Решение #130457 Уголовные

ҲУКМ 2024 йил август ойи 5 куни, Тошкент шаҳар жиноят ишлари бўйича Чилонзор туман суди, ўз биносида, очиқ суд мажлисида, туман судининг судьяси Ж.Курбановнинг раислигида, судья ёрдамчиси Х.Махмадиярова ва Ш.Эсиргадиевларнинг котиблигида, тарафлардан давлат айбловчиси Чилонзор туман прокурорининг ёрдамчиси Ж.Жаллиев, судланувчи Қ.Абдураимов ва А.Бекмуродов ва уларнинг ҳуқуқ ва манфаатларини ҳимоя қилган адвокат “Tenglik Nuri” адвокатлар ҳайъати адвокати Мирзаев Кулдош Данабаевич, судланувчи О.Арзиев ва унинг ҳуқуқ ва манфаатларини ҳимоя қилган Сapital Legal Services” адвокатлик бюросининг адвокати Исмаилов Сардорбек Адилбекович, жабрланувчи Э.Ибрахимов ва С.Абдунаимоваларнинг иштирокида 1-1006-2309/560-сонли жиноят ишини кўриб чиқди. Иш ҳужжатларига кўра: Абдураимов Кудратжон Шухратжон ўғли (Abduraimov Kudratjon Shuxratjon o’gli), 1994 йил 19 июнь куни Фарғона вилоятида туғилган, миллати ўзбек, Ўзбекистон Республикаси фуқароси, маълумоти олий, муқаддам судланмаган, оилали, 2 нафар фарзанди бор, вақтинча ишсиз, Тошкент шаҳри, Яшнобод тумани, Риёзий кўчаси 15-А уй, 18-хонадонда яшовчи, иш бўйича “муносиб хулқ-атворда бўлиш тўғрисида тилхат” эҳтиёт чораси қўлланган, айблов хулосаси нусхасини 2024 йил 26 июнь куни олган, Ўзбекистон Республикаси ЖК 168-моддаси 3-қисмининг «в,г» бандлари билан; Арзиев Озоджон Мавлонович (ARZIYEV OZODJON MAVLONOVICH), 1981 йил 04 ноябрь куни Самарканд вилоятида туғилган, миллати ўзбек, Ўзбекистон Республикаси фуқароси, маълумоти олий, муқаддам судланмаган, оилали, 3 нафар фарзанди бор, 2-сонли Шаҳар Рухий-асаб касалликлари диспансерида психотеропевт шифокори, Тошкент шаҳри, Чилонзор тумани, 3-мавзе, 23-уй, 95а-хонадонда яшовчи, иш бўйича “гаров” эҳтиёт чораси қўлланилган, айблов хулосаси нусхасини 2024 йил 26 июнь куни олган, банди ва 28,211-моддасининг 1-қисми билан; Бегмуродов Аслам Ўктам ўғли (Begmurodov Aslam O’ktam o’gli), 1994 йил 12 июнь куни Самарқанд вилоятида туғилган, миллати ўзбек, Ўзбекистон Республикаси фуқароси, маълумоти олий, муқаддам судланмаган, оилали, 1 нафар фарзанди бор, вақтинча ишсиз, Тошкент шаҳар, Яшнобод тумани, Олмос маҳалласи, Яккатол кўчаси 33-уй, 38-хонадонда яшовчи, “муносиб хулқ-атворда бўлиш тўғрисида тилхат” эҳтиёт чораси қўлланилган, айблов хулосаси нусхасини 2024 йил 26 июнь куни олган, Ўзбекистон Республикаси ЖК 168-моддаси 3-қисмининг «в» банди ва 28,211-моддасининг 1-қисми билан айбланган. Суд судланувчилар ва жабрланувчиларнинг кўрсатувларини эшитиб, дастлабки тергов жараёнида, судда тўпланган далилларни текшириб ва муҳокама қилиб, жиноят ишидаги ҳужжатларни таҳлил қилиб, тарафларнинг музокаралари ва судланувчининг охирги сўзини тинглаб, қуйидагиларни А Н И Қ Л А Д И: Жаҳон иқтисодиёти ва дипломатия университети “Регистрар офиси” бўлими етакчи мутахассиси А.Ў.Бегмуродов ўз хизмат мавқеидан фойдаланган ҳолатда Жаҳон иқтисодиёти ва дипломатия университетининг психологи О.М.Аризев билан олдиндан жиноий тил бириктириб, Иброхимов Элбек Элёр ўғлини алдаб, унинг ишончини суиистеъмол қилишиб, Э.Иброхимов орқали мазкур университет талабалари Д.Х.Деҳқонов, В.А.Фараджаева ҳамда У.Ф.Рахмановаларга “Халқаро Иқтисодиёт”, “Халқаро молиявий технологиялар”, “Халқаро менежмент”, “Жаҳон савдо ташкилоти” ва “гуманитар ҳуқуқ” фанларидан ўтказиладиган якуний имтиҳон саволларига тўғри жавобларни олиб беришини ваъда қилишиб, 2023 йилнинг декабрь ойи охирларида Э.Э.Иброхимовдан 500 АҚШ долларини алдов йўли билан олишиб, маблағни ўзаро бўлишиб ўз эҳтиёжлари йўлида ишлатиб юборишган. Шунингдек, 2024 йил 03 февраль куни Мирзо Улуғбек тумани, “Мустақиллик шох” кўчаси, 54-уйда жойлашган Жаҳон иқтисодиёти ва дипломатия университети “Регистрар офиси” бўлим бош мутахассиси Қ.Абдураимов мансаб мавқеидан фойдаланиб, енгил даромад орттириш мақсадида, университет 1-босқич талабаси С.Абдунаимовага “Ўзбек тили” фани бўйича ўтказиладиган якуний имтиҳонга кириш учун талаб этиладиган баҳосини “Ims.uwed.uz”номли электрон дастурига сохта маълумотлар киритиш орқали ўқиш балини кўтариб беришни ваъда қилиб, бунинг эвазига С.Абдунаимовадан 200 АҚШ долларини олиб, пулларни ўз эҳтиёжига ишлатиб юборган. Суд мажлисида судланувчи А.Бегмуродов айбига тўлиқ иқрор бўлиб, 2021 йилнинг ноябрь ойидан 18.01.2024 йилга қадар Жаҳон иқтисодиёти ва дипломатия университетининг “Регистрар офиси” етакчи мутахассиси лавозимида ишлаб келганлиги, Регистрар офиси етакчи мутахассиси сифатида хизмат вазифаларига университетида таълим жараёнини ташкил этиш, дарс жадвалларининг электрон тизимга киритиш, яъни университетдаги таълимни электрон тизимга киритиш кабилар кирганлиги, 2023 йил декабрь ойининг бошларида унинг олдига университетнинг психологи, яъни О.Арзиев келиб, ундан талабаларга якуний имтиҳон саволларини олиб беришни сўраганлиги, ундан битирувчи талабалардан “Элбек” исмли бола сўраётганлигини айтганлиги, саволларни олиб беришни хизмат ҳақи қанча бўлишини сўраганлиги, унинг таклифига рози бўлиб, саволларни олиб беришни эвазига Арзиев Озодга талабалардан 500 АҚШ доллари олиши кераклигини айтганлиги, ушбу пуллардан 100 АҚШ долларини О.Арзиев олиши ва қолган 400 АҚШ доллари миқдоридаги пулларни олиши кераклиги, якуний имтиҳонни саволларини олиб беришини айтганлиги, эртаси куни соат 18.00 ларда О.Арзиев унга қўнғироқ қилиб, университет яқинидаги автотураргоҳда эканлиги, уни кутаётганлиги, гаплашиб оладиган гапи борлигини айтганлиги, университетдан чиқиб О.Аризев билан кўришганида О.Арзиев унга 500 АҚШ долларини узатиб, “Элбек” исмли талабадан олганлиги, унга имтиҳон саволларини бериши лозимлигини маълум қилганлиги, О.Арзиевнинг қўлидан 500 АҚШ долларини олиб, 400 АҚШ долларини ўзида олиб қолиб, О.Арзиевнинг қўлига унинг ҳақи сифатида 100 АҚШ долларини берганлиги, орадан 2-3 кун ўтганидан сўнг О.Арзиев унга қўнғироқ қилиб, “Элбек” имтиҳон саволларини сўраётганлигини айтганида, бу йилги имтиҳонларни саволларини олишнинг имкони бўлмаганлиги сабабли О.Арзиевга “Молия ҳисоби”, “Молиявий менежмент” ва “Микроиқтисодиёт” фанларининг ўтган йили ишлатилган саволларни берганлиги, орадан 1-2 кун ўтганидан кейин О.Арзиев унинг олдига келиб, ундан олиб берилган якуний назорат саволлари эски эканлигини ҳамда улар тўлиқ эмаслигини айтганида у О.Арзиевга ҳақиқатдан ҳам саволлар эски эканлиги, имтиҳон саволларининг янгисини олишни имкони йўқлигини айтганлиги, қилган ишидан пушаймон бўлиб, О.Арзиевдан алдаб олган 400 АҚШ доллари миқдоридаги пулларни О.Арзиевга талабаларга қайтариб бериш учун берганлиги, ҳозирги кунда жабрланувчиларга етказилган зарарни қоплаб берганлиги ва қилмишидан пушаймонда эканлиги ҳақида кўрсатув берди. Суд мажлисида судланувчи О.Арзиев айбига тўлиқ иқрор бўлиб, у 16.11.2021 йилдан буён Жаҳон Иқтисодиёти ва Дипломатия Университетида психологи лавозимида ишлаб келиши, унинг хизмат вазифаларига Университетида ижобий психологик муҳитни таъминлаш, талабалар ва ходимларда руҳий зўриқишни олдини олишдан иборатлиги, 2023 йил декабрь ойининг бошида унинг олдига Университетнинг “Халқаро Иқтисодий муносабатлар факультети” 4-курс талабаси Рахмонова Умида келганлиги, у билан турли-хил мавзуларда гаплашганлиги, шундан сўнг, 1-семестр якуний имтиҳонларга ёрдам беришини, имтиҳонлар қийин бўлаётганлигини, бундан ташвишда эканлигини маълум қилиб, ундан имтиҳонда бўладиган тест саволлари ва жавобларни базадан олиб беришига ёрдам беришини айтиб илтимос қилганлиги, у Умидага имтиҳон саволларини олиб бериш қўлидан келмаслигини айтганида, унга Бекмуродов Аслам Ўктам ўғли билан яхши муносабатда эканлигини, А.Бекмуродов тест имтиҳонларга йўқ демаслигини айтганлиги, ушбу ишда ёрдам беришини, хизмати бўлса қилишини айтганлиги, О.