Решение #2852913 Экономические

4-2005-2501/3404-сонли иқтисодий иш ЎЗБЕКИСТОН РЕСПУБЛИКАСИ НОМИДАН Ҳ Л ҚИЛУВ Қ Р РИ Пешку тумани 2025 йил 04 ноябрь Пешку туманлараро иқтисодий суди, судья У.Жумаев раислигида, судья ёрдамчиси М.Акрамов котиблигида, аризачи Ўзбекистон Республикаси транспорт вазирлигининг жавобгар “S ID JO`R TR NS SERVIS” масъулияти чекланган жамиятига нисбатан лицензиянинг амал қилишини олти ой муддатга тўхтатиш тўғрисидаги аризаси юзасидан қўзғатилган ишни жавобгар раҳбари А.Жўраев иштирокида Пешку туманлараро иқтисодий суди биносида очиқ суд мажлисида кўриб чиқиб, қуйидагиларни а н и қ л а д и: Аризачи Ўзбекистон Республикаси транспорт вазирлиги (матнда кейинги ўринларда “Транспорт вазирлиги” деб юритилади) иқтисодий судга ариза билан мурожаат қилиб, жавобгар “S ID JO`R TR NS SERVIS” масъулияти чекланган жамиятига нисбатан 2020 йил 5 февралда берилган АТ-2000653рақамли лицензияни амал қилишини 6 (олти) ой муддатга тўхтатишни сўраган. Суд мажлисида иштирок этган жавобгар раҳбари аризада келтириб ўтилган ҳолатларни қисман тан олиб, ҳозирда қонун бузилиш ҳолати бартараф этилганлигини, лицензия варақаси олинганлигини маълум қилиб, аризани қаноатлантиришни рад этишни сўради. Аризачи суд мажлиси вақти ва жойи тўғрисида лозим даражада хабардор қилинган бўлсада, суд мажлисида вакил иштирокини таъминламади. Ўзбекистон Республикаси Иқтисодий процессуал кодекси (бундан буён матнда “ИПК” деб юритилади) 220-моддасининг биринчи қисмига кўра суд ишда иштирок этувчи шахсларни суд мажлисининг вақти ва жойи тўғрисида ушбу кодексда белгиланган тартибда хабардор қилади. Суд мажлисининг вақти ва жойи тўғрисида тегишли тарзда хабардор қилинган мазкур шахсларнинг келмаганлиги, агар суд уларнинг келишини мажбурий деб топмаган бўлса, ишни кўриб чиқиш учун тўсқинлик қилмайди. Шуларни инобатга олиб, суд ишни аризачи вакили иштирокисиз кўриб чиқишни лозим топади. Суд тарафларни тинглаб, иш ҳужжатларини ўрганиб чиқиб, қуйидагиларга кўра аризани қаноатлантиришни рад этишни лозим топади. Ишдаги ҳужжатлардан ва суд муҳокамасидан аниқланишича, жавобгарга Транспорт вазирлиги томонидан 05.02.2020 йилда юкларни автомобил транспортида халқаро ташиш учун АТ-2000653-сонли лицензия берилган. Иш ҳужжатларига кўра, 2025 йил 18 август куни Бухоро вилояти, Олот туманида олиб борилган назорат рейд тадбирлари давомида “Камаз” русумли, давлат рақам белгиси 80С951 бўлган юк автотранспорт воситаси текшириш учун тўхтилганда, ҳайдовчи тақдим қилган ҳужжатларга кўра, транспорт воситаси жавобгарга тегишли эканлиги ҳамда лицензия варақаси билан таъминланмаганлиги маълум бўлган. Аниқланган қоидабузарлик юзасидан Ўзбекистон Республикаси маъмурий жавобгарлик тўғрисидаги кодекснинг 165-моддаси 4-қисми билан, яъни лицензиялаш, рухсат бериш ва хабардор қилиш тартиб - таомиллари тўғрисидаги қонунчиликни бузиш бўйича маъмурий баённома расмийлаштирилиб, тегишли тартибда чора кўриш учун ваколатли органга юборилган. Жавобгар