Тошкент вилояти, Чирчиқ шаҳар, “Хайдар Мақсуд” кўчаси, 100-уйда доимий рўйхатда туриб истиқомат қилувчи, иш бўйича “шахсий кафиллик” тарзидаги эҳтиёт чораси қўлланилган, айблов хулосаси 2024 йил 14 сентябрь куни олган. Ўзбекистон Республикаси ЖК 168-моддасининг 1-қисми ва 169-моддаси 3-қисмининг “а” банди билан айбланган. Суд, судланувчи ва жабрланувчининг кўрсатувларини тинглаб, жиноят иши ҳужжатларини ўрганиб чиқиб ва ишда мавжуд бўлган далилларга баҳо бериб, қуйидагиларни А Н И Қ Л А Д И: Судланувчи С.Кудратова ўзганинг мол-мулкини яширин равишда талон-торож қилиш мақсадида, 2024 йил 26 июль куни соат 13:30 ларда Тошкент шаҳар Чилонзор тумани Қатортол кўчаси, “Қатортол” савдо бозори, F11 савдо дўконидан, фуқаро Асқаржонов Сирожиддин Баходир ўғлига 2 уяли телефон аппаратини қаровсиз қолдирилганлигидан фойдаланиб, яширин равишда олиб, воқеа жойидан яширинган. Бундан ташқари, С.Кудратова алдаш ва ишончини суиистеъмол қилиш йўли билан ўзганинг мулкини қўлга киритиш мақсадида, 2024 йил 08 август куни соат 10:40 ларда, Тошкент шаҳар Чилонзор тумани Кўтарма МФЙ, 10-мавзе 34уйда бўла туриб, шу ерда ишловчи Асқаров Диёрбек Элёр ўғлининг ишончига кириб, ўзида мавжуд бўлган 100 АҚШ доллари миқдоридаги пул маблағларини 2 дона 50 АҚШ долларига алмаштириб беришини сўраб, Д.Э.Асқаров ушбу пулларни алмаштириб бериш мақсадида, кассадан пулларини олиб санаётган вақтида, С.Кудратова пулларни ўзи санаб олишини айтиб, Д.Асқаровни қўлидан пулларни олиб, санаётган вақтида ичидан 200 АҚШ доллари миқдоридаги пулларини олиб қолиб, Д.Э.Асқаровнинг чалғиганлигидан фойдаланиб, жиноят содир этилган жойдан яширинган ва ушбу пулларни ўз эҳтиёжи учун ишлатиб юборган. Ўзбекистон Республикаси Марказий банкининг “cbu.uz” расмий сайтининг маълумотномасига кўра, 08.08.2024 йилдаги 1 АҚШ долларининг сўмга нисбатан қиймати 12640,01 сўмни ташкил қилганлиги, шунга кўра 200 АҚШ доллари 2,528,002 сўмни ташкил қилиши аниқланган. Суд мажлисида судланувчи Кудратова Сакина Рустамовна, айбига иқрор бўлиб, 2024 йил 17 июль куни соат 12:30 ларда Тошкент шаҳар Чилонзор тумани Қатортол кўчасида жойлашган “Қатортол” номли савдо мажмуасига телефон олиш мақсадида келиб, у ерда жойлашган телефон дўконларидан айланиб телефон кўришни бошлаганлиги, шундан сўнг у ушбу манзилда жойлашган дўконларнинг бирига кирганлиги ва ушбу дўкондаги сотувчига “Редми” русумли телефон олмоқчилигини айтганлиги, кейин эса унга у сотувчи унга телефонларни кўрсатганлиги, кейин эса у ушбу телефон аппаратларини кўра бошлаганлигини ва ушбу дўкондан у 3 ёки 4 та телефон аппаратини сотиб олганлиги, шуларнинг ичидан у бир дона телефон аппаратини сотувчи чалғиганлигидан фойдаланиб яширин равишда олиб чиқиб кетганлиги, ушбу телефон аппаратини ўғирлаб олиб чиқиб кетганлиги, кейинчалик ушбу телефон аппаратини ИИО ходимларига қайтариб топширганлиги, у ушбу телефон аппаратни сотиб, пулини қилиниши керак бўлган операциясига ишлатмоқчи бўлганлиги, бундан ташқари 2024 йил 8 август куни соат 11:30 ларда у Тошкент шаҳар Чилонзор туманида жойлашган “Фарход авто қисмлари бозори” га машинаси учун балон сотиб олиш мақсадида келганлиги, 3 юрганлиги ва ушбу манзилда жойлашган битта дўконга кирганлиги, кейин сотувчи Д.Асқаровга балон олишини айтганлиги, шундан сўнг уни қўлида 100 АҚШ долларини иккита 50 АҚШ долларига алмаштириб беришини сўраганлиги, сотувчи Д.Асқаров кассасини қараб 50 АҚШ доллар қилиб бериш мақсадида кассасида мавжуд бўлган пулларни ҳаммасини олганлиги, шундан сўнг у Д.