Арзиев Умидага Аслам билан гаплашиб қанча бўлишини билиб, шундан сўнг айтишини, фақат у эмас бошқа эркак киши таниши юборишни айтганлиги, орадан 1 кун ўтиб Умиданинг илтимосига кўра Аслам билан Университет ичидаги “Регистир” биноси олдида кўришиб у билан суҳбатлашганлиги, суҳбати давомида Умиданинг илтимосини айтганлиги ва қанча бўлишини сўраганлиги, Аслам унга 1-семестр имтиҳонларини савол ва жавобларини олиб бериши 500 АҚШ доллар бўлишини, шундан 100 АҚШ долларни унга қолган 400 АҚШ долларни ўзига олишини айтганлиги, шундан сўнг, у Умидага “телеграм” орқали қўнғироқ қилиб Аслам билан гаплашганлиги ва у унга 1-семестр якуний имтиҳон савол ва жавобларни олиб бериш эвазига 500 АҚШ доллар беришини айтганлиги, Умида унга Элбек орқали сўралган пулни бериб юборишини маълум қилганлиги, орадан бир оз вақт ўтиб Элбек ва Умида олдига келиб якуний имтиҳонга 500 АҚШ доллар қимматлик қилишини улар талаба эканлигини бу пуллар оғирлик қилишини айтганлиги, уларни гапларини эшитиб ўзлари тўғри Аслам билан гаплашиб олишлигини айтганида улар унга Аслам студентлар билан гаплашмаслигини олди-берди қилмаслигини фақат яқин ўқитувчилар билан олди-берди қилишини айтганлиги, О.Арзиев уларга яна бир бор Аслам билан гаплашиб кўришини айтганлиги, шу орада Аслам билан гаплашиб вазиятни тушунтирганлиги, студентлар айтган гапларни айтганида Аслам унга “ака бўлиши” деб айтганлиги, сўнг у Элбекга “телеграм”дан қўнғироқ қилиб имтиҳон суммаси 500 АҚШ доллар бўлишини айтганлиги, шундан сўнг, унга Умида алоқага чиқиб Элбекни юборишини у келишилган пулларни олиб боришини маълум қилганлиги, Элбек унга қўнғироқ қилиб кўришиб олишни сўраганлиги, у Университетнинг олдида эканлиги, А бинонинг 403-хонасида 10 минутда кўришишни айтганлиги, Элбек у айтган хонага келганида, у хонада эшитиш мослама бўлишидан қўрқиб Элбекни ҳожатхонага киришини айтганлиги, улар ҳожатхонага киргач эшикни ичкаридан қулфлаганлиги, Элбек билан гаплашиб 500 АҚШ долларни олганлиги ва Элбекга 1-2 кунда Аслам билан гаплашиб жавобларни олиб беришини айтганлиги, шундан сўнг, Асламга қўнғироқ қилганида, Аслам унга кечга соат 20:00га Университет олдидаги Турк таомлари кафеси олдидаги кўришишни айтганлиги, у рози бўлганлиги, у келишилган вақтда Университет олдидаги Турк таомлари кафеси автотураргоҳига борганлиги, у ерда Асламга Элбекдан олган 500 АҚШ долларни берганлиги, Аслам пулларни санаб 400 АҚШ долларни ўзида олиб қолиб, 100 АҚШ долларни унга қайтариб берганлиги ва имтиҳон савол ва жавобларини тез кунда олиб беришини айтиб у ердан кетганлиги, орадан 2-3 кун ўтгач Элбек ва Умида ундан якуний имтиҳон савол ва жавоблари олиб бериш нима бўлганлигини сўрашганлиги, у уларга шошмасликни айтганлиги, шундан сўнг, Асламга қўнғироқ қилиб, якуний имтиҳон савол ва жавобларни олиб беришини айтганлиги, Элбек ва Умида сўраётганлигини айтганлиги, орадан 3-4 кун ўтиб, Аслам унга флешкада якуний имтиҳон савол ва жавобларни университет биноси олдида берганлиги ва берган флешкасида студентларга жавобни бермасликни бошқа флешкага кўчириб беришини айтганлиги, у Аслам айтганидек қилиб бошқа флешкада Умидани чақиртириб унга флешкада якуний имтиҳон савол ва жавобларни электрон нусхасини берганлиги ва Элбекга ҳам беришини айтганлиги, орадан 1 кун ўтиб Элбек унга қўнғироқ қилиб берган имтиҳон савол ва жавоблари тўлиқ эмаслигини, 1-қисм бор 2-3-4 қисмлари йўқлигини, чала қилиб берилганлигини айтганида у Аслам билан гаплашиб жавобини айтишини маълум қилганлиги, сўнг у Аслам билан гаплашганида, Аслам унга имтиҳонда шароит (кўчиришига рухсат) қилиб беришини айтганлиги, шунда у Асламни гапларини Умида билан Элбекга айтганлиги, улар бу шартга рози бўлишмаганлиги, у Аслам билан яна гаплашиб савоб жавобни тўлиқ қилиб олиб беришни сўраганлиги, шунда Аслам савол-жавобларни олиб беришини фақат озгина кутиш кераклигини айтганлиги, шундан сўнг, Аслам имтиҳон савол жавобларини олиб бера олмаганлиги, шунда Умида ва Элбеклар ундан имтиҳон савол ва жавоблари олиб беришни бўлмаса пулни қайтаришни талаб қилганлиги, орадан 2-3 кун ўтиб имтиҳонлар бошланганлиги, Аслам унга тўлиқ имтиҳон савол ва жавобларни олиб бера олмаганлиги, Рахмонова Умида, Иброҳимов Элбек, Дехқонов Далер ва Фираджаева Камилалар имтиҳонларга кириб чиқишиб, Аслам томонидан берилган савол ва жавоблар тушмаганлигини, шу сабабли пулларни қайтаришини талаб қилишганлиги, у уларга Аслам билан келишиб қайта топширишга ёрдам беришини тушунтирганлиги, улар имтиҳонларни қайта топширишда ҳам ўта олишмаганлиги, сўнг ундан пулни қайтаришни талаб қилишганлиги, у Асламга телефон қилиб талабаларнинг гапларни тушунтирганида у унга талабаларга ёрдам берганлигини айтганлиги, уни билишича Элбек берган пул тўртта талабага Элбек, Умида, Далер ва Камилага тегишли эканлигини билганлиги, шу билан Элбекга талабалар тегишли иродаларга ёзиб юрмаслигини ёзса бир хил жавоб беришини тушунтирганлиги, сўнг у Аслам билан қўшилиб, 4 нафар талабаларнинг жами 500 АҚШ долларни Умидага бериб юборганлиги, ҳозирги кунда жабрланувчиларга етказилган зарарни қоплаб берганлиги ва қилмишидан пушаймонда эканлиги ҳақида кўрсатув бериб, енгиллик беришни сўради. Суд мажлисида судланувчи Қ.Абдураимов айбига иқрор бўлмасдан, 2020 йилда Жахон иқтисодиёти ва дипломатия университетининг магистратура босқичини тамомлаб, шу университетнинг “Регистрар офиси” бўлим бош мутахассиси вазифасида ишлаганлиги, унинг хизмат вазифаларига, талабаларга оид барча буйруқларни тайёрлаш, дарс жадвалларини тайёрлаш ва уларни “LMS.uwed.uz” тизимига киритиб бориш кабилар кирганлиги, “LMS.uwed.uz” тизимига талабаларнинг давомати, фанлар, дарс жадваллари, баҳолари, уларга ўқитувчилар томонидан берилган вазифалар ва уларнинг жавобларини ўрганиш ва бошқа ҳолатлар бу тизимга киритиб борилганлиги, 2023 йилнинг декабрь ойида у бўлимда ишлаб ўтирган вақтида, унга олдиндан таниш бўлган, Абдунабиева Салима келиб, фанларни яхши ўзлаштиролмаганлиги сабабли, кўп фанлардан йиқилганлиги, шу баҳоларини “LMS.uwed.uz” тизими орқали ўзгартириб, юқорироқ баҳо қўйишини сўраганлиги, шундан кейин у унинг телефонидан “LMS.uwed.uz” тизимига кирганлиги, ичида ўзбек тили ва ҳуқуқ фанларидан бирининг баҳоларини ўзгартириш имкони яъни талаба томонидан берилган охирги вазифага баҳони база орқали ўзгартириш имкони борлиги сабабли, С.Абдунабиева ўзбек тили баҳосини кўтариб беришини, бунинг эвазига 200 АҚШ доллари беришини маълум қилганлиги, С.Абдунабиева эртаси куни уни олдига келиб, 100 АҚШ доллари ва 500.000 сўм пули борлигини, қолган пулларни номидаги пластик картага ташлаб беришини маълум қилганлиги, у ушбу нақд пулларни автомашиналар тураргоҳида турган “Кобалт” русумли давлат рақами 10 S 276 КА бўлган автомашинасига қўйишни айтганлиги, шунда у билан С.Абдунабиева билан бирга чиққанлиги ва автомашинасига 15-20 метр узоқликда туриб, С.Абдунабиевага автомашинани очишни, у эса пулларни машинанинг орқа ўриндиғига қўйишини айтганлиги, шундан кейин С.Абдунабиева пулларни автомашинамнинг орқа ўриндиғига қўйиб кетганлиги, шундан сўнг, шу кунинг ўзида у С.Абдунабиевага ўзига тегишли бўлган банк пластик карта номерини берганлиги, шу куннинг ўзида С.Абдунабиева унинг картасига 700.000 сўм пулларни ўтказиб берганлиги, у ишхонага кириб, “LMS.uwed.uz” тизими орқали ўзбек тили ўқитувчиси “Мухлиса”нинг “LMS.uwed.uz” тизимидаги профилига кириб, профилни очган вақтида биринчи берилган логин ва паролни териб кўрганлиги, Мухлиса опанинг паролини кириш коди нотўғри терилганлиги сабабли, код ўзгартирганлиги, бунинг сабаби бир маротаба профилга кириш учун код нотўғри терилганида, мазкур код ўзгариб кетиши ва унинг янги коди “Регистрар офиси” бўлими ходимида кўриниши, шу йўл орқали Мухлиса опага тизим томонидан берилган янги кодни билиб, унинг янги паролини бузиб, профил ичига кириб, “Мухлиса” опага сездирмасдан С.Абдунабиевага қўйилган 28 баллни 38 баллга ўзгартириб қўйганлиги, бунинг натижасида С.Абдунаимовага якуний имтиҳонга кириши ҳуқуқи пайдо бўлганлиги, эртаси куни ишхонада ўтирганида, ўзбек тили ўқитувчиси “Мухлиса” билан бирга ишловчи мутахассис Усманов Нурбек уни олдига келиб, “LMS.uwed.uz” тизимидаги профилига киролмаётганлигини маълум қилганлиги, Н.Усманов унинг профилига кириб, профилдаги паролни ўзгартириб берганлиги, Мухлиса профилига янги паролни қўйдирганидан сўнг хонадан чиқиб кетганлиги, Мухлиса ўзининг профили орқали баҳо қўйган талабаларнинг баҳоларини қайтадан ўрганганида, С.Абдунабиевнинг балли 38 га ўзгариб қолганлигини билиб, унга эски ҳақиқий олган 28 баллини қайтариб қўйганлиги, шу куни С.Абдунабиева ўзининг профили орқали унинг ўзбек тили фанига эски ҳақиқий 28 балл қайтганлигини кўриб, унга қўнғироқ қилиб, баллар ўз ҳолига қайтганлигини маълум қилганлиги, шундан кейин у ўзбек тили ўқитувчиси Мухлисанинг уяли телефонига қўнғироқ қилиб, унга С.