Решение #111786 Уголовные

ҲУКМ 2024 йил октябрь ойининг 28 куни, Тошкент шаҳар жиноят ишлари бўйича Чилонзор туман суди, суд биносида, очиқ суд мажлисида, раислик қилувчи, судья Д.Турсунов, судья ёрдамчиси Э.Хайриддиновнинг котиблигида, тарафлардан давлат айбловчиси – Чилонзор туман прокурорининг ёрдамчиси Н.Рустамов, судланувчи Р.Каримова ва унинг ҳимоячиси “SHIROZA-HIMOYA” адвокатлик фирмасининг адвокати Ш.Юльчиеванинг иштирокида, Каримова Раъно Шавкат қизига нисбатан 1-1006-2407/708-сонли жиноят ишини кўриб чиқди. Иш ҳужжатларига кўра: Каримова (Ғофурова) Раъно Шавкат қизи (KARIMOVA (G`OFUROVA) RA’NO SHAVKAT QIZI), 1997 йил 5 декабрда Сирдарё вилоятида туғилган, миллати ўзбек, Ўзбекистон Республикаси фуқароси, маълумоти ўрта, муқаддам судланмаган, оилали, бир нафар фарзанди бор, вақтинча ишсиз, Сирдарё вилояти, Ховос тумани, Сохибкор ҚФЙ, Файзобод МФЙ, А.Навоий кўчаси, 3-уйда яшайди, 2024 йил 28 февраль Ўзбекистон Республикаси ЖПКнинг 227-моддаси тартибида ушланиб, 2024 йил 1 мартда озод қилинган, иш бўйича “муносиб хулқ-атворда бўлиш ҳақидаги тилхат” эҳтиёт чораси қўлланилган, айблов хулосаси нусхасини муддатида олган, Ўзбекистон Республикаси ЖКнинг 168-моддаси 2-қисми “б” банди ва 168-моддаси 3-қисми “б” банди билан айбланган. Суд, судланувчининг кўрсатувларини тинглаб, жиноят иши ҳужжатларини ўрганиб чиқиб ва ишдаги мавжуд бўлган далилларга баҳо бериб, қуйидагиларни АНИҚЛАДИ: Судланувчи Р.Каримова танишлари Ш.Облоқулов ва Д.Жўрақуловлар (жиноят ишлари бўйича Чилонзор туман судининг 2024 йил 30 июлдаги ҳукмига кўра Ўзбекистон Республикаси ЖКнинг 168-моддаси 3-қисми “б” банди билан судланишган) билан олдиндан жиноий тил бириктириб, Н.Нуритдинова томонидан 10.01.2024 йилдаги ижара шартномасига асосан олинган Тошкент шаҳри, Чилонзор тумани, 17-мавзе, 32-уйнинг кунга ижарага олишиб, хонадоннинг ойлик ижарага берилиши тўғрисидаги эълонни ОЛХ сайтига жойлаштириб, мазкур эълон орқали уларга мурожаат қилган Раимжонова Муяссархон Ибрагимовнага ойига 400 АҚШ долларига ижарага беришларини айтиб алдашиб, 11.01.2024 йилда хонадоннинг ичида ундан ушбу хонадон учун 300 АҚШ доллари (Марказий банкнинг 11.01.2024 йилдаги маълумотномасига кўра, 1 АҚШ доллари 12.418,03 сўмга, 300 АҚШ доллари 3.725.409 сўмга тенг бўлган) миқдоридаги пулларни олиб, пулларни ўзларининг шахсий эҳтиёжлари учун сарфлаб юборишган. Бундан ташқари Р.Каримова, Ш.Облоқулов ва Д.Жўрақуловлар ўзларининг жиноий ҳаракатларини давом эттириб, такроран, олдиндан жиноий тил бириктириб, Нуритдинова Наргиза Зафаровна томонидан 10.01.2024 йилдаги ижара шартномасига асосан олинган Тошкент шаҳри, Чилонзор тумани, 17-мавзе, 32-уйнинг 26-хонадонини Н.Нуритдиновадан 500.000 сўм эвазига икки кунга ижарага олишиб, хонадоннинг ойлик ижарага берилиши тўғрисидаги эълонни ОЛХ сайтига жойлаштириб, мазкур эълон орқали уларга мурожаат қилган Тошпўлатов Бобиржон Нодирбек ўғлига ойига 400 АҚШ долларига ижарага беришларини айтиб алдашиб, 11.01.2024 йилда хонадоннинг ичида ундан ушбу хонадон учун 400 АҚШ доллари (Марказий банкнинг 11.01.2024 йилдаги маълумотномасига кўра, 1 АҚШ доллари 12.418,03 сўмга, 400 АҚШ доллари 4.967.212 сўмга тенг бўлган) миқдоридаги пулларни олиб, пулларни ўзларининг шахсий эҳтиёжлари учун сарфлаб юборишган. Судланувчи Р.