Решение #2848220 Экономические

------------------сонли иш судья: Б.Мадрахимов ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ Наманган шаҳри 2025 йил 12 ноябрь Наманган туманлараро иқтисодий судининг судьяси Б.Мадрахимов раислигида, судья ёрдамчиси А.Низамовнинг котиблигида, аризачи ------------нинг жавобгар ------------- МЧЖга берилган лицензиянинг амал қилишини тўхтатиб туриш тўғрисидаги аризаси бўйича қўзғатилган ишни аризачи вакили Ф.Хасанов (ишончнома асосида), жавобгар вакили А.Тўйчибоев (ишончнома асосида)нинг иштирокида суднинг биносида очиқ суд мажлисида кўриб чиқиб, қуйидагиларни аниқлади: Судга тақдим этилган аризада баён қилинишича, Ўзбекистон Республикаси Вазирлар Маҳкамасининг 2025 йил 19 июлдаги 473-сонли фармойиши асосида тузилган ишчи гуруҳи томонидан ------------МЧЖ(бундан буён матнда – жавобгар)га қарашли автомобилларга газ тўлдириш компрессор шахобчасининг фаолиятида лицензия талабларига амал қилиниши юзасидан ўтказилган ўрганишда жавобгар томонидан лицензия талаблари ва шартлари бузилганлиги аниқланган. Шу боис Ўзбекистон Республикаси Вазирлар Маҳкамаси ҳузуридаги Электр энергияси, нефт маҳсулотлари ва газдан фойдаланишни назорат қилиш инспекцияси(бундан буён матнда – аризачи) судга ариза билан мурожаат қилиб, жавобгарга 2024 йил 5 августда “Нефть, газни (шу жумладан сиқилган табиий ва суюлтирилган углеводород газини) ва газ конденсатини қазиб олиш, қайта ишлаш ҳамда реализация қилиш” фаолияти учун берилган 339937-рақамли лицензиянинг амал қилишини олти ой муддатга тўхтатиб туришни сўраган. Суд мажлисида аризачи вакили жавобгар фаолиятида ўтказилган ўрганишда лицензия талаблари ва шартлари бузилганлиги аниқланганлигини маълум қилиб, аризани қаноатлантиришни сўради. Жавобгар вакили суд муҳокамасида ариза асоссиз киритилганлиги, ўрганишда аниқланган камчиликлар тўлиқ бартараф этилганлиги, ўрганиш ўтказиш учун Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девонига хабар берилмаганлиги сабабли аризани қаноатлантиришни рад этишни сўради. Суд тарафлар вакилларининг тушунтиришларини тинглаб, ишдаги ҳужжатларни ўрганиб чиқиб, қуйидаги асосларга кўра ариза талабини қаноатлантиришни лозим топади. Иш ҳужжатларидан кўринишича, жавобгарга 2024 йил 5 августда “Нефть, газни (шу жумладан сиқилган табиий ва суюлтирилган углеводород газини) ва газ конденсатини қазиб олиш, қайта ишлаш ҳамда реализация қилиш” фаолияти учун 339937-рақамли, амал қилиш муддати 2022 йил 7 октябрдан 2029 йил 5 августгача бўлган лицензия берилган. Ўзбекистон Республикаси Вазирлар Маҳкамасининг 2025 йил 19 июлдаги 473-сонли фармойиши асосида тузилган ишчи гуруҳи томонидан жавобгарга қарашли автомобилларга газ тўлдириш компрессор шахобчасининг фаолиятида ўрганиш ўтказилган. Ўрганишда жавобгарга қарашли автомобилларга газ тўлдириш компрессор шахобчасида автотранспорт воситаларидаги газ балонларни назоратдан ўтказиш учун назорат пости ташкил этилмаганлиги, юқори босимли аккумулятор қисмида жами балонлар сони 30 дона, ҳар бир балон 125 литрдан жами 3750 литр белгиланган бўлсада, ҳақиқатда жойида 50 дона 100 литрли жами 5000 литр бўлган балонлар ўрнатилганлиги, компрессор қурилмасида 1 дона “Остен” модель ZF-0.16\(30-200)-250 қурилмаси лойиҳа