Решение #36923 Уголовные

2025 йил октябрь ойининг 16 куни Тошкент шаҳар жиноят ишлари бўйича Яккасарой туман суди ўз биносида, ёпиқ суд мажлисида; Судья Б.Э.Каюмовнинг раислигида; судья ёрдамчиси Ж.Рустамовнинг котиблигида, тарафлардан давлат айбловчиси Яккасарой туман прокурорининг катта ёрдамчиси С.Саиджанова, судланувчи Х.Ибрагимова ва унинг ҳимоячи адвокат У.Полвон-Зода, жабрланувчи Г.Закированинг иштирокида, судланувчи Ибрагимова Хурсаной Суръатовнага нисбатан № 1-1005-2504/339-сонли ишни кўриб чиқди. Иш ҳужжатларига кўра: Ибрагимова Хурсаной Суръатовна (Ibragimova Xursanoy Sur’atovna), 1994 йил 2 декабрь куни Тошкент шаҳрида туғилган, Ўзбекистон Республикаси фуқароси, миллати ўзбек, маълумоти тугалланмаган олий, ишсиз, муқаддам судланмаган, Тошкент шаҳар, Яккасарой тумани, Муқумий МФЙ, Б.Хилолий 3-тор кўчаси, 87-уйда яшовчи, муносиб хулқ атворда бўлиш ҳақида тилхат эҳтиёт чораси кўлланилган, айблов хулосаси нусхасини 2025 йил 27 август куни олган, Ўзбекистон Республикаси ЖКнинг 111-моддаси 1-қисми билан айбланган. Суд, судланувчи ва жабрланувчининг кўрсатувларини тинглаб, жиноят иши ҳужжатларини ўрганиб чиқиб ҳамда ишда мавжуд бўлган далилларга баҳо бериб, қуйидагиларни АНИҚЛАДИ Ибрагимова Хурсаной Суръатовна, 2024 йил 17 май куни, Тошкент шаҳар, Яккасарой тумани, Қушбеги кўчасида жойлашган 10а-уйда жойлашган “Face control” МЧЖда хонани ижарага олиб, у ерда жабрланувчи Закирова Гулноза Тахировнага “даҳан липосакцияси” косметология муолажа ўтказиб, унга эҳтиётсизлик натижасида ўртача оғир шикаст етказганлиги аниқланган. Суд тиббий экспертизасининг 2025 йил 30 апрелдаги кунидаги №71-сонли комиссион хулосасига кўра, Г.Закировага нисбатан ўтказилган косметология муолажадан сўнг унинг иккала томон жағи ости ва даҳан ости соҳаларида тарқалган кўкариш юзага келган бўлиб, ушбу кўкаришлар кейинчалик яллиғланишга айланган ва икки томон жағи ости соҳаси инфильтрати каби асоратлар юзага келган. Бу юзага келган асоратлар унинг соғлиғини 21 кундан ортиқ бўлган муддатга бузулишига олиб келган ва соғлиғига ўртача даражали (оғирликдаги) зиён етказилганлиги аниқланган. Суд мажлисида судланувчи Х.Ибрагимова айбига тўлиқ иқрорлик билдириб қуйидагиларни, яъни у тахминан 2023 йил охирида Яккасарой тумани, Қўшбеги кўчаси, 10а-уйда жойлашган “Face control” номли клиникага бориб, унинг раҳбари М.Шарифбаева билан ўзаро оғзаки келишиб, ҳар ой унга 300 АҚШ доллардан ижара беришга, бунинг учун М.Шарифбаева унга битта хонани ажратиб берганлиги, у М.Шарифбаевага косметология ишларини 1 амалга оширишини айтганлигини, у “Инстаграм” саҳифасида “Доктор Ибрагимова” номли профиль очганлиги, ушбу профилда у косметология йўналишида муолажа олиб боришини, профилда юзни жарроҳлик йўли билан кесиб даволаш муолажасини ёзмаганлигини, 2024 йил 17 май куни унга Г.Закирова қўнғироқ қилиб, унинг олдига келганлиги ва муолажа олишини айтганлигини, сўнг, Г.Закирова ундан жағи остидаги ёғларини олиб ташлашни сўраганлигини, у унга муолажа қилиб, унинг жағи остидаги ёғни олиб ташлаганлигини, жағи остидаги ёғни олиш учун кичкина тешиб аппарат орқали ёғни олиб ташлаганлигини, Г.