Каримова суд мажлисида айбига тўлиқ иқрорлигини билдириб, 2024 йил 09 январь куни шахсий эхтиёжларига пул керак бўлганлиги сабабли Даврон Жўрақулов исмли танишидан 6.000.000 сўм миқдорида қарз сўраганганлиги, Даврон унга ўзида ҳам пул йўқлигини, бирор кишидан оламиз деганлиги, эртаси куни Даврон билан Сирдарё вилояти Янгиер шаҳрида учрашганлиги, у Тошкент шаҳрига бориши керак бўлганлиги, Даврон ўзига тегишли бўлган оқ рангли давлат рақами 20 J 160 FA бўлган Нексия 3 русумли автомашинасида СирдарёТошкент йўналишида йўловчиларни ташиши, Даврон исмли танишининг автомашинасида унга олдиндан таниш бўлган Шахзод исмли бола бўлганлиги, у, Даврон ҳамда Шахзод Сирдарё вилояти Янгиер шаҳридан Тошкент шаҳрига бориш мақсадида йўлга чиқишганлиги, йўлда кетаётганларида унга пул жуда зарурлигини айтганлиги, Шахзод Тошкент шаҳридан кунликка ижарага уй олиб, ойликка сотса бўлади деганлиги, унга бунақа ишларга тушунмаслигини айтганлиги, шунда қилиб беришини, аммо бирор ҳодиса содир бўлса ўзинг жавоб берасан деганлиги, улар шу куни соат тахминан 17:00ларда Тошкент шаҳар Чилонзор туманида жойлашган “Олмазор” метро бекатига келишганлиги, йўлда келгунларича Шахзод бола телеграмдаги “кунлик ишчи” группасига “кунлик ишчи керак” деб эълон берганлиги, Чилонзор туманида жойлашган “Олмазор” метро бекатида у Шахзодга 250.000 сўм миқдоридаги пулларни берганлиги, Шахзод бу пуллар эвазига бир дона иккита симкарта ўрнатиладиган оддий телефон аппаратини сотиб олганлиги, шу вақтда бир бола Шахзоднинг телеграм ижтимоий тармоғига “кунликка ишчи керак деган экансиз нима иш бор” деб ёзганлиги, шундан сўнг Шахзод телеграм ижтимоий тармоғи орқали нотаниш болага икки дона симкарта олиб берса эвазига 200.000 сўм миқдорида пул беришлигини, ушбу симкарталарни Хитойлик меҳмонларга беришини айтганлиги, нотаниш бола “нимага ўзизни номингизга симкарта олмаяпсиз” деганлиги, Шахзод унга ўзини номида бир нечта симкарталар олинганлигини айтиб, “2-3 кундан сўнг ушбу симкарталарни ўчириб ташласангиз ҳам бўлади” деганлиги, нотаниш бола рози бўлганлиги, улар Олмазор тумани, Шифокорлар кўчасида кўришадиган бўлишганликлари, соат тахминан 20:20ларда келишилган манзилга борганликлари, у Шахзод телеграм ижтимоий тармоғи орқали гаплашган бола билан кўришганлиги, ундан икки дона симкарталарни олганлиги, симкарталар эвазига берилиши керак бўлган 200.000 сўм миқдоридаги пулларни берганлиги, шу куни кеч бўлиб қолганлиги сабабли улар Сирдарё вилояти Янгиер шаҳрига қайтганликлари, Янгиер шаҳридаги автостанциясида унга олдиндан таниш бўлган Дилшод исмли бола билан кўришганликлари, бироз гаплашиб турганларидан сўнг Даврон автомашинасини уйига қолдириб келиш учун кетганлиги, шунда у Шахзод билан Дилшодни автомашинасига ўтганлиги, Даврон автомашинасини уйига қолдириб келганлиги, шу куни соат тахминан 02:20ларгача Дилшодни автомашинасида гаплашиб ўтирганликлари, шу куни уйга бормасдан Дилшоднинг автомашинасида у, Даврон, Шахзод ҳамда Дилшод Тошкент шаҳрига келганликлари, Тошкент шаҳрига келганларида Шахзод ОЛХ платформасидан кунликка ижарага берадиган уйларни қидирганлиги, 2024 йил 11 январь куни кунлик ижарага уй излаб Тошкент шаҳрини айланиб юрганликлари, шу куни соат тахминан 17:30ларда Шахзод кунлик 400.000 сўм эвазига уй топганлиги, кириб гаплашиб уйни олиш керак деганлиги, шундан сўнг Даврон “мен кириб калитни олиб чиқаман” деганлиги, у Давронга 500.000 сўм Чилонзор тумани, 17-мавзе, 32-уй, 26-хонадонини олдига борганларида Даврон машинадан тушиб, 26-хонадонга кириб кетганлиги, орадан 30 дақиқалар ўтиб, Даврон 26-хонадондан уйни калитини олиб чиққанлиги, шундан сўнг улар уйни калитини яна иккитага кўпайтирганликлари, Чилонзор тумани, 17-мавзе, 32-уй 26-хонадонига қайтиб келганликлари, бу орада Шахзод ОЛХ платформасига ижарага уй бор ойига 400 АҚШ доллари деб эълон берганликлари, сўнг 26-хонадонга у кирганлиги, у кирганидан сўнг унга олдиндан нотаниш бўлган бир аёл киши келганлиги, уйни кўриб маъқул