Решение #1277402 Гражданские

АЖРИМ (даъво аризасини кўрмасдан қолдириш тўғрисида) 2024 йил август ойининг “13” куни фуқаролик ишлари бўйича Тошкент вилояти Чирчиқ туманлараро суди, ўз биносида очиқ суд мажлисида, Раислик этувчи судья: Н.А.Кабирова, судья ёрдамчиси М.Саиповнинг котиблигида, Чирчиқ шаҳар прокурори ёрдамчиси И.Очиловнинг иштирокида, аризачи Курбанова Райханнинг фуқарони муомилага лаёқатсиз деб топиш ҳақидаги аризаси бўйича қўзғатилган 2-1102-2317/8308-сонли фуқаролик ишини кўриб чиқиб, қуйидагиларни АНИҚЛАДИ: Аризачи Курбанова Райхан фуқаро Жолдасов Алжан Оринбаевични муомилага лаёқатсиз деб топиш ҳақидаги ариза билан судга мурожаат қилган. Иш ҳолатлари бўйича аризачи Курбанова Райхан бир неча марта огоҳлантириш берилганлигига қарамасдан суд мажлисида иштирок этмади. Иш ҳолатларидан кўриниб турибдики суд бундай ҳолатда аризани қуйидаги асосларга кўра кўрмасдан қолдиришни лозим топади. Ўзбекистон Республикаси ФПК 122-моддасининг 1-қисми 5-бандига асосан ишни ўзининг иштирокисиз муҳокама қилишни илтимос қилмаган тарафлар иккинчи чақирув бўйича ҳам судга узрли сабабларсиз келмаса, суд эса ишга оид мавжуд хужжатлар асосида ишни ҳал қилиш мумкин эмас деб ҳисобласа, суд аризани кўрмасдан қолдиради. Бундай ҳолатда суд аризачи томонидан суд мажлисига такрорий чақирув бўйича ҳам келмаганлиги ёки ишни ўзининг иштирокисиз кўришни сўрамаганлигини инобатга олган ҳолда юқорида қайд этилган қонун нормалари талабидан келиб чиқиб, аризани кўрмасдан қолдиришни лозим топди. Юқорида баён қилинган ҳолатлар, қайд қилинган қонун нормалари талаблари ҳамда Ўзбекистон Республикаси ФПКнинг 271, 272 ва 400моддаларини қўллаб, суд АЖРИМ ҚИЛДИ: Аризачи Курбанова Райханнинг фуқарони муомилага лаёқатсиз деб топиш ҳақидаги аризаси кўрмасдан қолдирилсин. Суднинг мазкур ажримига нисбатан йигирма кунлик муддат ичида хусусий шикоят ва (ёки) хусусий протест келтирилиши мумкин. Раислик этувчи, судья: (имзо) Нусхаси аслига тўғри, Судья ________________ Н.А.Кабирова