Решение #1277807 Гражданские

ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ Фуқаролик ишлари бўйича Юқоричирчиқ туманлараро суди, 2024 йил июнь ойининг 03 куни ўз биносида, очиқ суд мажлисида, судья Ш.Р.Астановнинг раислигида, судья ёрдамчиси А.Асатуллаевнинг котибалигида, даъвогар Валиева Дилфуза Акбаровнанинг жавобгар Валиев Зайниддин Нарзуллаевичга нисбатан никоҳдан ажратиш ҳақидаги даъво аризаси юзасидан қўзғатилган 2-1105-2303/4734-сонли фуқаролик ишини кўриб чиқиб, қуйидагиларни Даъвогар Валиева Дилфуза Акбаровна жавобгар Валиев Зайниддин Нарзуллаевичга нисбатан никоҳдан ажратиш ҳақидаги даъво ариза билан судга мурожаат қилиб, унда жавобгар билан 10.08.2005 йилда Янгиобод шаҳар ФҲДЁ бўлими орқали 21-сон далолатнома ёзуви билан қонуний никоҳдан ўтиб турмуш қуришганлигини, биргаликдаги турмушларидан икки нафар фарзандлари туғилганлигини, жавобгар билан 2008 йилдан буён бирга яшамаслигини, ўртада мол-мулк низоси йўқлигини кўрсатиб, суддан жавобгар Валиев Зайниддин Нарзуллаевич билан биргаликда 10.08.2005 йилда Янгиобод шаҳар ФҲДЁ бўлими томонидан 21-сон билан қайд қилинган никоҳларини бекор қилишни сўраган. Фуқаролик ишлари бўйича Тошкент вилояти Юқоричирчиқ туманлараро судининг 06.11.2023 йилдаги ажрими билан тарафларга ярашиш ҳамда оилани тиклаш учун 6 ой муҳлат берилган. Суд мажлисида сўралган даъвогар Валиева Дилфуза Акбаровна даъво аризани қўллаб-қувватлаб, унга қўшимча равишда оилани сақлаб қолишнинг иложи йўқлигини, тарафлар берилган муҳлат ичида ярашиш учун ҳаракат қилишмаганлигини, ҳозирда ўрталарида мулкий низо йўқлигини, тарафлар 2008 йилдан буён бирга яшамаслигини кўрсатиб, даъво аризани қаноатлантиришни сўради. Суд мажлисида сўралган жавобгар Валиев Зайниддин Нарзуллаевич даъвогарнинг даъво талабларини тан олиб, унга қўшимча равишда берилган муҳлат ичида ярашишнинг имкони бўлмаганлигини, даъвогар билан ўзаро келишмовчиликлар сабабли 2008 йилдан буён бирга яшамаслигини, эндиликда бирга яшашнинг имкони йўқлигини баён қилиб, даъвогарнинг даъво талабини қаноатлантиришни сўради. Суд даъвогарнинг ва жавобгарнинг иш юзасидан берган тушунтиришларини эшитиб, иш ҳужжатларини ўрганиб, уларни муҳокама қилган ҳолда қуйидаги асосларга кўра, даъвогарнинг даъво талабини қаноатлантиришни лозим топди: Аниқланган ҳолатларга кўра, Валиева Дилфуза Акбаровна жавобгар Валиев Зайниддин Нарзуллаевич билан 10.08.2005 йилда қонуний никоҳдан ўтиб турмуш қуришган. Уларнинг никоҳлари Янгиобод шаҳар ФҲДЁ бўлими томонидан 21-сонли далолатнома ёзуви билан қайд қилинган. Биргаликдаги турмушларидан икки нафар фарзандлари туғилган. Даъвогар жавобгар билан ўзаро келишмовчиликлар сабабли 2008 йилдан буён бирга яшамайди. Паркент тумани “Новдак” МФЙ ва “Ойдин” МФЙ томонидан тарафларни яраштириш чоралари кўрилганлиги, бироқ уларни яраштиришнинг имкони йўқлиги бўлмаганлигини, тарафларга ярашиш ҳамда оилани тиклаш учун 6 ой муҳлат берилган, тарафлар ушбу суд томонидан ярашиш учун берилган