Решение #622349 Экономические

TOYLOQ TUMANLARARO IQTISODIY SUDI TOYLOQ INTER-DISTRICT ECONOMIC COURT Tayloq tumani, Mustaqillik ko’chasi, 8-uy Tayloq, Mustaqillik street, 8 Tел/факс: (0 366) 240-45-39, 240-45-42 е-mail: i.tayloq@sud.uz ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ Тойлоқ тумани 2023 йил 24 март 4-1405-2302/620-сонли иш Тойлоқ туманлараро иқтисодий суди судьяси Ф.Э.Юлдашевнинг раислигида, судья ёрдамчиси Х.Жаббаровнинг котиблигида, аризачи Самарқанд вилояти давлат солиқ бошқармасининг жавобгар «BAROT METALL JIXOZ» масъулияти чекланган жамиятига нисбатан берган аризаси бўйича қўзғатилган ишни, аризачи вакили Д.Абдухалимов (2023 йил 24 мартдаги 23-29744-сонли ишончнома асосида)нинг иштирокида, Тойлоқ туманлараро иқтисодий суди биносида, очиқ суд мажлисида кўриб чиқиб, қуйидагиларни- Тойлоқ туманлараро иқтисодий судига аризачи Самарқанд вилояти давлат солиқ бошқармаси ариза билан мурожаат қилиб, унда солиқ инспекциясининг 2023 йил 17 февралдаги қарорига биноан «BAROT METALL JIXOZ» масъулияти чекланган жамиятининг банкдаги ҳисобварақлари бўйича операциялари Ўзбекистон Республикаси Солиқ кодексининг 111-моддаси учинчи қисми 2-бандига асосан ўн кундан кўп бўлмаган муддатга тўхтатилганлиги, бироқ, жавобгар томонидан юзага келган солиқ мажбурияти бартараф этилмаганлиги баён қилиниб, «BAROT METALL JIXOZ» масъулияти чекланган жамиятининг банкдаги ҳисобварақалари бўйича операцияларини ўн кундан кўп муддатга тўхтатиб туришни сўраган. Суд мажлисида жавобгар «BAROT METALL JIXOZ» масъулияти чекланган жамияти вакили иштирок этмади. Суд, Ўзбекистон Республикаси Иқтисодий процессуал кодексининг 220-моддасига асосан ишни жавобгар иштирокисиз, ишдаги мавжуд ҳужжатлар асосида кўриб чиқиб, мазмунан ҳал этишни лозим деб топди. Суд мажлисида иштирок этган аризачи вакили Д.Абдухалимов судга маълумотнома тақдим қилиб, ўз тушунтиришида, жавобгар томонидан бугунги кунга қадар камчиликлар бартараф этилмаганлигини маълум қилиб, аризани қаноатлантиришни сўради. Суд, иш бўйича аризачи вакилининг тушунтиришини тинглаб, ишдаги мавжуд ҳужжатларни ўрганиб, уларга ҳуқуқий баҳо берган ҳолда, қуйидаги асосларга кўра, аризани қаноатлантиришни лозим деб ҳисоблайди. Иш ҳужжатларидан кўринишича, «BAROT METALL JIXOZ» масъулияти чекланган жамияти томонидан Самарқанд вилояти давлат солиқ бошқармасининг 2023 йил 11 февралдаги сўровномасида сўралган ҳужжатлар тақдим этилмаган. Ўзбекистон Республикаси Солиқ кодексининг 111-моддаси учинчи қисми 2-бандига кўра, юридик шахслар ва якка тартибдаги тадбиркорларнинг банкдаги ҳисобварақлари бўйича операцияларни тўхтатиб туриш солиқ органи томонидан мазкур солиқ тўловчиларнинг (солиқ агентларининг) солиқ мажбуриятлари бажарилишини таъминлаш учун солиқ тўловчи (солиқ агенти) томонидан солиқ органининг камерал солиқ текшируви натижалари бўйича талабномасига тушунтиришлар ва (ёки) тузатишлар белгиланган муддатда тақдим этилмаганда, шунингдек солиқ тўловчи томонидан солиқ органи талаб қилган ҳужжатлар тақдим этилмаганда қўлланилиши мумкин. Жавобгар томонидан инспекциянинг сўровномасида сўралган ҳужжатлар тақдим этилмаганлиги сабабли, Самарқанд вилояти давлат солиқ бошқармасининг 2023 йил 17 февралдаги қарорига асосан солиқ тўловчининг банклардаги барча ҳисобварақлари бўйича барча чиқим операциялари 10 кунга тўхтатилган. Самарқанд вилояти давлат солиқ бошқармаси томонидан солиқ тўловчининг шахсий кабинетига электрон шаклда 2023 йил 17 февралда хабарнома юборилган. Ўзбекистон Республикаси Солиқ кодексининг 111-моддасига кўра, юридик шахслар ва якка тартибдаги тадбиркорларнинг банкдаги ҳисобварақлари бўйича операцияларни тўхтатиб туриш солиқ органи томонидан мазкур солиқ тўловчиларнинг (солиқ агентларининг) солиқ мажбуриятлари бажарилишини таъминлаш учун солиқ тўловчи (солиқ агенти) томонидан солиқ тўловчи (солиқ агенти) томонидан солиқ органининг камерал солиқ текшируви натижалари бўйича талабномасига тушунтиришлар ва (ёки) тузатишлар белгиланган