Абдунабиеванинг ўзбек тилидан олган баллари имтиҳонларга кириш учун етмаётганлиги, унинг балларини ижобий қилиб ўзгартирса бўлиш ёки бўлмаслигини сўраганида, Мухлиса С.Абдунабиеванинг балларини ўзгартириб бўлмаслигини, С.Абдунабиева ўқиш жараёнларига тўлиқ қатнашмаганлиги маълум қилганлиги, 10.01.2024 йилда С.Абдунабиева унга қўнғироқ қилиб, қаерда эканлигини сўраганлиги, унга ишхонада эканлигини айтганлиги, кейин орадан бир неча соат ўтганидан сўнг С.Абдунабиева унга яна қўнғироқ қилиб унинг ўзбек тили фанидан баллари орқага қайтгани сабабли пулларни қайтаришини сўраганлиги, сабабли бу иш қўлидан келмаганлиги сабабли шу куннинг ўзида С.Абдунабиевадан олган 200 АҚШ доллари миқдоридаги пулларидан 100 АҚШ долларини унга қайтариб бериб берганлиги ва қолган 1.200.000 сўм миқдоридаги пулларни қайтариши учун вақт кераклигини айтганлиги, шундан кейин орадан уч тўрт кун ўтиб, қолган пулларни С.Абдунабиеванинг дугонасининг картасига ўтказиб берганлиги, орадан бир оз вақт ўтганидан сўнг бино ичидаги йўлакка чиққанида уни ДХХ ва Департамент ходимлари ушлашганлиги, ҳозирги кунда жабрланувчига етказилган зарарни қоплаб берганлиги ва қилмишидан пушаймонда эканлиги ҳақида кўрсатув бериб, унга нисбатан оқлов ҳукми чиқаришни сўради. Суд мажлисида жабрланувчи Э.Иброҳимов, у Жахон иқтисодиёти дипломатия университети халқаро иқтисодиёт ва менежмент факультетининг 4-босқич талабаси эканлиги, 2023 йилдан университетда ўқув жараёнлари “Алгорисмум” дастури орқали амалга оширилиб келиши, якуний имтиҳонларни белгиланган вақтга қадар топширмаган талабалар дастур орқали фандан ўтмаган деб ҳисобланиб, ушбу фандан қайта топширишга қолдирилиши, қайта топширишнинг биринчиси бепул бўлиб, қайта топширишлар пуллик бўлиб, битта фан учун 1.900.000 сўм миқдоридаги пул маблағларини университетининг ҳисобига тўлаб берилиши лозимлиги, 2023 йилнинг декабрь ойида параллел курсдоши бўлган Рахманова Умида унга мурожаат қилиб, имтиҳон саволларини олиш лозимлигини, акс ҳолда имтиҳондан ўта олмаслигини айтиб, имтиҳон саволларини университетнинг Регистрар офис бўлими ходимларидан бир таниши орқали олиб чиқиши мумкинлигини айтганлиги, ундан имтиҳон саволларини ким орқали олмоқчи эканлигини сўраганида у имтиҳон саволларини унга университетнинг психологи Арзиев Озод Регистрар офис ходими Бегмуродов Аслам орқали олиб чиқиб беришини маълум қилганлиги, А.Бегмуродов Регстрар офис ходими бўлганлиги ва ушбу бўлимда имтиҳон саволлари ва жавоблари бўлганлиги сабабли, у унинг гапига ишониб, унга агарда О.Арзиев орқали имтиҳон саволларини олса, унга ҳам беришини сўраганлиги, шундан сўнг, орадан бир неча кун ўтиб, У.Рахматова уни олдига келиб, О.Арзиев билан гаплашганлиги, бироқ О.Арзиев унга имтиҳон саволларини олиш масаласида қиз бола билан эмас, балки ўғил бола билан гаплашишини айтганлигини маълум қилиб, ундан О.Арзиев билан гаплашиб кўришни сўраганлиги, шунда у У.Рахматовага бундай ишлар билан шуғулланмаганлиги сабабли, О.Арзиев билан гаплашмаслигини айтиб, унинг бу таклифини рад этганлиги, лекин У.Рахматова унга қайтақайта қўнғироқ қилиб, О.Арзиев билан Регистрар офис ходимларидан имтиҳон саволларини олиб чиқиш масаласида гаплашишини сўрайверганидан сўнг, О.Арзиевнинг олдига имтиҳон саволларини олиш масаласида гаплашишга борганлиги, О.Арзиев билан имтиҳон саволларини олиш масаласида гаплашгани борганида, О.Арзиев унга ҳақиқатдан ҳам имтиҳон саволларини олиш мумкинлигини, имтиҳон саволлари ва жавобларини Регистрар офис ходими А.Бегмуродов орқали олиб бериши мумкинлигини, фақат саволларни олиб бериши учун А.Бегмуродовга пул маблағлари бериши кераклигини, у билан гаплашиб кўриб, сўнг унга натижасини Умида орқали айтишини маълум қилганлиги, орадан бир неча кун ўтганидан кейин, Умида уни олдига келиб, О.Арзиев унга Аслан билан гаплашганлигини ва Аслан имтиҳон саволларини олиб чиқиш учун 500 АҚШ доллари сўраётганлигини айтганлиги, шунда у Умидага 500 АҚШ доллари жуда кўп эканлигини, бунча миқдорда пули йўқлигини айтиб, Аслан билан ўзи гаплашиб кўришини айтганлиги, сўнг Асланнинг олдига бориб, унга имтиҳон саволларини арзонроқ нархга олиб чиқиб беришини сўраганлиги, Аслан унга имтиҳон саволларининг жавобларини беришни арзонроқ қила олмаслигини, сабаби кимнингдур пул бериши кераклигини айтганлиги, лекин кимга беришини айтмаганлиги, 500 АҚШ долларини ҳам ўзи ундан олмаслигини, пулларни университет психологи О.Арзиев орқали олишини таъкидлаганлиги, 500 АҚШ доллари катта пул бўлганлиги сабабли, ушбу имтиҳон саволларини бир неча талабалар билан бирга олиш мақсадида, курсдоши Деҳқонов Далерга қўнғироқ қилиб, унга имтиҳон саволларини Регистрар офисдан пул эвазига олаётганини айтиб, агарда истаса унга ҳам ушбу саволларини бериши мумкинлигини маълум қилганлиги, Д.Деҳқановга ушбу таклифи маъқул келиб, у имтиҳон саволлари учун пул беришга тайёрлигини айтганлиги, худди у каби У.Рахматова ҳам имтиҳон саволларини сотиб олиш учун шерик қидириб, Умарова Камилага қўнғироқ қилиб, бу масалада у билан гаплашганлиги, шунга кўра, имтиҳон саволларини сотиб олиш учун у, Умида, Камила ва Далер 125 АҚШ долларидан пул маблағларини бериб, жами ҳисобда ушбу пулларни 500 АҚШ йиғилганидан сўнг О.Арзиевнинг хонасига борганида, у унга пулларни хонасида олмаслигини, шунга кўра пулларни ҳожатхонага олиб кириб бериши кераклигини айтиб, ундан пулларни университетининг “А” биносининг 4-қаватида жойлашган эркаклар ҳожатхонасида олганлиги, у О.Арзиевдан имтиҳон саволларини қачон беришини сўраганида, унга узоғи билан бир ҳафтада барча фанларнинг имтиҳон саволлари ва жавобларини У.Рахматовага А.Бегмуродовдан олиб беришини айтганлиги, орадан бир ҳафта ўтган бўлса-да, бизга имтиҳон саволлари берилмагани сабабли, у О.Арзиевдан имтиҳон саволларини сўрай бошлаганлиги, шунда О.Арзиев унга яна бир оз кутиб териши кераклигини, имтиҳон саволлари ҳали тайёр эмаслигини айтганлиги, шундан кейин у О.Арзиевдан имтиҳондан саволларини бошқа сўрамай қўйганлиги, лекин Умида уни тинч қўймай, О.Арзиевдан имтиҳон саволларини олиш учун О.Арзиев билан гаплашиб кўришини сўрайверганлиги, шунда у У.Рахматовага ўзи О.Арзиевдан имтиҳон саволларини олишни айтганлиги, шундан сўнг, у уйда бўлган вақтида, Умида телеграм орқали видео қўнғироқ қилиб, О.Арзиевдан флешкада биринчи имтиҳон саволлари ва жавобларини олганлигини айтиб, ушбу флешкани компьютерда қўйиб кўрсатиб, имтиҳон саволлари тўлиқ эмаслигини айтганлиги, эртаси куни Умида билан кўришиб олиб, ундан биринчи имтиҳон саволларини ўзига ёзиб олганлигини, О.Арзиев томонидан берилган имтиҳон саволларини компьютерда очиб кўрганида, имтиҳон саволлари тўлиқ эмаслигини кўрганлиги, имтиҳонда О.Арзиев томонидан берилган саволлардан фойдаланмасдан ўз билими билан имтиҳондан ўтганлигини ва О.Арзиевга кейинги имтиҳон саволларини беришини, сабаби у томонидан берилган саволлар имтиҳонга тушмаганлигини айтганида, О.Арзиев унга кейинги имтиҳон саволлари албатта тушишини айтиб, кейинги имтиҳон саволларини ҳам тўлиқ олиб бермаганлиги, О.Арзиев томонидан бизга 500 АҚШ доллари эвазига Регистрар офисдан олиб берилган саволлар имтиҳонларга тушмаганлиги сабабли, у О.Арзиевдан пулларни қайтаришини сўраганида, О.Арзиев унга пулларни қайтармаслигини айтганлиги, шундан сўнг орадан бир икки кун ўтиб, у билан бўлган суҳбатни диктофонга ёзиб олиб, О.Арзиев ва А.Бегмуродовларга нисбатан қонуний чора кўрилишини сўраб, ариза билан Департаментнинг Тошкент шаҳар бошқармасига мурожаат қилганлиги, О.Арзиев ва А.Бекмурадов ушбу имтиҳон билетларини у ёки бу кимни ёрдамида олиб бераман деб айтмаганлиги, ҳозирда унга етказилган моддий зарар ўрни қопланганлиги, Умида унга тегишли пули қисмини қайтариб бермаганлиги сабабли судланувчилардан уни фойдасига етказилган зарарни ундириб беришни сўради. Суд мажлисида жабрланувчи С.Абдунаимова, у ҳозирда Жаҳон Иқтисодиёти ва Дипломатия университети 1босқич талабаси эканлиги, 2023 йил декабрь ойида 1-семестр якуни бўйича имтиҳонга кириш учун ўзбек тили, Конституция асослари, Хуқуқ асослари ва Микроиқтисодиёт фанларидан қарздор бўлиб қолганлиги, у олдиндан таниш бўлган ЖИДУ регестрар офиси ходими Қ.