Решение #38013 Уголовные

2025 йил октябрь ойининг 13 куни, Тошкент шаҳар жиноят ишлари бўйича Яккасарой туман суди, суд биносида, очиқ суд мажлисида, раислик қилувчи судья А.Хакимов, судья ёрдамчиси А.Нишоновнинг котиблигида, тарафлардан давлат айбловчиси Яккасарой туман прокурорининг катта ёрдамчиси Э.Эминов, судланувчи 111111111111 ва унинг ҳимоячиси – адвокат К.Кличев, жабрланувчилар Г.Юнусова ва Облакулова Гулчехраларнинг иштирокида, Эгамбердиев Саид Зафарович (Egamberdiyev Said Zafarovich)га нисбатан 1-1005-2505/372-сонли жиноят ишини кўриб чиқди. Иш ҳужжатларига кўра, Эгамбердиев Саид Зафарович (Egamberdiyev Said Zafarovich) – 31.12.2002 йилда Хоразм вилоятида туғилган, миллати ўзбек, Ўзбекистон Республикаси фуқароси, маълумоти олий, бўйдоқ, вақтинча ишсиз, муқаддам судланмаган, Хоразм вилояти, Урганч шаҳри, “Тоза-Боғ” МФЙ, 3-даҳа, 14-уй, 14-хонадонда доимий истиқомат қилувчи, иш бўйича “муносиб хулқ-атворда бўлиш ҳақидаги тилхат” тарзидаги эҳтиёт чораси қўлланган, айблов хулосаси нусхасини ўз вақтида олган, Ўзбекистон Республикаси ЖК 109-моддаси 2-қисмининг “в” банди билан айбланган. Суд судланувчи, жабрланувчилар ва гувоҳларнинг кўрсатувларини тинглаб, дастлабки тергов жараёнида тўпланган далилларни, судда аниқланган далилларни текшириб, жиноят ишидаги ҳужжатларни таҳлил қилиб, тарафларнинг музокаралари ва судланувчининг охирги сўзини тинглаб, қуйидагиларни А Н И Қ Л А Д И: Судланувчи Эгамбердиев Саид Зафарович 2024 йил 15 декабрь куни соат 17:10ларда Тошкент шаҳар, Яккасарой тумани, “Дилбулоқ” МФЙ, Қушбеги кўчаси 8-уйнинг подъезд қисмида ўзига тегишли бўлган велоскутерига соябон ўрнатаётган вақтда, қўшниси – жабрланувчи Облакулова Гулчехра Сайибовна велоскутерини олишини, фуқароларга халақит беришини айтганига қарамасдан, велоскутерини олмаслигини айтиб, ўзаро тортишиб қолганлиги натижасида, Г.Облакулованинг қизи Юнусова Гузал Ахмаджон қизи билан жанжаллашиб, Г.Юнусованинг бурун қисмига қўлида қуролни ёки совуқ қурол сифатида фойдаланилиши мумкин бўлган амбир билан уриши натижасида Г.Юнусованинг бурун суяклари ёпиқ силжимасдан синиши, бурун соҳаси ва чап кўз ости соҳаси қонталашлари, чап чакка-тепа соҳаси тери ости гематомасидан иборат бўлган енгил тан жароҳати етказганлиги аниқланган. Судланувчи Эгамбердиев Саид Зафарович суд мажлисида унга нисбатан 1 эълон қилинган айбловга қисман иқрорлик билдириб, дастлабки тергов даврида берган кўрсатувларини тўлиқ тасдиқлаб, қуйидагиларни, 2024 йил 15 декабрь куни совуқ шамол ва қор ёғиб турган бўлса-да, маблағи камлиги сабабли об-ҳаво шароитига қарамай велоскутер учун соябон сотиб олишга қарор қилганлигини, шу мақсадда Қушбеги кўчасидан Янгиобод бозорига йўл олганлигини, чунки у ўзининг велоскутери орқали пул топиш мақсадида етказиб бериш хизмати билан шуғулланиб келганлигини, велоскутери панасиз бўлгани сабабли уни бошқариш жараёнида совуқ шамол тўғридантўғри кўзига, юзига, кўкрак қисмига ва бўйнига уриб турганини, шу сабабдан у Янгиобод бозоридан велоскутер учун соябон харид қилганлигини, Қушбеги кўчаси, 8А-уйдаги ётоқхона олдига етиб келиб, соябонни инструментларсиз ўрнатишга уринганлигини, аммо ўша куни ҳаво жуда совуқ бўлганлиги сабабли скутернинг шуруплари музлаб қолганлигини, шунингдек, кучли шамол соябонни учириб, ўрнатишга халақит берганлигини, унинг оёғида енгил материалдан тикилган кроссовка бўлгани учун оёқлари ҳам музлаб, қўллари совуқдан музлаганлигини, шунингдек, шамол таъсирида бурни яллиғланиб, оқиш ҳолати кузатилганлигини, соябонни инструментларсиз ўрнатиш мумкин эмаслигини ўзи ва онаси англаб етганлигини ва онаси шамоллаганини кўриб, уни подъездга кириб ўрнатишни сўраганлигини, велоскутерини одамларга ва кириб-чиқиш йўлига халақит қилмайдиган тарзда, подъезднинг чекка бурчагига қўйганлигини, кейин инструментларни олиб келиш мақсадида иккинчи қаватда ижарада яшайдиган хонасига чиқиб, инструментларини олиб тушганлигини, шу пайтда онаси ва бир қўшни аёл ундан “велоскутерни бу ердан оласизларми?” деб сўрашганлигини, онаси эса “ҳа, ҳозир бир-иккита шурупини қотириб оламиз” деб жавоб берганлигини, онаси ундан “ҳамма керакли инструментларни олиб чиқдингми?” деб сўраганини, у эса “ҳа” деб жавоб берганлигини, кейинчалик, Облакулова Гулчехра келиб “тезроқ велоскутерингизни оласизларми?” деб айтганини, шу вақтда ўзини жуда совуқ босганини, шу сабабли уйига кириб, агар инструментлардан бирортаси қолиб кетган бўлса, олиб чиқиб беришини билдириб, хонасига чиқиб кетганлигини, онаси хонага кириб кетганидан кейин тахминан 1-2 дақиқа ўтиб, Облакулова Гулчехра унинг олдига келиб, қўпол оҳангда “ол бу велосипедингни” деганлигини, у эса уни олишини, тахминан 5 дақиқа ичида соябонни ўрнатиб, ташқарига олиб чиқишини айтганлигини, бироқ Облакулова Гулчехра унга “йўқ, ҳозир олиб чиқиб кетасан” деб қўпол ва буйруқона оҳангда, “ўзларингча ўзбошимчалик қилиб юрибсизлар” деб овозини баланд қилиб бақирганлигини, у эса жавобан бу ҳаракат ўзбошимчалик эмаслигини, эркалик ҳам қилмаётганини, ташқарида совуқ ва қор ёғаётгани учун подъездга кирганини, шунингдек, велоскутерини одамларга халақит қилмайдиган жойга қўйганини айтганлигини, сўнгра у бироз жим турганлигини ва кейин “котёлни кўришим керак” деб бақирганлигини, унга “ўтиб кўришингиз мумкин, велоскутерим йўлни тўсиб тургани йўқ, бемалол котёл ишлаяптими-йўқми кўришингиз мумкин” деб жавоб берганлигини, бироқ Облакулова Гулчехра яна қўпол оҳангда овозини баланд қилиб, бутун подъезд эшитадиган даражада 2 “велосипедингни ҳозир олиб чиқ, менинг котёл ёнида ишим бор” деганлигини, Облакулова Гулчехрага “котёлни кўрмоқчимисиз ёки унинг ёнида