муддатда тақдим этилмаганда, шунингдек солиқ тўловчи томонидан солиқ органи талаб қилган ҳужжатлар тақдим этилмаганда қўлланилиши мумкин. Солиқ тўловчининг (солиқ агентининг) банкдаги ҳисобварақлари бўйича операцияларни тўхтатиб туриш тўғрисидаги қарор солиқ органининг раҳбари (раҳбар ўринбосари) томонидан ўн кундан кўп бўлмаган муддатга қабул қилиниши мумкин. Солиқ тўловчининг (солиқ агентининг) банкдаги ҳисобварақлари бўйича операцияларни ўн кундан кўп муддатга тўхтатиб туриш тўғрисидаги қарор солиқ органининг илтимосномасига асосан суд томонидан қабул қилиниши мумкин. Бунда солиқ тўловчининг (солиқ агентининг) банк ҳисобварақлари бўйича операциялари суд томонидан қарор қабул қилингунга қадар тўхтатиб турилади. Шунинг учун, аризачи Самарқанд вилояти давлат солиқ бошқармаси судга ариза билан мурожаат қилиб, жавобгар «BAROT METALL JIXOZ» масъулияти чекланган жамиятининг банклардаги ҳисобварақлари бўйича операцияларини ўн кундан кўп муддатга тўхтатиб туришни сўраган. Суд мажлисида аризачи Самарқанд вилояти давлат солиқ бошқармаси вакилининг судга тақдим қилган 2023 йил 24 мартдаги 23-29742-сонли маълумотномасида жавобгар «BAROT METALL JIXOZ» масъулияти чекланган жамияти томонидан шу бугунги кунга қадар камчиликлар бартараф этилмаганлиги маълум қилинган. Ўзбекистон Республикаси “Давлат божи тўғрисида”ги Қонуннинг 9-моддаси 19-бандига кўра, аризачи ва жавобгар — ҳуқуқий таъсир чораларини қўллаш тўғрисидаги ишлар бўйича иқтисодий судларда давлат божини тўлашдан озод қилинган. Суд, аризачи вакилининг тушунтиришини тинглаб, ишдаги ҳужжатларни ўрганиб, далилларга ҳуқуқий баҳо бериб, аризани қаноатлантиришни, жавобгар «BAROT METALL JIXOZ» масъулияти чекланган жамияти томонидан Солиқ кодексида белгиланган тартибда давлат солиқ хизмати органининг сўровномасида сўралган ҳужжатларни тақдим этиш орқали ҳуқуқбузарликни бартараф этгунига қадар унинг банк муассасасидаги барча ҳисобварақлари бўйича операцияларнинг чиқим қисмини тўхтатиб қўйишни, суд харажатлари масаласини муҳокама қилиб, давлат божи ва почта харажатлари ундирмасликни лозим деб топди. Юқоридагиларга асосан, Ўзбекистон Республикаси “Давлат божи тўғрисида”ги Қонуннинг 9-моддаси 19-бандига, Ўзбекистон Республикаси Солиқ кодексининг 111-моддасига асосланиб, Ўзбекистон Республикаси Иқтисодий процессуал кодексининг 176-179, 186, 216-217, 220, 221 ва 222-моддаларини қўллаб, суд ҚАРОР Қ И Л Д И: Аризачи Самарқанд вилояти давлат солиқ бошқармасининг аризаси қаноатлантирилсин. Жавобгар «BAROT METALL JIXOZ» масъулияти чекланган жамияти сўровномасида сўралган ҳужжатларни тақдим этиш орқали ҳуқуқбузарлик бартараф этилгунига қадар унинг банк ҳисобварақлари бўйича барча чиқим операциялари тўхтатиб турилсин. Солиқ кодексининг 111-моддаси 5-қисмига мувофиқ, жавобгарнинг банклардаги ҳисобварақлари бўйича операцияларнинг тўхтатиб турилиши фуқаролик қонун ҳужжатларига мувофиқ биринчи навбатда кўрсатилган тўловларга, шунингдек қонун ҳужжатларига мувофиқ ундирувга йўл қўйилмайдиган банклардаги ҳисобварақларга татбиқ этилмайди. Ҳал қилув қарори ижросини таъминлаш учун жавобгарга хизмат кўрсатувчи банк муассасаларига суд ҳужжатини тақдим этиш аризачи Самарқанд вилояти давлат солиқ бошқармаси зиммасига юклатилсин. Аризачи Самарқанд вилояти давлат солиқ бошқармаси зиммасига ҳуқуқбузарлик бартараф этилган тақдирда бу ҳақда жавобгарга хизмат кўрсатувчи банк муассасаларига бир кун муддат ичида банк ҳисобварақлари бўйича операцияларни тиклаш ҳақидаги ёзма равишда кўрсатмани тақдим этиш юклатилсин. Аризачи Самарқанд вилояти давлат солиқ бошқармасининг ҳуқуқбузарлик бартараф этилганлиги ва банк ҳисоб варақлари бўйича операцияларни тиклаш ҳақидаги кўрсатмаси асосида ҳисобварақлардаги операциялар тиклансин. Ҳал қилув қароридан норози бўлган тараф ҳал қилув қарори қабул қилинган кундан бошлаб ўн кун муддат ичида шу суд орқали Самарқанд вилоят судининг иқтисодий ишлар бўйича судлов ҳайъатига апелляция шикояти (протести) бериши мумкин. Ф.Э.Юлдашев