Решение #647525 Экономические

TERMIZ TUMANLARARO IQTISODIY SUDI TERMIZ INTER-DISTRICT ECONOMIC COURT 190100, Termiz shahri, Istiqlol ko’chasi, 67 190100, Termiz, Istiqlol street, 67 Тел: (+99876) 227-29-72, Fax (+99876) 227-29-25 e-mail: i.termiz@sud.uz АЖРИМ (иш юритишни тугатиш тўғрисида) 2023 йил 27 февраль 4-1901-2201/2957-сонли иш Термиз туманлараро иқтисодий суди, ўз биносида, очиқ суд мажлисида, раислик қилувчи судья Д.Жумаев, Т.Музраповнинг котиблигида, аризачи вакили – Ш.Махмудов (ишончномага асосан) иштирокида, аризачи Термиз туман Давлат солиқ инспекциясининг қарздор "OYBEK SURXON SERVIS" масъулияти чекланган жамиятига нисбатан киритган аризаси бўйича қўзғатилган ишни кўриб чиқиб, қуйидагиларни аниқлади: Аризачи Термиз туман Давлат солиқ инспекцияси (бундан буён матнда аризачи деб юритилади) судга ариза билан мурожаат қилиб, қарздор "OYBEK SURXON SERVIS" масъулияти чекланган жамиятини (бундан буён матнда қарздор деб юритилади) соддалаштирилган тартибда банкрот деб эътироф этишни сўраган. Ишни кўриш вақти ва жойи ҳақида Ўзбекистон Республикаси Иқтисодий процессуал кодексининг (бундан буён матнда ИПК деб юритилади) 127моддасида назарда тутилган тартибда хабардор қилинган қарздор суд мажлисига келмаган ва сабабини маълум қилмаган. ИПКнинг 170-моддаси учинчи қисмига кўра, иш муҳокамасининг вақти ва жойи тўғрисида тегишли тарзда хабардор қилинган жавобгар, учинчи шахслар суд мажлисига келмаса, низо уларнинг йўқлигида ҳал қилиниши мумкин. Суд, ИПКнинг 170-моддаси учинчи қисмига асосан ишни қарздорнинг иштирокисиз кўришни лозим топди. Суд мажлисида иштирок этган аризачи вакили иш бўйича қонуний тўхтамга келишни сўради. Суд, аризачи вакилининг тушунтиришларини тинглаб, ишдаги мавжуд ҳужжатларни ўрганиб чиқиб, қуйидаги асосларга кўра иш юритишни тугатишни лозим топди. Иш ҳужжатларидан аниқланишича, қарздорнинг солиқ ва бошқа мажбурий тўловлар бўйича 2022 йил 17 октябрь ҳолатига жами 186402099,66 сўм қарздорлиги мавжуд. Мазкур қарздорликни ундириш юзасидан Солиқ органи қарори қабул қилинган ва ижро қилиш учун Мажбурий ижро бюросига юборилган. Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонунининг 40-моддаси 3-бандига кўра, ундирувчига қайтарилган ва ижро иши юритиш тамомланган. Суд мажлисида аниқланишича, суднинг 2022 йил 7 ноябрдаги 4-19012201/306-сонли ҳал қилув қарори билан қарздор банкрот деб эътироф этилган. Суднинг қарори қонуний кучида. Ўзбекистон Республикаси Иқтисодий процессуал кодексининг 110-моддаси 2-бандида кўра, фуқаролик ишлари бўйича суднинг, иқтисодий суднинг ёки чет давлат ваколатли судининг айни бир шахслар ўртасидаги, айни бир предмет тўғрисидаги ва айни бир асослар бўйича низо юзасидан қонуний кучга кирган ҳал қилув қарори мавжуд бўлса, суд иш юритишни тугатади деб белгиланган. Суд, юқоридагиларни инобатга олиб, иш юритишни тугатишни, аризачи давлат божи тўловидан қонун билан озод этилганлигини инобатга олишни, тўланган почта харажатини аризачининг зиммасида қолдиришни лозим деб топди. Суд Ўзбекистон Республикаси Иқтисодий процессуал кодексининг 110, 195-моддаларини қўллаб, ажрим қ и л д и: Иш юритиш тугатилсин. Ажримдан норози тарафлар ажрим қабул қилинган кундан эътиборан бир ой ичида ушбу суд орқали апелляция тартибида шикоят (протест) беришлари мумкин. Раислик қилувчи, судья Д.Жумаев