ҳужжатларига киритилмасдан рухсатсиз ўрнитилганлиги, лойиҳа ҳужжатларига қурилиш йиғма эксперт хулосаси ва қурилиш жараёнидаги рухсатномалар олинмаганлиги, юқори босимли газ тармоғидаги УОГ-1(сеператор) кран қисми носозлиги сабабли мой сизиш ҳолати мавжудлиги, ҳавфли ишлаб чиқариш объектида ишлаб чиқариш назорати ташкил қилинмаганлиги, АГТКШда ўрнатилган сақлагич клкпанларни камида олти ойда бир марта синовдан ўтказилган бўлсада, бироқ сақлагич клапанларига синов ўтказилганлиги тўғрисида бирка ёпиштирилмаганлиги, АГТКШдаги чиллер системасига ўрнатилган пласмасса сув трубаси ёнғинга чидамсиз эканлиги, темир труба қўйилмаганлиги, эксплуатация жараёнида АГТКШдаги газ қувурларининг ишончли ишлаши уларни зичликка даврий синаш ишларини амалга оширган “Афсона соф газ сув қурилиш” МЧЖнинг ушбу ишларни бажаришга ваколати борлигини тасдиқловчи ҳужжатлар баённомада кўрсатилмаганлиги, АГТШ(пропан)да компрессорхонасидаги трубалар коррозияга қарши бўялмаганлиги, технологик схемага асосан насос, компрессор, тўлдириш ва қуйиш колонкалари ҳамда беркитувчи ва сақловчи мосламаларда тартиб рақамлари мавжуд эмаслиги, технологик газ ўтказгичларида газнинг йўнатиши ва беркитувчи арматураларида очиш ва ёпиш айланиш йўналиши кўрсатилмаганлиги, объект ҳудудидаги электр кабеллари ЭУЎҚ(ПУЭ) асосида монтаж қилинмаганлиги, объект ҳудудига туташган мевали дарахтлар экилган яшил майдон қуриган ўтлардан тозаланмаганлиги, АГТКШда лойиҳада 4 та колонка кўрсатилган бўлсада,Ю 5 та колонка мавжудлиги, пропан қуйиш шохобчасига ёндош ҳудудда (енгил типдаги) автомобиллар ювиш шохобчаси қурилганлиги, АГТКШ ва АГТШ шохобчаси атрофида аҳоли яшаш хонадонлари мавжудлиги аниқланган. Ўрганиш якуни бўйича 2025 йил 1 августда расмийлаштирилган маълумотнома жавобгарга қарашли автомобилларга газ тўлдириш компрессор шахобчаси раҳбари томонидан имзоланган ва иш судда кўрилгунига қадар эътироз билдирилмаган. Қайд этилганлардан келиб чиқиб суд жавобгарга қарашли автомобилларга газ тўлдириш компрессор шахобчасида Ўзбекистон Республикаси Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисида ягона низом билан тасдиқланган Нефть, газни (шу жумладан, сиқилган табиий ва суюлтирилган углеводород газини) ва газ конденсатини қазиб олиш, қайта ишлаш ҳамда реализация қилиш фаолиятини лицензиялаш паспорти 9позициясининг “а” кичик бандида белгиланган лицензия талаб ва шартлари бузилган деб ҳисоблайди. “Лицензиялаш, рухсат бериш ва хабардор қилиш тартиб-таомиллари тўғрисида”ги Ўзбекистон Республикаси Қонуни(бундан буён матнда – Қонун) 32-моддаси биринчи қисмининг иккинчи хатбошисида лицензиат ёки рухсат этиш хусусиятига эга ҳужжатни олган шахс томонидан лицензия ва рухсат бериш талаблари ҳамда шартларининг бузилганлиги аниқланганда лицензиянинг ёки рухсат этиш хусусиятига эга ҳужжатнинг амал қилиши тўхтатиб турилиши мумкинлиги, иккинчи қисмида лицензиянинг ёки рухсат этиш хусусиятига эга ҳужжатнинг амал қилишини ўн кунгача муддатга тўхтатиб туриш ваколатли орган томонидан, ўн кундан ортиқ, лекин олти ойдан кўп бўлмаган муддатга эса - суд томонидан амалга оширилиши белгиланган. Қонунининг 48-моддаси мазмунига кўра ваколатли орган лицензия ёки рухсат этиш хусусиятига эга ҳужжатнинг амал қилишини