Решение #1277669 Гражданские

А Ж Р И М (даъво аризани кўрмасдан қолдириш ҳақида) бўлиб, Раислик этувчи: судья Н.Э.Тўраева, судья ёрдамчиси Б.Юнусовнинг котиблигида, даъвогар Қаюмов Урозали Абдираим ўғлининг жавобгар Шаймардонова Зуҳра Турақул қизига нисбатан никоҳдан ажратиш ҳақидаги №21904-2303/10453-сонли фуқаролик ишини кўриб АНИҚЛАДИ: Даъвогар Қаюмов Урозали Абдираим ўғлининг жавобгар Шаймардонова Зуҳра Турақул қизига нисбатан никоҳдан ажратиш ҳақидаги даъво аризаси бўйича судда фуқаролик иши қўзғатилган. Даъвогар суд мажлиси вақти ва жойи тўғрисида тегишли тартибда хабардор қилинган бўлсада узрсиз сабабларга кўра суд мажлисига келмади. Суд мажлисида сўралган жавобгар ўз тушунтиришида, даъвони тан олмасдан ишни мазмунан кўришга қарши эканлигини, даъвогар билан ажрашмаслигини, ўрталарида 2 нафар фарзанди борлигини, уларни тирик етим қилмаслигини, даъвогар суд мажлисига келмаганлиги сабабли ушбу даъво аризани кўрмасдан қолдиришни сўради. Суд жавобгарнинг тушунтиришини эшитиб, қуйидагиларга асосан даъвони кўрмасдан қолдиришни лозим топади. Ўзбекистон Республикаси фуқаролик процессуал кодексининг 122-моддаси 6-қисмига кўра, ишни ўзининг иштирокисиз муҳокама қилишни илтимос қилмаган даъвогар иккинчи чақирув бўйича судга келмаса, жавобгар эса ишни мазмунан кўришни талаб қилмаса, суд даъво аризани кўрмасдан қолдиради. Бинобарин суд юқоридагиларга асосан ҳамда Ўзбекистон Республикаси фуқаролик процессуал кодексининг 122, 271-272моддаларини қўллаб АЖРИМ ҚИЛАДИ: Даъвогар Қаюмов Урозали Абдираим ўғлининг жавобгар Шаймардонова Зуҳра Турақул қизига нисбатан никоҳдан ажратиш ҳақидаги даъво аризаси бўйича қўзғатилган фуқаролик иши кўрмасдан қолдирилсин. Ажримдан норози томонлар ажрим топширилган кундан эътиборан йигирма кун муддат ичида шу суд орқали Сурхондарё вилоят судининг фуқаролик ишлари бўйича судлов хайъатига хусусий тартибда шикоят бериши мумкин. Раислик этувчи Н.Э.Тўраева