Абдураимовга балларини кўриб беришини сўраб мурожаат қилганлиги, Қ.Абдураимов унга якуний имтиҳонларга кириш учун балларини кўриб, ушбу балларни кўтариш имкони борлигини, балларни кўтариб беришга ёрдам беришини лекин ҳар бир фанларни балларини кўтариб бериш эвазига 2.000.000 сўм беришини айтганлиги ва шунда у Қ.Абдураимовни таклифига рози бўлганлиги, у рози бўлиб пулларни қачон бериши керак эканлигини сўраганида, у иш битгандан сўнг беришини айтганлиги, сўнг 23.12.2023 йилда университетга бориб Қ.Абдураимов билан кўришганлиги, у иш ҳал бўлганлигини айтганлиги, балларини университетнинг “Ims.uwed.uz” сайти орқали кўрганлиги ва унинг балли 28 баллдан 38 баллга ўзгариб якуний имтиҳонга киришга рухсат этилганини билганлиги ва Қ.Абдураимов унга ташқарига чиқишини айтганлиги ва ташқарига чиқиб, Кобалт русумли автомашинани олдига боришганлиги, у машинадан четроқда туриб эшикларини очиб имо билан пулларни машинасининг салонига солишини айтганлиги, унинг машинаси эшигини очиб 100 АҚШ доллари ва 500.000 сўм миқдоридаги пул маблағларини автоулов ичига солиб эшикни ёпиб кетганлиги, шундан сўнг, орадан тахминан 30 дақиқа вақт ўтгандан сўнг Қ.Абдураимов унга қўнғироқ қилиб кам пул ташлаб кетганлигини айтиб, унга 200 АҚШ доллари миқдоридаги пулларни бериши керак эканлигини айтганлиги, ундан яна қанча пул бериши керак эканлигини сўраганида Қ.Абдураимов яна 700.000 сўм пулларни беришни талаб қилганлиги ва у бу пулларни пластик картага ташлаб беришини айтиб, ўзининг 9860 3501 0254 5489 рақамли карта рақамини ташлаб бериб ушбу картага юқорида айтган 700.000 сўм пулларни ташлаб беришни ва у бу пулларни ИТ соҳасида ишловчи танишларига ташлаб беришини маълум қилганлиги, у “Қудрат” акага ташлаб берган ушбу картага 700.000 сўм миқдоридаги пулларни ташлаб берганлиги, сўнг улар таътилга чиқиб кетишганлиги, шундан кейин, 2023 йил 27 декабрь куни у “Ims.uwed.uz” сайти орқали балларини текширганида Ўзбек тили фанидан тўплаган баллари эски ҳолатига яъни 28 баллга қайтиб қолганлигини кўриб телеграм орқали Қ.Абдураимовга ушбу ҳолатни айтганида Қ.Абдураимов унга баллни кўтарилганини Ўзбек тили фани ўқитувчиси билиб қолганлигини шу сабабли балларни эски ҳолатига қайтариб қўйганлигини айтганлиги, шунда у Қ.Абдураимовдан балларни тўғирлаб беришини сўраганлиги, сўнг 2024 йил 15 январь куни у университетига бошқа бир фандан имтиҳонга кириб чиқиб “Қудрат” акани олдига бориб гаплашганлиги ва унга балларни тўғирлаб бера олмаслиги қолган семестрларда қўшимча пул берса ҳал қилиб беришини айтганида у рози бўлмасдан ундан берган пулларини қайтаришни талаб қилганлиги ва у аввалига кўнмасдан у берган пулларни ишлатиб юборганлигини айтганлиги, 2024 йил 17 январь куни университетда Қ.Абдураимов билан кўришиб унга нега ундан қочиб юрганлигини, пулларини қайтариб беришни айтганида Қ.Абдураимов унга 100 АҚШ доллари миқдоридаги пулларни бериб қолганини кутиб турса кейинчалик қайтаришини маълум қилганлиги, у 100 АҚШ доллари миқдоридаги пулларни олиб кетганлиги, сўнг ўша кунинг ўзида Қ.Абдураимовнинг ноқонуний хаттиҳаракатлари юзасидан ДХХ ариза билан мурожаат қилганлиги, сўнг уни ёрдамида Қ.Абдураимовга нисбатан тегишли тадбир ўтказилганлиги, ҳозирги кунда унга етказилган зарар тўлиқ қопланганлиги сабабли судланувчига нисбатан даъвоси йўқлиги ҳақида кўрсатув берди. Суд мажлисида гувоҳ Д.Дехконов, Жаҳон иқтисодиёти ва дипломатия университети “Халқаро иқтисодиёт ва менежмент” факультетининг 4-курс талабаси эканлиги, 2023 йил 24 декабрь куни унга курсдоши “Элбек” қўнғироқ қилиб, якуний имтиҳонларнинг савол ва жавобларини олиш учун пул кераклиги, 125 АҚШ доллари эвазига имтиҳонларнинг савол ва жавобларини олиб мумкинлигини айтганлиги, Элбекдан имтиҳон саволларини ҳамда жавобларини кимдан пул эвазига олмоқчи эканлигини сўраганида, у таниши борлигини айтиб кимдан олиб беришини айтмаганлиги, имтиҳондан йиқилмаслик мақсадида, сўнг Элбек билан университет олдида кўришиб, унга 125 АҚШ долларини берганлиги, шунда Элбек унга жами 4 та имтиҳон саволларини ва жавобларини олиш учун бир шахсга 500 АҚШ долларини бераётганлиги, ундан ташқари яна бирга ўқийдиган Умида ва Камила ҳам имтиҳон саволлари учун 125 АҚШ долларидан беришганини айтиб, 125 АҚШ долларини олганидан сўнг, шошиб олдидан кетганлиги, 2024 йил 14 январь куни Элбек унга қўнғироқ қилиб, биринчи имтиҳоннинг саволларини олганлигини айтиб, унга кўришиб олишни таклиф қилганлиги сабабли, Элбек билан университет биносида кўришиб, ундан флешкада имтиҳон саволларини олганлиги, Элбек томонидан берилган имтиҳон саволлари рус тилида бўлганлиги сабабли, имтиҳон рус тилида бўлса керак деб ўйлаганлиги, лекин эртаси куни имтиҳонга кирганида, имтиҳон саволлари ўзбек тилида берилганлиги, шу сабабли Элбек томонидан берилган саволлар ва жавоблардан фойдалана олмаганлиги, имтиҳон саволларини ўзи ишлаб чиқганлиги, якуний имтиҳонлардан кейин, Элбекнинг олдига бориб, нима сабабдан берилган имтиҳон саволлари тушмаганлигини сўраганида Элбек ўзи ҳам буни тушунмаганлиги, унга ҳам имтиҳон саволлари тушмаганлигини айтиб, бунинг сабабини имтиҳон саволларини олиб чиқиб берган курсдоши Умидадан сўраб кўришини маълум қилганлиги, сўнг Элбек билан имтиҳон саволлари масаласида гаплашганида, Элбек Умида билан бирга бориб, имтиҳон саволларини олиб чиқиб берган регистрар офис ходими билан гаплашганлиги, регистрар офис ходим унга саволлар нима сабабдан тушмаганлигини билмаслигини айтганлиги, бироқ кейинги имтиҳон саволлари албатта тушишига ишонтирганлиги, шундан сўнг, Элбек иккинчи имтиҳоннинг 220 та саволидан 90 тасини берганлиги, Элбек томонидан берилган саволларни ўқитувчининг ўзи ҳам талабаларга намуна сифатида берганлиги, шу сабабли Элбекга иккинчи имтиҳон саволлари тўлиқ эмас-ку, қолган саволлар қачон берилганлигини, Элбек иккинчи имтиҳон саволларини имтиҳонга қадар регистрар офис ходими берганлиги, ўзи ҳам имтиҳон саволларини ва жавобларини кутиб турганлигини тушунтирганлиги, иккинчи имтиҳон бошланган бўлса-да, уларга имтиҳон саволлари ва жавоблари тўлиқ берилмаганлигини, натижада бу сафар ҳам ўз билимлари билан имтиҳонда тушган тестларни ишлаб чиқганлиги, бу сафар ҳам Элбекка эътироз қилиб, имтиҳон саволлари тушмаганлигини айтганида, Элбек барча ҳолатларни аниқлаштиришни айтиб олдидан кетганлиги, кейин яна Элбек билан гаплашганида, Элбек унга Регистрар офис ходимлари билан гаплашиб, пулларни қайтариб олишини айтганлиги, кейин Элбек ариза билан ДДХга мурожаат қилганлигини билганлиги,уни ўзи шахсан Аслан ва Озоджон ака билан гаплашмаганлиги, хозирги кунда у Элбекка берган пулини қайтариб олмаганлиги, уни билишича пулни У.Рахмонова қайтариб олганлиги, лекин У.Рахмонова унга пулини қайтариб бермаганлиги ҳақида кўрсатув берди. Суд мажлисида гувоҳ У.Рахманова, у Жаҳон иқтисодиёти ва дипломатия университети “Халқаро иқтисодиёт ва менежмент” факультетининг 4-курс талабаси эканлигини, 2023 йилнинг декабрь ойида ўзининг шахсий масаласи юзасидан университет психологи Арзиев Озоднинг олдига кириб, у билан суҳбатлашганлиги, суҳбат давомида, О.Арзиев ўқишда қандай муаммолар деб сўраганлиги, шунда О.Арзиевга бир-иккита фанлар бўйича имтиҳонларда муаммо бўлаётганлигини айтганлиги, О.Арзиев ушбу муаммонинг ечими борлигини, агарда истаса пул эвазига у университетнинг Регистрар офис ходими Бегмуродов Асламдан имтиҳон саволларини олиб чиқиб бериши мумкинлигини маълум қилганлиги, О.Арзиевга имтиҳон саволларини олиб чиқиш учун қанча миқдордаги пул маблағлари керак эканлигини айтганида, у имтиҳон саволларини олиб чиқиш масаласида у билан эмас, балки ўғил бола билан гаплашишини айтганлиги, шундан сўнг, қўшни ва паралел курсдоши Ибрагимов Элбекка университет психологининг таклифини айтиб, Элбекдан у билан гаплашиб кўришини сўраганлиги, Элбек О.Арзиев билан учрашиб гаплашганида, О.Арзиев унга 4-курснинг барча имтиҳон саволлари ва жавобларини Регистрар офис ходими Бегмуродов Асламдан 500 АҚШ доллари эвазига олиб беришини маълум қилганлиги, шунга кўра Элбек О.Арзиевнинг ушбу таклифини айтиб, 500 АҚШ доллари миқдорида пули йўқлиги сабабли, арзонроқ бўлиш учун яна бир-иккита талабани топиб, 500 АҚШ долларини 4 киши ўртасида тенг тақсимлашини айтганлиги, Элбекнинг ушбу таклифига рози бўлиб, унга имтиҳон саволлари ва жавоблари учун 125 АҚШ долларини берганлиги, Элбек О.