Решение #2833781 Экономические

4-1502-2501/12370 -сонли иқтисодий иш ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ Қўқон шаҳри 2025 йил 15 декабрь Қўқон туманлараро иқтисодий суди, судья Ф.Амановнинг раислигида, судья ёрдамчиси Д.Маматқуловнинг суд мажлиси котиблигида, аризачи "**************" давлат муассасасининг жавобгар “**************” МЧЖга берилган O¢zDSt 140:2024 “Z rur distrib t rlik m li ti-GPP” “GPP359:2024”-сонли сертификатни бекор қилиш тўғрисидаги аризаси бўйича қўзғатилган ишни суднинг ўз биносида ўтказилган очиқ суд мажлисида кўриб чиқиб, қуйидагиларни АНИҚЛАДИ: "**************" давлат муассасаси (бундан буён матнда аризачи деб юритилади) судга ариза билан мурожаат қилиб, “**************” МЧЖ (бундан буён матнда жавобгар деб юритилади)га берилган O¢zDSt 140:2024 “Z rur distrib t rlik m li ti-GPP” “GPP-359:2024”-сонли сертификатни бекор қилишни сўраган. Аризачи ва жавобгар суд мажлиси вақти ва жойи ҳақида белгиланган тартибда огоҳлантирилган бўлса-да, бироқ улардан вакил суд мажлисига келмади. Суд ишдаги тўпланган ҳужжатларни ўрганиб, қуйидагиларга кўра аризани қаноатлантиришни лозим топди: Аниқланишича, Ўзбекистон Республикаси Соғлиқни сақлаш вазирлиги томонидан жавобгарга O¢zDSt 140:2024 “Z rur distrib t rlik m li ti-GPP” “GPP-359:2024”-сонли сертификат берилган. Ўзбекистон Республикаси Вазирлар Маҳкамасининг 2019 йил 18 сентябрдаги 788-сон қарори билан тасдиқланган “Зарур амалиётлар (GxP) талабларига мувофиқлик юзасидан инспекциялар ўтказиш тартиби тўғрисида”ги Низомнинг 39-бандига мувофиқ, сертификат қуйидаги ҳолларда бекор қилиниши мумкин: ишчи органнинг сертификатни бериш тўғрисидаги қарорининг ноқонунийлиги аниқланганда; сертификат қалбаки ҳужжатлар ва маълумотлардан фойдаланган ҳолда олинганлиги аниқланганда; сертификат амал қилиш муддати даврида Зарур амалиётлар (GxP) талабларига таъсир кўрсатувчи ўзгартиришлар киритилганда ва ариза берувчи томонидан ишчи органга инспекцион назоратни ўтказиш бўйича мурожаат қилинмаган тақдирда. Сертификатни бекор қилиш фақат суд тартибда амалга оширилади. Бироқ жавобгар томонидан ишчи органга инспекцион назоратни ўтказиш бўйича мурожаат қилинмаганлиги аниқланди. Шу асосда, суд аризани қаноатлантиришни лозим топди. Ўзбекистон Республикаси Иқтисодий процессуал кодекси 118моддасининг биринчи қисмига мувофиқ, суд харажатлари ишда иштирок этувчи шахсларнинг қаноатлантирилган даъво талаблари миқдорига мутаносиб равишда уларнинг зиммасига юклатилади. Қонунчиликка кўра, аризачи ва жавобгар ҳуқуқий таъсир чораларини қўллаш тўғрисидаги ишлар бўйича давлат божи тўлашдан озод қилинганлиги сабабли иш бўйича давлат божи ундирилмайди, олдиндан тўланган 41 200 сўм почта харажати жавобгардан аризачига ундирилади. Баён этилганларга ҳамда Ўзбекистон Республикаси Иқтисодий процессуал кодексининг 176-179, 222-моддаларига риоя қилиб, суд ҚАРОР ҚИЛДИ: Ариза қаноатлантирилсин. Жавобгар “**************” МЧЖга берилган O¢zDSt 140:2024 “Z rur distrib t rlik m li ti-GPP” “GPP-359:2024”-сонли сертификат бекор қилинсин. Жавобгар “************” МЧЖдан "**************" давлат муассасасига 41 200 сўм почта харажати ундирилсин. Ҳал қилув қарори устидан у қабул қилинган кундан бошлаб ўн кунлик муддат ичида шу суд орқали Фарғона вилоят судининг иқтисодий судлов ҳайъатига апелляция тартибида шикоят бериш (протест келтириш) мумкин. Раислик қилувчи Ф.Аманов