Решение #510566 Экономические

4-1001-2303/18842-сонли иқтисодий иш ЧИРЧИҚ ТУМАНЛАРАРО ИҚТИСОДИЙ СУДИНИНГ АЖРИМИ (келишув битимини тасдиқлаш ва иш юритишни тугатиш тўғрисида) Чирчиқ шаҳри 2023 йил 9 август раислигида, судья ёрдамчиси С.Маткурбанова котиблигида, аризачи “O’ZAVIALIZING” МЧЖнинг қарздор - “Mega Stroy Commercial Service” МЧЖни тўловга қобилиятсиз деб топиш тўғрисидаги аризаси бўйича иқтисодий ишни тарафлар вакиллари иштирокисиз кўриб чиқиб, қуйидагиларни А Н И Қ Л А Д И: Аризачи “O’ZAVIALIZING” МЧЖ Тошкент туманлараро иқтисодий судига ариза билан мурожаат қилиб, қарздор “Mega Stroy Commercial Service” МЧЖни тўловга қобилиятсиз деб топишни сўраган. Тошкент туманлараро иқтисодий судининг 2023 йил 17 апрелдаги ажрими билан “Mega Stroy Commercial Service” МЧЖнинг муваққат бошқарувчиси этиб 2-тоифали суд бошқарувчи А.Тургунов тайинланиб, суднинг 2023 йил 25 майдаги ажрими билан мазкур иқтисодий иш Чирчиқ туманлараро иқтисодий судига ўтказилган. Суд мажлисида кредитор, қарздор ва суд бошқарувчи иштирок этмади. Қарздор “Mega Stroy Commercial Service” МЧЖ судга ариза йўллаб, унда томонлар ўртасида келишув битими имзоланганлиги боис, иш юритишни тугатишни сўраган. Суд Ўзбекистон Республикаси Иқтисодий процессуал кодексининг 128, 170-моддасига асосан ишни тарафлар вакиллари иштирокисиз кўриб чиқишни лозим топади. Суд иш ҳужжатларини ўрганиб чиқиб, қуйидагиларга кўра низо бўйича иш юритишни тугатишни лозим топади. Аниқланишича, кредитор “O’ZAVIALIZING” МЧЖ ва қарздор “Mega Stroy Commercial Service” МЧЖ ўртасида келишув битими тасдиқланган. “Тўловга қобилиятсизлик тўғрисида”ги Ўзбекистон Республикаси Қонунининг 57-моддасига кўра, суд тўловга қобилиятсизлик тўғрисидаги ишни юритишни қуйидаги ҳолларда тугатади: суд санацияси тартиб-таомили жараёнида қарздорнинг тўлов қобилияти тикланганда; 1 келишув битими тузилганда; тўловга қобилиятсизлик тўғрисидаги ишда иштирок этувчи барча кредиторлар билдирилган талабларидан воз кечганда; кредиторларнинг талаблари реестрига киритилган кредиторларнинг барча талаблари ҳар қандай тўловга қобилиятсизлик тартиб-таомили жараёнида қаноатлантирилганда. Суд қонунга мувофиқ бошқа ҳолларда ҳам тўловга қобилиятсизлик тўғрисидаги иш юритишни тугатиши мумкин. Тўловга қобилиятсизлик тўғрисидаги ишни юритишни тугатиш ҳақида суд ажрими чиқарилган санадан эътиборан суд бошқарувчиси давлат солиқ хизмати органини ушбу ажрим тўғрисида уч иш куни ичида ёзма шаклда хабардор қилади. Ўзбекистон Республикаси Иқтисодий процессуал кодексининг 118-моддасига асосан суд харажатлари ишда иштирок этувчи шахсларнинг қаноатлантирилган даъво талаблари миқдорига мутаносиб равишда уларнинг зиммасига юклатилади. Мазкур ҳолатда суд томонлар ўртасида келишув битими тузилганлиги боис, “Тўловга қобилиятсизлик тўғрисида”ги Ўзбекистон Республикаси Қонунининг 57-моддасига асосан иқтисодий иш бўйича иш юритишни тугатишни, суд ҳаражатларини қарздор зиммасига юклашни лозим топади. Баён этилганларга ҳамда “Тўловга қобилиятсизлик тўғрисида”ги Ўзбекистон Республикаси Қонунининг 57-моддаси, Ўзбекистон Республикаси Иқтисодий процессуал кодексининг 110, 130-133, 195-моддаларига асосланиб, суд А Ж Р И М ҚИ Л Д И: Қарздор “Mega Stroy Commercial Service” МЧЖнинг иш юритишни тугатиш ҳақидаги аризаси қаноатлантирилсин. Қарздор “Mega Stroy Commercial Service” МЧЖ ҳисобидан кредитор “O’ZAVIALIZING” МЧЖ фойдасига 450.000 сўм давлат божи, 30.000 сўм почта ҳаражати ундирилсин. Ажрим қонуний кучга киргач, ижро варақаси берилсин. Мазкур иқтисодий иш юзасидан иш юритиш тугатилсин. Ажрим устидан шикоят берилиши (протест келтирилиши) мумкин. Судья А.О.Хаитбоев 2