Асқаровни кўлидан пулни ҳаммасини олиб, ушбу пулларни ўзи санаб кўрганлиги, кейин Д.Асқаров бошқа ишга чалғиганлигидан фойдаланиб, қўлида мавжуд бўлган пулларни санаётган вақтида 200 АҚШ долларини фирибгарлик йўли билан қайилтириб олиб, чўнтагига солиб қўйиб дўкондан чиқиб кетганлиги, ҳозирда иккила жабрланувчига етказилган зарарни қоплаб берганлиги сабабли унга енгилроқ жазо тайинлашни сўради. Суд мажлисида жабрланувчи Асқаров Диёрбек Элёр ўғли, Тошкент шаҳар Чилонзор туманида жойлашган “Фарҳод” автоқисмлар бозорида иш бошқарувчиси вазифасида ишлаши, 2024 йил 08 август куни соат 10:30 ларда унга олдиндан таниш бўлмаган С.Кудратова дўконига мижоз сифатида келиб, унга “Каптива” русумли машинасига балон олиш мақсадида келганлигини айтиб, ундан қанақа моделдаги ва неччи размердаги балон кераклигини сўраганлиги, С.Кудратова унга 18 размерли балон керак деб айтганлиги ва у С.Кудратовага “Каптива” русумли автомобилига 18 размерли балонини нархини айтганлиги, шунда С.Кудратова унга 100 АҚШ доллари борлигини, шуни 2 дона 50 АҚШ доллари қилиб беришни сўраганлиги сабабли у кассадан ҳамма долларини олиб санаганлиги, ушбу долларни санаган вақтида жами 1.050 АҚШ доллари бўлганлиги, пулини орасидан бир дона 50 АҚШ доллари борлигини кўрганлиги, шундан сўнг, С.Кудратова шу пайт 1.050 АҚШ доллари пулларини қўлидан тортиб ол санаётган вақтида, у С.Кудратовани қўлидан пулларини олиб қўйганлиги ва унга қўшни дўконлардан сўраб беришини айтганлиги, шундан сўнг С.Кудратова унга “бўлди ука балонларни олиб бергин ҳозир машина келади” деб айтганлиги, кейин у балонни олиш мақсадида омборга тушганлиги ва балонларни тайёрлаб яна хонага кирган вақтида, С.Кудратова хонада йўқлигини билганлиги, шундан сўнг С.Кудратова балонларни олиб кетмаганлигидан шубхаланиб, кассадаги пулларни яна қайтадан санаб кўрганида кассада мавжуд бўлган 1.050 АҚШ долларидан ушбу Сакина исмли шахс қўлидан тортиб олиб санаганидан сўнг ушбу пуллар 850 доллар қолганини кўрганлиги, кейин ўзи ишлайдиган дўконнинг видео кузатув камерасини очиб 4 вақтида 200 АҚШ доллари миқдоридаги пуллари унинг қўлида қолганлигини кўрганлиги, шундан сўнг у ИИБ ходимларига мурожаат қилганлиги, ҳозирда унга етказилган зарар қопланганлиги сабабли судланувчи С.Кудратовага нисбатан даъвоси йўқлигини маълум қилди. Суд тарафларнинг розилиги билан суд мажлисига келмаган жабрланувчини кўрсатувларини ўқиб эшиттирди. Дастлабки тергов вақтида жабрланувчи Асқаржонов Сирожиддин баходир ўғли, Тошкент шаҳар Чилонзор тумани Қатортол кўчасида жойлашган Фасат Ф11 дўконида телефон олиб сотиш билан шуғулланиб келиши, 2024 йил 17 июль куни соат 12:00 ларда унга олдиндан таниш бўлмаган кейинчалик билишича Сакина исмли аёл унинг дўконига мижоз сифатида кириб, ундан 3-4 дона телефон олишини айтганлиги ва у унга ўзида мавжуд бўлган 3-4 хил турдаги телефон аппаратларини столни устига қўйиб, Сакина исмли аёлга кўрсатганлиги, шунда у унинг дўконида йўқ бўлган “Редми ноте 13 про”, “Самсунг А05”, “Смарт 8” ва “Инфиникс” телефон аппаратларини сўраганлиги, шунда унинг дўконида “Инфиникс” русумидаги телефон аппарати йўқлиги сабабли, қўшни дўкондан олиб чиқиб бераман деб айтганлиги, Сакина исмли аёл бунга рози бўлганлиги ва у қўшни дўконга чиқиб кетганлиги, кейин эса у қўшни дўкондан “Инфиникс” русумли телефон аппаратини олиб ўзи ишлайдиган дўконга кирган вақтида унинг дўконига мижоз сифатида келган Сакина исмли аёл йўқлигини билганлиги, шундан сўнг у қўшни дўкондан олиб чиқган “Инҳнфиникс” русумли телефон аппаратини ўзининг дўконига қўйиб юқорида столнинг устига қўйган телефон аппаратини хам олган жойига қўйиш учун олиб жойига қўяётган вақтида, у столнинг устига қўйиб берган телефон аппаратларидан биттаси йўқлигини билганлиги, шундан сўнг ушбу телефон аппаратини топиш мақсадида 102 махсус рақамига қўнғироқ қилганлиги ҳақида кўрсатув берган. Суд, жиноят иши юзасидан тўпланган иш ҳужжатларини текшириб чиқиб, судланувчи ва жабрланувчиларнинг кўрсатувларига Ўзбекистон Республикаси ЖПКнинг 95,112моддалари талаблари бўйича баҳо бериб, суд мажлисида аниқланган ҳолатларни ҳамда тергов материалларини Ўзбекистон Республикаси ЖПКнинг 22-моддаси талаблари асосида синчковлик билан, тўла, ҳар томонлама ва холисона текшириб чиқиб, судланувчи С.Кудратованинг содир этган жинояти терговга қадар текширув даврида олинган ариза ва тушунтириш хатлари, ҳодиса содир бўлган жойни кўздан кечириш баённомаси ва фотоиловалар, судга оид тиббий экспертиза хулосаси, пичоқни олиш ва кўздан кечириш 5 ишидаги бошқа объектив далиллар билан тўлиқ ўз тасдиғини топади деб ҳисоблайди. Суд судланувчи С.Кудратованинг ўзганинг мулкини фирибгарлик йўли билан талон торож қилишда ифодаланган жиноий ҳаракатларини Ўзбекистон Республикаси ЖК 168модданинг 1-қисми билан тўғри квалификация қилинган деб ҳисоблайди. Шу билан бирга дастлабки тергов органи томонидан суд судланувчи С.Кудратовага Ўзбекистон Республикаси ЖК 169моддаси 3-қисмининг “а” банди яъни такроран, ўзганинг мулкини яширин равишда талон-торож қилишда ифодаланган малакаловчи белгилари билан айб эълон қилиб, нотўғри хулосага келган. Дастлабки тергов органи томонидан судланувчи С.Қудратовани такроран жиноят содир этган деб топиб нотўғри хулосага келган. Ушбу Кодекснинг 32-моддасининг 1,2-қисмларида “Ушбу Кодекс Махсус қисмининг айнан бир моддасида, қисмида, Кодексда алоҳида кўрсатилган ҳолларда эса, турли моддаларида назарда тутилган икки ёки бир неча жиноятни шахс турли вақтларда содир этган, аммо уларнинг бирортаси учун ҳам судланган бўлмаса, такроран жиноят содир этиш деб топилади. Тамом бўлган жиноят ҳам, жазога сазовор бўлган жиноятга тайёргарлик кўриш ёки жиноят содир этишга суиқасд қилиш ҳам, шунингдек иштирокчиликда жиноят содир этиш ҳам такроран жиноят содир этиш деб топилади. Агар шахс илгари содир этган қилмиши учун жавобгарликдан ёки жазодан озод қилинган бўлса, жиноят такрор содир этилган деб топилмайди. Мазкур Кодекс 77-моддасининг 2-қисмига кўра, “Жазо тайинланган айблов ҳукми қонуний кучга кирган кундан бошлаб шахс судланган деб ҳисобланади. Суд томонидан жазодан озод қилинган шахс судланмаган деб ҳисобланади” деб кўрсатилган. Жиноят иши ҳужжатларига кўра, С.Кудратова муқаддам содир этган ўғрилик жинояти бўйича жиноят ишлари бўйича Янгихаёт туман судининг 2024 йил 5 сентябрдаги ҳукми билан Ўзбекистон Республикаси ЖК 169-моддасининг 1-қисмида назарда тутилган жиноятни содир этганликда айбдор деб топилиб, ЖКнинг 71-моддасига асосан жазодан озод қилинганидан сўнг яъни С.Кудратова суднинг ҳукми билан жазодан озод этилиб, у судланмаган шахс ҳисобланган вақтида унга нисбатан Ўзбекистон Республикаси ЖК 169моддаси 3-қисмининг “а” банди билан айб эълон қилиб, 6 27 сентябрь куни тасдиқланиб, жиноят иши судга юборилган. Юқоридагиларни эътиборга олиб, судланувчи С.Кудратовани жиноий ҳаракатини Ўзбекистон Республикаси ЖК 169-моддаси 3-қисмининг “а” бандидан шу Кодекснинг 169-моддасининг 1-қисмига яъни ўзганинг мулкини яширин равишда талон-торож қилишда ифодаланган малакаловчи белгиларига қайта квалификация қилишни лозим деб топади. Суд, Л.