томонидан камчиликлар белгиланган муддатда бартараф этилмагандан сўнг, транспорт вазирлиги томонидан жавобгарга берилган лицензияни 6 ой муддатга тўхтатиб туриш тўғрисида ариза билан мурожаат қилган. Ўзбекистон Республикаси Иқтисодий процессуал кодекси 217-моддаси биринчи қисми еттинчи хатбошисида тадбиркорлик фаолиятининг айрим турлари билан шуғулланиш учун лицензияларнинг (рухсатномаларнинг) амал қилишини ўн иш кунидан кўп бўлган муддатга тўхтатиб туриш ёки уларнинг амал қилишини тугатиш ва лицензияларни (рухсатномаларни) бекор қилиш ҳуқуқи таъсир чоралари сифатида белгиланган. Вазирлар Маҳкамасининг 2019 йил 30 июлдаги 636-сон қарори билан тасдиқланган “Автомобил транспортида йўловчиларни шаҳарда, шаҳар атрофида, шаҳарлараро, халқаро, шунингдек, юкларни халқаро йўналишлар бўйича ташиш фаолиятини лицензиялаш юзасидан давлат хизматлари кўрсатишнинг маъмурий регламенти”нинг 37-бандига мувофиқ, лицензиат томонидан лицензия талаблари ва шартлари қўпол тарзда бузилган. Ўзбекистон Республикаси “Лицензиялаш, рухсат бериш ва хабардор қилиш тартиб-таомиллари тўғрисида”ги Қонунининг 32-моддасига кўра, лицензиянинг ёки рухсат этиш хусусиятига эга ҳужжатнинг амал қилиши қуйидаги ҳолларда тўхтатиб турилиши мумкин: лицензиат ёки рухсат этиш хусусиятига эга ҳужжатни олган шахс томонидан лицензия ва рухсат бериш талаблари ҳамда шартларининг бузилганлиги аниқланганда; лицензиат ёки рухсат этиш хусусиятига эга ҳужжатни олган шахс томонидан ваколатли органнинг аниқланган қоидабузарликларни бартараф этиш мажбуриятини унинг зиммасига юкловчи қарори бажарилмаганда. Лицензиянинг ёки рухсат этиш хусусиятига эга ҳужжатнинг амал қилишини ўн кунгача муддатга тўхтатиб туриш ваколатли орган томонидан, ўн кундан ортиқ, лекин олти ойдан кўп бўлмаган муддатга эса - суд томонидан амалга оширилади. Ваколатли органнинг лицензиянинг ёки рухсат этиш хусусиятига эга ҳужжатнинг амал қилишини тўхтатиб туриш тўғрисидаги қарори лицензиатга ёки рухсат этиш хусусиятига эга ҳужжатни олган шахсга лицензиянинг ёки рухсат этиш хусусиятига эга ҳужжатнинг амал қилишини тўхтатиб туриш сабаблари ва қонунчиликнинг аниқ нормалари кўрсатилган ҳолда, қарор қабул қилинган кундан эътиборан бир иш кунидан кечиктирмай, махсус электрон тизим воситасида электрон шаклда етказилади. Суднинг лицензиянинг ёки рухсат этиш хусусиятига эга ҳужжатнинг амал қилишини тўхтатиб туриш тўғрисидаги қарори лицензиатга ёки рухсат этиш хусусиятига эга ҳужжатни олган шахсга қонунчиликда белгиланган муддатларда етказилади. Ваколатли органлар ёки суд лицензиянинг ёки рухсат этиш хусусиятига эга ҳужжатнинг амал қилишини тўхтатиб туришга сабаб бўлган ҳолатлар лицензиат ёхуд рухсат этиш хусусиятига эга ҳужжатни олган шахс томонидан бартараф этилиши муддатини белгилаши шарт. Бунда кўрсатилган муддат лицензиат ёки рухсат берувчи ҳужжатни олган шахс лицензиянинг ёки рухсат этиш хусусиятига эга ҳужжатнинг амал қилишини тўхтатиб туриш тўғрисидаги қарорни олган