Арзиевга 500 АҚШ долларини бериш мақсадида курсдоши Далер ҳамда Умарова Комилаларга ўзи қўнғироқ қилганлиги, уларга Регистрар офис ходими Бегмуродов Асламдан 125 АҚШ доллари эвазига имтиҳон саволларини олиб чиқиши мумкинлигини айтиб, Далер ва К.Умаровалардан ҳам 125 АҚШ долларини олиб, ушбу пулларни университет психологи О.Арзиевга берганлиги, О.Арзиев ва А.Бегмуродовлар ўртасида бўлиб ўтган олди-бердини кўрмаганлиги, лекин Элбекка пулларни берганларидан сўнг, О.Арзиев Элбекка флешкада биринчи имтиҳон саволларини берганлиги, бироқ имтиҳонда О.Арзиев томонидан берилган саволлар тушмаганлиги, шунингдек, О.Арзиев томонидан Элбекка берилган иккинчи имтиҳоннинг ярим саволлари ҳам чала бўлиб, ушбу имтиҳон саволлари ва жавобларидан имтиҳон вақтида фойдалана олмаганлиги, баъзи имтиҳондан ўзининг билими билан ўтганлиги, иккита имтиҳондан ўта олмаганлиги, шундан сўнг, Элбекка имтиҳон саволлари бўйича эътироз қилганлиги, Элбек О.Арзиев билан гаплашганида, у барча имтиҳон саволларини олиб чиқаман деб айтмаганлиги, фақат бешта фандан имтиҳон саволлари ва жавобларини Регистрар офис ходимларидан олиб чиқаман деб айтганлиги сабабли, О.Арзиевдан жахиллари чиққанлиги, шундан кейин, Элбек Аслан билан гаплашганида, Аслан унга имтиҳондан агарда ўта олишмаса унда Алгорисмус базасини очиб беришини айтганлиги сабабли, Асланга ушбу масалада мурожаат қилганларида, у уларга базани очиб бермаганлиги, бироқ бошқа пул берган талабаларга базани очиб берганлигига ўзлари гувоҳ бўлганлиги сабабли, О.Арзиев ва А.Бегмуродовлардан жахиллари чиққанлиги, Комолова ва Далер Элбекка эътироз қилганлиги сабабли, Элбек О.Арзиев ва А.Бегмуродовларнинг ҳаракатларидан норози бўлиб ҳуқуқни муҳофаза қилувчи органларга мурожаат қилганлиги билганлиги, Регистрар офис ходими Нурбек қўнғироқ қилиб, Аслам олган 500 АҚШ долларини қайтармоқчи эканлигини айтиб, кўришиб олишни таклиф қилганлиги, Нурбек билан кўришиб, унга пулларни олмаслигини айтганида, Нурбек унга агарда пулларни олмаса Аслан қамалиб кетади деб туриб олганлиги, шундан кейин Асланга рахми келиб, 500 АҚШ долларини олиб қолиб, бунинг эвазига тилхат ёзиб берганлиги, у О.Арзиевни олдига бориб ўзини шахсий муаммолари ҳақида гапирганида О.Арзиев унга имтиҳонни саволларни ва жавобларни олиб бериши мумкинлигини айтганлиги, Нурбекдан олган 500 АҚШ доллари миқдоридаги пулларни конвертга солиб прокуратура ходимига олиб бориб берганлиги, лекин прокуратура ходимини исм шарифини билмаслиги ҳақида кўрсатув берди. Суд мажлисида гувоҳ Ш.Уринов, 2017 йилдан буён Жаҳон иқтисодиёти дипломатия университетига бухгалтер бўлиб ишлаб келиши, 2023 йилнинг март ойидан бугунги кунга қадар мазкур университетнинг бош бухгалтери бўлиб ишлаб келиши, университетни бошқариш тизими, яъни “LMSUWED” дастури ишлаб чиқиш бўйича давлат харидлари электрон биржасига эълон берилган бўлиб, мазкур эълонга асосан тендер комиссиянинг қарорига асосан “Algorismus” МЧЖ ғолиб деб топилган ва “Algorismus” МЧЖ билан университет ўртасида 02.06.2023 йилда 6-23-сон хизмат кўрсатиш шартномаси имзоланганлиги, мазкур шартнома суммаси 225.000.000 сўмни ташкил этиб, шартномага асосан “Algorismus” МЧЖ университетни бошқарув тизимини шакллантириб бериш бўлганлиги, шунга кўра, ҳозирда университетда “LMS-UWED” дастурига “Algorismus” МЧЖ томонидан хизмат кўрсатилиб келинишини, бундан ташқари, “LMS-UWED” дастурига хизмат кўрсатиш учун 25.10.2023 йилда яна биржа савдолари орқали бир йил муддатга “Algorismus” МЧЖ билан шартнома тузилганлиги, ҳозирда университетининг барча ўқув жараёнлари мазкур дастур орқали амалга оширилиб келинишини, “LMS-UWED” дастури ЖИДУда 2022-2023 ўқув йилда жорий этилганлиги, “LMSUWED” дастурини университетга Алишеров Фарҳод олиб кирганлиги, Ф.Алишеров университетда академ бошқарма бошлиғи лавозимида ишлаши, “Algorismus” МЧЖ ҳам Ф.Алишеровга тегишли бўлиб, ушбу жамият раҳбари Ф.Алишеровнинг отаси Лутфуллаев Алишер ҳисобланиши, биржага “LMS-UWED” дастурий таъминотини ишлаб чиқиш учун техник параметрларни Ф.Алишеров ёзиб берганлиги ҳақида кўрсатув берди. Суд мажлисида гувоҳ Н.Усмонов, 2023 йилнинг февраль ойидан буён Жахон иқтисодиёти ва дипломатия университетида Регистрар Офиси етакчи мутахассиси лавозимида ишлаб келиши, хизмат вазифаларига LMS.uwed.uz платформасини юритиш, ушбу тизим бўйича талабалар ва ЖИДУнинг ўқитувчиларининг мурожаатларини қабул қилиб кўриб чиқиш кабилар кириши, Жаҳон иқтисодиёти ва дипломатия университетида Регистрар Офисида бирга яна уч нафар ходим, яъни бош мутахассис Абдураимов Қудратжон, Касимова Феруза ва Нодир исмли шахслар етакчи мутахассис лавозимида ишлаб келиши, шунингдек улар билан бирга 31.01.2024 йилга қадар Бегмуродов Аслан ҳам Регистрар офисда етакчи мутахассис лавозимида ишлаганлиги, 2024 йилнинг 03 февраль соат 13:00 ларда Регистрар Офис мутахассиси Абдураимов Қудратжон бир талаба қиздан унинг баҳосини ўзгартириб бериши эвазига пул маблағларини олиб, сўнг унга пулларни қайтараётган вақтида, Департамент ходимлари томонидан қўлга олинганидан хабар топганлиги, шундан сўнг, Бегмуродов Асланга бир иш юзасидан қўнғироқ қилганида, унинг телефони ўчиқ бўлганлиги сабабли, уни ҳам ҳуқуқни муҳофаза қилувчи орган ходимлари олиб кетган бўлса керак деб ўйлаб, танишлардан сўраб суриштирганида, ҳақиқатда ҳам А.Бегмуродовни ҳам Департамент ходимлари олиб кетишганлигини билганлиги, 03.02.2024 йилда А.Бегмуродовнинг отаси Ўктам ака қўнғироқ қилиб, Аслан талабалардан 500 АҚШ долларини имтиҳон саволларини олиб чиқиб бериш учун деб олганлигини, талабалар Асланнинг устидан ариза билан мурожаат қилишганлиги, шунга кўра унга нисбатан жиноят иши қўзғатилганлигини айтиб, кўришиб олишни таклиф қилганлиги, Асланнинг отаси Ўктам ака билан Чилонзор тумани прокуратураси биноси олдида кўришганида, Ўктам ака Аслан пул олган талабаларга пулларини қайтариши кераклигини, пуллар қайтарилган тақдирда, унга нисбатан терговда енгиллик бўлишини айтганлигини, шу вақтда ЖИДУ 4-курс талабаси Умида қўнғироқ қилиб, Аслам ака тинчми деб сўраганлиги, Аслам Чилонзор туман прокуратураси эканлигини айтганида, Умида, Элбек, Далер, Комила ва ўзи 500 АҚШ долларини Асламга имтиҳон саволларини олиб чиқиш учун берганлигини айтиб, Асламнинг устидан ҳеч ким шикоят қилмаганлигини маълум қилганлиги, шундан сўнг 4-курс талабаси Далерга қўнғироқ қилиб, Асламнинг устидан ариза билан мурожаат қилган ёки қилмаганлигини сўраганлиги, Далер Асламнинг устидан шикоят қилмаганлигини айтганлиги, Элбекнинг телефон рақами бўлмаганлиги сабабли, Далер билан Умидага Элбекка қўнғироқ қилиб, Асланнинг устидан ариза ёзган ёки ёзмаганлигини билиб беринглар деганлиги, илтимоси бўйича Умида билан Далер Элбекка қўнғироқ қилишганида, унинг телефон рақами ўчиқ берган эканлиги, Аслам кимлардан пул олганлигини билганидан сўнг, бу ҳақида Асламнинг отасига айтганида, Асламнинг отаси ушбу талабаларга пулларини қайтариб бериб, пулларини олганлиги ҳақида тилхат ёздириб беришни сўраганлиги, шунга кўра Умидага қўнғироқ қилиб, Асламнинг оила аъзолари пулларни қайтариб бермоқчи эканлигини айтиб, унга пулларни қайтариб берганлиги, шу мақсадда 05.02.2024 йилда Далерга ҳам қўнғироқ қилганида, Далер пулларни олмаслиги, пулларни қайтариб олиш олмаслик масаласи бўйича ўйлаб кўриши кераклигини айтганлиги, шу сабабли, Комила ва Элбекка қўнғироқ қилмасдан, улар билан гаплашиш ҳақида Умидадан илтимос қилганлиги, Қ.Ибрагимов ва А.Бегмуродовнинг ноқонуний ҳаттиҳаракатларидан хабари бўлмаганлигини, мазкур ҳолатлар ҳақида уларга нисбатан жиноят иши қўзғатилганидан сўнг хабар топганлиги ҳақида кўрсатув берди. Суд тарафларнинг розилиги билан суд мажлисига келмаган гувоҳларнинг кўрсатувларини ўқиб эшиттирди. Дастлабки тергов вақтида сўроқ қилинган гувоҳ М.Садуллаева, 2023 йил сентябрь ойидан буён Жаҳон иқтисодиёти ва дипломатия университетида “ўзбек тили” фанидан ўқитувчи бўлиб ишлаб келишини, М.Х.