Решение #2896928 Экономические

4-1201-2502/5451-сонли иш ГУЛИСТОН ТУМАНЛАРАРО ИҚТИСОДИЙ СУДИНИНГ ЎЗБЕКИСТОН РЕСПУБЛИКАСИ НОМИДАН ҲАЛҚИЛУВ ҚАРОРИ Гулистон шаҳри 2025 йил 11 июнь Гулистон туманлараро иқтисодий суди, судья З.Раджабовнинг раислигида, Р.Садуллоев котиблигида, аризачи вакили М.И (2025 йил 3 январдаги 30-00002-сонли ишончнома асосида) иштирокида, аризачиСирдарё вилояти солиқ бошқармасининг жавобгар Q DIR МЧЖга нисбатан 53 700 488,19 сўм молиявий жарима қўллаш тўғрисидаги аризаси бўйича қўзғатилган иқтисодий ишни ўз биносида, очиқ суд мажлисида кўриб чиқиб, қуйидагиларни АНИҚЛАДИ: Аризачи Сирдарё вилояти солиқ бошқармаси (бундан буён матнда аризачи деб юритилади) Гулистон туманлараро иқтисодий судига ариза билан мурожаат қилиб, аризасида жавобгар Q DIR МЧЖ (бундан буён матнда жавобгар деб юритилади) га нисбатан 53 700 488,19 сўм молиявий жарима қўллашни сўраган. Суднинг ажрими билан Ўзбекистон Республикаси Давлат божхона қўмитасининг Сирдарё вилояти бўйича бошқармаси (бундан буён матнда божхона бошқармаси деб юритилади) низонинг предметига нисбатан мустақил талаблар билан арз қилмайдиган учинчи шахс сифатида ишда иштирок этишга жалб қилинган. Жавобгар ва божхона бошқармаси суд мажлисининг вақти ва жойи тўғрисида тегишли тарзда хабардор қилинган бўлса-да, уларнинг вакил (лар)и суд мажлисига келмади. Бироқ, Божхона бошқармаси томонидан судга ташқи савдо операцияларининг ягона электрон ахборот тизими орқали 2025 йил 11 июнда олинган 7-452974/25-сонли жадвал маълумотномаси тақдим қилинган. Ўзбекистон Республикасининг Иқтисодий процессуал кодекси (бундан буён матнда ИПК деб юритилади) 128-моддаси иккинчи қисми 4-хатбошисига биноан ажримнинг кўчирма нусхаси суд томонидан электрон почта орқали ёки хабардор қилинганлик фактини тасдиқловчи бошқа алоқа воситаларидан фойдаланган ҳолда юборилган кундан эътиборан уч кун ўтган бўлса иқтисодий суд ишларини юритиш иштирокчиси суд томонидан тегишли тарзда хабардор қилинган деб ҳисобланади. ИПК 220-моддасининг биринчи қисмига асосан суд ишда иштирок этувчи шахсларни суд мажлисининг вақти ва жойи тўғрисида ушбу Кодексда белгиланган тартибда хабардор қилади. Суд мажлисининг вақти ва жойи тўғрисида тегишли тарзда хабардор қилинган мазкур шахсларнинг келмаганлиги, агар суд уларнинг келишини мажбурий деб топмаган бўлса, ишни кўриб чиқиш учун тўсқинлик қилмайди. ИПК 170-моддасининг учинчи қисмига асосан иш муҳокамасининг вақти ва жойи тўғрисида тегишли тарзда хабардор қилинган жавобгар, учинчи шахслар суд мажлисига келмаса, низо уларнинг йўқлигида ҳал қилиниши мумкин. Шу сабабли суд, жавобгар ва божхона бошқармаси вакил(лар)ини судга келишини мажбурий деб топмасдан, ишни жавобгар ва божхона бошқармаси вакил(лар)и иштирокисиз кўриб чиқишни лозим топади. уд мажлисида иштирок этган аризачи вакили жавобгарнинг муддати ўтган дебитор қарздорлиги бартараф этилмаганлиги, бугунги кунда жавобгарнинг муддати ўтган дебитор қарздорлиги экспорт шартномаси бўйича жами 14 825 АҚШ долларини ташкил этиши, жавобгарнинг дебитор қарздорликларига нисбатан 35 фоиз ва 10 фоиз миқдорида 53 700 488,19 сўм молиявий жарима қўллашни сўради. Суд, аризачи вакилининг