бўлганлигини айтиб, 300 АҚШ доллари миқдоридаги пулларни берганлиги, “эртага тушликда келганимда 100 АҚШ долларини бераман” деб чиқиб кетганлиги, орадан тахминан бир соатлар ўтганидан сўнг унга олдиндан нотаниш бўлган бир бола келганлиги, у болага уй маъқул бўлганлигини айтиб 400 АҚШ доллари миқдоридаги пулларни берганлиги, унга уйни калитларидан биттасини берганлиги, уйдан чиқиб жойлашган адресини Давронга жўнатганлиги, бироз вақт ўтиб улар келишганлиги, у машинага ўтирганлиги, улар Сирдарё вилояти Янгиер шаҳрига борганликлари, Янгиер шаҳрига борганларида у 500 АҚШ долларини ўзига олиб қолганлиги, қолган 200 АҚШ долларини Давронга берганлиги, Даврон билан Шаҳзод 200 АҚШ доллари миқдоридаги пулларни банкоматдан сўмга алмаштириб олганликлари, Дилшодга 350.000 сўм миқдоридаги пулларни йўлкира эвазига берганликлари, қолган пулларни Даврон ҳамда Шахзод бўлишиб олишганликлари, шундан сўнг у уйига кетганлиги ҳақида кўрсатув бериб, ҳозирда содир қилган ҳаракатлари оқибатларини тушуниб етиб ва бундан пушаймонлигини, саккиз ойлик хомиласи борлигини, яқинда она бўлишини инобатга олиб, суддан унга енгиллик беришни сўради. Судланувчи Р.Каримова суд мажлисида ўз айбига тўлиқ иқорор бўлган бўлса-да, унинг айби қўйидагилар билан, яъни: тарафларнинг розилиги билан суд мажлисида кўрсатувлари ўқиб эшиттирилиб, текширилган мазкур жиноят иши бўйича судланган Ш.Облоқулов олдинги суд мажлисида айбига тўлиқ иқрорлигини билдириб, 2024 йил 10 январь куни Сирдарё вилояти Янгиер шаҳрида юрган вақтида Даврон унга қўнғироқ қилганлиги, Раъно исмли танишига пул кераклигини, Тошкент шаҳрига бориб кунликка уй олиб, ойликка сотамизми деганлиги, у Давронга Янгиер шаҳридаги автотураргоҳга келинглар, шу ерда кўришамиз деганлиги, бироздан сўнг Давронга тегишли бўлган оқ рангли, давлат рақами 20 J 160 FA бўлган Нехиа-3 русумли автомашинасида унга олдиндан таниш сотишни келишиб олишганлиги, шу куни Чилонзор туманида жойлашган “Олмазор метро бекати”нинг олдига келишганлиги, Раъно унга 200.000 сўм миқдорида пул берганлиги, у 170.000 сўм эвазига иккита симкартали телефон аппарати сотиб олганлиги, шундан сўнг у телеграм ижтимоий тармоғидаги “ишчи” группасига кириб, унга олдиндан нотаниш бўлган болага соатлик иш бор, Хитойлик меҳмонлар учун симкарта керак деб ёзганлиги, нотаниш бола нечта симкарта керак, эвазига неча пул берасиз деганлиги, у унга 200.000 сўм пул бераман деганлиги, у бола рози бўлганлиги, орадан 30 дақиқалар ўтиб нотаниш бола тергов харакати давомида унга аниқ бўлишича Хумоюн жойлашган манзилини телеграм ижтимоий тармоғи орқали унга ташлаб берганлиги, улар Хумоюн билан Олмазор тумани Шифокорлар кўчаси-2да кўришишга келишганликлари, юқорида кўрсатилган манзилга борганликлари, у Раънога Хумоюн билан учрашиб симкартани олиб келгин деганлиги, сўнг Раъно автомашинадан тушиб, орадан 15-20 дақиқалар ўтиб икки дона симкарта, яъни +998941311236 ва +998900511236 рақамларини олиб келганлиги, у симкарталарни сотиб олган телефонига қўйганлиги, ОЛХ платформаси орқали топган уйларнинг эгаларига қўнғироқ қилганида ҳеч ким кўтармаганлиги, шу куни кеч бўлиб қолганлиги сабабли, Сирдарё вилояти Янгиер шаҳрига қайтиб кетганлиги, Янгиер шаҳрига борганида унга олдиндан таниш бўлган Дилшод исмли бола билан кўришганлиги, шундан сўнг Даврон автомашинасини уйига қолдириб келиш мақсадида уйига кетганлиги, у ҳамда Раъно Дилшоднинг автомашинасига ўтириб, Давроннинг келишини кутганлиги, орадан 30 дақиқалар ўтиб Дилшоднинг автомашинасида бориб, Давронни уйидан олганликлари ва Раънони уйига олиб бориб қўйиш мақсадида Янгиер шаҳридаги Фарҳод-5 маҳалласи томонга