Кудратовага нисбатан жазо тури ва миқдорини тайинлашда, ҳаракатларида Ўзбекистон Республикаси ЖКнинг 56-моддасида назарда тутилган жазони оғирлаштирувчи ҳолатлар мавжуд эмаслигини инобатга олиб, айбига тўлиқ иқрор бўлиб, қилмишидан чин кўнгилдан пушаймонлиги Ўзбекистон Республикаси ЖКнинг 55моддасига асосан жазони енгиллаштирувчи ҳолатлар деб баҳолаб, содир этилган жиноятнинг ижтимоий хавфлилик даражасини жиддий камайтирувчи ҳолатлар деб топиб, ЖК 169-моддасининг 1-қисми билан озодликни чеклаш жазосини ва 168-моддасининг 1-қисми билан ахлоқ тузатиш ишлари жазоси тайинлашни, ЖКнинг 59 ва 61-моддаларига асосан тайинланган жазоларни қисман қўшиш йўли билан узил кесил озодликни чеклаш жазосини тайинлашни тайинлашни лозим топади. Суд мазкур жиноят иши юзасидан далилий ашё сифатида топилган 1 дона ДВД дискни жиноят ишида сақлаш учун қолдиришни лозим деб топади. Бундан ташқари, судланувчи томонидан етказилган моддий зарарни тўлиқ қопланиб, жабрланувчи Д.Асқаров ва С.Асқаржоновларни унга нисбатан эътирози йўқлигини инобатга олишни лозим деб топади. Ўзбекистон Республикаси ЖПКнинг 454-457, 460, 463, 465-468, 471-473-моддаларига риоя қилиб суд ҲУКМ Қ И Л А Д И: Судланувчи Кудратова Сакина Рустамовна (Kudratova Sakina Rustamovna) Ўзбекистон Республикаси ЖК 168моддасининг 1-қисми ва 169-моддасининг 1-қисмида назарда тутилган жиноятларни содир этганликда айбли деб топилсин. Судланувчи Кудратова Сакина Рустамовна Ўзбекистон Республикаси ЖК 168-моддасининг 1-қисми билан ойлик иш ҳақининг 10 фоизини давлат даромадига ушлаб қолиш шарти билан 1 (бир) йил муддатга ахлоқ тузатиш ишлари жазоси, ЖК 169-моддасининг 1-қисми билан 1 (бир) йил муддатга озодликни чеклаш жазоси тайинлансин. 7 асосан тайинланган жазоларни қисман қўшиш йўли билан судланувчи С.Кудратовага узил-кесил 1 (бир) йил 1 (бир) ой муддатга озодликни чеклаш жазоси тайинлансин. Жазо ижросини таъминлаш, С.Кудратованинг яшаш жойи бўйича Тошкент вилояти Чирчиқ шаҳар ИИО ФМБ Пробация бўлими зиммасига юклатилсин. Озодликни чеклаш муддати С.Кудратова жазоларни ижро этиш инспекцияларида ҳисобга қўйилган кундан бошлаб ҳисоблансин. Ўзбекистон Республикаси ЖКнинг 481-моддасига асосан С.Кудратовага соғлиғини тиклаш ёки иш жойига бориш ва уйга қайтиб келишдан ташқари уй-жойидан чиқиш чеклансин ва унга қўшимча; -ҳар ойда бир маротаба яшаш жойи бўйича ИИО ФМБ Пробация бўлимидан рўйхатдан ўтиб туриш; -маҳкумларни назорат қилувчи органнинг розилигисиз яшаш жойини ўзгартирмаслик каби тақиқлар юклансин. Судланувчи С.Кудратовага жазони ўташ даврида, унга белгиланган чеклашларни бузган тақдирда, Ўзбекистон Республикаси ЖК 481-моддасининг 6-қисмида кўрсатилган оқибатлар юзага келиши мумкинлиги тушунтирилсин. С.Кудратовага нисбатан қўлланилган “муносиб ҳулқатворда бўлиш ҳақида тилхат” тарзидаги эҳтиёт чораси ҳукм қонуний кучга киргандан сўнг бекор қилинсин. Далилий ашё икки дона ДВД диск жиноят ишида сақлаш учун қолдирилсин. Ҳукмдан норози тарафлар ҳукм эълон қилинган кундан эътиборан ўн сутка ичида, маҳкум ва жабрланувчи ҳукм нусхасини олган кундан эътиборан шу муддат ичида, апелляция тартибида Тошкент шаҳар суди жиноят ишлари бўйича апелляция инстанциясига шикоят бериши ёки протест билдириши, ҳукм қонуний кучга киргандан сўнг кассация тартибида кассация инстанциясига шикоят бериши ёки протест билдириши мумкин. Раислик қилувчи судья: Ж.Курбанов 8 9