Закирова унга 150 АҚШ доллар пул берганлигини, шундан сўнг, Г.Закировага у муолажадан сўнг, оғриқлар, шишишлар бўлишини айтганлигини, орадан тахминан 5-6 кун ўтиб Г.Закирова унинг олдига келиб, жағи ости оғриётганлигини, уни муолажасидан қониқмаганини айтганлигини, у Г.Закировага 300 АҚШ доллар пул қайтариб берганлигини, Г.Закирова унга яна 5.000 АҚШ доллар пул беришини айтганлигини, шундан сўнг, у Г.Закирова билан қонуний тартибда гаплашишни айтганлигини, Г.Закирова шу вақтга қадар унга жағи остини қайта даволаганлиги ва ушбу муолажаларга қанча харажат кетганлигини исботловчи бирор бир далил тақдим этмаганлигини, у Г.Закировага бир неча бор бошқа шифокорга олиб бориб жағи остини кўрсатиб даволаттириб беришини айтганлигини, лекин Г.Закирова ундан фақатгина пул талаб қилганлигини, ҳақиқатдан ҳам уни косметология соҳаси бўйича дипломи ва лицензиям йўқлигини, лекин у шу соҳада 6 йилдан буён шуғулланиб келганлигини, ҳозирда “Альфраганус” номли тиббиёт факультетида ўқишлигини, ҳозирда қилган ишидан чин кўнгилдан пушаймонлигини, суддан унга нисбатан енгилроқ жазо тайинлашни сўраб кўрсатма берди. Суд мажлисида жабрланувчи Г.Закирова қуйидагиларни, яъни у юз-жағи хирурги хизматига бориш учун “Инстаграм” ижтимоий тармоғи орқали “Доктор Ибрагимова” номли аёлнинг қабулига ёзилганлигини, у унга юз-жағи соҳаси бўйича доктор эканлигини айтганлигини, у билан “даҳан липосакцияси”ни ўтказишга келишганлигини, 2024 йил 17 май куни соат тахминан 19:00ларда у локация орқали Тошкент шаҳар, Яккасарой тумани, Қўшбеги кўчаси, 10а-уйда жойлашган “Face control” номли клиникага борганлигини, у ерда уни ўзини Х.Ибрагимова деб таништирган аёл кутиб олганлигини, у авваллари ушбу масала юзасидан шифокорга учрамаганлигини, Х.Ибрагимова уни ўша ерда жойлашган бемор курсига ётқизиб, унга оғриқсизлантирувчи ва ёғларни эритувчи укол қилишини айтганлигини, унга укол қилганлигини, шундан сўнг, жағи остимни тешиб, тиббий анжом билан тери остимда жойлашган ёғларни олиш мақсадида тиббий анжомни юргиза бошлаганлиги, унда кучли оғриқ бўлганлиги, Х.Ибрагимовага оғриқ бўлаётганлигини айтса, оғриқ ўтиб кетишини айтиб, муолажани давом эттирганлиги, шундан сўнг, унинг юзига бандаж тақиб, унга дорилар ёзиб берганлигини, у Х.Ибрагимовага хизмат ҳақи эвазига 150 АҚШ доллар пул берганлигини, орадан икки кун ўтиб унинг жағи остида кучли оғриқ пайдо бўлганлигини, у Х.Ибрагимова билан “Инстаграм” ижтимоий тармоғи орқали гаплашиб, унга оғриқ кучайиб кетаётганлигини айтганлигини, Х.Ибрагимова унга табиий ҳолат эканлигини айтганлигини, уни оғриғи пасаймагач, Х.Ибрагимованинг маслаҳатлари ўз самарасини бермагач, ушбу ҳолатни 2 “Фейсбук” саҳифасига суратга олиб жойлаганлигини, у Н.Ходжаева исмли шифокорга мурожаат қилганлигини ва у унга нотўғри муолажа қилинганлигини айтганлигини, сўнг, у Х.Ибрагимовани олий маълумотга эга эмаслигини, шифокорлик курсларини тамомламаганлигини, лицензияси ҳам йўқлигини, уни муолажа қилишдан аввал тиббий кўрикдан ўтказиш керак бўлса-да, уни тиббий кўрикдан ўтказмасдан, ўзи билганича муолажа қилганлигини билиб қолганлигини, Х.