Решение #2840073 Экономические

4-1603-2501/9649-сонли иқтисодий иш судья: А.А.Шокиров ЎЗБЕКИСТОН РЕСП БЛИКАСИ НОМИДАН ҲАЛ ҚИЛУВ ҚАРОРИ Чуст тумани 2025 йил 28 ноябр Чуст туманлараро иқтисодий суди, судья А.Шокиров раислигида, судья ёрдамчиси Ш.Ҳабибованинг котиблигида, аризачи – АААнинг жавобгар - БББга нисбатан 30.12.2022 йилдаги 056543-сонли лицензиянинг амал қилишини олти ой муддатга тўхтатиб туриш тўғрисидаги аризасини, очиқ суд мажлиси муҳокамасида, аризачи вакили ААА (ишончнома асосида) иштирокида, Чуст туманлараро иқтисодий суди биносида бўлиб ўтган очиқ суд мажлисида кўриб чиқиб, қуйидагиларни а н и қ л а д и: ААА номидан ишончнома асосида Наманган вилоят худудий бошқармаси судга ариза билан мурожаат қилиб, жавобгар БББга нисбатан 30.12.2022 йилдаги 056543-сонли лицензиянинг амал қилишини олти ой муддатга тўхтатиб туришни сўраган. Суд мажлиси муҳокамасида аризачи вакили судга 2025 йил 27 ноябрдаги 18-2-16/1630-сонли алоқа хатини тақдим этиб, унда жавобгар ҳозирги кунда камчиликларни бартараф этганлиги маълум қилди. Белгиланган тартибда суд мажлиси жойи ва вақти тўғрисида хабардор қилинган жавобгар шу куни суд мажлисида иштирок этмади ҳамда даъво талаби юзасидан ўз фикр ва мулоҳазаларини билдирмади. Ўзбекистон Республикаси Иқтисодий процессуал кодекси (бундан кейинги матнда – ИПК деб юритилади) 170-моддасининг биринчи қисмида ишда иштирок этувчи шахсларга суд даъво аризаси юзасидан тақдим этишни таклиф қилган ёзма фикр ёки қўшимча далиллар тақдим этилмаганлиги ишни мавжуд материаллар бўйича кўришга тўсқинлик қилмаслиги, учинчи қисмида эса иш муҳокамасининг вақти ва жойи тўғрисида тегишли тарзда хабардор қилинган жавобгар, учинчи шахслар суд мажлисига келмаса, низо уларнинг йўқлигида ҳал қилиниши мумкинлиги қайд этилган. Бунга кўра суд низони ишдаги мавжуд ҳужжатлар асосида ҳал этиш мумкин деган хулосага келди ҳамда ишни жавобгар иштирокисиз мазмунан кўриб чиқишни лозим деб топди. Суд аризачи вакилининг тушунтиришларини тинглаб, иш ҳужжатларини ўрганиб чиқиб, қуйидагиларга асосан аризани қаноатлантиришни рад этиш лозим деб топади. Ишдаги ҳужжатларидан аниқланишича, даъвогар томонидан жавобгарга беш йил муддатга 30.12.2022 йилда 056543-сонли лицензия берилган. Ишчи гуруҳи томонидан БББда ўрганиш ўтказилган. Ўрганишда, жавобгар томонидан лисенция ва рухсат бериш талаблари ва шартларининг бузилганлиги ҳолатлари аниқланган. 1 Ўзбекистон Республикаси Иқтисодий процессуал кодексининг 215 - моддасига кўра, ҳуқуқий таъсир чораларини қўллаш тўғрисидаги аризалар билан судларга назорат қилувчи органлар мурожаат этишга ҳақли. Шу асосда, жавобгарга 30.12.2022 йилда берилган 056543-сонли лицензиянинг амал қилишини олти ой муддатга тўхтатиб туришни сўраган. Бироқ, даъвогар судга 2025 йил 27 ноябрдаги 18-2-16/1630-сонли алоқа хатини тақдим этиб, унда жавобгар ҳозирги кунда камчиликларни бартараф этганлиги маълум қилди. Мазкур ҳолатда, суд жавобгар томонидан аниқланган камчиликлар бартараф этилганлиги ва бу ҳақда даъвогар томонидан судга алоқа тақдим этилганлигини инобатга олиб, аризани қаноатлантиришни рад этишни лозим деб ҳисоблайди. “Давлат божи тўғрисида”ги Ўзбекистон Республикаси Қонуни 9моддасининг 19-бандига мувофиқ аризачи ва жавобгар ҳуқуқий таъсир чораларини қўллаш тўғрисидаги ишлар бўйича давлат божи тўловидан озод қилинган. Қайд этилганларга кўра суд, аризани қаноатлантиришни ва суд почта харажатларини жавобгар зиммасига юклашни лозим топади. Юқоридагиларни инобатга олиб, Ўзбекистон Республикаси Иқтисодий процессуал кодексининг 68,118,170,176-180,186,192,215-222 - моддаларини қўллаб, суд ҚАРОР ҚИЛДИ: Аризани қаноатлантириш рад этилсин. Жавобгар - БББдан аризачи - ААА фойдасига 41200 сўм почта харажати ундирилсин. Ҳал қилув қарори қонуний кучга киргач, унинг суд почта харажатини ундириш қисмига ижро варақаси берилсин. Мазкур ҳал қилув қарори устидан у қабул қилинган кундан эътиборан ўн кун ичида апелляция ёки қонуний кучга кирган кундан эътиборан олти ой ичида кассация тартибида Наманган вилоят судининг Иқтисодий ишлар бўйича судлов хайъатига ишни биринчи инстанция судида кўрган суд орқали шикоят қилиниши (прокурор протест келтириши) мумкин. Раислик қилувчи А. Шокиров 2