Решение #624326 Экономические

АЖРИМ (Аризани кўрмасдан қолдириш тўғрисида) Тойлоқ тумани 2023 йил 24 март 4-1405-2301/565-сонли иш Тойлоқ туманлараро иқтисодий суди судьяси Ф.К.Мажидовнинг раислигида, судья ёрдамчиси Н.Абулсаидовнинг котиблигида, аризачи Самарқанд туман давлат солиқ инспекциясининг жавобгар «ASAD-AGRO POLIZ EKINLARI YETISHTIRISH» оилавий корхонасига нисбатан берган аризаси бўйича қўзғатилган ишни, аризачи вакили Ф.Дўстмухаммедов (2022 йил 13 майдаги 23-06848-сонли ишончнома асосида)нинг иштирокида, Тойлоқ туманлараро иқтисодий суди биносида, очиқ суд мажлисида кўриб чиқиб, қуйидагиларни-, А Н И Қ Л А Д И: Тойлоқ туманлараро иқтисодий судига аризачи Самарқанд туман давлат солиқ инспекцияси ариза билан мурожаат қилиб, унда «ASAD-AGRO POLIZ EKINLARI YETISHTIRISH» оилавий корхонаси томонидан 2023 йил учун Юридик шахслар мол-мулк солиғи бўйича солиқ ҳисоботи белгиланган муддатларда солиқ органига тақдим этилмаганлигини, белгиланган муддатларда солиқ ҳисоботини тақдим этиши ва жавобгарнинг банкдаги ҳисобварақлари бўйича операциялар тўхтатиб турилиши тўғрисида жавобгарнинг шахсий кабинетига электрон шаклда сабабларини кўрсатган ҳолда хабарнома ҳамда огоҳлантириш хати юборилганлигини, бироқ жавобгар томонидан Юридик шахслар мол-мулк солиғи бўйича 2023 йил учун солиқ ҳисоботи 2023 йил 7 мартга қадар тақдим этилмаганлиги баён қилиниб, «ASAD-AGRO POLIZ EKINLARI YETISHTIRISH» оилавий корхонасининг банкдаги ҳисобварақлари бўйича операцияларини ўн кундан кўп муддатга тўхтатиб туришни сўраган. Суд мажлисида жавобгар «ASAD-AGRO POLIZ EKINLARI YETISHTIRISH» оилавий корхонаси вакили иштирок этмади. Суд мажлисида иштирок этган аризачи вакили Ф.Дўстмухаммедов ўз тушунтиришида, жавобгарга нисбатан бир хил мазмундаги аризани икки марта тақдим этилганлигини билдириб, қонуний қарор қабул қилишни судга ҳавола қилди. Суд, аризачи вакилининг кўргазмасини тинглаб, иш ҳужжатларини ўрганиб чиқиб, қуйидаги асосларга кўра, аризани кўрмасдан қолдиришни лозим деб ҳисоблайди. Аниқланишича, Тойлоқ туманлараро иқтисодий судининг иш юритувида 41405-2301/558-сонли иш мавжуд бўлиб, суднинг мазкур иш бўйича қабул қилинган 2023 йил 24 мартдаги ҳал қилув қарори билан аризачи Самарқанд туман давлат солиқ инспекциясининг жавобгар «ASAD-AGRO POLIZ EKINLARI YETISHTIRISH» оилавий корхонаси томонидан 2023 йил учун Юридик шахслар мол-мулк солиғи бўйича солиқ ҳисоботи белгиланган муддатларда солиқ органига тақдим этилмаганлиги сабабли унинг банклардаги ҳисобварақлари бўйича операцияларини ўн кундан кўп муддатга тўхтатиб туриш тўғрисидаги аризаси қаноатлантирилиб, жавобгар "ASAD-AGRO POLIZ EKINLARI YETISHTIRISH" оилавий корхонаси томонидан қонунда белгиланган тартибда давлат солиқ хизмати органига 2023 йил учун Юридик шахслар мол-мулк солиғи бўйича солиқ ҳисоботларни тақдим этиш орқали ҳуқуқбузарлик бартараф этилгунига қадар унинг банк ҳисобварақлари бўйича барча чиқим операциялари тўхтатиб туриш белгиланган. Ўзбекистон Республикаси Иқтисодий процессуал кодексининг 107-моддаси 1-бандига кўра, фуқаролик ишлари бўйича суд, иқтисодий суд, ҳакамлик суди, арбитраж суди иш юритувида айни бир шахслар ўртасидаги, айни бир предмет тўғрисидаги ва айни бир асослар бўйича низо юзасидан иш мавжуд бўлса, суд даъво аризасини кўрмасдан қолдиради. Ўзбекистон Республикаси “Давлат божи тўғрисида”ги Қонуннинг 9-моддаси 19-бандига кўра, аризачи ва жавобгар — ҳуқуқий таъсир чораларини қўллаш тўғрисидаги ишлар бўйича иқтисодий судларда давлат божини тўлашдан озод қилинган. Бундай ҳолатда, суд аризачи вакилининг кўргазмаларини тинглаб, иш ҳужжатларини ўрганиб чиқиб, аризани кўрмасдан қолдиришни, суд харажатлари масласини муҳокама қилиб, давлат божи ва почта харажатларини ундирмасликни лозим деб топди. Юқоридагиларга асосан, Ўзбекистон Республикаси “Давлат божи тўғрисида”ги Қонуннинг 9-моддаси 19-бандига, Ўзбекистон Республикаси Иқтисодий процессуал кодекснинг 107-моддаси 1-банди ва 195-моддаларига асосланиб, суд, А Ж Р И М Қ И Л Д И: Аризачи Самарқанд туман давлат солиқ инспекциясининг жавобгар «ASAD-AGRO POLIZ EKINLARI YETISHTIRISH» оилавий корхонасининг банклардаги ҳисобварақлари бўйича операцияларини ўн кундан кўп муддатга тўхтатиб туриш тўғрисидаги аризаси кўрмасдан қолдирилсин. Ажримдан норози бўлган тарафлар бир ой муддат ичида шу суд орқали Самарқанд вилоят судининг иқтисодий ишлар бўйича судлов ҳайъатига апелляция шикояти (протести) бериши мумкин. Судья Ф.К.Мажидов