юрганликлари, Раънонинг уйига етмасдан, йўлда Тошкент шаҳрига эртароқ бориш мақсадида, орқага қайтиб Тошкент шаҳрига томон Дилшоднинг автомашинасида йўлга чиққанликлари, 2024 йил 11 январь куни соат тахминан 08:00ларда Тошкент шаҳрига етиб келганликлари, шундан сўнг, у ОЛХ платформасидан уй топиб телефонда гаплашганлиги, Чилонзор тумани, 17-мавзе, 32-уй, 26-хонадон маъқул бўлганлиги, уй эгалари билан бир кун эвазига ижара ҳақини 400.000 сўмга келишганлиги, соат 14:00ларда улар айтилган манзилга борганларида Даврон Раънога мен уйни калитини олиб чиқаман, сен ойликка ижарага сотасан деганлиги ва Раънодан 500.000 сўм миқдоридаги пулларни олиб, 26-хонадонга кириб кетганлиги, чиққанлиги, шундан сўнг у ОЛХ платформасига ижарага уй бор деб эълон жойлаштирганлиги, бироз вақт ўтиб унга олдиндан нотаниш бўлган бир бола телефон қилиб, уй кераклигини айтганлиги, у нотаниш болага телеграм ижтимоий тармоғи орқали уйнинг жойлашув манзилини ташлаб берганлиги, шу пайт уйга Раъно кириб ўтирганлиги, унга телефон қилган бола келиб уйни кўрганлиги, менга маъқул бўлди, бир соатларда пулини олиб келаман деганлиги, орадан 15 дақиқалар ўтиб унга олдиндан нотаниш бўлган бир аёл киши телефон қилиб, уй кераклигини айтганлиги, унга 30 дақиқалардан сўнг, синглим бориб, уйни кўрсатади деганлиги, 30 дақиқа ўтганидан сўнг унга қўнғироқ қилган аёл киши келганлиги, уйни кўрганлиги, уй унга маъқул бўлганлигини айтиб, 300 АҚШ доллари миқдоридаги пулларни Р.Ғафуровага бериб эртага қизларим билан келамиз деб кетганлиги, нотаниш аёл киши кетганидан сўнг 10 дақиқалар ўтиб, бир соатларда келаман деган бола келганлиги, 400 АҚШ доллари миқдоридаги пулларни Раънога бериб уйнинг калитини олиб уйда қолганлиги, Раъно уйдан чиқиб унга телеграм ижтимоий тармоғи орқали жойлашув манзилини жўнатганлиги, улар автомашинада бориб Раънони олганликлари, шундан сўнг, Сирдарё вилояти Янгиер шаҳрига кетганликлари, Раънони уйига олиб бориб қўйганлиги, шундан сўнг, уйга кетганлиги, ҳозирда содир қилган ҳаракатлари оқибатларини тушуниб етиб ва бундан пушаймонлигини инобатга олиб, суддан унга енгиллик беришни сўраб берган кўрсатувлари; тарафларнинг розилиги билан суд мажлисида кўрсатувлари ўқиб эшиттирилиб, текширилган мазкур жиноят иши бўйича судланган Д.Жўрақулов суд олдинги мажлисида айбига тўлиқ иқрорлигини билдириб, 2024 йил 09 январь куни Раъно ундан 6.000.000 сўм миқдорида қарз бериб туришини сўраганлиги, унга пули йўқлигини, бирор бир кишидан топиб беришини айтганлиги, эртаси куни Раъно билан Сирдарё вилояти Янгиер шаҳрида учрашганлиги, ўзига тегишли бўлган оқ рангли давлат рақами 20 J 160 FA Нехиа 3 русумли автомашинасида Сирдарё-Тошкент йўналишида йўловчиларни ташиши, шу куни уни олдига олдиндан таниш бўлган Шахзод келганлиги, у, Шахзод ҳамда Раъно Сирдарё вилояти Янгиер шаҳридан Тошкент шаҳрига бориш мақсадида йўлга чиқишганлиги, йўлда кетаётганларида Шахзод Тошкент шаҳридан кунликка ижарага уй олиб, ойликка сотса бўлади деганлиги, улар шу куни соат тахминан 17:00ларда Тошкент шаҳар Чилонзор туманида жойлашган “Олмазор метро” бекатига келганликлари, йўлда келгунларича Шахзод телеграмдаги “кунлик ишчи” группасига “кунлик ишчи керак” деб эълон берганлиги, Чилонзор Шахзодга 250.000 сўм миқдоридаги пул берганлиги, Шахзод ушбу пуллар эвазига бир дона иккита симкарта ўрнатиладиган телефон аппаратини сотиб олганлиги, шу вақтда бир бола Шахзоднинг телеграм ижтимоий тармоғига “кунликка ишчи керак деган экансиз нима иш бор” деб ёзганлиги, шундан сўнг Шахзод телеграм ижтимоий тармоғи орқали нотаниш болага икки дона симкарта олиб берса эвазига 200.000 сўм миқдорида пул