Ибрагимова уни нотўғри муолажа қилганлиги сабабли унинг жағи остига чандиқ тушиб қолганлиги, у уни даволаш мақсадида жуда кўп вақт сарфлаганлиги ва кучли оғриқни жуда кўп вақт ҳис қилиб азобланиб юрганлигини, у муолажаларига шу вақтга қадар тахминан 5.000 АҚШ доллар пул сарфлаганлиги, ушбу сарф харажатларини чеклари мавжудлиги, Х.Ибрагимова фақат унга 300 АҚШ доллар пул берганлигини, у ҳолат юзасидан ИИБга ариза билан мурожаат қилганлигини, ҳозирда унга етказилган моддий зарарни Х.Ибрагимовадан ундириб беришни сўраб, унга нисбатан қонуний чора кўришни сўраб, кўрсатма берди. Суд мажлисида сўроқ қилинган гувоҳ Э.Ибрагимова қуйидагиларни, яъни Х.Ибрагимова унинг фарзандилиги, қизи Х.Ибрагимова 2024 йил тахминан ноябрь ойида унинг олдига келиб, Яккасарой тумани Қўшбеги кўчаси, 10а-уйда “Face control” номли косметология борлигини, у ерда ижара учун хона борлигини айтганлигини, шундан сўнг, у Х.Ибрагимова билан бирга Яккасарой тумани, Қўшбеги кўчаси, 10а-уйга борганлигини, у ерда М.Шарифбаева раҳбар эканлиги ва у билан гаплашганлигини, у М.Шарифбаевадан косметология соҳаси юзасидан фуқароларга маслаҳат бериш учун битта хонасини ижарага ҳар ой 300 АҚШ доллар бериш шарти билан олганлигини, қизим Х.Ибрагимова у ерда фуқароларни қабул қилиб, уларга косметология соҳасида маслаҳатлар бериб келганлигини, 2024 йил 19 май куни у ижарага олинган хонага бормаганлигини, ўша куни қизи Х.Ибрагимова фуқаро Г.Закирова исмли аёл билан танишиб, унинг жағи остида липосакция ишини амалга оширганлигини, натижада Г.Закировада оғриқ пайдо бўлиб, қизи Х.Ибрагимованинг олдига келиб, ундан липосакцияни нотўғри қилганлигини, унга жароҳат етганлигини айтганлигини, унга келтирилган зарарларни қоплаб беришини айтганлигини, қизи Х.Ибрагимова Г.Закировага 300 АҚШ доллари берганлигини, Г.Закирова пулларни олиб, ҳозирда 10.000 АҚШ доллар пул беришини талаб қилаётганлиги, қизи Х.Ибрагимовани косметология соҳасида лицензияси ва дипломи йўқлиги, нима сабабдан қизи бу ишни қилганлигини билмаслигини баён қилиб, кўрсатма берди. Суд мажлисида қўшимча гувоҳ М.Усманов, қуйидагиларни, яъни у Ўзбекистон Республикаси Соғлиқни сақлаш вазирлиги СТЭИАМ Тошкент шаҳар филиали қайта ва комиссион экспертизалар бўлими эксперти лавозимида ишлаб келишлигини, у Тошкент шаҳар Яккасарой тумани ИИО ФМБ ҳузуридаги тергов бўлими терговчисининг экспертиза суд-тиббий экспертиза тайинлаш тўғрисидаги қарорига кўра 2025 йил 30 апрель куни экспертиза ўтказганлигини, унда Г.Закировага нисбатан ўтказилган косметология муолажадан сўнг унинг иккала томон жағи ости ва даҳан ости соҳаларида тарқалган кўкариш юзага келганлиги, ушбу кўкаришлар кейинчалик яллиғланишга айланганлиги ва икки томон жағи ости соҳаси инфильтрати каби асоратлар юзага келганлигини, бу юзага келган асоратлар унинг соғлиғини 3 21 кундан ортиқ бўлган муддатга бузулишига олиб келган ва соғлиғига ўртача даражали (оғирликдаги) зиён етказилганлиги аниқланганлигини баён қилиб, кўрсатма берди. Суд мажлисида қўшимча гувоҳ А.Исламова, қуйидагиларни, яъни у Х.Ибрагимовада косметология йўналишида муолажа олганлиги ва ҳеч қанақа оғир оқибатлар олиб келмаганлиги, Х.