Решение #1278252 Гражданские

ҲАЛ ҚИЛУВ ҚАРОРИ ЎЗБЕКИСТОН РЕСПУБЛИКАСИ НОМИДАН биносида, очиқ суд мажлисида, Раислик этувчи судья: Н.И.Мирзакаримова, судья ёрдамчиси Р.Қутбидиновнинг котиблигида, даъвогар Ханкелдиева Феруза Надировнанинг жавобгар Жураев Олимжон Абдикасимовичга нисбатан никоҳдан ажратиш ҳақидаги даъво аризаси юзасидан юритилган №21705-2301/3965-сонли фуқаролик ишини кўриб чиқиб, суд қуйидагиларни АНИҚЛАДИ: Даъвогар Ханкелдиева Феруза Надировна жавобгар Жураев Олимжон Абдикасимовичга нисбатан никоҳдан ажратиш ҳақида даъво ариза билан судга мурожаат этган. Суд мажлисида сўралган даъвогар Ф.Ханкелдиева даъво талабини қувватлаб, унда кўрсатилганларга ўхшаш тушунтиришлар бериб, жавобгар билан 2008 йил 2 апрелда қонуний никоҳдан ўтиб турмуш қурганликларини, биргаликдаги турмушларидан икки нафар фарзандлари борлигини, ўзаро келишмовчиликлар сабабли жавобгар билан 2014 йил сентябрь ойидан бирга яшашмаслигини, шу пайтдан ҳозирга қадар икки нафар фарзандлари билан отаонасининг уйида яшаб келаётганлигини, жавобгар 2019 йилда Россияга Федерациясига кетиб, шу бўйича Ўзбекистонга қайтиб келмаганлигини, келгусида жавобгар билан оилани тиклашнинг имкони йўқлигини, оила бутунлай барбод бўлганлигини, суд томонидан уларга ярашиб олишлари учун берилган муҳлат давомида ҳам улар ярашмаганлигини баён қилиб, даъво аризасини қаноатлантиришни сўради. Суд, жавобгар О.Жураевнинг амалдаги яшаш жойи номаълум бўлганлиги сабабли унинг рўйхатда турган манзилига суд чақирув қоғози юборганда, маҳалла фуқаролар йиғини раисининг жавобгар мазкур манзилда яшамаётганлиги сабабли унга суд чақирув қоғозини топширишнинг имконияти бўлмаганлиги ҳақидаги маълумотномасини инобатга олиб, фуқаролик ишини Ўзбекистон Республикаси ФПКнинг 164-моддасига асосан ҳисоблайди. Суд даъвогарнинг тушунтиришларини тинглаб ҳамда иш ҳужжатлари билан танишиб, унда мавжуд бўлган ҳужжатларни атрофлича ўрганиб чиқиб, уларга ҳуқуқий баҳо берган ҳолда қуйидаги хулосага келади. Аниқланишича, Ханкелдиева Феруза Надировна билан Жураев Олимжон Абдикасимович 2008 йил 2 апрелда қонуний никоҳдан ўтиб турмуш қуришган. Бу ҳақда Қўрғонтепа туман 1-сонли ФҲДЁ бўлимида 333-сонли далолатнома ёзуви қайд қилинган. Биргаликдаги турмушларидан 2008 йил 5 апрелда туғилган Абдуқосимов Жавлонбек Олимжон ўғли ва 2013 йил 24 июлда туғилган Абдикасимов Ризобек Олимжон ўғли исмли икки нафар фарзандлари бор. Ўзаро келишмовчиликлар сабабли тарафлар 2014 йил сентябрь ойидан бирга яшашмайди, умумий рўзғор юритишмайди, эр-хотинлик муносабатлари шу вақтдан тугатилган. Тарафларнинг 2008 йил 5 апрелда туғилган Абдуқосимов Жавлонбек Олимжон ўғли ва 2013 йил 24 июлда туғилган Абдикасимов Ризобек Олимжон ўғли исмли икки нафар вояга етмаган фарзандлари шу пайтдан ҳозирга қадар даъвогар билан