тушунтиришларини тинглаб, ишдаги мавжуд ва суд муҳокамаси жараёнида тақдим қилинган ҳужжатларни ўрганиб чиқиб, қуйидаги асосларга кўра аризачининг аризасини қаноатлантиришни лозим топади. ИПКнинг 221-моддасига биноан суд ҳуқуқий таъсир чорасини қўллаш тўғрисидаги иш кўриб чиқилаётганда суд мажлисида ҳуқуқбузарлик ҳодисаси бўлган-бўлмаганлигини ва унинг содир этилганлиги фактини, текшириш учун ва текшириш натижалари бўйича далолатнома ёки бошқа ҳужжат тузиш учун асослар ва назорат қилувчи органнинг ваколатлари бор-йўқлигини, мазкур ҳуқуқбузарликни содир этганлик учун қонунчиликда жавобгарлик назарда тутилган-тутилмаганлигини ва ҳуқуқий таъсир чорасини қўллаш учун асослар бор-йўқлигини аниқлайди. Иш ҳужжатларидан аниқланишича, жавобгар ва унинг хорижий ҳамкори ЧДММ Валичон Тижорат (Тожикистон) (бундан буён матнда хорижий ҳамкор деб юритилади)ўртасида 24.07.2021 йилда 01-сонли қиймати 10 625 АҚШ доллари миқдоридаги IDN рақами 200324912307494346210100001 бўлган экспорт контракти ва ЧП Тураев Ю (Тожикистон) (бундан буён матнда хорижий ҳамкор деб юритилади) ўртасида 01.08.2023 йилда 01-сонли қиймати 4 200 АҚШ доллари миқдоридаги IDN рақами 200324912307494346230100001 бўлган (бундан буён матнда экспорт контракти деб юритилади) тузилган. Жавобгарнинг IDN рақами 200324912307494346210100001 бўлган экспорт контракти бўйича жами 10 625 АҚШ доллари миқдоридаги маҳсулотларни хорижий ҳамкорларига юборган, лекин маблағлар тўлиқ келиб тушмаган ва(ёки) қарздорлик хорижий ҳамкори томонидан тўлиқ қопланмаган ва шу сабабли жавобгарнинг 545 кундан ортиқ кечиктирилган муддати ўтган 10 625 АҚШ доллари миқдоридаги дебитор қарздорликлари юзага келган. Жавобгарнинг IDN рақами 200324912307494346210100001 бўлган экспорт контракти бўйича жами 4 200 АҚШ доллари миқдоридаги маҳсулотларни хорижий ҳамкорларига юборган, лекин маблағлар тўлиқ келиб тушмаган ва(ёки) қарздорлик хорижий ҳамкори томонидан тўлиқ қопланмаган ва шу сабабли жавобгарнинг 360 кундан ортиқ лекин 545 кундан ошмаган кечиктирилган муддати ўтган 4 200 АҚШ доллари миқдоридаги дебитор қарздорликлари юзага келган. Аризада,IDN рақами 200324912307494346210100001 бўлган экспорт контракти бўйича 24.07.2021 йилдаги 003897 рақамли божхона юк декларацияси билан экспорт амалга оширилган 6000 АҚШ долларига нисбатан 35 фоиз миқдорида (6000х35%=) 2100 АҚШ доллари миқдорида жарима; - IDN рақами 200324912307494346210100001 бўлган экспорт контракти бўйича 05.08.2021 йилдаги 0004150 рақамли божхона юк декларацияси билан экспорт амалга оширилган 4 625 АҚШ долларига нисбатан 35 фоиз миқдорида (4 625х35%=) 1 618,75 АҚШ доллари миқдорида жарима; - IDN рақами 200324912307494346230100001 бўлган экспорт контракти бўйича 23.08.2023 йилдаги 0002876 рақамли божхона юк декларацияси билан экспорт амалга оширилган 4 200 АҚШ долларига нисбатан 10 фоиз миқдорида (4 200х10%=) 420 АҚШ доллари миқдорида жарима қўллаш сўралган. Ушбу контрактлар доирасида жавобгарга шартномада келишилган миқдорида товарлар экспорт қилинган ва ушбу контрактлар доирасида 01.0.2023 йил ва 19.02.2024 йилда жавобгарнинг жами 14 825 АҚШ доллари миқдоридаги муддати ўтган дебиторлик қарздорлиги юзага келган. Ўзбекистон