Решение #2833028 economic_new

4-2301-2502/2370-санлы экономикалық ис Нөкис қаласы судья Б.Баймуратов Өзбекстан Республикасы атынан ШЕШИЎШИ ҚАРАР 2025-жыл 16-декабрь Нөкис районлар аралық экономикалық судының судьясы Б.Баймуратов басшылығында, судья жәрдемшиси С.Опаеваның хаткерлигинде, арза бериўши Ташкент ўәлаяты «Z rur Am li tl r m rk zi» мәмлекетлик шөлкеминиң жуўапкер Нөкис қаласы «Aru-Ph rm» ЖШЖне берилген zDst 140:2024 «Z rur d ri n m li ti-GPP» «GPP-423:2024»-санлы сертификатын бийкарлаў ҳаққындағы арзасын ҳәм қосымша ҳүжжетлерин суд имаратында ашық суд мәжилисинде көрип шығып, төмендегилерди А Н Ы Қ Л А Д Ы: «Z rur Am li tl r m rk zi» мәмлекетлик шөлкеми (кейинги орынларда арза бериўши деп жүритиледи) экономикалық судына арзасы тийкарында мүрәжат етип, «Aru-Ph rm» ЖШЖне (кейинги орынларда жуўапкер деп жүритиледи) берилген zDst 140:2024 «Z rur d ri n m li ti-GPP» «GPP-423:2024»-санлы сертификатын бийкарлаўды сораған. Суд мәжилисине арза бериўши ўәкили келмеди. Бирақ даўа арзада исти арза бериўши ўәкилисиз көрип шығыў соралған. Жуўапкер суд мәжилисине келмеди. Өзбекстан Республикасы Экономикалық процессуал кодексиниң 128, 170статьяларына тийкар суд жуўапкер қатнасыўысыз исти көриўди лазым тапты. Суд, ис материалларын үйренип шығып, арза талабын қанаатландырыўды мақул тапты. Өзбекстан Республикасы Министрлер Кабинетиниң 2019-жыл 18сентябрьдеги «Фармацевтика тараўына зәрүр әмелиятлар (G P) талапларын енгизиў бойынша қосымша илажлар ҳаққында” 788-санлы қарары менен тастыйықланған Режениң 30-бәнтине көре, инспекциялық қадағалаўды өткериў мүддетлери арза бериўшиниң мүрәжатына тийкарланып сертификат рәсмийлестирилген мүддеттен кеминде тоғыз айдан кейин, бирақ он еки айдан аспаған мүддетте инспекциялық қадағалаўды өткериў режелестирилген жылдан алдынғы жылдың декабрь айында жумысшы уйым тәрепинен белгиленеди. Сондай-ақ, усы Режениң 39-бәнтинде сертификат әмел етиў мүддети даўамында Зәрүр әмелиятлар (ГхП) талапларына тәсир етиўши өзгерислер киргизилгенде ҳәм арза бериўши тәрепинен жумысшы уйымға инспекциялық қадағалаў өткериў бойынша мүрәжат етилмеген жағдайда сертификат бекер етилиўи мүмкин. Истеги ҳүжжетлерге қарағанда, Нөкис қаласы Қум аўыл, Зиярат жолы көшеси ½-жайда жайласкан жуўапкерге zDst 140:2024 «Z rur d ri n m li tiGPP» мәмлекет стандартына муўапықлығы жүзесинен «GPP-423:2024»-санлы сертификаты берилген. Анықланыўынша, жуўапкер тәрепинен белгиленген мүддет ҳәм тәртипте мүрәжат етилгени тастыйықланбайды. ЭПК 217-статьясы биринши бөлими жетинши хат басына тийкар, ҳуқыйқый тәсир илажлары яғный, исбилерменлик жумысының айырым түрлери менен шуғылланыў ушын лицензиялардың (руқсатнамалардың) әмел етиўин он жумыс күнинен көп болған мүддетке тоқтатып турыў ямаса олардың әмел етиўин тоқтатыў ҳәм лицензияларды (руқсатнамаларды) бийкарлаў, Өзбекстан Республикасы Министрлер Кабинети ҳәм Өзбекстан Республикасы Орайлық банки тәрепинен берилетуғын лицензиялар (руқсатнамалар) буған кирмейди деп белгиленген. Өзбекстан Республикасы «Лицензиялаў, руҳсат бериў ҳәм хабардор қылыў тәртиплери ҳаққында»ғы Нызамының 33-статьясында, лицензиат яки руҳсат бериўши етиў қәсийетине ийе ҳүжжетди алған шахс тәрепинен лицензия яки руҳсат бериў талаплары ҳәм шәртлери турақлы рәўиште (бир жыл даўамында еки ҳәм оннан артық мәрте) яки бир мәрте қопал рәўиште бузылғанда, егер нызамбузыўшылыклар пуқаралардың өмирине ҳәм саўлығына зыян, физикалық ҳәм юридикалық шахслардың ҳуқықлары ҳәм нызамлы мәплерине, жәмийет қәўипсизлигине зыян ҳәмде ықлым өзгериўине зыян жеткизилиўине алып келген болса, лицензияның бийкар қылыныўы белгиленген. Әмелдеги нызамшылық талаплары жуўапкер тәрепинен бузылғаны истеги ҳүжжетлер менен тастыйықланады. Жоқарыдағылар есапқа алынғанда арза талабы тийкарлы табылады. Солай етип, суд истеги ҳүжжетлерге көре, арза талабын қанаатландырыўды, жуўапкерге берилген сертификатын бийкарлаўды мақул табады. Өзбекстан Республикасы “Мәмлекетлик бажы ҳаққында”ғы Нызамының 9статьясы биринши бөлиминиң 19-бәнтине тийкар, ҳуқықый шаралар қоллаў ҳаққындағы ислер бойынша арза бериўши ҳәм жуўапкер мәмлекетлик бажы төлеминен азат етилген. Сонлықтан мәмлекетлик бажы өндирилместен қалады. Бирақ истиң көрилиўи нәтийжесине көре, жуўапкерден арза бериўши пайдасына 41 200 сом почта қәрежети өндириледи. Өзбекстан Республикасы Экономикалық процессуал кодексиниң 176-179, 221, 222-статьяларын басшылыққа алып, суд ҚАРАР ЕТТИ : Арза талабы қанаатландырылсын. Нөкис қаласы «Aru-Ph rm» ЖШЖне берилген zDst 140:2024 «Z rur d ri n m li ti-GPP» «GPP-423:2024»-санлы Сертификатын бийкар етилсин. «Aru-Ph rm» ЖШЖнен «Z rur Am li tl r m rk zi» мәмлекетлик шөлкеминиң пайдасына 41 200 сом почта қәрежети өндирилсин. Шешиўши қарар қабыл етилген күннен он күннен кейин нызамлы күшине киреди. Шешиўши қарар нызамлы күшине кириўден соң орынлаў хатлар берилсин. Шешиўши қарар үстинен ол қабыл етилген күннен баслап он күн ишинде усы суд арқалы Қарақалпақстан Республикасы судына апелляциялық арза бериў (прокурор протест келтириў) яки нызамлы күшине кирген ҳәм апелляция тәртибинде көрилмеген шешиўши қарар үстинен ол нызамлы күшке кирген күннен баслап алты ай ишинде кассация тәртибинде арза бериў (прокурор протест келтириў) мүмкин. Судья Б.Баймуратов