ишингиз борми? Бемалол ўтиб қайтсангиз бўлади, сизнинг йўлингизни тўсиб ёки халақит бермаяпман” деб айтганлигини, бироқ Облакулова Гулчехра унга жавобан “сен менга халақит беряпсан, мана мен ўтмоқчиман” деб, икки қўлини елка кенглигидан ортиқча ёйиб, уни мувозанатдан чиқариш учун шафқатсиз куч билан унга ва велоскутерига қўллари билан тегиб турткилаб, бир вақтнинг ўзида уни ва велоскутерини итариб ўтиб қайтганлигини, Облакулова Гулчехра унинг велоскутерини атайлаб кучлироқ зарба билан ағдариш мақсадида итарганлигини, натижада велоскутери ағдарила бошлаганлигини, бу ҳолда велоскутерини ва багажидаги инструментларини аранг ушлаб қолганлигини, шу вақт қисман ўрнатилган соябон силжиб чиқиб кетганлигини ва қийшайганлигини, Облакулова Гулчехра яна қўлларини елка кенглигидан ортиқча чўзиб, икки ёнига силтаб, велоскутерини туртганлигини ва “мана, мен яна ўтмоқчиман, халақит беряпти” деб 6-7 марта шу тарзда ўтиб қайтганлигини, велоскутери йиқилиб тушмаслиги учун уни ушлаб турганлигини ва Облакулова Гулчехрага “жиннимисиз, нима учун бу ишни қиляпсиз?” деб савол берганлигини, шу вақтда онасининг пастга тушиб келаётганини кўрганлигини, Облакулова Гулчехра уни ҳақоратли сўзлар билан ҳақорат қилиб, “велосипедингни ол” деб айтганлигини, сўнг “гапга тушунмадингми” деб шахсиятига тегадиган сўзлар билан бақирганлигини, онаси уни тинчлантирмоқчи бўлиб, “ҳозир оламиз, велоскутернинг соябони қийшайиб қолганлигини, тўлиқ ўрнатиб олайлик, агар ҳозир олиб чиқсак, девор ва эшикларга тегиб кетади” деб тушунтирганлигини, лекин Облакулова Гулчехра жавобан “ҳозир ҳам халақит беряпти” деб, велоскутерини рулидан ушлаб, одамлар ўтибчиқадиган йўлга қўйганлигини ва “мана, менга халақит қиляпти, ўтолмаяпман” деб айтганлигини, сўнг велоскутерини бор кучи билан итариб йиқитганлигини ва унинг устидан босиб ўтганлигини, натижада велоскутернинг ён ойнаси синганлигини, ғилдираклари спицалари қийшайганлигини, рули бузилиб, педали ҳам синганлигини, бу ҳолатни жим кузатиб турганлигини, аммо Облакулова Гулчехра уни кузатиб турганини кўриб, велоскутерини тепишни бошлаб, “олиб чиқиб кет” деб бақирганлигини, шу пайт Облакулова Гулчехранинг синглиси Облакулова Гулшан ва қизи Г.Юнусова келиб, унга қўшилишганлигини ва ўртада ҳақоратли сўзлар билан ҳақорат қилишганлигини, улар “э, сен қаердан келгансан, мусор, ҳозир профилактика инспекторини чақирамиз” деб айтганлигини, у эса уларга “чақиринг” деб жавоб берганлигини, шундан сўнг, Облакулова Гулчехра “чиқиб кетинглар бу ердан, бошқа квартирага” деб гапни айлантириб, “профилактика инспекторини чақирмасимиздан олдин” деб айтганлигини, шу вақт Облакулова Гулчехра велоскутерининг устига чиқиб, ўнг оёғи пошнаси билан уриб турганлигини, у ўз мулкини ҳимоя қилиш ниятида Облакулова Гулчехрани елкасидан енгилгина итариб, у йиқилиб боши деворга ёки зинапоя ушлагичларига тегиб кетмаслигини ҳисобга олганлигини, шу орада Облакулова Гулчехранинг қизи Г.Юнусова 3 унга ҳақорат қилиб, темир дастали супурги (швабрага ўхшаш)ни қаердандир олиб, уни урмоқчи бўлиб унга қараб югурганлигини, шу вақт Облакулова Гулчехранинг синглиси Облакулова Гулшан ҳам унга қўшилганлигини, бироқ унинг онаси уларга тўсқинлик қилиб, тинчлантиришга уринганлигини, Облакулова Гулчехра “уришмоқчимисан” деб ҳақорат қилиб, “мени ур” деб уни бор кучи билан итарганлигини, шу билан бирга ҳақоратли сўзлар ишлатиб, қўли ва кўкрагига урганлигини, у эса ўзини ҳимоя қилиш мақсадида Облакулова Гулчехрани енгилгина итаришга мажбур бўлганлигини, шунда у йиқилиб боши бирон жойга тегиб кетмайдиган тарзда ўзидан узоқроққа силжитилганлигини, Г.Юнусова унга етиб кела олмаганлигини, чунки онаси унинг йўлини тўсиб тургани учун у судланувчини ура олмаганлигини, шу сабабдан Г.Юнусова унинг онасининг боши ва елкасига урганлигини, шу вақт Облакулова Гулчехранинг синглиси Облакулова Гулшан ҳам унга қўшилиб, судланувчининг онасини турткилаб урганлигини, бу ҳолатни ноўрин тажовузкорлик ва ҳақоратли бақир-чақир сифатида баҳолаб, бу ҳолатда онасининг соғлиғини ва мулкини сақлаб қолиш учун қандай йўл тутишни билмай қолганлигини, бироқ у Облакулова Гулшанга, Облакулова Гулчехрага, Г.Юнусовага ва Облакулова Гулчехранинг эрига зарба бермаганини, уларга тан жароҳати етказмаслик учун ҳаракат қилганини таъкидлаганлигини, ўзини ҳимоя қилиш вақтида ҳам “уларнинг бирор жойини синдириб қўймаслик, кўзини кўр қилмаслик, қўлини синдириб қўймаслик, қорнига тепмаслик”ни назарда тутиб ҳаракат қилганлигини, фақат уларнинг зарбаларини қўллари билан қайтаришга ва ўзини ҳимоя қилишга уринганлигини, аммо уриб йиқитиш ёки тан жароҳати етказиш мақсадида ҳаракат қилмаганлигини, шу вақтда Г.Юнусова ўз кийимини ўзи йиртаётган бўлганлигини, бироқ қўшнилар кўпайиб қолганини кўриб бу ишини тўхтатганлигини, У онасини ҳақоратлаб, “урмоқчимисан мени, кел ур” деб айтганлигини, судланувчи урмаганидан кейин эса ўзи қўлларини мушт қилиб юзига уришни бошлаганлигини, шу вақт Облакулова Гулчехра ва Облакулова Гулшан унинг онасини урган бўлганлигини, қўшнилар онасини Облакулова Гулчехранинг чангалидан ажратиб қолганини ва у онасини ҳимоя қилиш учун ёнига бораётган пайтда Г.Юнусова унинг опасини қорнига тепганини ва қулоғини тирноғи билан тортганини кўрганлигини, шу сабабдан у Г.Юнусованинг ҳужумига барҳам бериш мақсадида уни ҳам туртиб юбормоқчи бўлганлигини, лекин қўшнилар орага кириб, уни ажратиб олганлигини, шу вақт Облакулова Гулчехра Г.