Решение #579526 Экономические

4-1801-2304/4322-sonli iqtisodiy ish QARSHI TUMANLARARO IQTISODIY SUDINING AJRIMI (Arizani ko‘rmasdan qoldirish to‘g‘risida) 2023 yil 20 iyun Qarshi tumanlararo iqtisodiy sudining sudyasi L.Abdullayev raisligida, sudya yordamchisi A.Olimov kotibligida, arizachi – Qashqadaryo viloyat soliq boshqarmasining, javobgar – «TASHABBUS ORIGINAL INVEST” MCHJga nisbatan 69923929,3 so‘m miqdorda jarima qo‘llash to‘g‘risidagi arizasini taraflar vakillarining ishtirokisiz, Qarshi tumanlararo iqtisodiy sud binosida, ochiq sud majlisi muhokamasida ko‘rib chiqib, quyidagilarni aniqladi: arizachi – Qashqadaryo viloyat soliq boshqarmasi Qarshi tumanlararo iqtisodiy sudga ariza bilan murojaat qilib, javobgar – «TASHABBUS ORIGINAL INVEST” MCHJga nisbatan 69923929,3 so‘m miqdorda jarima qo‘llashni so‘ragan. Arizachiga arizani ish yurituvga qabul qilish va ishni sud muhokamasaiga tayyorlash to‘g‘risidagi ajrim elektron shaklda yuborilib, arizachi tomonidan 31 may kuni qabul qilib olingan bo‘lsa-da, biroq arizachi vakillari sud majlisiga kelmadi. O‘zbekiston Respublikasi Iqtisodiy protsessual kodeksining 128-moddasida, agar sud iqtisodiy sud ishlarini yuritish ishtirokchisi o‘ziga yuborilgan ajrimning ko‘chirma nusxasini olganligi yoki ushbu Kodeksda nazarda tutilgan boshqa ususlda xabardor qilinganligi to‘g‘risida sud majlisi boshlangunga qadar ma’lumotlarga ega bo‘lsa, ushbu ishtirokchi tegishli tarizda xabardor qilingan deb hisoblanadi. Iqtisodiy sud ishlarini yuritish ishtirokchisi quyidagi hollarda ham sud tomonidan tegishli tarizda xabardor qilingan deb hisoblanadi, agar: ajrim yo‘llangan shaxs ajrimning ko‘chirma nusxasini olishni rad etgan va ushbu rad etish qayd etilgan bo‘lsa; sud tomonidan yuridik shaxsning sudga ma’lum bo‘lgan oxirgi joylashgan yeri (pochta manzili), fuqaroning yashash joyi bo‘yicha yuborilgan ajrimning ko‘chirma nusxasi oluvchi ko‘rsatilgan manzilda yo‘qligi sababli topshirilmagan va bu haqida aloqa muassasasi sudni xabardor qilgan bo‘lsa; ajrimning ko‘chirma nusxasi sud tomonidan elektron pochta orqali yoki xabardor qilinganlik faktini tasdiqlovchi boshqa aloqa vositalaridan foydalangan holda yuborilgan kundan e’tiboran uch kun o‘tgan bo‘lsa, tegishli tartibda xabardor qilingan deb hisoblanishi belgilangan. Sud ishdagi mavjud hujjatlarni o‘rganib, quyidagi asoslarga ko‘ra arizachining arizasini ko‘rmasdan qoldirishni, sud xarajatlarini arizachidan undirmaslikni lozim topdi. O‘zbekiston Respublikasi Iqtisodiy protsessual kodeksining 107-moddasini birinchi qismini oltinchi bandida, da’vogar birinchi sud majlisiga kelmagan va ishni o‘zining ishtirokisiz ko‘rilishi to‘g‘risida arz qilmagan bo‘lsa, da’vo arizani ko‘rmasdan qoldirishga asos bo‘lishi belgilangan. “Davlat boji to‘g‘risida”gi O‘zbekiston Respublikasi Qonunining 9-moddasini birinchi qismini 12-bandida, davlat soliq xizmati organlari, moliya va bojxona organlari – barcha ishlar hamda hujjatlar bo‘yicha, shuningdek alohida yuritiladigan ishlar bo‘yicha sudga arizalar berganligi uchun iqtisodiy sudlarda davlat bojini to‘lashdan ozod qilinganligi belgilangan. Sud yuqorida qayd etilgan holatlarga hamda protsessual qonun normalarining talablariga asoslanib, arizachining vakili sud majlisiga kelmaganligini, sud majlisini o‘zining ishtirokisiz ko‘rish to‘g‘risida ariza ham taqdim etmaganligini inobatga olib, arizachining arizasini ko‘rmasdan qoldirishni va arizachini davlat boji to‘lovidan ozod qilinganligini inobatga olishni lozim topdi. Binobarin, O‘zbekiston Respublikasi Iqtisodiy protsessual kodeksining 107, 118, 195196-moddalarini qo‘llab, sud a j r i m q i l d i: arizachi – Qashqadaryo viloyat soliq boshqarmasining, javobgar – «TASHABBUS ORIGINAL INVEST” MCHJga nisbatan 69923929,3 so‘m miqdorda jarima qo‘llash to‘g‘risidagi arizasi ko‘rmasdan qoldirilsin. Arizachini davlat boji to‘lovidan ozod qilinganligi inobatga olinsin. Mazkur ajrim ustidan bir oylik muddat ichida apellyatsiya tartibida shikoyat qilish (protest keltirish) mumkin. Sudya L.Abdullayev