Решение #603384 Экономические

FARG’ONA TUMANLARARO IQTISODIY SUDI 150105, Farg`ona shahri, Al-Farg’oniy ko’chasi 47 Tel: (+998-73) 244-65-40, (+998-73) 244-65-30 FERGHANA INTER-DISTRICT ECONOMIC COURT 150105, Fergana, Al-Fargoniy street, 47 е-mail: i.fargona.t@sud.uz ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ Фарғона шаҳри 2022 йил 17 апрель 4-1501-2202/3487-сонли иш Фарғона туманлараро иқтисодий судининг судьяси Д.С. Акрамова раислигида, судья ёрдамчиси Б. Охуновнинг суд мажлиси котиблигида, аризачи вакили О.Х. Солиев (2022 йил 28 март кунги 16-06/2679-сонли ишончномага асосан) иштирокида, даъвогар НОМИнинг жавобгар “НОМИ” масъулияти чекланган жамиятига берилган 2022 йил 3 январдаги 018667-сонли лицензияни бекор қилиш тўғрисидаги аризаси бўйича қўзғатилган иқтисодий ишни суд биносида видеконференцалоқа режимидаги очиқ суд мажлисида кўриб чиқиб, қуйидагиларни АНИҚЛАДИ: НОМИ (бундан буён матнда Вазирлик деб юритилади) судга ариза билан мурожаат қилиб, жавобгар “НОМИ ” масъулияти чекланган жамиятига берилган фойдали қазилмаларни қазиб олиш ҳуқуқини берувчи 2022 йил 3 январдаги 018667сонли лицензияни бекор қилишни ва жавобгардан суд харажатларини ундиришни сўраган. Суд мажлисида Вазирлик вакили аризани қаноатлантиришни сўраб, кўприклар ва туннелларни лойиҳалаштириш, қуриш ва таъмирлаш фаолияти билан лицензияланган юридик шахслар масофавий мониторинг қилинганида тизимдаги техник хатолик ва носозлик туфайли автоматик тартибда жавобгарга 2022 йил 3 январь куни 018667сонли лицензия расмийлаштирилгани аниқлангани, “Махсус электрон тизим орқали айрим фаолият турларини лицензиялаш тартиби тўғрисида ягона” Низомнинг 19иловасининг 9-банди б-кичик бандида юридик шахс штатида ушбу соҳада тегишли касб маълумотига, шунингдек, кўрсатилган иншоотларни лойиҳалаштиришда камида 5 йил иш стажига эга бўлган мутахассисларнинг (муҳандислик малака сертификатга эга бўлган лойиҳанинг бош муҳандислари ва бош архитекторлари, конструкторлар,технологлар) мавжуд бўлиши белгилангани, жавобгарнинг штатида лицензиядаги фаолият тури билан шуғулланиш учун мутахассислар бўлмаганини, жавобгарга 2022 йил 20 декабрь кунига қадар Вазирликка қайта сўровнома юбориш лозимлиги, лицензиянинг амал қилиши ўн кун муддатга тўхтатилгани, лицензия талаб ва шартларига риоя этилмаган тақдирда суд орқали лицензия бекор қилиниши маълум қилинганини, лекин ҳозирга қадар жавобгардан сўровнома келиб тушмаганини тушунтириб ўтди. Ишни суд мажлисида кўриш учун тайинлаш ҳақидаги суд ажрими жавобгар томонидан олингани почта алоқа хизматининг маълумотномаси билан тасдиқланади, шунингдек жавобгар вакилининг телефон рақамига суд мажлиси вақти ва жойи ҳақидаги СМС хабарномаси юборилган, лекин вакили судга келмади. Жавобгар тегишли тартибда суд мажлиси тўғрисида хабардор қилингани учун Ўзбекистон Республикаси Иқтисодий процессуал кодекснинг (бундан буён матнда ИПК деб юритилади) 128 ва 170- моддаларида асосланиб суд ишни жавобгар вакили иштирокисиз кўриб чиқишни мумкин деб топди. Суд даъвогар вакилининг тушунтиришларини тинглаб, иш материалларини ўрганиб чиқиб, қуйидаги асосларга кўра, аризани қаноатлантиришни лозим деб топади. Ишдаги ҳужжатларга кўра, “НОМИ” МЧЖ 2022 йил 16 декабрь куни лицензия олиш учун Вазирликка сўровнома юборган. Сўровномага асосан 2022 йил 3 январь куни кўприклар ва тоннелларни лойиҳалаштириш, қуриш ва уларни таъмирлаш фаолияти билан шуғулланиш учун 018667-сонли лицензия берилган. Ўзбекистон Республикаси Вазирлар Маҳкамасининг 2022 йил 21 февралдаги 80сонли қарори билан тасдиқланган “Махсус электрон тизим орқали айрим фаолият турларини лицензиялаш тартиби тўғрисида ягона” Низомнинг (бундан буён матнда Низом деб юритилади) 8-бандига асосан лицензияланадиган фаолият турини амалга ошириш учун фаолият турининг паспортида назарда тутилган тутилган талаблар ва шартларга риоя этиш лозим. Низомнинг 19-иловасидаги “Кўприклар ва туннелларни лойиҳалаштириш, қуриш ва уларни таъмирлаш фаолиятини лицензиялаш” Паспортнинг 9-банди б-кичик бандида ушбу фаолият билан шуғулланиш учун юридик шахс штатида ушбу соҳада тегишли касб маълумотига, шунингдек, кўрсатилган иншоотларни лойиҳалаштиришда камида 5 йил иш стажига эга бўлган мутахассисларнинг (муҳандислик малака сертификатга эга бўлган