Республикасининг Марказий банки томонидан 2025 йил 13 мартда тақдим этилган 13-27/116 dfu- онли маълумотга кўра, жавобгарнинг экспорт контракти бўйича 2025 йил 01 март ҳолатига жами 14 825 АҚШ доллари миқдорида муддати ўтган дебиторлик қарздорликлари мавжудлиги аниқланган. Ўзбекистон Республикаси Вазирлар Маҳкамасининг 2020 йил 14 майдаги “Ўзбекистон Республикасида ташқи савдо операциялари мониторингини янада такомиллаштириш чора-тадбирлари тўғрисида”ги 283-сон қарори билан тасдиқланган “Ташқи савдо операциялари амалга оширилиши мониторингини олиб бориш ва назорат қилиш тартиби тўғрисида”ги Низом (бундан буён матнда Низом деб юритилади) нинг 5-бандида контракт шартларига киритиладиган ўзгартириш ва қўшимчалар тўғрисидаги маълумотлар қўшимча битим билан қайд этилиши керак ҳамда контрактлар билан бўлгани сингари тартибда Ташқи савдо операцияларининг ягона электрон ахборот тизимига (бундан буён матнда ТСОЯЭФТ деб юритилади) киритилади. Республикага товарларни олиб кириш назарда тутилган контрактларга ёки инвойсларга қўшимчалар киритилиб, уларга мувофиқ хорижий ҳамкор мамлакат Эркин савдо режимини яратган ҳолда, савдо-иқтисодий ҳамкорлик соҳасидаги битимлар имзоланган давлатлар рўйхатида қайд этилган давлатдан ушбу рўйхатда келтирилмаган бошқа давлатга ўзгарган тақдирда, хўжалик юритувчи субъектлар ушбу қўшимчалар ҳақидаги маълумотлар ТСОЯЭАТга киритилган санадан бошлаб ўн иш куни мобайнида контракт бўйича тўлов амалга оширилмаган қисми доирасида “эркин муомалага чиқариш (импорт)” божхона режимига расмийлаштирилган сўнгги божхона юк декларацияларига тегишли ўзгартиришларни киритиш бўйича давлат божхона хизмати органларига мурожаат этишлари шартлиги белгиланган. Низомнинг 9-бандида ташқи савдо операциялари устидан мониторинг олиб бориш тартиби хўжалик юритувчи субъектлар томонидан тузилган ташқи савдо контрактлари ва инвойслар бажарилиши устидан зарур назоратни таъминлаш ҳамда хўжалик юритувчи субъектлар, валютани назорат қилувчи органлар, товар-хомашё биржаси, ғазначилик бўлинмалари ва тижорат банклари ўртасида ушбу Низомга 2-иловага мувофиқ схема бўйича ТСОЯЭАТ орқали ахборот айирбошлаш мақсадида жорий этилади. Низомнинг 10-бандига кўра, ТСОЯЭАТ реал вақт режимида ишлайди ва унда ушбу Низомга 3-иловада келтирилган маълумотлар акс эттирилади. Низомнинг 11-бандида контракт билан хўжалик юритувчи субъектлар томонидан ТСОЯЭАТга киритилган маълумотлар ўртасида фарқлар мавжуд бўлмаган тақдирда, банклар қонун ҳужжатларида белгиланган тартибда ушбу контракт бўйича банк операцияларини амалга ошириши қайд этилган. Низомнинг 22-бандига Хўжалик юритувчи субъектларнинг ташқи савдо контрактлари ва инвойслари мониторинги валютани назорат қилувчи органлар ва тижорат банклари томонидан ТСОЯЭАТ орқали амалга оширилади. ТСОЯЭАТда олиб кириш контракти олиб чиқиш контракти билан, шунингдек, сотиб олиш контракти сотиш контракти билан ўзаро боғлиқ ҳолда мониторинг қилинади. Низомнинг 24 ва 241-бандига биноан экспорт контракти бўйича тушум тушиши ёки товарларни қайта олиб кириш муддати товарларга нисбатан — “экспорт” божхона режими бўйича божхона юк декларацияси расмийлаштирилган санадан ва