Юнусовага “отангни чақир” деб айтганлигини ва бир зумда Облакулова Гулчехранинг эри қўшнилар орасидан чиқиб келиб, унинг устига сакраб йиқитганлигини, натижада судланувчи боши билан деворга урилиб, кейин полга йиқилганлигини, Облакулова Гулчехранинг эри уни тўхтовсиз дўппослаб, зарбаларни қорнига ва ҳатто жинсий аъзосига ҳам йўналтирганлигини, шу вақт орқа томондан иккита эркак келиб, унинг қўл ва оёқларини босиб ушлаб турганлигини, шу орада Г.Юнусова орқадан келиб уни қаттиқ бўғиб олганлигини, шу тарзда Облакулова Гулчехранинг эри зарбаларни давом эттирганлигини, кейин қўшнилар кўпайиб, уларни 4 ажратиб олганлигини, ажратиб олинганидан сўнг Г.Юнусова ҳақоратли сўзлар ишлатиб “қараб тур” деб тураверганлигини, шу пайт Облакулова Гулчехра эрини яна уришга ундаётганини кўрганлигини, жанжал тугашидан олдин қўшнилар уни ажратаётган вақтда судланувчи “менга тегманглар, мен урмадим, улар бизга тажовуз қиляпти, уларни ушланглар, уларни тўхтатинглар” деб зўрға гапирганлигини, қўшнилар Облакулова Гулчехра, Облакулова Гулшан, Г.Юнусова, унинг опаси ва Облакулова Гулчехранинг эрини ажратиб олишганидан кейин уруш тўхтаганлигини, шу вақт каттароқ ёшдаги қўшнилардан бири “гапинг тўғри экан, бошидан уларни ажратиш керак экан” деб айтганлигини ва нима бўлганини сўраганлигини, уруш тугагач, у онасини бошини ушлаб турган ҳолда кўрганлигини ва онасининг юзи ҳамда кўзлари қизариб кетганини таъкидлаганлигини, Кейин кўчага чиққанида онаси ва қўшниларидан бири велоскутерини ташқарига олиб чиқиб қўйишганини кўрганлигини, жанжалдан сўнг у онаси билан хонасига кирганлигини, бироз вақт ўтгач, онаси ойнадан қараганида велоскутери ағдарилиб ётганини кўрганлигини ва ташқарига чиқиб уни турғазиб қўйганлигини, кейин яна ойнадан қараганда Облакулова Гулчехранинг қизларидан бири унинг ва бошқа шахсларнинг скутерларини ағдариб турганини кўрганлигини, бу ҳолатни бошқа қўшнилар ҳам кўришганлигини, шу сабабдан у онаси билан бирга ташқарига чиқиб, велоскутерини турғазиб қўйганлигини, жанжалдан сўнг онасининг қон босими кўтарилиб оғриқдан йиғлаганлигини, ўзи эса тепки еган жойлари оғриганлигини ва кўнгли айниб, қайд қилганлигини, кейин профилактика инспектори келиб, нима бўлганини сўраганлигини ва уларнинг жавобларини эшитгандан сўнг ички ишлар бўлимига олиб борганлигини, онаси ва опаси билан ички ишлар бўлимидан қайтгач, онасининг аҳволи ёмонлашганлигини ва тез ёрдам чақиришга мажбур бўлганлигини, онасида қон босими 160/110 кўтарилганлигини, тез тиббий ёрдам ходимлари келиб, уни ва онасини кўрикдан ўтказишганлигини, унга оғриқ қолдирувчи укол қилишганлигини, онасига ҳам дори беришганлигини, шу вақт улардан кимлар уришгани ҳақида сўраб, аниқлаштиришганлигини ва даволанишлари учун зарур дориларни олиш учун рецепт ёзиб беришганлигини билдириб, унга нисбатан одилона қарор қабул қилишни сўраб кўрсатувлар берди. Судланувчи 111111111111ни айбига қисман иқрорлик билдирган бўлсада, унинг айби қуйидагилар билан ўз исботини тўлиқ топади. Жабрланувчи Юнусова Гузал Ахмаджон қизи суд мажлисида, дастлабки тергов даврида берган кўрсатувларини тўлиқ тасдиқлаб, қуйидагиларни, яъни 2024 йил 15 декабрь куни Яккасарой тумани, Қушбеги кўчаси, 8-уй подъездининг кириш қисмида ижарада яшовчи 111111111111 ўзига тегишли бўлган электро-велосипедини тузатиб турган вақтида, унинг онаси Облакулова Гулчехра подъезд орқали ташқарига чиқмоқчи бўлганида, ҳаракатланишига тўсқинлик қилганлигини, шу пайтда онаси Г.Облакулова 111111111111га ушбу электро-велосипедни олиб қўйишини, одамларнинг кириб-чиқишига халақит бераётганини айтганлигини, бироқ, 111111111111 велосипедни олмаслигини маълум қилганлигини, натижада улар ўртасида 5 келишмовчилик юзага келганлигини, мазкур ҳолатдан сўнг 111111111111 онаси Г.Облакуловани урганлигини, ўзи уйдан подъездга чиққан пайтда 111111111111нинг онасини ураётганини кўрганлигини, шу вақтда унинг холаси Облакулова Гулшан уларни ажратишга ҳаракат қилаётган бўлганлигини, у холасини кўриб югуриб борганлигини ва уларни ажратиш мақсадида аралашганида, 111111111111 қўлида бўлган омбир билан унинг бурнига уриб юборганлигини, натижада унинг бурнидан қон кетганлигини, шундан сўнг унинг отаси А.Юнусов келиб уларни ажратганлигини, унинг кўрсатишича, шу вақтда 111111111111 отаси А.Юнусовни оёғидан тишлаб олганлигини, отаси эса ундан қўлида бўлган омбирни тортиб олганлигини, кейинчалик ушбу омбир профилактика инспектори келиб, уларни ИИБ биносига олиб келган вақтида, отаси томонидан ИИБ ходимларига топширилганлигини билдириб, суддан судланувчи 111111111111га нисбатан қонуний чора кўришни сўраб кўрсатувлар берди. Жабрланувчи Облакулова Гулчехра Сайибовна суд мажлисида, дастлабки тергов даврида берган кўрсатувларини тўлиқ тасдиқлаб, қуйидагиларни, яъни 2024 йил 15 декабрь куни ўзи яшаб турган Яккасарой туманидаги 8А-уй олдида кейинчалик маълум бўлган 111111111111 велосипедини таъмирлаб турганини кўрганлигини, 111111111111 велосипедини одамлар юриши учун мўлжалланган йўлакка қўйиб қўйган бўлганлигини, у 111111111111га велосипедини четроққа қўйиб қўйишни айтганлигини, бироқ 111111111111 унга “велосипедим шу ерда туради” деб жавоб қайтарганлигини, жабрланувчи одамлар ўтишда қийналаётганини айтганида, 111111111111 “одамлар ўз йўлини топиб юришади” деб жавоб берганлигини ҳамда унга яқин келиб “сизни ишингиз бўлмасин” деганлигини, шу вақтда у орқага қараб турганида, 111111111111 қўлидаги темир жисм билан унинг бош қисмига бир неча бор урганлигини, шундан сўнг унинг онаси ҳам келиб уни ура бошлаганлигини, у ўзини ҳимоя қилишга ҳаракат қилганлигини, аммо уларга кучи етмаганлигини, кейинчалик унинг қизи Г.