тўхтатиб туриш ёхуд уни бекор қилиш тўғрисидаги ариза билан судга мурожаат қилиш ҳуқуқига эга. Қонун билан амалга оширилиши учун лицензияларни олиш талаб қилинадиган фаолият турлари тасдиқланган бўлиб, унга кўра нефть, газни (шу жумладан сиқилган табиий ва суюлтирилган углеводород газини) ва газ конденсатини қазиб олиш, қайта ишлаш ҳамда реализация қилиш фаолияти учун лицензия берилишида аризачи ваколатли орган ҳисобланади. Баён қилинганларга асосланган ҳолда жавобгар томонидан лицензия талаб ва шартлари равишда бузилганлиги, аризачининг талаби асосли эканлиги ишдаги маълумотномалар ҳамда бошқа ҳужжатлар билан ўз тасдиғини топганлиги боис суд ариза талабини қаноатлантиришни лозим топди. Ўзбекистон Республикаси Иқтисодий процессуал кодекси(бундан буён матнда – ИПК) 118-моддасининг биринчи қисмига асосан суд харажатлари ишда иштирок этувчи шахсларнинг қаноатлантирилган даъво талаблари миқдорига мутаносиб равишда уларнинг зиммасига юклатилади. ИПКнинг 217-моддасига мувофиқ тадбиркорлик фаолиятининг айрим турлари билан шуғулланиш учун лицензияларнинг (рухсатномаларнинг) амал қилишини ўн иш кунидан кўп бўлган муддатга тўхтатиб туриш ёки уларнинг амал қилишини тугатиш ва лицензияларни (рухсатномаларни) бекор қилиш ҳуқуқий таъсир чораларидан бири ҳисобланади. “Давлат божи тўғрисида”ги Ўзбекистон Республикаси Қонуни 9моддаси биринчи қисмининг 19-бандига мувофиқ аризачи ва жавобгар ҳуқуқий таъсир чораларини қўллаш тўғрисидаги ишлар бўйича иқтисодий судларда давлат божи тўлашдан озод қилинган. Шу боис суд иш бўйича тарафлардан давлат божи ундирмаслик, жавобгар ҳисобидан аризачи фойдасига 41200 сўм почта харажатларини ундириш лозим деб ҳисоблайди. Бинобарин ИПКнинг 118, 176, 177, 186 ва 222-моддаларини, Қонуннинг 32-моддасини, Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисида ягона низомни қўллаб, суд қ а р о р қ и л а д и: Аризачи -------------нинг аризаси қаноатлантирилсин. Жавобгар ------------- МЧЖга 2024 йил 5 августда “Нефть, газни (шу жумладан сиқилган табиий ва суюлтирилган углеводород газини) ва газ конденсатини қазиб олиш, қайта ишлаш ҳамда реализация қилиш” фаолияти учун берилган 339937-рақамли лицензиянинг амал қилиши олти ой муддатга тўхтатиб турилсин. Жавобгар ------------- МЧЖ томонидан лицензиянинг амал қилишини тўхтатиб туришга сабаб бўлган ҳолатлар ҳал қилув қарори қонуний кучга кирганидан сўнг 10 иш куни ичида бартараф этилсин. Аризачи ------------- зиммасига лицензиянинг амал қилишини тўхтатиб туришга сабаб бўлган ҳолатлар жавобгар ------------- МЧЖ томонидан бартараф этилган тақдирда, кўрсатилган ҳолатлар бартараф этилганлиги тўғрисида тасдиқнома олган кундан эътиборан уч иш куни ичида лицензиянинг амал қилишини қайта тиклаш мажбурияти юклатилсин. Жавобгар ------------- МЧЖ ҳисобидан аризачи ------------- фойдасига 41200 сўм почта харажатлари ундирилсин. Ҳал қилув қарори қонуний кучга киргач, ижро варақаси берилсин. Ҳал қилув қарори устидан у қабул қилинган кундан бошлаб ўн кунлик муддат ичида шу суд орқали Наманган вилоят судининг иқтисодий ишлар бўйича судлов ҳайъатига апелляция тартибида, ҳал қилув қарори кучга киргач эса кассация тартибида шикоят бериш (протест келтириш) мумкин. Раислик қилувчи, судья Б.Мадрахимов