хизматларга (ишларга) нисбатан — бажарилган ишларни қабул қилиш далолатномаси имзоланган санадан бошлаб 180 кундан ошиб кетмаслиги керак. Олиб чиқиш контракти бўйича тушум тушиши ёки товарларни қайта олиб кириш муддати товарлар реэкспорт (шу жумладан, экспорт) божхона режимига расмийлаштирилган санадан бошлаб 180 кундан ошиб кетмаслиги керак. Сотиб олиш контракти бўйича тўланган пул маблағларини қайтариш ёки сотиш контракти бўйича пул маблағларининг келиб тушиши сотиб олиш контракти бўйича тўлов амалга оширилган кундан бошлаб 180 кундан ошмаслиги керак. Бунда сотиш контракти бўйича келиб тушган пул маблағларининг миқдори сотиб олиш контракти бўйича тўланган пул маблағлари миқдоридан кам бўлмаслиги лозим. Ушбу муддатда қайтарилмаган ёки белгиланган миқдорда келиб тушмаган валюта маблағлари муддати ўтган дебитор қарздорлик сифатида қаралади. Низомнинг 27-бандида ташқи савдо контрактлари бўйича активлар репатриация қилинишини (чет элдан хорижий валютадаги маблағлар келиб тушишини ёки ушбу Низомда кўрсатилган божхона режимларида товарлар республикага олиб кирилиши ва расмийлаштирилишини, ишлар бажарилиши ва хизматлар кўрсатилишини ёки маблағларнинг қайтарилишини) мазкур Низомнинг 23, 24 ва 241-бандларида белгиланган муддатларда таъминламаган хўжалик юритувчи субъектлар Ўзбекистон Республикасининг “Валютани тартибга солиш тўғрисида”ги Қонунининг 111-моддасидабелгиланган жаримани тўлайдилар. Ўзбекистон Республикасининг “Валютани тартибга солиш тўғрисида”ги Қонунининг 111-моддасига кўра, норезидентга тўлов ёки экспорт амалга оширилган санадан эътиборан бир юз саксон кун ўтганидан кейин кўпи билан қирқ беш кунда (кичик тадбиркорлик субъектлари учун тўқсон кунда) ташқи савдо операциялари бўйича активларни репатриация қилишни таъминламаган резидентлар республика бюджети даромадига: активларни репатриация қилиш норезидентга тўлов ёки экспорт амалга оширилган санадан эътиборан уч юз олтмиш кунгача кечикканда — репатриация қилинмаган активлар суммасининг 5 фоизига тенг миқдорда; активларни репатриация қилиш норезидентга тўлов ёки экспорт амалга оширилган санадан эътиборан уч юз олтмиш кундан беш юз қирқ беш кунгача кечикканда — репатриация қилинмаган активлар суммасининг 10 фоизига тенг миқдорда қўшимча равишда; активларни репатриация қилиш норезидентга тўлов ёки экспорт амалга оширилган санадан эътиборан беш юз қирқ беш кун ва ундан ортиқ муддатга кечикканда — репатриация қилинмаган активлар суммасининг 35 фоизига тенг миқдорда қўшимча равишда жарима тўлайди. Енгиб бўлмас куч таъсири юзага келганда активларни репатриация қилиш муддати енгиб бўлмас кучнинг таъсир муддатига узайтирилади. Енгиб бўлмас куч таъсири ҳолатлари юз берганлиги ушбу ҳодиса ўзида содир бўлган давлатнинг қонунчилигига мувофиқ ваколатли орган томонидан тасдиқланади. Экспортга оид контрактнинг суғурта полиси бўйича суғурта товони суммаси резидентларнинг ҳисобварағига келиб тушганда (миллий ва (ёки) хорижий валюталарда) жарима қўллаш мақсадида мазкур экспортга оид контракт бўйича дебитор қарздорлик суммаси келиб тушган суғурта товони суммасига камайтирилади. Ташқи савдо операциялари бўйича активларнинг репатриация қилинишини