Юнусова уларни ажратишга уринганлигини, лекин 111111111111 ва унинг онаси унинг қизига ҳам тан жароҳати етказишганлигини, шу вақтда воқеа жойидан ўтаётган фуқаролар уларни ажратишганлигини, у воқеадан сўнг қизи билан бирга касалхонага мурожаат қилганини билдириб, суддан судланувчи 111111111111га нисбатан қонуний чора кўришни сўраб кўрсатувлар берди. Гувоҳ Машарипова Насиба Ахмеджановна суд мажлисида, дастлабки тергов даврида берган кўрсатувларини тўлиқ тасдиқлаб, қуйидагиларни, яъни совуқ кунлар бошлангани сабабли ўғли 111111111111 шамоллаб, бурни тинимсиз оқиб, йўталиб қолгани учун унинг соғлиғини сақлаш мақсадида соябон сотиб олишга қарор қилганлигини, кучли қор ёғиб, совуқ шамол кучайганлиги сабабли бу ишни кечиктирса, ўғлининг аҳволи янада оғирлашиши мумкин деб ўйлаб, Янгиобод бозорига бориб соябон харид қилганлигини, автобусда ортга қайтиб келаётган пайтда ҳаво янада совиши ва қорнинг кучли ёғиши натижасида улар Қушбеги кўчасидаги 8А-уйига етиб келишганида ҳамма жой қор билан қопланган бўлганлигини, велоскутер ҳам 6 қор остида қолганини кўришганлигини, шу пайтда ўғли келтирилган соябонни велоскутерига ўрнатишга уринганлигини, аммо шамол сабабли соябон қийшайиб, уни ўрнатишга халақит берганлигини, ўғлининг енгил матодан тайёрланган кроссовка кийиб олганини, қўллари музлаб, кўзлари ёшланаётганини кўриб, унинг соғлиги учун қайғуриб, соябонни подъезд ичида ўрнатишни таклиф қилганлигини, улар велоскутерни одамлар ҳаракатига тўсқинлик қилмайдиган чекка жойга қўйишганлигини, у “инструментларни олиб чиқаман” деб иккинчи қаватга кўтарилганлигини, шу вақтда ўғли велоскутерни текшириб, қайси шурупларни маҳкамлаш кераклигини аниқлаш билан банд бўлганлигини, шу пайтда коридорда эшик очилиб, кимдир яқинлашганлигини ва бу шахс Облакулова Гулчехра бўлганлигини, у велоскутерни назарда тутиб “буни оласизларми бу ердан” деб айтганлигини, унга “ҳозир икки шурупини қотириб олайлик, кейин олиб чиқамиз” деб жавоб берганлигини, Облакулова Гулчехра “котёлни кўришим керак” деб велоскутер ёнидан ўтиб кетганлигини ва кўп ўтмай қайтиб келганлигини, Кейин у “бу ерда котёл бор эканми” деб ҳайрон қолганлигини, шундан сўнг у бироз туриб, уйига кириб кетганлигини, у ўғлига бу ҳақда айтганида, ўғли инструментини багажникка қўйиб, соябонни ўрнатишни бошлаганлигини, у ундан “ҳамма инструментларни олиб чиқдингми?” деб сўраганида, ўғли “ҳа” деб жавоб берганлигини, шу сабабли гувоҳ “мен кетдим, агар қолиб кетган бўлса айтсанг, олиб чиқиб бераман” деб иккинчи қаватдаги хонасига қайтганлигини, уйида қизи билан совуқ ҳаво ҳақида гаплашиб ўтирганида, ташқаридан қаттиқ ва агрессив овоз эшитилганлигини, у ва қизи эшитган овозда аёл киши қўпол ва ҳақоратли сўзлар билан бақираётганлигини, оғзидан чиқаётган сўзлари таҳқирловчи ва қўпол бўлганлигини, “кимга мунча бақиряпти, эҳтимол ёрдамим керакдир” деб ўйлаб эшигини очганида ҳеч кимни кўрмаганлигини, кейин овоз манбаси томон туша бошлаганлигини ва биринчи қаватга етиб келганида, овоз эгаси Облакулова Гулчехра эканини аниқлаганлигини, у Облакулова Гулчехранинг ўғли 111111111111га нисбатан одобсиз, ҳақоратомуз ва жамият қоидаларига зид бўлган сўзлар билан ҳақорат қилганини кўрганлигини, шу билан бирга, у қўлларини чўзиб, кўзларини қўпол ҳаракат билан очиб, велоскутерни турткилаб, ўғлини “исқирт, мол” деган сўзлар билан ҳақорат қилиб, “велосипедингни ол” деб бақирганини кўрганлигини, кейин “гапга тушунмадингми” деб яна шахсиятига тегадиган гапларни айтганлигини, Облакулова Гулчехра велоскутерни олдига бориб, рулидан ушлаб, одамлар юрадиган йўлга тортганлигини ва йўлни тўсиб қўйганлигини, кейин “мана, ўтолмаяпман” деб айтиб, велоскутерни қаттиқ итарганлигини, натижада велоскутер йиқилиб, унинг ён ойнаси синиб, парчалари ҳар тарафга сочилганлигини, Облакулова Гулчехра шунда ҳам тўхтамай, велоскутернинг устига чиқиб, уни босиб ўта бошлаганлигини, унинг ўғли эса шундай ҳолатда ҳам вазиятни кузатиб турганлигини, ўзи эса ҳеч қандай жавоб ҳаракати қилмай, тинч ҳолатда турганлигини, Облакулова Гулчехра эса шу пайтда велоскутерни тепа бошлаганлигини ва “олиб чиқиб кет!” деб бақирганлигини, шу пайтда Облакулова Гулшан ва унинг қизи Г.Юнусова 7 келиб, Облакулова Гулчехрага қўшилиб, ўғлига нисбатан беҳаё, шахсиятини камситувчи, одобсиз ва таҳқирловчи эркаклар нутқига хос бўлган қўпол сўзлар билан ҳақорат қилишганлигини, улар қасддан жуда қўпол ва таҳқирловчи сўзларни ишлатиб, уни ҳақорат қилишда давом этганлигини, Облакулова Гулчехра шу пайтда “Э, сан қаердан келгансан, мусор?” деган сўзларни ҳам ишлатиб, унинг ўғлини камситиш мақсадида атайлаб ҳақорат қилганлигини, сўнгра Облакулова Гулчехра “профилактика инспекторини чақириб келаман” деганлигини, унинг қизи Г.Юнусова ҳам шу гапни такрорлаганлигини, бунга жавобан унинг ўғли “чақиринг” деб айтганлигини, бироқ Облакулова Гулчехра профилактика инспекторини чақирмасдан, велоскутер устига чиқиб, ўнг оёғининг товон қисми билан уриб бошлаганлигини, унинг ўғли эса велоскутерни ердан кўтариб қўйишга ҳаракат қилганлигини, унинг кўрсатишича, Облакулова Гулчехра бу ҳолатни кўрганлигини, аммо тўқнашувдан четга чиқиш мумкинлигига қарамай, бундай қилмаганлигини ва ўзини тасодифий урилиш хавфига ўзи дучор қилганлигини, ўғли велоскутерни девор тарафга яқин суриб қўйишга ҳаракат қилганида, унинг билаги орқа томони ноихтиёрий равишда енгил тарзда Облакулова Гулчехрага тегиб ўтганлигини, у шунда ўғлининг қўл-оёқлари қалтираб, юзи қизариб кетганини, овозида дудиққанлик сезилганини кўрганлигини, ўғли қўрқув ёки кутилмаган таҳқир таъсирида шок ҳолатига тушганлигини, ўзини ҳаётий тажрибага эга бўлган шахс сифатида бу ҳолатдан ўғлини аста чиқариш зарурлигини англаганлигини, шу пайтда Облакулова Гулчехра велоскутер олдига ўтиб, овозини мослаб “мени урди” деб ўғлига туҳмат қила бошлаганлигини, у бу аёлнинг нега бунчалик туҳматкор ва тажовузкор эканлигига ҳайрон бўлганлигини, Облакулова Гулчехра қизи Гузалга қараб “ур буни” деганлигини, Г.