кундан эътиборан беш иш кунидан кам ва олти ойдан кўп бўлмаслиги керак. Лицензиянинг ёки рухсат этиш хусусиятига эга ҳужжатнинг амал қилишини тўхтатиб туришга сабаб бўлган ҳолатлар лицензиат ёки рухсат этиш хусусиятига эга ҳужжатни олган шахс томонидан бартараф этилган тақдирда, лицензиянинг ёки рухсат этиш хусусиятига эга ҳужжатнинг амал қилишини тўхтатиб туриш тўғрисида қарор қабул қилган ваколатли орган ёки суд кўрсатилган ҳолатлар бартараф этилганлиги тўғрисида тасдиқнома олинган кундан эътиборан уч иш куни ичида лицензиянинг ёки рухсат этиш хусусиятига эга ҳужжатнинг амал қилишини қайта тиклаш тўғрисида қарор қабул қилиши шарт. Суднинг лицензиянинг ёки рухсат этиш хусусиятига эга ҳужжатнинг амал қилишини қайта тиклаш тўғрисида қарори у қабул қилинган кундан эътиборан бир иш куни ичида тегишли ваколатли органга қонунда белгиланган тартибда етказилади. Бунда ваколатли орган эса лицензиянинг ёки рухсат этиш хусусиятига эга ҳужжатнинг амал қилиши қайта тикланганлиги тўғрисидаги маълумотни махсус электрон тизимга бир иш кунидан ошмаган муддатда жойлаштиради. Агар ваколатли орган лицензиянинг ёки рухсат этиш хусусиятига эга ҳужжатнинг амал қилишини қайта тиклаш ҳақида ёки қайта тиклашни рад этиш тўғрисида уч иш куни ичида қарор қабул қилмаса, лицензиат ёки рухсат этиш хусусиятига эга ҳужжатни олган шахс мазкур муддат ўтгандан сўнг ваколатли органни махсус электрон тизим воситасида хабардор қилган ҳолда ўз фаолиятини давом эттириши мумкин. Лицензиат ёки рухсат этиш хусусиятига эга ҳужжатни олган шахс ушбу модданинг биринчи қисмида назарда тутилган лицензиянинг ёки рухсат этиш хусусиятига эга ҳужжатнинг амал қилишини тўхтатиб туришга сабаб бўлган ҳолатларни ваколатли орган ёки суд белгилаган муддатда бартараф этмаганда, суд лицензияни ёки рухсат этиш хусусиятига эга ҳужжатни бекор қилиш тўғрисида қарор қабул қилади. Ваколатли органнинг лицензиянинг ёки рухсат этиш хусусиятига эга ҳужжатнинг амал қилишини тўхтатиб туриш тўғрисидаги қарори устидан белгиланган тартибда шикоят қилиниши мумкин. Лицензиянинг ёки рухсат этиш хусусиятига эга ҳужжатнинг амал қилишини тўхтатиб туриш суд томонидан асоссиз деб топилган тақдирда, ваколатли органлар лицензиат ёки рухсат этиш хусусиятига эга ҳужжатни олган шахс олдида улар кўрган зарар миқдорида жавобгар бўлади. Бунда лицензия ёки рухсат этиш хусусиятига эга ҳужжат амал қилишининг тўхтатиб турилиши суд томонидан асоссиз деб топиш тўғрисида қарор қабул қилинган пайтдан эътиборан лицензиянинг ёки рухсат этиш хусусиятига эга ҳужжатнинг амал қилиши қайта тикланган деб ҳисобланади. Лицензиат ёки рухсат этиш хусусиятига эга ҳужжатни олган шахс ўз фаолияти вақтинча тўхтатиб турилган тақдирда лицензиянинг ёки рухсат этиш хусусиятига эга ҳужжатнинг амал қилишини олти ойгача муддатга тўхтатиб туриш ҳақида ваколатли органга ариза билан мурожаат қилиши мумкин. Агар лицензиат ёки рухсат этиш хусусиятига эга ҳужжатни олган шахс лицензиянинг ёки рухсат этиш