беришлигини, ушбу симкарталарни Хитойлик меҳмонларга беришини айтганлиги, нотаниш бола рози бўлганлиги, улар Олмазор тумани, Шифокорлар кўчаси-2 да кўришадиган бўлганликлари, соат тахминан 20:20ларда келишилган манзилга борганликлари, Раъно Шахзод телеграм ижтимоий тармоғи орқали гаплашган бола билан кўришиб симкарталарни олиб келиш учун машинадан тушиб кетганлиги, бироздан сўнг Раъно икки дона симкарталарни олиб келганлиги, шу куни кеч бўлиб қолганлиги сабабли улар Сирдарё вилояти Янгиер шаҳрига қайтганликлари, Янгиер шаҳридаги автостанциясида унга олдиндан таниш бўлган Дилшод исмли бола билан кўришганликлари, бироз гаплашиб туришганидан сўнг у автомашинани уйга қолдириб келиш учун кетганлиги, у автомашинани уйга қолдириб келганлиги, шу куни соат тахминан 02:20ларгача Дилшодни автомашинасида гаплашиб ўтирганликлари, шу куни уйга бормасдан Дилшоднинг автомашинасида у, Раъно, Шахзод ҳамда Дилшод Тошкент шаҳрига келганликлари, Тошкент шаҳрига келганларида Шахзод ОЛХ платформасидан кунликка ижарага берадиган уйларни қидирганлиги, 2024 йил 11 январь куни кунлик ижарага уй излаб Тошкент шаҳрини айланиб юрганликлари, шу куни соат тахминан 17:30ларда Шахзод кунлик 400.000 сўм эвазига уй топганлиги, шундан сўнг у кириб калитни олиб чиқаман деганлиги, унга Раъно 500.000 сўм миқдорида пул берганлиги, улар Тошкент шаҳри, Чилонзор тумани, 17-мавзе, 32-уй, 26 хонадон олдига борганларида у автомашинадан тушиб, 26-хонадонга кирганлиги, 26-хонадонда унга олдиндан нотаниш бўлган бир эркак билан бир аёл киши бўлганлиги, улар билан Шахзод телефонда гаплашганлиги, икки кунлик ижара учун 500.000 сўм миқдоридаги пулларни берганлиги, уйни калитини олганлиги, уйни эгалари чиқиб кетгандан сўнг у уйни эшигини қулфлаб, уйдан чиқиб автомашинага борганлиги, шундан сўнг улар уйни калитини яна иккитага кўпайтириб Чилонзор тумани, 17-мавзе, 32-уй, 26-хонадонга қайтиб келганликлари, бу орада Шахзод ОЛХ платформасига ижарага уй бор ойига 400 АҚШ доллари деб эълон берганлиги, 26-хонадонга Раъно кирганлиги, улар автомашинага ўтириб сал нарироққа гаплашиб турганлиги, орадан 2-3 соат вақт ўтиб Раъно келганлиги ва бир мижоздан 300 АҚШ доллари, иккинчи мижоздан эса 400 АҚШ доллари олган бўлганлиги, шундан сўнг улар Сирдарё вилояти Янгиер шаҳрига борганликлари, Янгиер шаҳрига борганларида, Раъно 500 АҚШ долларини ўзига олиб қолганлиги, қолган 200 АҚШ долларини унга берганлиги, у эса Шахзодга бериб банкоматдан 200 АҚШ долларини сўмга алмаштириб чиқ деганлиги, Шахзод автомашинадан тушиб пулларни алмаштириб чиққанлиги, Шахзод алмаштириб чиққан пуллардан Дилшодга 350.000 сўм миқдоридаги пулларни йўлкира эвазига берганлиги, қолган пулларни Шахзод билан бўлишиб олганликлари, шундан сўнг у уйига кетганлиги, ҳозирда содир қилган ҳаракатлари оқибатларини тушуниб етиб ва бундан пушаймонлигини инобатга олиб, суддан унга енгиллик беришни сўраб берган кўрсатувлари; тарафларнинг розилиги билан суд мажлисида кўрсатувлари ўқиб эшиттирилиб, текширилган жабрланувчи Б.Тошпўлатов мазкур иш бўйича олдинги суд мажлисида, 2024 йил 11 январь куни соат тахминан 11:30ларда “ОЛХ” платформасига кириб ижарага уй кидирганлиги, Чилoнзоp тумани, 17-мaвзе, 32-yй, 26-хонадон унга маъқул бўлганлиги, ушбу хонадоннинг ижара ҳақи бир ойга 400 АҚШ доллари бўлганлиги, у “ОЛХ” платформасида кўрсaтилган +998900511236 рақамига қўнғироқ қилганлиги, эълон бўйича тeлeфoн қиляпман, уйни кўрсам бўладими деб сўраганлиги, телефонга жавоб берган шахс кечроқ кўрсатаман деганлиги, шу куни соат тахминан 18:00лapдa +998900511236 рақамига қўнғироқ қилганлиги, локация ташлаб берсангиз бораман деганида у уйнинг