лойиҳанинг бош муҳандислари ва бош архитекторлари, конструкторлар, технологлар) мавжуд бўлиши шарт. Ўзбекистон Республикаси Президентининг “Қурилиш ташкилотларини янада ривожлантириш ва уларнинг моддий-техника базасини мустаҳкамлаш чора-тадбирлари тўғрисида”ги 2014 йил 3 мартдаги ПҚ-2137-сонли Қарорининг 2а-иловасида ихтисослаштирилган қурилиш пудрат ташкилотининг тузилмасида бош муҳандис, моддий-техникавий таъминоти, молиявий иқтисодий хизмати бўлими, смета-шартнома, техник-ишлаб чиқариш бўлими, бош механик хизмати, бош энергетик хизмати, ишлар сифати муҳандиси, меҳнат муҳофазаси ва ва хавфсизлик техникаси муҳандиси, геодезчи мутахассислар бўлиши лозим. Вазирлик 2022 йил 6 декабрдаги 230-сонли буйруғи билан жавобгарга берган лицензияни амал қилиш муддатини ўн кунга тўхтатган. Жавобгарга тегишли касб маълумоти ва иш стажига эга бўлган ходимларни ишга олгани ҳолда 20 декабрга қадар қайта Вазирликка сўровнома юбориш, лицензия талаблари ва шартларига риоя қилинмаганида лицензияни бекор қилиш талаби билан судга мурожаат қилиниши ҳақидаги 2022 йил 6 декабрь кунги 16-06/13700-сонли хат билан бирга 230сонли буйруқ почта орқали 2022 йил 7 декабрь куни юборилган. Низомнинг 41-бандига асосан лицензиянинг амал қилишини тўхтатиб туриш лицензияловчи орган ёки суд томонидан амалга оширилади. Лицензиянинг амал қилиши лицензияловчи орган томонидан ўн кундан кўп бўлмаган муддатга, суд томонидан эса ўн кундан ортиқ, лекин олти ойдан кўп бўлмаган муддатга тўхтатиб турилиши мумкин. Белгиланган муддат ичида лицензиянинг амал қилишини тўхтатиб туриш учун асос бўлган сабаб ва камчиликлар бартараф қилинмаса, лицензияловчи орган лицензиянинг амал қилишини тўхтатиб туриш муддатини узайтириш бўйича судга даъво ариза киритиши лозим. Лицензиатлар ушбу Низомнинг 40-бандида назарда тутилган лицензиянинг амал қилишини тўхтатиб туришга олиб келган ҳолатларни лицензияловчи органлар ёки суд белгилаган муддатда бартараф этмаганда, лицензияловчи орган лицензияни бекор қилиш тўғрисида судга даъво аризасини киритиш белгиланган. Жавобгар-лицензиат лицензиянинг амал қилишини тўхтатиб туришга олиб келган ҳолатларни белгилаган муддатда бартараф этмагани учун судга ариза киритилган. “Лицензиялаш, рухсат бериш ва хабардор қилиш тартиб-таомиллари тўғрисида”ги Ўзбекистон Республикаси Қонунининг 33-моддасида лицензиат томонидан лицензия талаблари ва шартлари бир маротаба қўпол равишда бузилганда, шунингдек, ваколатли органнинг лицензияни бериш тўғрисидаги қарорининг қонунга хилофлиги аниқланганида лицензия суд томонидан бекор қилиниши белгиланган. Лицензияловчи орган томонидан Низомнинг 19-иловасидаги паспортни 9-банди бкичик бандига зид равишда жавобгарга 2022 йил 3 январь куни 018667-сонли лицензия берилгани ҳамда жавобгар лицензия бериш талаблари ва шартларини билиши лозим бўлсада етарли мутахассислари бўлмасдан лицензияланадиган фаолият тури билан ноқонуний равишда шуғулланиб келаётганини инобатга олиб, суд аризани қаноатлантиришни лозим деб топади. “Давлат божи тўғрисида”ги Ўзбекистон Республикаси Қонунининг 9-моддаси 12бандига асосан аризачи ва жавобгар ҳуқуқий таъсир чораларини қўллаш тўғрисидаги ишларда давлат божини тўлашдан озод қилинган, шунинг жавобгардан давлат божи ундирилмайди. ИПК 118-моддасига мувофиқ жавобгардан даъвогар фойдасига 30 000 сўм почта харажати ва суд депозитига 75 000 сўм суд мажлисини видеоконференцалоқа режимида ўтказиш харажатини ундириш лозим бўлади. Бинобарин, суд ИПК 118, 176-179, 215, 216, 217, 220, 221-222-моддаларига асосан, ҚАРОР ҚИЛАДИ: Ариза қаноатлантирилсин. НОМИ томонидан жавобгар “НОМИ” масъулияти чекланган жамиятига кўприклар ва туннелларни лойиҳалаштириш, қуриш ва уларни таъмирлаш фаолияти билан шуғулланиши учун берилган 2022 йил 3 январдаги 018667-сонли лицензия бекор қилинсин. Жавобгар “НОМИ” масъулияти чекланган жамиятидан даъвогар фойдасига 30 000 сўм почта харажати, Ўзбекистон Республикаси Олий суди депозит ҳисоб рақамига 75 500 сўм видеоконференцалоқа режими харажати ундирилсин. Ҳал қилув қарори устидан Фарғона туманлараро иқтисодий суд орқали Фарғона вилоят судининг иқтисодий ишлар бўйича апелляция судлов ҳайъатига ўн кунлик муддат ичида апелляция шикояти (прокурор протест) келтиришга ҳақли. Раислик этувчи Д.С. Акрамова