Ибрагимованинг фаолиятидан қониққанлигини баён қилиб, кўрсатма берди. Тарафлар розилиги билан судга келмаган гувоҳлар М.Шарифбаеванинг кўрсатмалари ўқиб эшиттирилди. Суд, давлат айбловчисининг хулосасини, ҳимоячини фикрини, судланувчи ва жабрланувчининг кўрсатувларини тинглаб, Х.Ибрагимованинг айбига иқрорлик билдириб берган кўрсатувларидан ташқари, терговга қадар текшириш материаллари, нарсани олиш ва кўздан кечириш баённомаси ва унга илова қилинган Х.Ибрагимова ва Г.Закироваларнинг телеграм мессенджеридаги ёзишмалар скриншоти, 71-сонли комиссион суд-тиббий экспертизаси хулосаси, эксперт хулосаси билан ҳамда жиноят ишида мавжуд Ўзбекистон Республикаси ЖПКнинг 95-моддаси тартибида текширилган ва баҳоланган бошқа объектив далиллар йиғиндиси билан тўлиқ тасдиқланади. Суд, судланувчи Х.Ибрагимованинг ҳаракатларини юридик квалификациясини муҳокама қилиб, унинг эҳтиётсизлик орқасида баданга ўртача оғир шикаст етказишда ифодаланган ҳаракатларини Ўзбекистон Республикаси ЖКнинг 111-моддаси 1-қисми билан тўғри квалификация қилинган деб ҳисоблайди. Ўзбекистон Республикаси Конституциясининг 20-моддасида, давлат органлари томонидан инсонга нисбатан қўлланиладиган ҳуқуқий таъсир чоралари мутаносиблик принципига асосланиши ва қонунларда назарда тутилган мақсадларга эришиш учун етарли бўлиши керак. Бундан ташқари, 28-моддасида, жиноят содир этганликда айбланаётган шахс унинг айби қонунда назарда тутилган тартибда ошкора суд муҳокамаси йўли билан исботланмагунча ва суднинг қонуний кучга кирган ҳукми билан аниқланмагунча айбсиз деб ҳисобланади. Айбланувчига ўзини ҳимоя қилиш учун барча имкониятлар таъминланиши кўрсатилган. Ўзбекистон Республикаси Олий суди Пленумининг 2014 йил 23 майдаги “Суд ҳукми тўғрисида”ги 7-сонли қарорининг 28-бандида, судлар жазо тайинлашда, содир этилган жиноятнинг ижтимоий хавфлилик даражасини ва хусусиятини, содир этилган қилмишнинг сабабларини, келтирилган зарарнинг миқдори ва хусусияти, айбдорнинг шахси, унинг жавобгарлигини енгиллаштирувчи ва оғирлаштирувчи ҳолатларни ҳисобга олишлари кераклиги ҳақида тушунтиришлар берилган. Ўзбекистон Республикаси ЖКнинг 7-моддасида, жазо ва бошқа ҳуқуқий таъсир чоралари жисмоний азоб бериш ёки инсон қадр-қимматини камситиш мақсадини кўзламайди. Жиноят содир этган шахсга нисбатан у ахлоқан тузалиши ва янги жиноят содир этишининг олдини олиш учун зарур ҳамда етарли бўладиган жазо тайинланиши ёки бошқа ҳуқуқий таъсир чораси қўлланилиши кераклиги кўрсатиб ўтилган. Ўзбекистон Республикаси ЖКнинг 8-моддасида, жиноят содир этишда айбдор бўлган шахсга нисбатан қўлланиладиган жазо ёки бошқа ҳуқуқий 4 таъсир чораси одилона бўлиши, яъни жиноятнинг оғир-енгиллигига, айбнинг ва шахснинг ижтимоий хавфлилик даражасига мувофиқ бўлиши кераклиги назарда тутилган. Ўзбекистон Республикаси Олий суди Пленумининг 2006 йил 3 февралдаги “Судлар томонидан жиноят учун жазо тайинлаш амалиёти тўғрисида”ги 1-сонли Қарорнинг 3-бандига кўра, ЖКнинг 8, 54-моддалари мазмунига кўра, жазо адолатли бўлиши-ҳар бир ҳолатда индивидуал тайинланиши, жиноятнинг хусусияти ва ижтимоий хавфлилик даражасига, айбдорнинг шахсига, шунингдек, жазони енгиллаштирувчи ва оғирлаштирувчи ҳолатларга мувофиқ бўлиши керак. Жиноятнинг ижтимоий хавфлилик хусусияти тажовуз объекти (инсон ҳаёти ва соғлиғи, мулк, жамоат хавфсизлиги ва ҳ.