жойлашув манзилини ташлаб берганлиги, у кўрсатилган манзилга Чилонзор тумани, 17-мавзе, 32-уй, 26-хонадоннинг олдига борганлиги, унга нотаниш бўлган шахс 30 дақиқада бораман деганлиги, орадан 30 дақиқа ўтиб такроран телефон қилганлиги, нотаниш шахс озгина ишларим чиқиб қолди, уйни кириб кўринг, уйда синглим бор деганлиги, у 26-хонадоннинг эшигини таққиллатгaнида нотаниш бир аёл киши эшигини очганлиги, у кириб хонадонни кўрганлиги, аёл менга бугун 200 АҚШ доллари миқдоpида пулларни гаров эвазига қолдириб кетинг, эртага кўчиб ўтасиз деганлиги, у хонадонда бўлган аёлга 400 AKШ доллари миқдоридаги пулларни берганлиги, шу куни илгари турган квартирасидан нарcаларини олиб келиб жойлашганлиги, эртаси куни эрталаб соат тахминан 08:00ларда кўча эшигини унга олдиндан нотаниш бўлган учта эркак киши очиб ичкарига кирмоқчи бўлганлиги, улардан нотаниш шахслардан бири унга кеча биз ушбу хонадонга ижарага тyриш эвaзигa 300 AҚШ доллари миқдоридаги пулларни бериб кетганмиз деганлиги, у уларга 400 АҚШ доллари эвазига жойлашганлигини айтганлиги, шундан сўнг у 102 ишонч рақамига қўнғироқ қилиб бўлган воқеа ҳақида хабар берганлиги, депозит ҳисоб рақамига топширилган пулларни унинг фойдасига ундириб беришни сўраб берган кўрсатувлари; тарафларнинг розилиги билан суд мажлисида кўрсатувлари ўқиб эшиттирилиб, текширилган жабрланувчи М.Раимжонова дастлабки тергов даврида, у 2024 йил 11 январь куни ўғли ҳамда қайниоғаси билан Наманган вилоятидан Тошкент шаҳрига қизига квартира топиб бериш мақсадида келганлиги, улар Чилонзор туманида жойлашган Ҳамза метросининг олдида ўғлининг ўртоғи унга олдиндан таниш бўлган Темурмалик билан кўришганлиги, у билан биргаликда бир нечта квартираларни кўриб чиққанлиги, аммо бирортаси ҳам маъқул бўлмаганлиги, шу куни соат тахминан 20:50ларда қизи ва унинг ўртоқлари “Олх” платформасидан вақтинчалик ижарага бериладиган квартира топганлигини айтганлиги, квартира эгасининг номери деб +998900511236 рақамини берганлиги, Темурмалик ўзига тегишли бўлган телефон аппарати орқали ушбу рақамга қўнғироқ қилиб гаплашганлиги, Темурмалик гаплашганида уйда синглим бор, аёл киши бориб кўрса бўлади дегани учун у Темурмалик билан кўрсатилган манзилга борганлиги, улар Чилонзор тумани, 17-мавзе, 32уйнинг олдига борганларидан сўнг Темурмалик кўчада қолганлиги, у Чилонзор тумани, 17-мавзе, 32-уй 26-хонадонини эшигини таққилатганида унга олдиндан нотаниш бўлган бир 20-25 ёшлар атрофидаги қиз очганлиги, у ичкарига кириб уйни кўрганлиги, уй унга маъқул бўлганлиги, шундан сўнг қизига видеодан қўнғироқ қилиб, уйни кўрсатганлиги, уларга ҳам уй маъқул бўлганлиги, шундан сўнг келишилган 400 АҚШ доллари миқдоридаги пуллардан 300 АҚШ долларини берганлиги, қолган 100 АҚШ долларини эртага қизлар нарсаларини олиб келишганида беришини айтиб, пулларни нотаниш қизга берганлиги, уйдан кўчага чиққанида унга олдиндан нотаниш бўлган бир бола кейинчалик тергов ҳаракати давомида аниқ бўлган Б.Тошпўлатов ўтирганлиги, Б.Тошпўлатов уни олдига келиб, хола сиз ҳам 26-хонадонни кўришга келдингизларми деганида у ҳа деб жавоб берганлиги, шундан сўнг Б.Тошпўлатов телефонда гаплашиб кетиб қолганлиги, уни қизи вақтинчалик истиқомат қиладиган уйга олиб бориб қўйишганлиги, қайниоғаси ҳамда ўғли Темурмаликни уйига кетишганлиги, 2024 йил 12 январь куни эрталаб соат тахминан 09:00ларда ўғли унга телефон қилганлиги, у “квартирани эгаси алдаб кетишибди” деб хабар берганлиги ҳақида кўрсатувлари билан исботланган деб ҳисоблайди. Бундан ташқари суд, судланувчи Р.Каримованинг жиноят содир этишдаги айби, ўзининг айбига тўлиқ иқрор бўлиб берган кўрсатувидан ташқари, тарафларнинг розилиги билан суд мажлисида кўрсатувлари ўқиб эшиттирилиб, текширилган гувоҳлар Д.