Юнусова аввал бу гапга ишона олмай турганлигини, аммо онаси буйруқ оҳангида “буни ур, мени урди” деб гапириб, уни ишонтиришга ҳаракат қилганлигини, шундан кейин Г.Юнусова хонасига кириб кетиб, кулранг рангли, темир дастали швабра ёки супурги олиб чиққан ва унинг темир қисми билан ўғлини уришга уринганлигини, уларнинг ўртасида тургани сабабли, Г.Юнусова унга тегмаганлигини, аммо таҳқирли сўзлар билан ҳақорат қилиб, уни уриб турганлигини, шу вақт Облакулова Гулшан ҳам қўшилиб, унинг турли томонларига зарбалар берганлигини ва йўлдан четлатиб, унинг ўғлини уриш мақсадида ҳаракат қилганлигини, неча мартадир Гузалга “сизнинг онангизни ҳеч ким урмаган» деб тушунтиришга уринганлигини, аммо Г.Юнусова унга қулоқ солмаганлигини, у шунда Облакулова Гулшанга “Нима учун мени урасиз, мен сизга нима ёмонлик қилдим?” деб мурожаат қилганлигини, аммо Облакулова Гулшан жавоб бермай, унга нисбатан тажовузкор ҳаракатларини давом эттирганлигини, шу пайтда у Гузални қўлидаги темир дастали буюмни қўлидан тортиб олишга уринганини, Г.Юнусова эса бу буюм билан уни турткилаб, тажовузкор ҳаракатларини давом эттирганини кўрганлигини, Гузал ва Облакулова Гулшан унга ҳам, унинг ўғлига ҳам зарбалар беришдан тўхтамай, унинг ўғлини хотиржамлиги ва босиқ ҳаракатларидан чиқаришга уринишганлигини, у эса шундай вазиятда ҳам “ўғли уларни урмасин” деб 8 ҳаракат қилганлигини, у ўғлини қорнидан ушлаб, чеккароққа итариб турган пайтда, ўғли ҳам улардан орқага чекиниб, узоқроққа чекинганлигини, бироқ, шу вақт унинг орқасидан кимлардир яқин келиб, зарбалар бериб туртганлигини, у айнан ким уни ва ким ўғлини ураётганини аниқ кўролмаганлигини, лекин орқадагилар уни қўпол турткилаб, бақириб, уни ўғлини кўпчилик бўлиб дўппослаш учун чеккароққа чиқаришга уринишганлигини, оғриқ ва азобдан четга чиққанлигини, орқа ва олд томонга қараганида эса, уни Облакулова Гулчехра ва Облакулова Гулшан ураётганини кўрганлигини, шу пайт қўшнилар, кузатувчилар кўпайиб, вазиятни томоша қилишганлигини, у Облакулова Гулчехранинг қизи Г.Юнусова ўзини ўзи ураётганини ҳам кўрганлигини, унинг ўғлини эса нотаниш қўшнилар вазиятни нотўғри тушуниб, уни уришаётган томондан ажратаётган бўлишганлигини, қўшнилар вазиятни тўлиқ англаб етмаган пайтдан фойдаланиб, Облакулова Гулчехранинг катта қизи кутилмаганда чиқиб, унинг ўғлига ёпишганлигини, у қўллари билан унинг қулоқларини қайириб, икки юзини тирнаб шилиб олганлигини, шу вақт қўшнилар унинг ўғлини қўйиб, ўша аёлни ушлаб, ажратишга ҳаракат қилишганлигини, бироқ шу жараёнда ҳам ўша қизи чап оёғи билан унинг ўғлининг қорнига қаттиқ тепганлигини, бу зарбадан ўғли оғриқдан эгилиб қолганлигини, шу вақт Облакулова Гулчехра қизи Г.Юнусовага “бор, адангни чақир” деб буйруқ берганлигини, Г.Юнусова эса адасини излаб кетганлигини ва бироздан кейин қайтиб келганлигини, ундан “чақирдингми?” деб сўрашганида, Г.Юнусова боши билан тасдиқлаб, қайсидир қўшнининг уйида эканлигини, унга айтганини ва у келаётганини хабар қилганлигини, шундан кейин гувоҳ ўғлини олиб кетишга уринган пайтда, Облакулова Гулчехранинг эри қўшнилар орасидан югуриб келиб, “қани, у қани?” деб сўраганлигини, Облакулова Гулчехра ва Г.Юнусова эса қўллари билан унинг ўғли томон кўрсатишганлигини, шунда Облакулова Гулчехранинг эри унинг ўғли томон отилиб, уни пастга йиқитганлигини, бу пайтда ўғли боши билан деворга қаттиқ урилиб, ўтириб қолганлигини, Облакулова Гулчехранинг эри унинг ўғлини сочидан ушлаб, бошини орқага қайириб деворга уриб, дўппослаганлигини, у билан бирга келган икки эркак эса унинг ўғлининг қўл ва оёқларини қаттиқ ушлаб турганлигини, Облакулова Гулчехранинг эри эса ўғлини қорнига, юзига, жинсий аъзосига қўл ва оёқлари билан зарбалар берганлигини, шу пайтда Облакулова Гулчехранинг қизи Г.Юнусова ўғлини бўйнидан бўғиб, масхарабозона қараб, сочидан тортиб, темир дастали супурги билан урганлигини, вазиятни кўриб, улар уришни тўхтатмаслигини англаб, қаттиқ овоз билан ёрдам чақирганлигини, коридор одамлар билан тўлиб кетган бўлса-да, улар ҳам унинг ўғлини ҳимоя қилиш ўрнига, уни ушлаб туришга ҳаракат қилишганлигини, ўзи ва унинг ўғли одамларга “уларни ажратинглар, улар ўзини йўқотган” деб мурожаат қилишганлигини, шу вақтда ўғли шок ҳолатига тушиб, қаршилик кўрсата олмай ётганлигини, шундагина қўшнилар унинг ўғлини қўйиб, ураётганларни ажратишга муваффақ бўлишганлигини, шу билан уриш секин-аста тугаганлигини, унинг сўзларига кўра, ўғли билан бирга чиқиб кетар экан, орқага қараганида, 9 Облакулова Гулчехранинг эри яна унинг ўғлини уришга ундаётганини кўрганлигини, Г.Юнусова эса ҳақоратли сўзлар билан унинг ўғлини ҳақорат қилганлигини, эри эса “урсамми, урмасамми?” деб туриб, одамлар кўплигини кўриб, орқасига қайтганлигини, шунда ҳам Облакулова Гулчехра ўғлининг зарарсиз ҳаракатларига нисбатан сунъий равишда жирканч ва ёвуз ҳаракатларини давом эттирганлигини, у велоскутерга қўл чўзиб, Г.Юнусовага буйруқ берганлигини, Г.Юнусова боши билан рози бўлиб, велоскутер ёнига югуриб бориб, уни ағдарганлигини, шу пайтда багажнигидан инструментлар учиб, ҳар томонга сочилганлигини, Облакулова Гулчехра бу ҳолатни кузатиб турганлигини ва багажнигидан тушиб кетган инструментлардан бирини қизи Г.Юнусовадан олишни сўраганлигини, Г.