таъминламаганлик учун жарималар қуйидаги ҳолларда қўлланилмайди: асбоб-ускуналарни ва (ёки) бутловчи қисмларни етказиб бериш муддатлари уларнинг техник тавсифларига ҳамда ўзига хос хусусиятига қараб бир юз саксон кундан ортиқ этиб белгиланган импортга оид контрактлар бўйича етказиб бериш муддати даврида; транспортда ташиш ёки сақлаш чоғида тарафларга боғлиқ бўлмаган сабабларга кўра яроқсиз ҳолатга келган товарлар давлат органлари томонидан йўқ қилинганлигини ёхуд мусодара қилинганлигини тасдиқловчи ваколатли орган томонидан берилган ҳужжат тақдим этилган тақдирда; агар Ўзбекистон Республикаси Президентининг ва Ўзбекистон Республикаси Вазирлар Маҳкамасининг қарорларига мувофиқ амалга ошириладиган лойиҳалар доирасида тузилган импортга оид контрактларда ёки маҳсулот тақсимоти тўғрисидаги битимларни амалга ошириш доирасида бошқарувчи қўмита томонидан тасдиқланган импортга оид контрактларда белгиланган муддатлар бузилмаган бўлса; агар экспорт операциялари бўйича муддати ўтказиб юборилган дебитор қарздорликнинг умумий суммаси муддати ўтказиб юборилган дебитор қарздорлик юзага келган санадан олдинги ўттиз олти ой ичида таъминланган валюта тушумининг 10 фоизидан ортиқ бўлмаса; жарима қўллаш тўғрисидаги иш бўйича суд томонидан ҳал қилув қарори чиқарилгунига қадар ушбу Қонун талабларига мувофиқ репатриация қилинган активлар суммасига нисбатан. Жарима тўқсон кунлик муддат ичида ташқи савдо операциялари бўйича репатриация қилинган активлар суммасига мутаносиб равишда ўн кунлик муддатда ихтиёрий тарзда тўланган тақдирда, тўланган жарима суммаси резидентга қайтарилади. Суд ҳужжати қонуний кучга кирган пайтдан эътиборан тўқсон кун ичида ташқи савдо операциялари бўйича активлар тўлиқ репатриация қилинган тақдирда, тўланган жарима қайтарилади, жарима қўллаш тўғрисидаги ишни юритиш тугатилади ва мажбурий ундириш учун кўрилган барча чоралар бекор қилинади. Ўзбекистон Республикаси резиденти бўлган юридик шахснинг охирги ҳисобот санасидаги жорий активлари суммасининг 20 фоизидан ортиқ бўлган жарималарни ундириш ундирилиши лозим бўлган суммани ундириш тўғрисида қарор қабул қилинган санадан эътиборан олти ой ичида тўловларни бўлиб-бўлиб ҳар ойда тўлаш имконияти берилган ҳолда амалга оширилади. Низомнинг 28-бандида Низомнинг 27-бандида келтирилган хўжалик юритувчи субъектларга давлат солиқ хизмати органи томонидан жарима қўллаш тўғрисида талабнома(бундан буён матнда талабнома деб юритилади) юборилади. Давлат солиқ хизмати органлари томонидан талабнома почта орқали буюртма хат билан юборилганда у жўнатилган кундан эътиборан беш кун ўтганидан сўнг топширилган, шахсий кабинет орқали юборилганда эса кейинги иш куни хўжалик юритувчи субъект томонидан қабул қилиб олинган кун деб ҳисобланади. Талабномада жарима суммаси уни жўнатиш санасидаги Ўзбекистон Республикаси Марказий банки валюта курси бўйича сўмда ҳисобланади. Хўжалик юритувчи субъект давлат солиқ хизмати органига талабнома олинган кундан эътиборан ўн кун муддатда ташқи савдо операциялари бўйича муддати ўтган дебитор қарздорликларнинг бартараф этилганлиги ёки жарима суммаси ихтиёрий равишда тўлаб берилганлиги ҳақидаги маълумот(лар)ни ёзма ёки электрон