Тошев, Ш.Нуритдинов, Н.Нуритдинова, Т.Ғанижонов ва Х.Аслиевларнинг дастлабки терговда берган кўрсатувлари, жиноят ишлари бўйича Чилонзор туман судининг 2024 йил 30 июлдаги ҳукми, ушбу ҳукмда кўрсатилган далиллар ҳамда жиноят иши бўйича барча тўпланган, текширилган, ишга алоқадорлиги, мақбуллиги ва ишончлилиги нуқтаи назаридан баҳоланган бошқа далиллар мажмуи билан тўлиқ исботланган деб ҳисоблайди. Суд, судланувчилар Р.Каримованинг ҳаракатларига ҳуқуқий баҳо бериб, дастлабки тергов органи томонидан унинг танишлари Ш.Облоқулов ва Д.Жўрақуловлар билан олдиндан жиноий тил бириктириб, Н.Нуритдинова томонидан ижара шартномасига асосан олинган Тошкент шаҳри, Чилонзор тумани, 17-мавзе, 32-уйнинг 26-хонадонини Н.Нуритдиновадан 500.000 сўм эвазига икки кунга ижарага олишиб, хонадоннинг ойлик ижарага берилиши тўғрисидаги эълонни ОЛХ сайтига жойлаштириб, мазкур эълон орқали уларга мурожаат қилган М.Раимжоновага ойига 400 АҚШ долларига ижарага беришларини айтиб алдашиб, ундан ушбу хонадон учун 300 АҚШ доллари миқдоридаги пулларни олиб, пулларни ўзларининг шахсий эҳтиёжлари учун сарфлаб юборишда ифодаланган қилмиши юзасидан ҳаракатлари фирибгарлик, яъни бир гуруҳ шахслар томонидан олдиндан тил бириктириб, алдаш ва ишончни суиистеъмол қилиш йўли билан ўзганинг мулкини қўлга киритиш жинояти аломатлари бўйича Ўзбекистон Республикаси ЖКнинг 168-моддаси 2-қисми “б” банди билан; Р.Каримованинг такроран, танишлари Ш.Облоқулов ва Д.Жўрақуловлар билан олдиндан жиноий тил бириктириб, Н.Нуритдинова томонидан ижара шартномасига асосан олинган Тошкент шаҳри, Чилонзор тумани, 17-мавзе, 32-уйнинг 26-хонадонини Н.Нуритдиновадан 500.000 сўм эвазига икки кунга ижарага олишиб, хонадоннинг ойлик ижарага берилиши тўғрисидаги эълонни ОЛХ сайтига жойлаштириб, мазкур эълон орқали уларга мурожаат қилган Б.Тошпўлатовга ойига 400 АҚШ долларига ижарага беришларини айтиб алдашиб, ундан ушбу хонадон учун 400 АҚШ доллари миқдоридаги пулларни олиб, пулларни ўзларининг шахсий эҳтиёжлари учун сарфлаб юборишда ифодаланган қилмиши фирибгарлик, яъни ва ишончни суиистеъмол қилиш йўли билан ўзганинг мулкини такроран қўлга киритиш жинояти аломатлари бўйича Ўзбекистон Республикаси ЖКнинг 168-моддаси 3-қисми “б” банди билан тўғри квалификация қилинган деб ҳисоблайди. Суд, судланувчи Р.Каримовани Ўзбекистон Республикаси ЖКнинг 33-моддаси талабларига риоя қилган ҳолда жиноятлар мажмуи бўйича Ўзбекистон Республикаси ЖК 168-моддаси 3-қисмининг “б” банди билан жавобгарликка тортишни лозим деб топади. Ўзбекистон Республикаси Олий суди Пленумининг 2006 йил 3 февралдаги “Судлар томонидан жиноят учун жазо тайинлаш амалиёти тўғрисида”ги 1-сонли қарорининг 37-бандида ЖК 57моддасига мувофиқ, содир этилган жиноятнинг ижтимоий хавфлилик даражасини жиддий камайтирувчи ҳолатлар аниқланган тақдирда, Жиноят кодекси Махсус қисми моддаси санкциясида назарда тутилган энг кам жазодан ҳам камроқ ёки шу моддада назарда тутилмаган бошқа енгилроқ жазо тайинланиши мумкинлиги; бунда, қонунга мувофиқ, судлар, нафақат шахс жиноят содир этиш вақтида кўзлаган мотив ва мақсад, айб шакли ва даражасини, балки, айбдорнинг шахси, жиноят иштирокчилари орасидаги роли, жиноят содир этилиш пайтидаги ёки содир этилганидан кейинги хулқ-атвори, жиноятни содир этиш сабаблари ва бунга олиб келган шарт-шароитни ҳам эътиборга олишлари лозимлиги; жиноятнинг ижтимоий хавфлилик даражасини жиддий камайтирувчи алоҳида ҳолатлар рўйхати қонунда кўрсатилмаганлигини назарда тутиб, суд қабул қилган қарорини ҳукмда асослантирган ҳолда жазони енгиллаштирувчи айрим ҳолатни ҳам, уларнинг мажмуини ҳам бундай ҳолат сифатида тан олиши мумкинлиги ҳақида раҳбарий тушунтиришлар берилган. Суд, Р.