хусусиятига эга ҳужжатнинг амал қилиши тўхтатиб турилганидан кейин олти ой ичида лицензиянинг ёки рухсат этиш хусусиятига эга ҳужжатнинг амал қилишини қайта тиклаш тўғрисида ваколатли органга ариза билан мурожаат этмаган бўлса, лицензиянинг ёки рухсат этиш хусусиятига эга ҳужжатнинг амал қилиши тугатилади. Лицензиянинг ёки рухсат этиш хусусиятига эга ҳужжатнинг амал қилишини тўхтатиб туриш ва қайта тиклаш тўғрисидаги ахборот тегишли қарор қабул қилинган санадан эътиборан бир иш куни ичида махсус электрон тизимга жойлаштирилиши керак. Бироқ, судга тақдим қилинган ҳужжатларга кўра, “Камаз” русумли, давлат рақам белгиси 80С951 бўлган юк автотранспорт воситасига 19.08.2025 йилда АТ 9988568-рақамли лецензия варақаси берилган ҳамда жавобгар томонидан фаолиятида аниқланган қонун бузилиш ҳолатлари судга ариза тақдим қилингунга қадар бартараф этилган. Бундай ҳолатда, суд аризани қаноатлантиришни рад этишни лозим топади. Суд, юқорида баён этилганлардан келиб чиқиб, аризани қаноатлантиришни рад этишни, тарафлар давлат божидан озодлигини инобатга олишни, тўланган почта харажатини аризачи зиммасида қолдиришни лозим деб топади. Ўзбекистон Республикаси Иқтисодий процессуал кодексининг 176-179, 186, 217, 222-моддаларини қўллаб, суд қарор қ и л д и: Аризани қаноатлантириш рад этилсин. Аризачи Ўзбекистон Республикаси транспорт вазирлиги томонидан олдиндан тўланган 41 200 сўм почта харажати унинг зиммасида қолдирилсин. Ҳал қилув қарори қабул қилинган кундан эътиборан ўн кунлик муддат ўтгач қонуний кучга киради. Ҳал қилув қароридан норози томон ўн кун муддатда Пешку туманлараро иқтисодий суди орқали апелляция ёки қонуний кучга кирган ва апелляция тартибида кўрилмаган ҳал қилув қарори устидан у қонуний кучга кирган кундан эътиборан олти ой ичида кассация тартибида Бухоро вилоят судига шикоят келтириши мумкин. Судья У.Жумаев 4-2005-2501/3404-сонли иқтисодий иш ЎЗБЕКИСТОН РЕСПУБЛИКАСИ НОМИДАН Ҳ Л ҚИЛУВ Қ Р РИ (Хулоса қисми) Пешку тумани 2025 йил 04 ноябрь Пешку туманлараро иқтисодий суди, судья У.Жумаев раислигида, судья ёрдамчиси М.Акрамов котиблигида, аризачи Ўзбекистон Республикаси транспорт вазирлигининг жавобгар “S ID JO`R TR NS SERVIS” масъулияти чекланган жамиятига нисбатан лицензиянинг амал қилишини олти ой муддатга тўхтатиш тўғрисидаги аризаси юзасидан қўзғатилган ишни жавобгар раҳбари А.Жўраев иштирокида Пешку туманлараро иқтисодий суди биносида очиқ суд мажлисида кўриб чиқиб, Ўзбекистон Республикаси Иқтисодий процессуал кодексининг 176-179, 186, 217, 222-моддаларини қўллаб, суд қарор қ и л д и: Аризани қаноатлантириш рад этилсин. Аризачи Ўзбекистон Республикаси транспорт вазирлиги томонидан олдиндан тўланган 41 200 сўм почта харажати унинг зиммасида қолдирилсин. Ҳал қилув қарори қабул қилинган кундан эътиборан ўн кунлик муддат ўтгач қонуний кучга киради. Ҳал қилув қароридан норози томон ўн кун муддатда Пешку туманлараро иқтисодий суди орқали апелляция ёки қонуний кучга кирган ва апелляция тартибида кўрилмаган ҳал қилув қарори устидан у қонуний кучга кирган кундан эътиборан олти ой ичида кассация тартибида Бухоро вилоят судига шикоят келтириши мумкин. Судья У.