Решение #1277605 Гражданские

АЖРИМ 2024 йил 19 июнь куни Тошкент вилояти фуқаролик ишлари бўйича Чирчиқ туманлараро суди ўз биносида, очиқ суд мажлисида Раислик этувчи судья: О.М.Расулов, судья ёрдамчиси С.Шамуратовнинг котиблигида, даъвогар ва унинг адвокати Ш.Дехконбаевнинг иштирокида, даъвогар Аулбекова Аселнинг жавобгар Жанабаев Бахитжанга нисбатан оталикни белгилаш ва алимент ундириш ҳақидаги даъво аризаси бўйича қўзғатилган 2-1102-2218/10989сонли фуқаролик ишини кўриб чиқиб, суд қуйидагиларни А Н И Қ Л А Д И: Даъвогар Аулбекова Асел жавобгар Жанабаев Бахитжанга нисбатан 2022 йилда туғилган Тимур исмли фарзанди бўйича оталикни белгилаш ва алимент ундириш ҳақидаги даъво аризаси билан судга мурожаат қилган. Суд мажлисида даъвогар Аулбекова Асел ариза билан мурожаат қилиб, суддан даъво аризани кўрмасдан қолдиришни сўради. Суд мажлисида жавобгар Балтабаев Даниярнинг манзили номаълумлиги сабабли суд ишни ФПКнинг 164-моддаси талаблари асосида кўришни лозим топди. Ўзбекистон Республикаси Фуқаролик процессуал кодексининг 122моддаси 1-қисми 9-бандига кўра даъвогар томонидан аризани кўрмасдан қолдириш тўғрисида ариза берилган бўлса, суд аризани кўрмасдан қолдиради. Шу боисдан суд даъвогарнинг даъво аризасини кўрмасдан қолдириш ҳақидаги талабини қаноатлантириб, даъво аризасини кўрмасдан қолдиришни, даъвогар томонидан судга даъво аризаси киритишда 600 000 сўм давлат божи тўланганлигини инобатга олишни лозим топди. Юқоридагиларга кўра ва Ўзбекистон Республикаси ФПКнинг 122, 271-272-моддаларини қўллаб, суд А Ж Р И М Қ И Л А Д И: Даъвогар Аулбекова Аселнинг жавобгар Жанабаев Бахитжанга нисбатан оталикни белгилаш ва алимент ундириш ҳақидаги даъво аризаси – кўрмасдан қолдирилсин. Мазкур ажримга нисбатан хусусий шикоят (протест) берилмайди. Раислик этувчи О.М.Расулов