шаклда тасдиқловчи ҳужжатларни илова қилган ҳолда тақдим этиши шарт. Хўжалик юритувчи субъект томонидан ташқи савдо операциялари бўйича муддати ўтган дебитор қарздорликлар ихтиёрий равишда тўлаб берилмаган ёхуд тўлашни рад этган тақдирда, давлат солиқ хизмати органи жарима қўллаш ҳақидаги ариза билан судга мурожаат қилади. Шунингдек, низомнинг 28-бандида аризада кўрсатилган ташқи савдо контрактлари бўйича валюта маблағларининг тушиши ёки товарларнинг республикага олиб кирилиши ҳамда “эркин муомалага чиқариш (импорт)” божхона режимида расмийлаштирилиши, ишлар бажарилиши ва хизматлар кўрсатилиши таъминланган тақдирда: жарима қўллаш масаласи судда кўриб чиқилаётган пайтда — аризани қаноатлантириш қисқартирилиши таъминланган қарздорлик миқдорига мутаносиб равишда рад этилиши белгиланган. Низомнинг 35-бандида товарлар (ишлар, хизматлар) экспортидан тушум қонунчилик ҳужжатларида белгиланган муддатларда тушмаганлиги ёки тўлиқ тушмаганлиги ёхуд импорт бўйича товарлар тўлиқ тушмаганлиги (ишлар ва хизматлар бажарилмаганлиги) (аванс тўлови қайтарилганлиги) ҳолатлари тўғрисидаги ахборот ТСОЯЭАТда шакллантирилади. Ўзбекистон Республикаси давлат солиқ ва божхона хизматлари органлари тегишли чора- тадбирлар кўриш учун ТСОЯЭАТ маълумотларидан фойдаланади. Ўзбекистон Республикаси Президентининг 2023 йил 14 июндаги “Фаол ишбилармонлик муҳитини шакллантиришни янада рағбатлантириш, солиқ мажбуриятини бажаришда аҳоли томонидан ортиқча харажатларга йўл қўймаслик ҳамда қўшимча иш ўринларини яратишга доир чора-тадбирлар тўғрисида”ги ПҚ-192-сонли қарорининг биринчи банди тўртинчи хатбошисига кўра, ташқи савдо операциялари бўйича муддати ўтган дебитор қарздорликнинг вужудга келиш муддати 2023 йил 1 июндан бошлаб янгидан ҳисобланиши белгиланган. Ўзбекистон Республикаси Марказий банки томонидан 2025 йил 03 февраль ҳолатига 1 АҚШ долларининг расмий курси 12 975,05 сўм этиб белгиланган. Аризачи томонидан 2025 йил 03 февралда жавобгарнинг шахсий кабинетига Низомда қайд этилган тартибда талабнома юборилган, бироқ жавобгар томонидан давлат солиқ хизмати органига талабнома олинган кундан эътиборан ўн кун муддатда ташқи савдо операциялари бўйича муддати ўтган дебитор қарздорликларнинг бартараф этилганлиги ёки жарима суммаси ихтиёрий равишда тўлаб берилганлиги ҳақидаги маълумот(лар) ёзма ёки электрон шаклда тасдиқловчи ҳужжатлар илова қилган ҳолда тақдим этилмаган. Божхона бошқармаси томонидан берилган 2025 йил 11 июндаги 7-452974/25-сонли ёзма маълумотга кўра, ТСОЯЭАТда жавобгарнинг IDN рақами 200324912307494346210100001 бўлганбўлган экспорт контракти бўйича 10 625 АҚШ доллари миқдори ва IDN рақами 200324912307494346230100001 бўлган экспорт контракти бўйича 4 200 АҚШ доллари миқдорида муддати ўтган дебитор қарздорлиги мавжудлиги аниқланган. Шу сабабли аризачи судга ариза билан мурожаат қилиб, жавобгарга IDN рақами 200324912307494346210100001 бўлганэкспорт контракти бўйича (жами 10 625 АҚШ долл х 35%=3 718,75 х 12 975,05 сўм=)48 250 967,19 сўм миқдорида ва IDN рақами 200324912307494346230100001 бўлганэкспорт контракти бўйича (4 200 АҚШ долл х 10%= 420 х 12 975,05 сўм =) 5 449 521 сўм миқдорида молиявий жарима