Решение #1278327 Гражданские

АЖРИМ 2024 йил май ойининг 16-куни фуқаролик ишлари бўйича Денов туманлараро судининг очиқ суд мажлиси ўз биносида бўлиб, Раислик этувчи судья Н.И.Муминов, судья ёрдамчиси А.Узоқовнинг котиблигида, даъвогар М.Б.Қ.нинг жавобгар Х.Н.Қ.га нисбатан “Никоҳдан ажратиш ҳақида”ги даъво аризасига асосан қўзғатилган №2-1905-2302/6633-сонли фуқаролик ишини кўриб суд, қуйидагиларни А Н И Қ Л А Д И: Даъвогар М.Б.Қ.нинг жавобгар Х.Н.Қ.га нисбатан “Никоҳдан ажратиш ҳақида”ги даъво аризаси билан судга мурожаат қилган. Мазкур фуқаролик ишини суд мажлисида кўриш мақсадида тарафларга суд чақирув хатлари орқали ишни аниқ кўрилиш жойи ва вақти ҳақида тегишли тартибда маълум қилинган бўлишига қарамасдан тарафлар узрсиз сабабларга кўра суд мажлисига етиб келишмади. Ўзбекистон Республикаси ФПКнинг 122-моддасининг 5-қисмида “ишни ўзларининг иштирокисиз кўришни илтимос қилмаган тарафлар иккинчи чақирув бўйича ҳам узрли сабабларсиз судга келмасалар, суд эса мавжуд материаллар асосида ишни ҳал қилиш мумкин эмас деб ҳисобласа” даъвони кўрмасдан қолдиришлик кўрсатилган. Тарафлар ишни ўзларининг иштирокисиз кўришликни илтимос қилмаган. Суд иш материалидаги далилларни ўрганиб чиқиб ҳамда муҳокама қилиб, даъвогар даъвосини тарафлар узрсиз сабабларга кўра етиб келмаганлиги сабабли кўрмасдан қолдиришни лозим деб топди. Бинобарин суд, Ўзбекистон Республикаси ФПКнинг 122-моддаси 5-банди ҳамда 271-275-моддаларини қўллаб, А Ж Р И М Қ И Л А Д И: Даъвогар М.Б.Қ.нинг жавобгар Х.Н.Қ.га нисбатан “Никоҳдан ажратиш ҳақида”ги даъво аризаси кўрмасдан қолдирилсин. Манфаатдор тарафларга умумий тартибда судга мурожаат қилиш ҳуқуқи тушунтирилсин. Ажримдан норози томонлар ажрим эълон қилинган кундан бошлаб 20 кун муддат ичида шикоят келтириши мумкин. Раислик этувчи: Н.И.Муминов