Решение #2843616 economic_new

*******-сонли иқтисодий иш Судья: ****** УРГАНЧ ТУМАНЛАРАРО ИҚТИСОДИЙ СУДИНИНГ АЖРИМИ (келишув битимини тасдиқлаш ва иш юритишни тугатиш тўғрисида) Урганч шаҳри ******** Урганч туманлараро иқтисодий суди раиси, судья ****** раислигида, судья ёрдамчиси ******* котиблигида, даъвогар вакили *****нинг иштирокида, ******нинг жавобгар ******дан ****** сўм асосий қарз, ****** сўм пеня ундириш тўғрисидаги даъво аризаси бўйича ишни Урганч туманлараро иқтисодий суди биносида бўлиб ўтган очиқ суд мажлисида кўриб чиқиб, қуйидагиларни аниқлади: ****** (бундан буён матнда – даъвогар деб юритилади) Урганч туманлараро иқтисодий судига даъво аризаси билан мурожаат қилиб, «U g’ur Qurilish S rvis» масъулияти чекланган жамияти (бундан буён матнда – жавобгар деб юритилади)дан ****** сўм асосий қарз, ****** сўм пеня ундиришни сўраган. Суд мажлисида иштирок қилган даъвогар вакили судга тарафлар ўртасида тузилган келишув битимини тақдим қилиб, суддан келишув битимини тасдиқлаб беришни сўради. Суд мажлисида иштирок қилган жавобгар вакили судга тарафлар ўртасида тузилган келишув битимини тақдим қилиб, суддан келишув битимини тасдиқлаб беришни сўради. Суд, ишда иштирок этувчи тарафлар вакилининг тушунтиришларини тинглаб ҳамда судга тақдим этилган келишув битимини ўрганиб чиқиб, қуйидагиларга кўра келишув битимини тасдиқлашни ҳамда иш юритишни тугатишни, ишни кўриш билан боғлиқ суд харажатларини жавобгар зиммасига юклашни лозим деб топади. Ўзбекистон Республикаси Конституцияси 55-моддасига кўра, ҳар ким ўз ҳуқуқ ва эркинликларини қонунда тақиқланмаган барча усуллар билан ҳимоя қилишга ҳақли. ИПКнинг 131-моддасига кўра, тарафлар низони келишув битимини ёки медиатив келишувни тузиб ҳал этиши мумкин. Келишув битими ёки медиатив келишув даъво тартибидаги ҳар қандай иш бўйича тузилиши мумкин. Келишув битими иқтисодий суд ишларини юритишнинг ҳар қандай босқичида ва суд ҳужжатини ижро этиш жараёнида, медиатив келишув эса биринчи инстанция судида суд алоҳида хонага (маслаҳатхонага) суд ҳужжатини қабул қилиш учун чиққунига қадар тарафлар томонидан тузилиши мумкин. Келишув битими у суд томонидан тасдиқланганидан кейин тузилган ҳисобланади. ИПКнинг 132-моддасига кўра, келишув битими ёзма шаклда тузилади ва келишув битимини тузган шахслар ёки уларнинг вакиллари томонидан имзоланади. Келишув битимида тарафлар томонидан келишилган мажбуриятларни бажариш шартлари ва муддатлари ҳақидаги қоидалар кўрсатилиши керак. Тарафлар томонидан келишув битими шартлари бўйича қабул қилинган мажбуриятларнинг бажарилиши тарафларни бир-бирига ёки бошқа воқеаларга (ҳаракатларга) боғлиқ қилиб қўйиши мумкин эмас. Келишув битимида жавобгар томонидан мажбуриятларни кечиктириб ёки бўлиб-бўлиб ижро этиш тўғрисидаги, талаб қилиш ҳуқуқидан бошқа шахс фойдасига воз кечиш ҳақидаги, қарздан тўлиқ ёки қисман воз кечиш ёхуд қарзни тан олиш тўғрисидаги, суд харажатларини тақсимлаш ҳақидаги шартлар ва қонунга зид бўлмаган бошқа шартлар кўрсатилиши мумкин. Агар келишув битимида суд харажатларини тақсимлаш ҳақидаги шарт мавжуд бўлмаса, суд бу масалани келишув битимини тасдиқлаш чоғида, ушбу Кодексда белгиланган умумий тартибда ҳал этади. Келишув битими уни тузган шахслар сонидан битта ортиқ нусхада тузилади ва имзоланади. Ушбу нусхалардан бири иш материалларига қўшиб қўйилади. Иқтисодий иш бўйича тарафлар томонидан тақдим этилган келишув битими шартлари қуйидагича: 1. Жавобгар даъво аризасида ундириш сўралган ****** сўм асосий қарзни тарафлар ўртасида тузилган келишув битимига асосан ****** йилгача тўлайди; 2. Даъвогар ****** сўм пеня ундириш талабидан воз кечади; 3. Жавобгар ишни кўриш билан боғлиқ ****** сўм давлат божини ва ****** сўм почта харажатини тўлашни ўз зиммасига олади. ИПКнинг 110-моддасининг 7-бандига мувофиқ келишув битими тузилиб, у суд томонидан тасдиқланган бўлса, суд иш юритишни тугатади. Мазкур ҳолатда келишув битимини тасдиқлаш ва низо бўйича иш юритишни тугатиш лозим бўлади. ИПКнинг 118-моддаси саккизинчи қисмига кўра, ишда иштирок этувчи шахсларнинг суд харажатларини тақсимлаш тўғрисидаги келишувига кўра, суд ушбу келишувга мувофиқ ҳал қилув қарорини қабул қилади. Юқоридагиларга кўра, суд тарафлар ўртасида тузилган келишув битимини тасдиқлашни, даъвогарнинг даъвоси бўйича иш юритишни тугатишни лозим топади. Бинобарин, Ўзбекистон Республикасининг Иқтисодий процессуал кодекси 68, 110, 118, 131-133 ва 195-моддаларини қўллаб, суд ажрим қилди: Тарафлар ўртасида тузилган ******даги келишув битими қуйидаги шартлар асосида тасдиқлансин: 1. Жавобгар даъво аризасида ундириш сўралган ****** сўм асосий қарзни тарафлар ўртасида тузилган келишув битимига асосан ****** йилгача тўлайди; 2. Даъвогар ****** сўм пеня ундириш талабидан воз кечади; 3. Жавобгар ишни кўриш билан боғлиқ ****** сўм давлат божини ва ****** сўм почта харажатини тўлашни ўз зиммасига олади. Низо бўйича иш юритиш тугатилсин. Ажрим устидан апелляция ёки кассация тартибида шикоят бериш (протест келтириш) мумкин. Судья ******