қўллашни сўраган. Иш ҳужжатларидан ва иш муҳокамаси жараёнида жавобгарнинг иккита экспорт контракти бўйича 2025 йил 24 апрель ҳолатига 360 кундан ортиқ 545 кунгача ва 545 кундан кўп ортиқ кечиктирилган муддати ўтган жами 14 825 АҚШ доллари миқдоридаги дебитор қарздорликлари юзага келганлиги аниқланди. ИПК 68-моддасининг биринчи қисмига биноан ишда иштирок этувчи ҳар бир шахс ўз талаблари ва эътирозларига асос қилиб келтираётган ҳолатларни исботлаши лозимлиги белгиланган. Юқоридагилардан келиб чиқиб суд, аризада келтирилган талаблар иш ҳужжатлари, божхона бошқармаси томонидан берилган маълумот, аризачи ва жавобгар вакилларининг тушунтиришлари каби далиллар билан ўз исботини топганлиги сабабли, суд аризачининг аризасини қаноатлантиришни ва жавобгарга нисбатан жами 14 825 АҚШ доллари миқдоридаги дебитор қарздорлик бўйича 53 700 488,19 сўм молиявий жарима қўллашни лозим топади. ИПК 118-моддасининг биринчи қисмига мувофиқ суд харажатлари ишда иштирок этувчи шахсларнинг қаноатлантирилган даъво талаблари миқдорига мутаносиб равишда уларнинг зиммасига юклатилади. Бироқ суд, Ўзбекистон Республикасининг “Давлат божи тўғрисида”ги Қонуни 9-моддаси биринчи қисми 19-бандига биноан аризачи ва жавобгар ҳуқуқий таъсир чораларини қўллаш тўғрисидаги ишлар бўйича давлат божи тўловидан озод этилганлигини инобатга олиб, давлат божини ундирувсиз қолдиришни лозим топади. Юқоридагиларга асосан ҳамда Ўзбекистон Республикасининг Иқтисодий процессуал кодекси 66, 68, 118, 170, 176-179, 217, 220-222моддаларини қўллаб, суд Қ А Р О Р Қ И Л Д И: Аризачи Q DIR бошқармасининг аризаси қаноатлантирилсин. Жавобгар Q DIR МЧЖга нисбатан 53 700 488,19 сўм молиявий жарима қўлланилсин. Қўлланилган 53 700 488,19 сўм молиявий жаримани ундириш аризачи Сирдарё вилояти солиқ бошқармаси зиммасига юклатилсин. Давлат божи ундирувсиз қолдирилсин. Ҳал қилув қарори устидан ўн кунлик муддат ичида шу суд орқали Сирдарё вилоят судининг иқтисодий ишлар бўйича судлов ҳайъатига апелляция тартибида шикоят қилиш (протест келтириш) мумкин. Тушунтирилсинки, Низом талабларига кўра, аризада кўрсатилган ташқи савдо контрактлари бўйича валюта маблағларининг тушиши ёки товарларнинг республикага олиб кирилиши ҳамда “эркин муомалага чиқариш (импорт)” божхона режимида расмийлаштирилиши, ишлар бажарилиши ва хизматлар кўрсатилиши таъминланган тақдирда: жарима қўллаш масаласи судда кўриб чиқилаётган пайтда — аризани қаноатлантириш қисқартирилиши таъминланган қарздорлик миқдорига мутаносиб равишда рад этилади; суд ҳужжати қонуний кучга кирмаган вақтда — ижрога қаратилмайди. Молиявий жарима қўллаш тўғрисидаги суд ҳужжати қонуний кучга киргандан сўнг 120 кун ичида аризада кўрсатилган ташқи савдо контрактлари бўйича тўлиқ миқдорда активлар репатриация қилиниши таъминланган тақдирда — тўланган жарима суммасининг 75 фоизи қайтариб берилади. Бунда ундирилган маблағлар хўжалик юритувчи субъектнинг аризаси асосида банк ҳисобварағига қайтариб берилади. Агар, ундирилган маблағлар Ўзбекистон Республикаси Бош прокуратураси ҳузуридаги Мажбурий ижро бюроси депозит ҳисобварағида сақланаётган бўлса, Мажбурий ижро бюроси томонидан қайтариб берилади. Судья З.Т. Раджабов