Юнусова эса онасига амбирни олиб берганлигини, Облакулова Гулчехра унинг оғирлигини ўлчагандай қўлида силкитиб, салмоқлаб кўрганлигини ва ўғли томон қараб, “сени шармандангни чиқараман” деб таҳдид қилганлигини, сўнгра Облакулова Гулчехра амбирни қўлида кўтариб, қизи ва эрига ишора қилиб, уларни изидан боришга чақирганлигини ва омбирни ичкарига олиб кириб кетганлигини, ўзининг изидан қизи ва эри кириб кетганини кўрганлигини, шу пайтда Облакулова Гулчехранинг юзида ғоя пайдо бўлгани каби ҳолат кўринганлигини, унинг юзи бирдан ёришиб, қувонгани ва табассум қилиб кулиб қўйганлигини, аммо ўзи ва ўғли яқинда тургани учун Облакулова Гулчехра ҳеч нарса демасдан уйига кириб кетганлигини, ўзини ўйлаб қолганини, “амбирини ҳам олиб кетди, энди қандай қилиб қайтараман” деган фикр келганини, чунки у пишиқ, ҳолати яхши ва тишлари ейилмаган бўлганлиги учун “яна кўп хизмат қиларди” деб ўзига сал ачинганини, аммо “ҳозир бу ҳақда ўйлаш вақти эмас” деб ўғли билан кўча томон юриб, ўғлига кўчага чиқиб туришни айтганлигини, ўзининг “ўғлимнинг велоскутерини кўчага чиқариб қўяй, яна бало бўлмасин” деб велоскутер ёнига бориб уни зўрға тиклаганлигини, у темирдан ясалгани учун оғир бўлганлигини, рулини қийшайганини, соябони девор тарафга қийшайиб ётганини, ён ойналари синганини ва полда парчалари ётганини, ғилдирак спицалари ҳам букилиб қолганини кўрганлигини, шу пайтда бир эркак келиб “келинг, ёрдамлашиб юбораман” дегани учун у велоскутерни унга берганини, эркак уни ўғли томон олиб кетаётганда ғилдираклари лапанглаб қолганини, яроқсиз ҳолатга тушганини англаганини, кейин уни ташқарига олиб чиқиб қўйиб, соябон билан ёпганини ва ичкарига кирганлигини, ичкарига кирганда соғлиги кескин ёмонлашганини, боши айланганини, қайд қилиш истаги пайдо бўлганини, қизи унинг юзи қизариб кетганини кўриб қўрққанини, “қон босимингиз чиқиб кетганга ўхшайди, тез ёрдам чақиринг” деганини, нафаси оғирлашгани учун дераза очганини ва кўзи тушиб велоскутернинг яна ағдарилиб ётганини кўрганлигини, у ўғлини яна тажовуз қилинишидан қўрқиб, унга кўчага чиқмасликни илтимос қилганини, ўзи кўчага чиқиб велоскутерни тиклаганини, уйга қайтганда эса унинг ён ойналари парчалари кимдир томонидан супуриб ташланганини кўриб ҳайрон қолганини, бироздан сўнг ўғли деразадан қараб Облакулова Гулчехранинг катта қизи унинг велоскутерини ҳам, бошқаларнинг ҳам 10 кўрганлигини, шунингдек, ўғлининг ҳолатини текширганида кўзлари ичи қизариб, оёқ-қўллари титраб турганини, икки қулоғидан қон келаётганини, бўйнида бўғиш излари қизариб бўртиб қолганини, юзи шилинганини, лабининг ичи ёрилганини кўрганини, “сенинг жинсий аъзоларингга ҳам тепишди, оғриқ йўқми, ўзингни яхшилаб текшир” деганлигини, шу пайтда қизи чой тайёрлаётганида эшик тақиллаб, профилактика инспектори келганини, у уйга таклиф қилинганини, инспектор “сизларни 1-қаватдагилар чақирдими” деб сўраганда, “ҳа” деб жавоб берганини, аммо ўзи ва ўғли соғлиги ёмонлашгани учун тез тиббий ёрдам чақирмоқчи бўлганини, профилактика инспектори эса улардан бўлган воқеа ҳақида сўраб, кейин ички ишлар бўлимига бориш кераклигини айтганлигини, ИИБ қаерда эканини билмаганини ва ундан локация беришини сўраганини, лекин инспектор “манда локация йўқ” деганини, улар қийналиб Яндекс карта орқали ИИБни излаб кетганида, профилактика инспектори Облакулова Гулчехра ва унинг қизлари билан машинага ўтираётганини кўрганини, “нега уларни олиб кетяпсиз, биз йўлни билмаймиз-ку” деб айтганини, аммо унга жавоб берилмаганини, шу пайт Облакулова Гулчехранинг қизи Г.Юнусова машинадан тушиб, “бу менинг машинам” деб, ҳақоратли сўзлар билан уларга таҳдид қилганини, қўл ҳаракатлари билан жестикуляция қилганлигини, бу ҳолатни видеога олишни истаганини, аммо кимдир (Облакулова Гулчехра бўлиши мумкин) унинг кийимидан тортиб, машинага ўтқазиб юборганини, кейин ИИБга келганларида иложи қолмай тез ёрдам чақирганини, уларнинг қон босимлари ўлчаниб, унда 160/110 кўрсаткичи чиққанини, дорилар берилганини ва дафтарга қўл қўйдирилганини, кейин уни ва ўғлини шошилинч касалхонага олиб кетишганлигини, у касалхонада ўғлини навбатчи шифокор кўриб, уролог, терапевт ва бошқа мутахассисларга йўналтирганини, кейин бир соатча даволаш хонасида укол ва дорилар берилганини, кейин эса 1,5 ойлик даволаниш учун дорилар ёзиб берилганини, Хоразмга борганларида ўғлининг қорни оғриқ бергани учун шифокорга мурожаат қилишганини, шифокор эса “бу олдин олинган жароҳат таъсири” деб диагноз қўйганини, ўғли яқинда ҳарбий хизматдан қайтгани учун унда илгари касаллик бўлмаганини билдириб кўрсатувлар берди. Гувоҳ Эшонқулова Мафтуна Хайрулла қизи суд мажлисида, дастлабки тергов даврида берган кўрсатувларини тўлиқ тасдиқлаб, қуйидагиларни, яъни 2024 йил 15 декабрь куни Яккасарой тумани, Қушбеги кўчаси, 8-уй подъездининг кириш қисмида, зина олдида ижарада яшовчи 111111111111 ўзига тегишли бўлган электро-велосипедини қўйиб қўйганлигини, шу вақтда Облакулова Гулчехрадан мазкур велосипед кимга тегишли эканлигини сўраганлигини ва чиқишга халақит бераётганини айтганлигини, шундан сўнг Г.Облакулова 111111111111га ушбу велосипедни олиб қўйишини, чунки у кириб-чиқишга тўсқинлик қилаётганлигини, бироқ, 111111111111 велосипедни олмаслигини, уни тузатаётганини айтиб, Г.Облакуловани ҳақорат қилганлигини, улар ўртасида жанжал юзага келганлигини ва шу вақтда 111111111111 қўлида бўлган омбир билан Г.Облакулованинг 11 бошига бир марта урганлигини, шу ҳолатда гувоҳ уларни ажратишга уринганида, 111111111111 унинг ҳам бошига қўли билан урганлигини, у шу пайтда бақириб, ёрдам сўраганлигини, М.Эшонқулованинг кўрсатишига кўра, шу вақтда Облакулова Гулчехранинг қизи Г.Юнусова келиб уларни ажратмоқчи бўлганида, 111111111111 қўлидаги омбир билан унинг бурнига урганлигини ва натижада унинг бурни қонаганлигини, шундан кейин Облакулова Гулчехранинг турмуш ўртоғи А.