Садуллаева асосан 1-босқич талабаларига дарс бериб келишини, у тахминан 2023 йилнинг декабрь ойларида 1 семестр бўйича оралиқ назорати баҳоларини талабаларга қўйиб, уларнинг университетда жорий этилган “LMS” дастурига киритганлигини, ЖИДУнинг 1-босқич Халқаро ҳуқуқ факультети талабаси бўлган “Абидунаимова Салима” исм шарифли талабага 2 та оралиққа 3 ва 4 баҳоларини қўйганлигини, сабаби, у яхши ўзлаштирмаганлигини, бунинг натижасида, имтиҳонга кириш ҳуқуқини ололмаганлигини, бир куни “LMS” дастури тизимига кира олмай қолганлигини, чунки логин ва паролим ишламай қолганлигини, индинга яъни икки кун ўтгач регистрар бўлимга мурожаат қилганлигини, улар янги пароль қўйиши кераклигини айтишганини, паролни ўзгартириб тизимга кирганлигини, кирганидан кейин Абдунаимова Салиманинг баҳоси максимал 10 балл бўлганини кўрганини ва М.Х.Садуллаева қўйган баҳолар бу эмаслиги кимдир томонидан мазкур баҳолар ўзгартирилиб қўйилганлиги сабабли, дарҳол унинг асл баҳоларини ўзгартириб тўғирлаб қўйганлигини, орадан тахминан 4-5 кун ўтиб “Қудрат” исмли шахсдан қўнғироқ келганини, М.Х.Садуллаева бунга қадар уни танимаганини, “Қудрат” исмли шахс ўзини регисрар бўлими ходими деб таништирганлигини ва Абдунаимова Салиманининг супер контрактда ўқишини айтиб, унинг баҳосига ёрдам беришни сўраганлигини, М.Х.Садуллаева Қудрат акага рад жавобини берганини, кейин яна профилига кириш коди ўзгариб пароли нотўғри деб қолганини, яна Регистрар бўлим орқали кодини ўзгартириб профилига кирса, яна Абдунаимова Салиманинг баҳолари ўзгариб қолганлигининг гувоҳи бўлганини, М.Х.Садуллаева унинг баҳолари ўзгарганлигини кўриб, унинг баҳоларини аслига қайта тўғирлаб қўйганини, шу куни “Қудрат” исмли шахсдан иккинчи маротаба қайта қўнғироқ келганини, бу сафар Салима исмли қиз унинг узоқ қариндоши эканини айтиб, унинг баҳосини юқорироқ қилиб қўйиб беришини ҳамда якуний назоратга киришига ёрдам беришини сўраганлигини, М.Х.Садуллаева у қизнинг ўзлаштириши паст даражада эканини айтиб Қудрат акага рад жавобини берганлигини, М.Х.Садуллаеванинг С.Абдунаимова билан муносабати устоз ва талаба сифатида эканлигини, Салимани унга дарс бергунига қадар танимаслигини, унга ўзлаштиришлари жуда ҳам паст бўлганлиги сабабли шунга муносиб баҳосини қўйганлигини, М.Х.Садуллаевага С.Абдунаимова, К.Абдураимов ёки бошқалар баҳоларни ўзгартириб бериш эвазига манфаатдор қилиш таклифи билан мурожаат қилмаганлигини, қилишганида ҳам М.Х.Садуллаева уларга рад жавобини беришини, М.Х.Садуллаева талабанинг ўқишига муносиб баҳосини қўйганлигини маълум қилган. Дастлабки тергов вақтида сўроқ қилинган гувоҳ Ж.Собирова, у Жаҳон Иқстисодиёти ва Дипломатия университитети Халқаро ҳуқуқ факультети 1-босқич талабаси эканлигини, 2024 йил 03 февраль куни дарсдан чиқиб университет эшиги олдида турган вақтида курсдош дугонаси “Салима”ни кўриб қолганлигини, ва у билан бир оз суҳбатлашиб университет ёнидаги “Cackelab” кафесига кирганлигини, ва у ерда гаплашиб ишлари борлиги учун хайрлашиб кетганлигини, Шундан сўнг орадан тахминан 5-10 дақиқа вақт ўтгач “Салима” қўнғироқ қилиб банк пластик картаси бор ёки йўқ эканлиги ҳақида сўраганлигини, ва унга пластик картаси бор эканлигини айтганлигини, ва “Салима” банк пластик картасини бериб туришни сўраганлигини, ва унча узоққа кетмаганлиги сабабли унинг ёнига келиб “Капиталбанк” томонидан очилган 9860100126557881 рақамли банк пластик карточкасини унга берганлигини, шундан сўнг Департамент ходимлари қўнғироқ қилишиб департаментнинг Тошкент шаҳар бошқармаси маъмурий биносига таклиф қилишганлигини, департаментнинг Тошкент шаҳар бошқармасига келганида ундан бўлган ҳолат юзасидан тушунтириш олишганлигини, дугонаси “Салима”га берган “Капиталбанк” томонидан очилган 9860100126557881 рақамли банк пластик карточкасининг ичидаги 1.300.000 сўм пул маблағларини далилий ашё сифатида олишганлигини ва бу ҳолат бўйича ҳеч қандай эътирозлари йўқлигини маълум қилган. Шунингдек, судланувчи Қ.Абдураимов, О.Арзиев ва А.Бегмурадовларнинг айби жабрланувчиларнинг мурожаат (ариза)лари, терговга қадар текширув ҳужжатлари, тушунтириш хатлари, тезкор тадбир ўтказиш хамда овоз ёзиш мосламасини тақдим қилиш ҳақида баённомалари, тезкор тадбир жараёни, ашёвий далил сифатида олиб қўйиш ва иш ҳужжатларига қўшиш юзасидан баённома, шахсий кўздан кечириш ва ихтиёрий тақдим қилиш баённомалари, Қ.Абдураимовга тегишли бўлган ашёвий далил деб эътироф этилган “ТБС” банк томонидан берилган 9860 3501 0254 5489-рақамли “HUMO” пластик картаси, Қ.Абдураимовга тегишли бўлган “AloqaBank” томонидан берилган “Uzcard” номли пластик картаси, Ж.Сабирова тегишли бўлган “KAPITALBANK” пластик картаси, ашёвий далил деб топилган 05.03.2024 йил куни “AloqaBank” томонидан берилган пластик карта айланмаси, 11.03.2024 йил куни “ТБС” банк томонидан берилган пластик картасида амалга оширилган транзакциялар кўчирмалари, нарса ва ҳужжатларни олиш, кўздан кечириш, стенограмма сўзлашувларини эшитиш баённомалари ва уларни ашёвий далил деб эътироф этиш тўғрисидаги қарорлари, сўроқ баённомалари ҳамда Ўзбекистон Республикаси ЖПКнинг 95-моддаси тартибида баҳоланган бошқа объектив далиллар мажмуи билан ўз исботини топган. Суд дастлабки тергов органи томонидан судланувчи Қ.Абдураимовнинг фирибгарлик, яъни ўз хизмат мавқеидан фойдаланган ҳамда ахборот тизимидан фойдаланган ҳолда ишончни суиистеъмол қилиш йўли билан ўзганинг мулкини қўлга киритишда ифодаланган ҳаракатлари Ўзбекистон Республикаси ЖК 168-моддаси 3-қисмининг “в,г” бандлари билан; судланувчи О.Арзиев ва А.Бегмурадовларнинг ўз хизмат мавқеидан фойдаланиб, бир гуруҳ шахслар билан олдиндан тил бириктириб, ишончни суиистеъмол қилиш йўли билан ўзганинг мулкини қўлга киритишда ифодаланган жиноий ҳаракатлари Ўзбекистон Республикаси ЖК 168-моддаси 3қисмининг “в” банди билан тўғри квалификация қилинган деб ҳисоблайди. Шунингдек, судланувчи О.Арзиев ва А.Бегмурадовларнинг жиноий ҳаракатларини дастлабки тергов органи томонидан Ўзбекистон Республикаси ЖК 28,211-моддасининг 1-қисми билан нотўғри квалификация қилинган деб ҳисоблайди. Чунки, Ўзбекистон Республикаси ЖК 28,211моддасининг 1-қисмига кўра “Пора беришга қизиқтириш, яъни давлат органи, давлат иштирокидаги ташкилот ёки фуқароларнинг ўзини ўзи бошқариш органи мансабдор шахсига мазкур мансабдор шахснинг ўз хизмат мавқеидан фойдаланган ҳолда содир этиши лозим ёки мумкин бўлган муайян ҳаракатни пора берган шахснинг манфаатларини кўзлаб бажариши ёки бажармаслиги эвазига қонунга хилоф эканлигини била туриб бевосита ёки воситачи орқали моддий қимматликлар бериш ёки уни мулкий манфаатдор этишда далолатчилик қилиш” учун жавобгарлик белгиланган бўлиб, суд мажлисида сўралган судланувчи О.Арзиев ва А.Бегмурадовлар олган 500 АҚШ доллари миқдоридаги пулни у ёки бу мансабдор шахсга бериш нияти бўлмаганлиги, судланувчи О.Арзиев 500 АҚШ доллари миқдоридаги пулларни олиб, уни таниши А.Бегмуродовга берганлиги, Жаҳон иқтисодиёти ва дипломатия университетининг “Регистрар офиси” бўлими етакчи мутахассиси А.Ў.Бегмуродов бўлимда мавжуд бўлган савол ва жавобларни олиб берган. Шунингдек, дастлабки тергов органи томонидан Жаҳон иқтисодиёти ва дипломатия университети “Регистрар офиси” бўлими етакчи мутахассиси А.Ў.Бегмуродов ўз хизмат мавқеидан фойдаланган ҳолатда Жаҳон иқтисодиёти ва дипломатия университетининг психологи О.М.Аризев билан олдиндан жиноий тил бириктириб, университет талабалари Д.Х.Деҳқонов, В.А.Фараджаева ҳамда У.Ф.Рахмановаларга “Халқаро Иқтисодиёт”, “Халқаро молиявий технологиялар”, “Халқаро менежмент”, “Жаҳон савдо ташкилоти” ва “гуманитар ҳуқуқ” фанларидан ўтказиладиган якуний имтиҳон саволларига тўғри жавобларни ўзларининг юқори лавозимларда ишловчи танишларини моддий манфаатдор қилиш орқали олиб беришини ваъда қилишганлиги кўрсатилган бўлса-да суд мажлисида терговнинг бу хулосаси ўз исботини топмаганлиги, жабрланувчи Э.Иброҳимов эса дастлабки тергов ва суд мажлисида А.