Каримовага нисбатан жазо тури ва миқдорини тайинлашда, Олий суд Пленуми қароридаги тушунтиришларга амал қилиб, жиноятни ғаразли мақсадларда содир этганлигини Ўзбекистон Республикаси ЖКнинг 56-моддасига асосан жазони оғирлаштирувчи ҳолат деб топиб, айбига тўлиқ иқрор бўлиб, қилмишидан чин кўнгилдан пушаймонлиги, аёл киши эканлигини Ўзбекистон Республикаси ЖКнинг 55-моддасига асосан жазони енгиллаштирувчи ҳолатлар деб баҳолаб, унинг шахси, муқаддам судланмаганлиги, иш бўйича жабрланувчиларга етказилган моддий зарарнинг ўрни тўлиқ қопланганлигини содир этилган жиноятнинг ижтимоий хавфлилик даражасини жиддий камайтирувчи ҳолатлар деб ЖК 168-моддаси 3-қисми билан ЖКнинг 57-моддасини қўллаб, ушбу модда санкциясида назарда тутилган жарима жазосининг энг кам миқдоридан ҳам камроқ миқдордаги жарима жазосини тайинлашни, ЖКнинг 62-моддаси тартибида Р.Каримованинг ушлаб турилган (2024 йил 28 февралдан 1 мартга қадар) ҳар бир кунини базавий ҳисоблаш миқдорининг иккидан бир қисмига тенглаштириб ҳисоблаб, тайинланган жазодан чегириб ташлаб, узил-кесил жарима жазосини тайинлашни лозим топади. Шунингдек суд, Тошкент шаҳар жиноят ишлари бўйича Чилонзор туман судининг 2024 йил 30 июлдаги ҳукмига кўра, шу иш бўйича етказилган моддий зарарни қоплаш мақсадида Тошкент шаҳар ИИББ молия-иқтисод бошқармасининг депозит ҳисоб рақамига топширилган 700 АҚШ доллари миқдоридаги пул маблағларидан жабрланувчи Б.Тошпўлатовнинг фойдасига 400 АҚШ доллари ва жабрланувчи М.Раимжонованинг фойдасига 300 АҚШ доллари ундиришни белгиланганлиги ва мазкур жиноят иши бўйича жабрланувчи Б.Тошпўлатов ҳамда М.Раимжоновага етказилган моддий зарарлар ўрни тўлиқ қопланганлигини инобатга олишни лозим топади. Ўзбекистон Республикаси ЖПКнинг 454-457, 462, 463, 465468, 471, 472, 473-моддаларига амал қилиб, суд Ҳ У К М Қ И Л Д И: Каримова Раъно Шавкат қизи (KARIMOVA RA’NO SHAVKAT QIZI) Ўзбекистон Республикаси ЖК 168-моддаси 3-қисмининг “б” бандида назарда тутилган жиноятни содир этганликда айбли деб топилсин ва унга шу модда бўйича ЖКнинг 57-моддасини қўллаб, базавий ҳисоблаш миқдорининг 30 (ўттиз) баравари миқдорида, яъни 10.200.000 (ўн миллион икки юз минг) сўм жарима жазоси тайинлансин. Ўзбекистон Республикаси ЖКнинг 62-моддаси тартибида Р.Каримованинг ушлаб турилган (2024 йил 28 февралдан 1 мартга қадар) ҳар бир кунини базавий ҳисоблаш миқдорининг иккидан бир қисмига тенглаштириб ҳисоблаб, тайинланган жазодан чегириб ташлансин ва Р.Каримовага узил-кесил базавий ҳисоблаш миқдорининг 29 (йигирма тўққиз) баравари миқдорида, яъни 9.860.000 (тўққиз миллион саккиз юз олтмиш минг) сўм жарима жазоси тайинлансин. Тайинланган жарима давлат даромадига ундирилсин. Р.Каримовага нисбатан қўлланилган “муносиб хулқ-атворда бўлиш ҳақидаги тилхат” тарзидаги эҳтиёт чораси ҳукм қонуний кучга киргандан сўнг бекор қилинсин. Жиноят иши юзасидан жабрланувчилар Б.Тошпўлатов ва М.Раимжоновага етказилган моддий зарарлар ўрни тўлиқ қопланганлиги инобатга олинсин. Ҳукм устидан апелляция шикояти ва протестлари ҳукм эълон қилинган кундан эътиборан ўн сутка ичида, маҳкум ва жабрланувчилар томонидан эса уларга ҳукмнинг кўчирма нусхаси топширилган кундан эътиборан шу муддат ичида ҳукм чиқарган суд орқали Тошкент шаҳар судига берилиши мумкинлиги, агар ҳукм апелляция тартибида кўрилмаган бўлса кассация тартибида қайта кўрилиши мумкинлиги тушунтирилсин. Раислик қилувчи, судья: Д.Турсунов (имзо) Маъсул судья: Турсунов Дилмурод Нормуротович