Юнусов келиб, уларни ажратганлигини ва 111111111111нинг қўлидан омбирни тортиб олмоқчи бўлганида, у А.Юнусовнинг қўли ва оёғидан тишлаб олганлигини, кейинчалик А.Юнусов омбирни ундан тортиб олганлигини, мазкур ҳолатдан сўнг унинг боши оғриганлиги сабабли, хонасига кириб кетганлигини ва у ушбу воқеага тўлиқ гувоҳ бўлганлигини билдириб кўрсатувлар берди. Гувоҳ Облакулова Гулшан Сайибовна суд мажлисида, дастлабки тергов даврида берган кўрсатувларини тўлиқ тасдиқлаб, қуйидагиларни, яъни Облакулова Гулчехра унинг опаси эканлигини, Г.Юнусова эса опаси Облакулова Гулчехранинг қизи эканлигини, шунингдек, опаси Облакулова Гулчехра яшаб турган подъездда домком сифатида ишлаши, подъезднинг биринчи қаватида хизмат хонаси мавжудлиги ва кўпроқ шу ерда бўлиб турганлигини, 2024 йил 15 декабрь куни соат 16:00ларда у опаси Облакулова Гулчехранинг хизмат хонасига тушганида, подъезд кириш қисмида ушбу уйнинг 2-қаватида яшовчи 111111111111 скутерли велосипедини йўлакка қўйиб қўйганини кўрганлигини, шундан сўнг, у опасининг олдига кирган вақтда, опаси Облакулова Гулчехра унга велосипед шу уйда яшовчи боланики эканлигини айтганлигини, шу вақтда 111111111111 зинадан қўлида омбир ва велосипед тузатиш учун ишлатиладиган калит билан тушиб келганлигини, опаси Облакулова Гулчехра унга велосипедини йўлакдан олиб қўйишини, одамларнинг кириб-чиқишига тўсқинлик қилаётганини айтганлигини, бироқ 111111111111 унга “сени ишинг бўлмасин, велосипедим шу ерда туради” деб жавоб қайтариб, Облакулова Гулчехра билан тортишганлигини, шу вақтда 111111111111 қўлидаги омбир ёки калит билан опаси Облакулова Гулчехрани урганлигини, уларни ажратмоқчи бўлганида, 111111111111 уни ҳам қўлидаги темир калит билан урганлигини, шу орада 111111111111нинг онаси Н.Машарипова зинадан тушиб, уни ушлаб турганлигини, 111111111111 эса яна опаси Облакулова Гулчехрани урганлигини, кейинроқ жияни Г.Юнусова воқеа жойига келиб, 111111111111га “нимага онамни уряпсан, бу мени онам бўлади” деб бақирганлигини, шунда 111111111111 Г.Юнусовани ҳам қўлидаги омбир билан урганлигини ва зарба унинг бурнига тегиб, қон оқишига сабаб бўлганлигини, шу вақтда атрофдан, юқори қаватдан ва кўча томондан одамлар келиб, уларни ажратишганлигини, кейин кимдир тез ёрдам чақирганлигини, тез ёрдам ходимлари келиб, жабрланувчи Облакулова Гулчехра ҳамда Г.Юнусовага биринчи тиббий ёрдам кўрсатишганлигини ва зарур тавсияларни беришганлигини билдириб кўрсатувлар берди. Гувоҳ Аматова Лолахон Улуғбек қизи суд мажлисида, дастлабки тергов даврида берган кўрсатувларини тўлиқ тасдиқлаб, қуйидагиларни, яъни 12 2024 йил 15 декабрь куни Яккасарой тумани, Қушбеги кўчаси, 8А-уйда жойлашган ётоқхонасида бўлган вақтида, онаси Н.Машарипова уйга кириб келганлигини, шу пайтда укаси 111111111111 велоскутери учун соябон олиб келганлиги ва ушбу соябонни подъездда велоскутерига ўрнатиб турганлигини, бироз вақт ўтгач, подъезд томондан шовқин эшитилганлигини, шунда онаси Н.Машарипова хабар олиш ва укаси 111111111111га ёрдам бериш мақсадида кўчага чиққанлигини, у эса шу вақтда уйда қолганлигини, тахминан ярим соатдан сўнг онаси Н.Машарипова ва укаси 111111111111 уйга кириб келганлигини, шунда укаси 111111111111нинг қўллари тирналгани ва қулоғидан қон оқиб турганини кўрганлигини, онаси эса ўзида йўқ ҳолда, қон босими кўтарилган ҳолда кириб келганлигини, у нима бўлганини сўраганида, улар биринчи қаватда яшовчи қўшнилар билан келишмовчилик юз бергани ва укаси жанжал чоғида уришганини айтганлигини, шундан сўнг ИИБ ходимлари келиб, уларни ИИБ биносига олиб кетишганлигини ва гувоҳ бўлиб ўтган ҳолат юзасидан тушунтириш хати ёзиб берганлигини, 2024 йил 15 декабрь куни укаси 111111111111ни Г.Юнусова, Г.Облакулова ва уларнинг турмуш ўртоғи томонидан урилишини кўрмаганлигини, шунингдек жанжалга шахсан гувоҳ ҳам бўлмаганлигини, чунки у уйда бўлганлигини, бироқ ИИБ ходимлари келганидан сўнг кўчага чиққан вақтида ва ИИБ биносига бориш жараёнида Г.Юнусованинг онаси ва укасига нисбатан турли ҳақоратли сўзлар ишлатиб, улар билан жанжал чиқаришга уринганини кўрганлигини билдириб кўрсатувлар берди. Суд, ушбу жиноят иши юзасидан тўпланган иш ҳужжатларини текшириб чиқиб, шу билан дастлабки тергов давридаги кўрсатувлари ўқиб эшиттирилган гувоҳ А.Юнусовнинг кўрсатувларига, юқорида қайд этилган судланувчи ва жабрланувчининг кўрсатувларига Ўзбекистон Республикаси ЖПКнинг 95 ва 112-моддалари талаблари бўйича баҳо бериб, суд мажлисида аниқланган ҳолатларни ҳамда тергов материалларини Ўзбекистон Республикаси ЖПКнинг 22-моддаси талаблари асосида синчковлик билан, тўла, ҳар томонлама ва холисона текшириб чиқиб, судланувчи 111111111111нинг мазкур жиноятни содир қилишдаги айби, ИИБ ходимининг билдиргиси (и.в. 6, 7, 8, 9, 10), қонуний чора кўриш ҳақидаги ариза (и.в. 11), тушунтириш хатлари (и.в. 12, 15, 18, 20-21, 23), Ўзбекистон Республикаси Соғлиқни сақлаш вазирлиги РСТЭИАМ Тошкент шаҳар филиали амбулатория бўлимининг 23.12.2025 йилдаги №9044-Х-Кур сонли хулосаси (и.в. 53-55), Ўзбекистон Республикаси Соғлиқни сақлаш вазирлиги РСТЭИАМ Тошкент шаҳар филиали амбулатория бўлимининг 23.12.2025 йилдаги №9043-Х-Кур сонли хулосаси (и.в. 58-59), юзлаштириш баённомаси (и.