Бегмуродов улардан олган пулини кимнудур оғзини ёпиш учун кераклиги ҳақида гапирганлиги, лекин лекин бу пулларни айнан кимга беришини айтмаганлиги ҳақида кўрсатув берди. Ўзбекистон Республикаси Олий суди Пленумининг 1999 йил 24 сентябрдаги “Порахўрлик ишлари бўйича суд амалиёти тўғрисида”ги қарорининг 15-бандида “Агар айбдор пора берувчидан мансабдор шахсга бериш учун деб пора тариқасида пул ёки бошқа бойликларни олганида ва бундай қилмишни хоҳламасдан, уларни ўзлаштириб юборганда, қилмиш фирибгарлик деб тавсифланиши лозим”лиги назарда тутилган. Шунингдек, Ўзбекистон Республикаси Олий суди Пленумининг 2023 йил 23 июндаги “Фирибгарликка оид ишлар бўйича суд амалиёти тўғрисида”ги 17-сонли қарорининг 24 бандида “Мансабдор шахс томонидан у мансаб ваколати йўқлиги ёки ўз хизмат мавқеидан фойдалана олмаслиги туфайли аслида амалга ошира олмайдиган муайян ҳаракат (ҳаракатсизлик) учун пул, қимматли қоғоз ва бошқа моддий қимматликлар олиниши, унда мазкур қимматликларни эгаллашга нисбатан қасд мавжуд бўлган тақдирда, фирибгарлик сифатида квалификация қилиниши лозим. Агар шахс (шу жумладан мансаб ваколати йўқлиги ёки ўз хизмат мавқеидан фойдалана олмаслиги туфайли муайян ҳаракат (ҳаракатсизлик)ни аслида амалга ошира олмайдиган мансабдор шахс), гўёки мансабдор шахсга пора сифатида бериш учун пул ёки бошқа қимматликларни олиб, бироқ аслида бундай нияти бўлмасдан, уларни ўзлаштирса, қилмиш фирибгарлик сифатида квалификация қилиниши лозим” деб кўрсатилган. Суд мажлисида судланувчи А.Бегмуродов томонидан Э.Иброҳимовга тақдим этган савол жавоблар ўтказилган имтиҳонда тушмаганлиги, савол ва жавоблар нотўғри бўлган. Юқоридагиларга кўра суд, судланувчи О.Арзиев ва А.Бегмуродовлар жабрланувчи Э.Иброҳимовни алдаб, уни пулларини фирибгарлик йўли билан эгаллашни мақсад қилган деб баҳолайди. Чунки, на дастлабки тергов ва на суд мажлисида судланувчи О.Арзиев ва А.Бегмуродовни далолатчи сифатида давлат органи мансабдор шахсига пора беришга қизиқтирганлиги, бу пулни пора тариқаси қайсидир мансабдор шахсга бермоқчи бўлганлиги ўз исботини топмади. Ўзбекистон Республикаси ЖПКнинг 23-моддасида, айбдорликка оид барча шубҳалар, башарти уларни бартараф этиш имкониятлари тугаган бўлса, судланувчининг фойдасига ҳал қилиниши лозимлиги, қонун қўлланилаётганда келиб чиқадиган шубҳалар ҳам судланувчининг фойдасига ҳал қилиниши кераклиги, ЖПКнинг 463-моддасида, айблов ҳукми тахминларга асосланган бўлиши мумкин эмаслиги ва фақат судланувчининг жиноят содир этишда айбли эканлиги суд муҳокамаси давомида исбот қилинган тақдирдагина чиқарилиши, айблов ҳукмига жиноят содир этилишининг иш бўйича барча мумкин бўлган ҳолатларини текшириш, иш материалларида маълум бўлиб қолган барча кам-кўстни тўлдириш, юзага келган ҳамма шубҳа ва қарамақаршиликларга барҳам бериш натижасида йиғилган ишончли далилларгина асос қилиб олиниши лозимлиги белгиланган. Ўзбекистон Республикаси Олий суди Пленумининг 2014 йил 23 майдаги “Суд ҳукми тўғрисида”ги 7-сонли қарорининг 5-бандида, ЖПКнинг 22-моддасига биноан иш бўйича ҳақиқатни аниқлаш учун фақат қонунда назарда тутилган тартибда тўпланган, текширилган ва баҳоланган маълумотлардан фойдаланиш мумкинлиги, ҳукм ЖПКнинг 26, 90 ва 455-моддалари талабига биноан фақат суд мажлисида текширилган ва суд мажлиси баённомасида ўз аксини топган далилларга асосланган бўлиши лозимлиги ҳақида тушунтириш берилган. Ўзбекистон Республикаси ЖПКнинг 26-моддаси талабларига кўра “Суд фақат суд мажлисида текширилган далилларга асосланиб ҳукм чиқаради”. Ўзбекистон Республикаси ЖПКнинг 415-моддасида “Суд айбловни ўзгартиришга ҳақли. Бунда айбловнинг бир қисми ёки жиноятнинг тавсифий аломатлари чиқариб ташланади” деб кўрсатилган. Ўзбекистон Республикаси Олий суди Пленумининг 2014 йил 23 майдаги “Суд ҳукми тўғрисида”ги 7-сонли қарорининг 24-бандида “Жиноятни Жиноят қонунининг у ёки бу моддаси, унинг қисми ёки банди билан тавсифлаш бўйича суднинг асослантирилган хулосаси айблов ҳукмининг тавсиф қисмининг муҳим белгиси ҳисобланади. Бунда судланувчининг ҳаракатлари нима учун айнан шу модда, қисм, банд билан тавсифланаётганлиги аниқ кўрсатилиши керак. Суд судланувчини баҳоловчи категорияларга тегишли (масалан, жиддий зиён, оғир оқибатлар ва ҳ.к.) белгиларга қараб айбдор деб топишда, ушбу белгининг жиноий қилмишда мавжудлигини тасдиқловчи ҳолатларни келтириши шарт. Ўзбекистон Республикаси ЖПКнинг 467-моддасига биноан айбловнинг ўзгартирилиши суд томонидан ҳукмнинг тавсиф қисмида асослантирилган бўлиши керак. Суд, суд мажлисида аниқланган ҳолатлардан келиб чиқиб, судланувчи О.Арзиев ва А.Бегмуродовлар далолатчи сифатида давлат органи мансабдор шахсига пора беришга қизиқтирганлиги ҳолати ўз тасдиғини топмаганлиги сабабли уларга нисбатан эълон қилинган айбловдан Ўзбекистон Республикаси ЖК 28,211-моддасининг 1-қисмини ортиқча айблов сифатида чиқариб ташлашни лозим топади. Суд, инсонпарварлик ва одиллик принципларидан келиб чиқиб, қонун талаблари ва Ўзбекистон Республикаси Олий суди Пленумининг “Судлар томонидан жиноят учун жазо тайинлаш амалиёти тўғрисида”ги 2006 йил 3 февралдаги 1сонли қарорининг 3-бандида, жазо адолатли бўлиши ҳар бир ҳолатда индивидуал тайинланиши, жиноятнинг хусусияти ва ижтимоий хавфлилик даражасига, айбдорнинг шахсига, шунингдек, жазони енгиллаштирувчи ва оғирлаштирувчи ҳолатларига мувофиқ бўлиши кераклиги ҳақида тушунтиришларига риоя қилиб: судланувчи Қ.Абдураимовга нисбатан жазо тайинлашда Ўзбекистон Республикаси ЖКнинг 55, 56-моддалари талаблари ҳамда Ўзбекистон Республикаси Олий суди Пленумининг 2006 йил 3 февраль кунги “Судлар томонидан жиноят учун жазо тайинлаш амалиёти тўғрисида”ги 1-сонли Қарорининг талабларига риоя қилиб, унинг шахсини, муқаддам судланмаганлигини, қилмишидан пушаймонлигини, жабрланувчиларга етиказилган моддий зарар ўрни тўлиқ қопланганлигини ЖКнинг 55-моддасида назарда тутилган жазони енгиллаштирувчи ҳолатлар сифатида эътироф этиб, жиноятни ғараз мақсадларда содир этилганлиги Ўзбекистон Республикаси ЖКнинг 56-моддасига асосан жазони оғирлаштирувчи ҳолатлар сифатида инобатга олиб, Ўзбекистон Республикаси ЖК 168-моддасининг 5-қисми талабларидан келиб чиқиб, унга нисбатан айблов моддаси санкциясида назарда тутилган ахлоқ тузатиш ишлари жазоси тайинлашни, шунингдек у мазкур жиноятни хизмат вазифасидан яъни ахборот технологиясидан фойдаланиб, содир этганлиги сабабли ЖКнинг 45-моддасини қўллаб, унга нисбатан ахборот технологияси соҳасида ишлаш ҳуқуқидан маҳрум этиш жазосини тайинлашни; судланувчи О.Арзиевга нисбатан жазо тайинлашда Ўзбекистон Республикаси ЖКнинг 55, 56-моддалари талаблари ҳамда Ўзбекистон Республикаси Олий суди Пленумининг 2006 йил 3 февраль кунги “Судлар томонидан жиноят учун жазо тайинлаш амалиёти тўғрисида”ги 1-сонли Қарорининг талабларига риоя қилиб, унинг шахсини, муқаддам судланмаганлигини, қилмишидан пушаймонлигини ЖКнинг 55-моддасида назарда тутилган жазони енгиллаштирувчи ҳолатлар сифатида эътироф этиб, жиноятни ғараз мақсадларда содир этилганлиги Ўзбекистон Республикаси ЖКнинг 56-моддасига асосан жазони оғирлаштирувчи ҳолатлар сифатида инобатга олиб, Ўзбекистон Республикаси ЖК 168-моддасининг 5-қисми талабларидан келиб чиқиб, унга нисбатан айблов моддаси санкциясида назарда тутилган ахлоқ тузатиш ишлари жазоси тайинлашни, тайинланган жазони иш жойида ўташни белгилашни, шунингдек О.Арзиев психолог эканлиги, содир этилган жиноят уни иш жойи билан билан боғлиқ бўлиб, лекин касби билан билан бевосита боғлиқ эмаслиги сабабли унга нисбатан ЖКнинг 45-моддасини қўллаб муайян ҳуқуқдан маҳрум этиш жазосини тайинламасликни; судланувчи А.Бегмуродовга нисбатан жазо тайинлашда Ўзбекистон Республикаси ЖКнинг 55, 56-моддалари талаблари ҳамда Ўзбекистон Республикаси Олий суди Пленумининг 2006 йил 3 февраль кунги “Судлар томонидан жиноят учун жазо тайинлаш амалиёти тўғрисида”ги 1-сонли Қарорининг талабларига риоя қилиб, унинг шахсини, муқаддам судланмаганлиги, қилмишидан пушаймонлигини ЖКнинг 55-моддасида назарда тутилган жазони енгиллаштирувчи ҳолатлар сифатида эътироф этиб, жиноятни ғараз мақсадларда содир этилганлиги Ўзбекистон Республикаси ЖКнинг 56-моддасига асосан жазони оғирлаштирувчи ҳолатлар сифатида инобатга олиб, Ўзбекистон Республикаси ЖК 168-моддасининг 5-қисми талабларидан келиб чиқиб, унга нисбатан айблов моддаси санкциясида назарда тутилган ахлоқ тузатиш ишлари жазоси тайинлашни, шунингдек у мазкур жиноятни хизмат вазифасидан яъни ахборот технологиясидан фойдаланиб, содир этганлиги сабабли ЖКнинг 45-моддасини қўллаб, унга нисбатан ахборот технологияси соҳасида ҳамда моддий жавобгарлик юклатилган вазифаларда ишлаш ҳуқуқидан маҳрум этиш жазосини тайинлашни лозим деб топади. Суд судланувчилар томонидан етказилган зарарни ундириш масаласини муҳокама қилиб, қуйидаги тўхтамга келади. Суд мажлисида аниқланишича, жабрланувчи С.