муҳлат ичида ярашишга ҳаракат қилишмаган. Тарафлар суд мажлисида ўз тушунтиришларида оилавий муносабатлари тугатилганлиги сабабли никоҳдан ажратишни сўрашган. Ўзбекистон Республикаси Оила кодексининг 41-моддасига кўра, агар суд эр ва хотиннинг бундан буён биргаликда яшашига ва оилани сақлаб қолишга имконият йўқ деб топса, уларни никоҳдан ажратади. Ўзбекистон Республикаси Олий суди Пленумининг 2011 йил 20 июлда қабул қилинган “Судлар томонидан никоҳдан ажратишга оид ишлар бўйича қонунчиликни қўллаш амалиёти тўғрисида”ги 6-сонли қарори 16-бандининг 1-хатбошисига кўра, никоҳдан ажратиш тўғрисидаги талаб, фақат, эр-хотин бундан буён бирга ҳаёт кечиришларининг ва оила батамом бузилганлиги сабабли уни сақлаб қолишнинг иложи йўқлиги аниқланган ҳолдагина қаноатлантирилиши лозим. Мазкур Пленум қарори 29-бандининг 1-хатбошисига асосан никоҳдан ажратиш ҳақидаги ҳал қилув қарори қонуний, асосли бўлиши ҳамда суд мажлисида ҳар томонлама текширилган далилларга асосланган бўлиши лозим. Бундай ҳолатда суд тарафлар ўртасидаги оилавий муносабатлар бутунлай тугатилганлигини, оилани сақлаб қолиш учун қилинган хаттиҳаракатлар ўз самарасини бермаганлигини, улар ўртасидаги эр-хотинлик муносабатлари 2008 йилдаёқ тугатилганлигини, тарафларнинг оиласи барбод бўлганлиги сабабли улар ҳозирда алоҳида яшаб келишаётганлигини, суд томонидан берилган ярашиш муддати давомида ҳам тарафлар оилани тиклашга ва ярашишга ҳаракат қилмаганликларини, бундай ҳолатда тарафлар ўртасидаги оилавий муносабатлар тамомила барбод бўлган деб ҳисобланишини инобатга олиб, даъвогарнинг даъво талабини қаноатлантиришни лозим топди. Юқорида баён қилинган ҳолатлар, қайд қилинган қонун нормалари талаблари, Ўзбекистон Республикаси Оила кодексининг 45, 44-46-моддалари, Олий суд Пленумининг раҳбарий кўрсатмалари ҳамда Ўзбекистон Республикаси Фуқаролик процессуал кодексининг 249-253-моддаларини қўллаб, суд ҚАРОР ҚИЛАДИ: Даъвогар Валиева Дилфуза Акбаровнанинг жавобгар Валиев Зайниддин Нарзуллаевичга нисбатан никоҳдан ажратиш ҳақидаги даъво аризаси қаноатлантирилсин. Даъвогар Валиева Дилфуза Акбаровна билан жавобгар Валиев Зайниддин Нарзуллаевич ўртасида Янгиобод шаҳар ФҲДЁ бўлимида 10.08.2005 йилда 21-сон билан қайд қилинган никоҳларидан ажратилсин. Даъвогар Валиева Дилфуза Акбаровнадан ФҲДЁ органи томонидан никоҳдан ажралганлик тўғрисида гувоҳнома бериш вақтида давлат фойдасига БҲМнинг бир баравари миқдорида давлат божи ундирилсин. Жавобгар Валиев Зайниддин Нарзуллаевич ФҲДЁ органи томонидан никоҳдан ажралганлик тўғрисида гувоҳнома бериш вақтида давлат фойдасига БҲМнинг икки баравари миқдорида давлат божи ундирилсин. Ҳал қилув қарорига нисбатан у қабул қилинган кундан эътиборан бир ой ичида апелляция шикояти (протести), биринчи инстанция судининг ҳал қилув қарори қонуний кучга кирган кундан эътиборан олти ой ичида кассация шикояти (протести) Тошкент вилоят суди фуқаролик ишлари бўйича судлов ҳайъатига берилиши мумкин. ) Ш.Астанов