в. 159-163, 164-167, 169-172) ҳамда иш материалларида мавжуд бўлган бошқа объектив далиллар билан ўз тасдиғини тўлиқ топган. Бундан ташқари, суд судланувчи 111111111111нинг айбига қисман иқрорлик билдириб, у ҳеч кимни урмаганлиги, тан жароҳати етказмаганлиги ҳақидаги кўрсатувларини таҳлил қилиб, судланувчи ушбу кўрсатувларни жавобгарликдан қочиш ёки тайинланиши мумкин бўлган жазони 13 енгиллаштириш мақсадида келтирган важлар сифатида баҳолайди ва унинг ушбу важларини юқорида қайд этилган ҳамда рад этиб бўлмас далиллар йиғиндиси билан тўлиқ инкор этади ва ишончга сазовор эмас деб баҳолайди. Суд, судланувчи 111111111111нинг жиноий ҳаракатларини юридик квалификациясини муҳокама қилиб, дастлабки тергов органлари томонидан унинг жиноий ҳаракатлари Ўзбекистон Республикаси ЖК 109-моддаси 2-қисмининг “в” банди, яъни соғлиқнинг қисқа вақт, яъни олти кундан ортиқ, аммо йигирма бир кундан кўп бўлмаган муддатга ёмонлашувига ёки умумий меҳнат қобилиятининг унча узоқ бўлмаган муддатга йўқотилишига сабаб бўлган қасддан баданга енгил шикаст етказиш қуролни ёки совуқ қурол сифатида фойдаланилиши мумкин бўлган ашёларни ишлатиб содир этилишида ифодаланган жиноят белгилари билан тўғри квалификация қилинган деб ҳисоблайди. Ўзбекистон Республикаси Конституциясининг 28-моддаси 1-хатбошисида, жиноят содир этганликда айбланаётган шахс унинг айби қонунда назарда тутилган тартибда ошкора суд муҳокамаси йўли билан исботланмагунча ва суднинг қонуний кучга кирган ҳукми билан аниқланмагунча айбсиз деб ҳисобланиши, айбланувчига ўзини ҳимоя қилиш учун барча имкониятлар таъминланиши белгиланган. Ўзбекистон Республикаси Олий суди Пленумининг 2014 йил 23 майдаги “Суд ҳукми тўғрисида”ги 7-сонли қарорининг 28-бандида, судлар жазо тайинлашда, содир этилган жиноятнинг ижтимоий хавфлилик даражасини ва хусусиятини, содир этилган қилмишнинг сабабларини, келтирилган зарарнинг миқдори ва хусусияти, айбдорнинг шахси, унинг жавобгарлигини енгиллаштирувчи ва оғирлаштирувчи ҳолатларини ҳисобга олишлари кераклиги ҳақида, Ўзбекистон Республикаси Олий суди Пленумининг 2006 йил 3 февралдаги “Судлар томонидан жиноят учун жазо тайинлаш амалиёти тўғрисида”ги Қарорининг 1,3-бандларида “Судларнинг эътибори жиноят учун жазо чорасини тайинлашда қонунийлик, инсонпарварлик, одиллик ва жавобгарликнинг муқаррарлиги тамойилларига қатъий амал қилишга қаратилиши, жазо адолатли бўлиши – ҳар бир ҳолатда индивидуал тайинланиши, жиноятнинг хусусияти ва ижтимоий хавфлилик даражасига, айбдорнинг шахсига, шунингдек, жазони енгиллаштирувчи ва оғирлаштирувчи ҳолатларга мувофиқ бўлиши кераклиги” ҳақида тушунтиришлар берилган. Шунингдек, судланувчи 111111111111га жазо турини танлашда Ўзбекистон Республикаси Жиноят кодексининг 7,8-моддаларида кўрсатиб ўтилган одиллик ва инсонпарварлик тамойиллари, шунингдек Ўзбекистон Республикаси Олий суди Пленумининг 2006 йил 3 февралдаги “Судлар томонидан жиноят учун жазо тайинлаш амалиёти тўғрисида”ги 1-сонли қарори талабларидан келиб чиқиб, жиноятни ғараз мақсадларда содир этганлигини ЖКнинг 56-моддасига асосан жазони оғирлаштирувчи ҳолат сифатида, шунингдек, унинг оилавий ва моддий шароитини, ёшлигини, яшаш жойидан ижобий тавсифланишини, муқаддам судланмаганлигини ЖКнинг 55-моддасига асосан енгиллаштирувчи ҳолатлар сифатида баҳолаб, айбдор 14 деб топилган ЖК 109-моддаси 2-қисмининг “в” банди санкциясида назарда тутилган озодликни чеклаш жазосини тайинлашни лозим топади. Шунингдек, суд иш бўйича манфаатдор томонларга моддий ва маънавий зарарни ундириш юзасидан фуқаролик тартибида судга мурожаат қилиш ҳуқуқига эга эканлигини тушунтиришни лозим топади. Юқоридагиларга асосан ҳамда Ўзбекистон Республикаси ЖПКнинг 454-457, 460-463, 465-468, 472-473-моддаларига мувофиқ, суд Қ И Л Д И: Эгамбердиев Саид Зафарович (Egamberdiyev Said Zafarovich) Ўзбекистон Республикаси ЖК 109-моддаси 2-қисмининг “в” бандида назарда тутилган жиноятни содир этишда айбдор деб топилсин. Эгамбердиев Саид Зафаровичга Ўзбекистон Республикаси ЖК 109-моддаси 2-қисмининг “в” банди билан 1 (бир) йил муддатга озодликни чеклаш жазоси тайинлансин. 111111111111га озодликни чеклаш жазосини ўташ даврида Хоразм вилояти, Урганч шаҳри, “Тоза-Боғ” МФЙ, 3-даҳа, 14-уй, 14-хонадонни ишлаш ёки ўқиш вақтидан, шунингдек, иш ёки ўқиш жойигача бориши ва уй-жойига қайтиб келиши учун зарур бўлган вақтдан ташқари қолган вақтда уй-жойидан чиқиши чеклансин. 111111111111нинг озодликни чеклаш жазосининг муддати пробация бўлинмасига ҳисобга қўйилган кундан бошлаб ҳисоблансин. Ҳукм ижросини назорат қилиш 111111111111нинг яшаш жойидаги Хоразм вилояти Урганч шаҳар ИИО ФМБ Пробация бўлимига юклатилсин. 111111111111нинг зиммасига ҳукм қонуний кучга кирганидан сўнг: -назорат қилувчи органнинг розилигисиз яшаш ва иш жойини ўзгартирмаслик; -Хоразм вилояти ҳудудидан ташқарига чиқмаслик; -алкоголли ичимликлар, гиёҳвандлик воситалари, уларнинг аналоглари ёки психотроп моддаларни истеъмол қилмаслик; -жиноятга мойиллиги бўлган шахслар билан алоқа ўрнатмаслик каби тақиқлар (чеклашлар) юклатилсин. 111111111111га жазони ўташ даврида, унга белгиланган чекланишларни бузган тақдирда Ўзбекистон Республикаси 1 ЖК 48 -моддасининг 6-бандида кўрсатилган оқибатлар юзага келиши мумкинлиги тушунтирилсин. 111111111111га нисбатан қўлланган “муносиб хулқ-атворда бўлиш ҳақидаги тилхат” тарзидаги эҳтиёт чораси ҳукм қонуний кучга киргач бекор қилинсин. Манфаатдор томонларга моддий ва маънавий зарарни ундириш юзасидан фуқаролик тартибида судга мурожаат қилиш ҳуқуқига эга эканлиги тушунтирилсин. Ҳукмдан норози тарафлар ҳукм эълон қилинган кундан эътиборан ўн сутка ичида, маҳкум, унинг ҳимоячиси, шунингдек, жабрланувчи, унинг 15 вакиллари ҳукм нусхасини олган кундан эътиборан шу муддат ичида, апелляция тартибида Тошкент шаҳар жиноят ишлари бўйича апелляция инстанциясига шикоят бериши ёки протест билдириши, ҳукм қонун кучга киргандан сўнг кассация тартибида Тошкент шаҳар жиноят ишлари бўйича кассация инстанциясига шикоят бериши ёки протест билдириши мумкин. Раислик қилувчи судья: имзо 16 А.Хакимов