Абдунаимовага нисбатан етказилган 100 АҚШ доллари ва 1.300.000 сўм миқдоридаги пуллар тўлиқ қопланганлиги ва уни судланувчи К.Абдураимовга нисбатан даъвоси йўқлигини маълум қилганлигини эътиборга олишни лозим деб топади. Бундан ташқари суд мажлисида судланувчи О.Арзиев ва А.Бегмуродовлар Э.Иброхимовга етказилган зарарни мустақил равишда дастлабки тергов органини хабардор қилмасдан иш бўйича гувоҳ тариқасида ўтаётган У.Рахмановага бериб юборганлиги, У.Рахманова эса гўёки бу пулларни конвертга солиб прокуратура органи исм шарифи номаълум бўлган ходимига бериб юборганлигини маълум қилаётган бўлса-да, жиноят иши ҳужжатларида У.Рахимовадан ушбу пулларни олинганлиги ҳақида процессуал ҳужжатлар мавжуд эмаслигини инобатга олиб, жабрланувчи Э.Иброхимовга етказилган 500 АҚШ доллари қопланмаган деб ҳисоблашни ва ушбу пул миқдорини суд ҳукми чиқарилаётган кундаги 1 АҚШ долларининг сўмга нисбатан қийматидан келиб чиқиб, яъни 500*12.580=6.290.000 сўмни судланувчи А.Бегмуродов ва О.Арзиевлардан солидар тартибда жабрланувчи Э.Иброҳимовни фойдасига ундиришни лозим деб топади. Шу билан тарафларга етказилган бошқа моддий ва маънавий зарарни ундириш масаласида фуқаролик ишлари бўйича судига мурожаат қилиши мумкинлиги тушунтирилсин. Шунингдек далилий ашё "ТБС" банк томонидан берилган "HUMO" банк пластик картаси, "Aloqa Bank" томонидан берилган "Uzcard" банк пластик карталари судланувчи К.Абдунабиевнинг ўзига тилхат асосида қайтаришни, Ж.Собировага тегишли "Капитал банк" пластик картаси у томонидан олиб кетилмагунга қадар жиноят ишида сақлашни, "Aloqa Bank" томонидан берилган пластик карта айланмаси, "ТБС" банк томонидан берилган банк пластик картасида амалга оширилган транзакциялар айланмаси, тезкор тадбир давомида олинган С.Абдунаимова ва К.Абдураимовларнинг сўзлашувлари туширилган аудио диск ҳамда стенограмма, Н.Усманов ва Д.Дехконов ўртасидаги сўзлашувлар ёзилган диск ва стенограммаси жиноят ишида сақлаш учун қолдиришни лозим деб топади. Ўзбекистон Республикаси ЖПКнинг 454, 457, 462, 463, 465-468, 471, 473-моддаларига мувофиқ, суд ҲУКМ Қ И Л А Д И: Судланувчи Абдураимов Кудратжон Шухратжон ўғли (Abduraimov Kudratjon Shuxratjon o’gli) Ўзбекистон Республикаси ЖК 168-моддаси 3-қисмининг «в,г» бандларида назарда тутилган жиноятни содир этганликда айбли деб топилиб, ЖКнинг 45-моддасини қўллаб, 1 (бир) муддатга ахборот технологиялари соҳасида ишлаш ҳуқуқидан маҳрум қилиниб, ойлик иш ҳақининг 10 фоизини давлат даромадига ушлаб қолиш шарти билан 2 (икки) йил муддатга ахлоқ тузатиш ишлари жазоси тайинлансин. Ўзбекистон Республикаси ЖКнинг 62-моддасига асосан судланувчи К.Абдураимов 2024 йил 3 февраль кунидан 5 февраль кунига қадар жами 3 (уч) кун қамоқда сақланган ҳар бир кунини ахлоқ тузатиш ишлари жазосининг уч кунига тенглаштириб 9 (тўққиз) кун ахлоқ тузатиш ишлари жазосини ўталган деб ҳисоблаб, тайинланган ахлоқ тузатиш ишлари жазосидан чегириб ташлаб, унга узил-кесил ўташ учун иш ҳақининг 10 фоизини давлат даромади ҳисобига ушлаб қолган ҳолда 1 (бир) йил 11 (ўн бир) ой 21 (йигирма бир) кун ахлоқ тузатиш ишлари жазоси ва ЖКнинг 45моддасини қўллаб, 1 (бир) муддатга ахборот технологиялари соҳасида ишлаш ҳуқуқидан маҳрум қилиш жазоси тайинлансин. Тайинланган жазони мазкур жазо ижросини назорат қилувчи органлар томонидан белгилаб берилган жойларда ўташлик белгилансин. Жазо муддати К.Абдураимов жазони ўташ учун юборилган корхона, муассаса, ташкилотда иш бошлаган кундан ҳисоблансин. Ҳукм ижросини назорат қилиш Тошкент шаҳар Яшнобод туман ИИО ФМБга юклатилсин. К.Абдураимовга нисбатан қўлланилган муносиб хулқ атворда бўлиш ҳақида тилхат эҳтиёт чораси ҳукм қонуний кучга кирганидан сўнг бекор қилинсин. Судланувчи Арзиев Озоджон Мавлонович (ARZIYEV OZODJON MAVLONOVICH) Ўзбекистон Республикаси ЖК 168-моддаси 3-қисмининг «в» бандида назарда тутилган жиноятни содир этганликда айбли деб топилсин ва ойлик иш ҳақининг 10 фоизини давлат даромадига ушлаб қолиш шарти билан 2 (икки) йил муддатга ахлоқ тузатиш ишлари жазоси тайинлансин. Ўзбекистон Республикаси ЖКнинг 62-моддасига асосан судланувчи О.Арзиев 2024 йил 3 февраль кунидан 5 февраль кунига қадар жами 3 (уч) кун қамоқда сақланган ҳар бир кунини ахлоқ тузатиш ишлари жазосининг уч кунига тенглаштириб 9 (тўққиз) кун ахлоқ тузатиш ишлари жазосини ўталган деб ҳисоблаб, тайинланган ахлоқ тузатиш ишлари жазосидан чегириб ташлаб, унга узил-кесил ўташ учун иш ҳақининг 10 фоизини давлат даромади ҳисобига ушлаб қолган ҳолда 1 (бир) йил 11 (ўн бир) ой 21 (йигирма бир) кун ахлоқ тузатиш ишлари жазоси қолдирилсин. Тайинланган жазони иш жойида ўташ белгилансин. Жазо муддати О.Арзиев ишлаётган корхона маъмурияти жазоларни ижро этиш инспекциясидан хабарнома олган кундан ҳисоблансин. Ҳукм ижросини назорат қилиш Тошкент шаҳар Чилонзор туман ИИО ФМБга юклатилсин. О.Арзиевга нисбатан қўлланилган гаров эҳтиёт чораси бекор қилинсин ва Тошкент шаҳар прокуратурасининг депозит ҳисоб рақамида сақланаётган 8.000.000 сўм пуллар О.Арзиевга қайтариб берилсин. Судланувчи Бегмуродов Аслам Ўктам ўғли (Begmurodov Aslam O’ktam o’gli) Ўзбекистон Республикаси ЖК 168-моддаси 3-қисмининг «в» бандида назарда тутилган жиноятни содир этганликда айбли деб топилиб, ЖКнинг 45моддасини қўллаб, 1 (бир) муддатга ахборот технологиялари соҳасида ҳамда моддий жавобгарлик юклатилган вазифаларда ишлаш ҳуқуқидан маҳрум қилиниб, ойлик иш ҳақининг 10 фоизини давлат даромадига ушлаб қолиш шарти билан 2 (икки) йил муддатга ахлоқ тузатиш ишлари жазоси тайинлансин. Ўзбекистон Республикаси ЖКнинг 62-моддасига асосан судланувчи А.Бегмуродов 2024 йил 3 февраль кунидан 5 февраль кунига қадар жами 3 (уч) кун қамоқда сақланган ҳар бир кунини ахлоқ тузатиш ишлари жазосининг уч кунига тенглаштириб 9 (тўққиз) кун ахлоқ тузатиш ишлари жазосини ўталган деб ҳисоблаб, тайинланган ахлоқ тузатиш ишлари жазосидан чегириб ташлаб, унга узил-кесил ўташ учун иш ҳақининг 10 фоизини давлат даромади ҳисобига ушлаб қолган ҳолда 1 (бир) йил 11 (ўн бир) ой 21 (йигирма бир) кун ахлоқ тузатиш ишлари жазоси ва ЖКнинг 45моддасини қўллаб, 1 (бир) муддатга ахборот технологиялари соҳасида ҳамда моддий жавобгарлик юклатилган вазифаларда ишлаш ҳуқуқидан маҳрум қилиш жазоси тайинлансин. Тайинланган жазони мазкур жазо ижросини назорат қилувчи органлар томонидан белгилаб берилган жойларда ўташлик белгилансин. Жазо муддати А.Бегмуродов жазони ўташ учун юборилган корхона, муассаса, ташкилотда иш бошлаган кундан ҳисоблансин. Ҳукм ижросини назорат қилиш Тошкент шаҳар Яшнобод туман ИИО ФМБга юклатилсин. А.Бегмуродовга нисбатан қўлланилган муносиб хулқ атворда бўлиш ҳақида тилхат эҳтиёт чораси ҳукм қонуний кучга кирганидан сўнг бекор қилинсин. Судланувчи А.Бегмуродов ва О.Арзиевлардан солидар тартибда жабрланувчи Э.Ибрагимовнинг фойдасига 6.290.000 сўм ундирилсин. Тарафларга қолган моддий ва маънавий зарарни ундириш масаласида фуқаролик ишлари бўйича судига мурожаат қилишлари мумкинлиги тушунтирилсин. Далилий ашё "ТБС" банк томонидан берилган "HUMO" банк пластик картаси, "Aloqa Bank" томонидан берилган "Uzcard" банк пластик карталари судланувчи К.Абдунабиевнинг ўзига тилхат асосида қайтарилсин, фуқаро Ж.Собировага тегишли "Капитал банк" пластик картаси у томонидан олиб кетилмагунга қадар жиноят ишида сақлашни, "Aloqa Bank" томонидан берилган пластик карта айланмаси, "ТБС" банк томонидан берилган банк пластик картасида амалга оширилган транзакциялар айланмаси, тезкор тадбир давомида олинган С.Абдунаимова ва К.Абдураимовларнинг сўзлашувлари туширилган аудио диск ҳамда стенограмма, Н.Усманов ва Д.Дехконов ўртасидаги сўзлашувлар ёзилган диск ва стенограммаси жиноят ишида сақлаш учун қолдирилсин. Ҳукмдан норози тарафлар ҳукм эълон қилинган кундан бошлаб, судланувчи ва жабрланувчи ҳукм нусхасини олган кундан бошлаб, ўн сутка ичида шу суд орқали Тошкент шаҳар суди жиноят ишлари бўйича судлов ҳайъатига апелляция тартибида шикоят бериш ёки прокурор протест келтиришлари, ҳукм қонуний кучга кирганидан сўнг эса кассация тартибида шикоят ёки протест келтиришлари мумкин. Ж.Курбанов Маъсул судья: Курбанов Жаъфар Хайруллаевич