к.), айб шакли, жиноий қилмишнинг қонунда қайси тоифага (ЖК 15-моддаси) киритилганлиги билан белгиланиши ҳақида раҳбарий кўрсатмалар берилган. Суд, юқоридаги Ўзбекистон Республикаси Олий суди Пленумининг раҳбарий кўрсатмалари ва қонун талабларига амал қилиб, судланувчи Х.Ибрагимовага нисбатан жазо тайинлашда унинг ҳаракатларида оғирлаштирувчи ҳолат йўқлиги, унинг қилмишидан пушаймонлиги, айбига тўлиқ иқрорлигини, шахсини, муқаддам судланмаганлиги жазони енгиллаштирувчи ҳолатлари деб ҳисоблаб, жиноятнинг хусусияти ва унга нисбатан қўлланиладиган жазо чораси айбнинг ва шахснинг ижтимоий хавфлилик даражасига мувофиқ бўлиши кераклигини инобатга олиб, унга модда санкцияси доирасида ахлоқ тузатиш ишлари жазоси тайинлашни лозим топади. Суд, жиноят иши юзасидан жабрланувчига етказилган зарарни муҳокама қилиб; жабрланувчи Г.Закирова мазкур ҳодисаси натижасида олган тан жароҳатини даволаш учун сарф қилган ва тегишли квитанция (чек)ни тақдим қилган ҳолатлари бўйича Х.Ибрагимовадан жабрланувчи Г.Закирова фойдасига 34.353.981 сўм моддий зарарни ундиришни, қолган сарф харажатлар яъни моддий ва маънавий зарар етказилганлиги ҳақидаги тасдиқловчи маълумотларни тақдим қилмаганлиги сабабли унга етказилган моддий ва маънавий зарарларни ундириш бўйича келажакда тегишли маълумотларни тақдим қилган ҳолда умумий асосларда фуқаролик ишлари бўйича судга мурожаат қилиш ҳуқуқларини тушунтиришни лозим топади. Ўзбекистон Республикаси Конституциясининг 20 ва 28-моддалари ва Ўзбекистон Республикаси ЖПКнинг 454-457, 460, 462-463, 465-468, 471, 473-моддаларига амал қилиб, суд ҲУКМ ҚИЛАДИ Ибрагимова Хурсаной Суръатовна (Ibragimova Xursanoy Sur’atovna) Ўзбекистон Республикаси ЖКнинг 111-моддаси 1-қисмида назарда тутилган жиноятни содир этганликда айбли деб топилсин ва унга ушбу модда билан иш ҳақининг 15 (ўн беш) фоиз миқдорини давлат даромади ҳисобига ушлаб қолган ҳолда - 1 (бир) йил муддатга ахлоқ тузатиш ишлари жазоси тайинлансин. Жазо муддати маҳкумни жазони ўташ учун юборилган корхона, муассаса, ташкилотда иш бошлаган кундан ҳисоблансин. 5 Ҳукм ижросини назорат қилиш Тошкент шаҳар Яккасарой туман ИИО ФМБ зиммасига юклатилсин. Ҳукм қонуний кучга киргач судланувчи Х.Ибрагимовага қўлланилган муносиб хулқ атворда бўлиш ҳақида тилхат эҳтиёт чораси бекор қилинсин. Манфаатдор тарафларга судланувчининг жиноий ҳаракатлари оқибатида етказилган қўшимча моддий ва маънавий зарар юзасидан фуқаролик тартибида судга мурожаат этиш ҳуқуқига эга эканлиги тушунтирилсин. Ҳукмдан норози тарафлар ҳукм эълон қилинган кундан бошлаб, судланувчи ва жабрланувчи эса ҳукм нусхасини олган кундан бошлаб, ўн сутка ичида Тошкент шаҳар суди апелляция инстанцияси судлов ҳайъатига, ҳукм қонуний кучга киргандан сўнг эса кассация инстанцияси судлов ҳайъатига шикоят бериш ёки протест билдиришга ҳақлидирлар. /имзо/ Б.Э.Каюмов Нусхаси аслига тўғри:______________ 6