Жумаев Суд мажлиси баённомаси Пешку тумани 2025 йил 4 ноябрь 4-2005-2501/3404-сонли иш Пешку туманлараро иқтисодий суди, судья У.Жумаев раислигида, судья ёрдамчиси М.Акрамов котиблигида, аризачи Ўзбекистон Республикаси транспорт вазирлигининг жавобгар “S ID JO`R TR NS SERVIS” масъулияти чекланган жамиятига нисбатан лицензиянинг амал қилишини олти ой муддатга тўхтатиш тўғрисидаги аризаси юзасидан қўзғатилган ишни Пешку туманлараро иқтисодий суди биносида очиқ суд мажлисида кўриб чиқмоқда. Раислик қилувчи суд мажлисини очиқ деб эълон қилиб, қандай иш кўрилишини маълум қилди. Суд мажлиси котибининг ишда иштирок этувчи шахсларнинг суд мажлисига келган - келмаганлиги тўғрисидаги маълумоти: жавобгар раҳбари А.Жўраев иштирокида иштирок этмоқда. Аризачи суд муҳокамасида иштирок этмаяпти. Раислик қилувчи ишда иштирок этувчи шахсларнинг ваколатини ва шахсни тасдиқловчи ҳужжатларини текшириб, унга Ўзбекистон Республикаси Иқтисодий Процессуал кодексининг 42-моддасида кўрсатилган ҳуқуқ ва мажбуриятларини тушунтирди. Раислик қилувчи суд таркибини эълон қилиб уларга раддиялар борлигини сўради. Ишда иштирок этувчи шахс тарафлар томонидан раддиялар бўлмади. Раислик қилувчи далилларни текшириш жараёнини бошлашдан олдин илтимосномалар, аризалар ёки қўшимчалар бор ёки йўқлигини сўради. Ишда иштирок этувчи шахслар томонидан илтимосномалар бўлмади. Раислик этувчи суд мажлиси ўтказиш тартибини белгилаб, сўнгра далилларни текширишга ўтишни эълон қилди. Раислик қилувчи сўзни жавобгар раҳбари берди. Аризада келтирилган ҳолатлар қисман асосли, қонунбузилиш ҳолати ҳозирда бартараф этилган, шу сабабли аризани қаноатлантиришни рад этишни сўрайман. Саволлар бўлмади. Раислик қилувчи далилларни текшириш жараёнини якунлаш ва суд музокарага ўтишдан олдин ишда иштирок этаётган жавобгар вакилидан илтимоснома ва аризалар бор ёки йўқлигини сўради. Ариза ва илтимосномалар бўлмади. Раислик қилувчи музокара сўзини жавобгар раҳбарига берди. аризани қаноатлантиришни рад этишни сўрайман. Раислик қилувчи ишда иштирок этувчи тарафлар вакилининг тушунтиришини, тақдим қилинган ҳужжатларини муҳокама қилиб, маслаҳатда қолди. Маслаҳатдан сўнг ҳал қилув қарорининг хулоса қисмини эълон қилди. Раислик қилувчи ишда иштирок этувчи шахслар асослантирилган ҳал қилув қарори билан беш кун ичида танишишлари мумкинлигини, унинг мазмунини ва қайси асосларга кўра суд бундай тўхтамга келганлигини, устидан шикоят бериш, суд мажлиси баённомаси билан танишиш тартибини, муддатини ва унда йўл қўйилган камчиликларни кўрсатиб ёзма фикрлар билдириш ҳуқуқини тушунтириб, суд мажлисини ёпиқ деб эълон қилди. Суд мажлиси баённомаси Ўзбекистон Республикаси Иқтисодий процессуал кодексининг 201-202-моддалари асосида олиб борилди. Раислик қилувчи У.Жумаев Суд мажлиси котиби М.Акрамов