даъвогарнинг ота-онасининг уйида яшаб келишади. Фуқаролик ишлари бўйича Қўрғонтепа туманлараро судининг 2023 йил 10 ноябрдаги ажрими билан тарафларга ярашиб олишлари учун 6 (олти)ой муҳлат тайинланган. Бироқ тарафлар белгиланган муҳлат давомида ярашмаган. Жалақудуқ тумани “Охунбобоев” МФЙ ва Қўрғонтепа тумани “Озод” МФЙ ҳузуридаги Оилавий қадриятларни мустаҳкамлаш комиссияларининг хулосасига кўра, оилани тиклашнинг имкони йўқлиги ва иш бўйича якуний қарор қабул қилишни судга ҳавола қилинганлиги кўрсатилган. Ўзбекистон Республикаси ОКнинг 41-моддасига кўра, агар суд эр ва хотиннинг бундан буён биргаликда яшашига ва оилани сақлаб қолишга имконият йўқ деб топса, уларни никоҳдан ажратади. Ўзбекистон Республикаси Олий суди Пленумининг 2011 йил 20 июлдаги “Судлар томонидан никоҳдан ажратишга оид ишлар бўйича қонунчиликни қўллаш амалиёти тўғрисида”ги 6-сонли қарорининг 16бандида никоҳдан ажратиш тўғрисидаги талаб, эр-хотин бундан буён бирга ҳаёт кечиришларининг ва оила батамом бузилганлиги сабабли уни сақлаб қолишнинг иложи йўқлиги қаноатлантирилиши лозимлиги тушунтирилган. Суд юқорида қайд этилган қонун талаблари ҳамда Олий суд Пленуми тушунтиришлардан келиб чиққан ҳолда тарафларнинг бирга яшашларига имконият қолмаганлигини, оилавий муносабатлар узоқ вақтдан буён тикланмаганлигини инобатга олиб, даъвони қаноатлантиришни лозим топади. Суд шунингдек, Ўзбекистон Республикаси Оила кодексининг 45-моддасига асосланиб жавобгардан давлат фойдасига БҲМнинг 3 (уч) баравари миқдорида давлат божи ундиришни, даъвогардан давлат божи ундирмасликни лозим топади. Юқоридагиларга асосан Ўзбекистон Республикаси ФПКнинг 164, 249-253-моддаларини қўллаб, суд ҚАРОР Даъвогар Ханкелдиева Феруза Надировнанинг жавобгар Жураев Олимжон Абдикасимовичга нисбатан никоҳдан ажратиш ҳақидаги даъво аризаси қаноатлантирилсин. Ханкелдиева Феруза Надировна ва Жураев Олимжон Абдикасимович 2008 йил 2 апрелда Қўрғонтепа туман 1сонли ФҲДЁ бўлимида 333-сонли далолатнома ёзуви билан қайд қилинган никоҳдан ажратилсинлар. Тарафларнинг 2008 йил 5 апрелда туғилган Абдуқосимов Жавлонбек Олимжон ўғли ва 2013 йил 24 июлда туғилган Абдикасимов Ризобек Олимжон ўғли исмли икки нафар вояга етмаган фарзандлари фарзандлари даъвогар Ханкелдиева Феруза Надировнанинг тарбиясида қолдирилсин. Никоҳдан ажратишни расмийлаштиришда жавобгар Жураев Олимжон Абдикасимовичдан давлат фойдасига БҲМнинг 3 (уч) баравари миқдорида давлат божи ундирилсин. Даъвогар Ханкелдиева Феруза Надировнадан давлат божи ундирилмасин. Ҳал қилув қарорига нисбатан у қабул қилинган кундан эътиборан бир ой ичида Андижон вилоят суди фуқаролик ишлари бўйича судлов ҳайъатига апелляция шикояти (протести) берилиши мумкин. Раислик этувчи судья: Н.И.Мирзакаримова Нусхаси аслига тўғри, судья Қ И Л А Д И: (имзо) зо)