Решение #649800 Экономические

DENOV TUMANLARARO IQTISODIY SUDI Denov tuman, Ezgu Maqsad ko’chasi 63 uy Tел/факс: (0-376) 413-71-16, DENAU INTER-DISTRICT ECONOMIC COURT Denau myriad, Ezgu Maqsad street, 63 h е-mail: i.denоv@sud.uz ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ 2023 йил 23 февраль 4-1905-2304/358-сонли иш Денов туманлараро иқтисодий судининг судьяси У.А.Рахимов раислигида, судья ёрдамчиси Ж.Муродовнинг суд мажлиси котиблигида, аризачидан вакил ххх (2022 йил 13 майдаги 23-22463-сонли ишончнома асосида), жавобгардан вакил ххх (2023 йил 23 февралдаги 02-сонли ишончнома асосида) иштирокида, аризачи ХХХнинг жавобгар "ХХХ" масъулияти чекланган жамиятининг банкдаги ҳисобварақлари бўйича операцияларни ўн кундан кўп муддатга тўхтатиб туриш тўғрисидаги аризасини Денов туманлараро иқтисодий судининг биносида очиқ суд мажлисида кўриб чиқиб, қуйидагилар а н и қ л а н д и: аризачи - ХХХ Денов туманлараро иқтисодий судга ариза билан мурожаат қилиб, жавобгар "ХХХ" масъулияти чекланган жамиятининг банкдаги ҳисобварақалари бўйича операцияларни ўн кундан кўп муддатга тўхтатиб туришни сўраган. Суд мажлисида иштирок этган аризачи вакили жавобгар томонидан солиқ туловчига юридик шахслар томонидан узига тегишли булган кучмас мулкни давлат руихатидан утказиш Давлат кадастр агентлигида белгиланган тартибда ҳамда уз кучмас мулкига эга булмаган ҳолларда, кучмас мулкни ижарага бериш (олиш) еки текин фоидаланиш шартномаларини давлат солиқ хизмати органларининг ijara.soliq.uz электрон тизимида ҳисобга қуииш керак булсада, бажармаганлиги сабабли судга ариза билан мурожаат қилганлигини билдирди. Суд мажлисида иштирок этган жавобгар вакили ўз тушунтиришида ўз кўчмас мулкига эга бўлмаганлиги сабабли ижарага жойлашганлигини, кўчмас мулкни ижарага бериш (олиш) ёки текин фойдаланиш шартномаларини давлат солиқ хизмати органларининг ijara.soliq.uz электрон тизимида ҳисобга қўйганлигини маълум қилиб, тегишли ҳужжатларни тақдим қилди. Суд, аризачи ва жавобгар вакилларининг тушунтиришларини тинглаб, ишдаги мавжуд ҳужжатларни ўрганиб, уларга ҳуқуқий баҳо бериб, жавобгар тегишли тартибда хабардор қилинганлигини инобатга олиб, аризани унинг иштирокисиз кўриб чиқишни ва қуйидаги асосларга кўра аризачининг талабини қаноатлантиришни рад этишни лозим топади. чекланган жамиятига юридик шахслар томонидан узига тегишли булган кучмас мулкни давлат руихатидан утказиш Давлат кадастр агентлигида белгиланган тартибда ҳамда уз кучмас мулкига эга булмаган ҳолларда, кучмас мулкни ижарага бериш (олиш) еки текин фоидаланиш шартномаларини давлат солиқ хизмати органларининг ijara.soliq.uz электрон тизимига ҳисобга қуимаган. Аризачи томонидан жавобгарга ijara.soliq.uz электрон тизимига ҳисобга қўйиш бўйича хабарнома юборилган. Бироқ, хабарнома жавобгар томонидан оқибатсиз қолдирилган. Ўзбекистон Республикаси Солиқ кодексининг 111-моддасида, Солиқ тўловчининг (солиқ агентининг) банкдаги ҳисобварақлари бўйича операцияларни тўхтатиб туриш тўғрисидаги қарор солиқ органининг раҳбари (раҳбар ўринбосари) томонидан ўн кундан кўп бўлмаган муддатга қабул қилиниши мумкин. Солиқ тўловчининг (солиқ агентининг) банкдаги ҳисобварақлари бўйича операцияларни ўн кундан кўп муддатга тўхтатиб туриш тўғрисидаги қарор солиқ органининг илтимосномасига асосан суд томонидан қабул қилиниши мумкин. Бунда солиқ тўловчининг (солиқ агентининг) банк ҳисобварақлари бўйича операциялари суд томонидан қарор қабул қилингунга қадар тўхтатиб турилади. Солиқ тўловчининг (солиқ агентининг) банкдаги ҳисобварақлари бўйича операцияларни тўхтатиб туриш тўғрисида қарор электрон шаклда солиқ органи томонидан банкка юборилади. Бир вақтнинг ўзида солиқ органи томонидан солиқ тўловчининг шахсий кабинетига унинг банкдаги ҳисобварақлари бўйича операциялар тўхтатиб турилиши тўғрисида хабарнома бунинг сабабларини кўрсатган ҳолда юборилади. Юридик шахслар ва якка тартибдаги тадбиркорларнинг банкдаги ҳисобварақлари бўйича операцияларни тўхтатиб туриш солиқ органи томонидан мазкур солиқ тўловчиларнинг (солиқ агентларининг) солиқ мажбуриятлари бажарилишини таъминлаш учун қуйидаги ҳолларда қўлланилиши мумкин: 1) ушбу солиқ тўловчи (солиқ агенти) томонидан солиқ органига молиявий ва (ёки) солиқ ҳисоботи бундай ҳисоботни тақдим этишнинг белгиланган муддати тугаганидан кейин ўн кун ичида тақдим этилмаганда; 2) солиқ тўловчи (солиқ агенти) томонидан солиқ органининг камерал солиқ текшируви натижалари бўйича талабномасига тушунтиришлар ва (ёки) тузатишлар белгиланган муддатда тақдим этилмаганда, шунингдек солиқ тўловчи томонидан солиқ органи талаб қилган ҳужжатлар тақдим этилмаганда; 3) солиқ текширувини ўтказаётган солиқ органларининг мансабдор шахсларини кўрсатилган ҳудудга ёки бинога (бундан турар жойлар мустасно) киришига тўсқинлик қилишда. Солиқ органи мансабдор шахсининг киришига тўсқинлик қилиниши унинг ўзи ва текширилаётган шахс томонидан имзоланадиган далолатнома билан расмийлаштирилади. Бундай далолатнома асосида солиқ органи банкдаги ҳисобварақлар бўйича операцияларни тўхтатиб туради; 4) солиқ тўловчининг (солиқ агентининг) ўзи кўрсатган манзилда йўқлигида. Солиқ тўловчининг (солиқ агентининг) банкдаги ҳисобварақ бўйича операцияларнинг тўхтатиб турилиши банклар томонидан солиқ тўловчининг (солиқ агентининг) барча ҳисобварақлари бўйича барча чиқим операциялари тўхтатиб турилишини англатади. Солиқ тўловчиларнинг консолидациялашган гуруҳининг масъул иштирокчиси томонидан солиқ ҳисоботи бундай ҳисоботни тақдим этишнинг белгиланган муддати ўтгач ўн кун ичида тақдим этилмаган тақдирда, банкдаги ҳисобварақлар бўйича операцияларни тўхтатиб туриш тўғрисидаги қарор масъул иштирокчининг ёки ушбу консолидациялашган гуруҳ барча иштирокчиларининг операцияларига нисбатан солиқ органи раҳбари (унинг ўринбосари) томонидан қабул қилиниши мумкин. Солиқ тўловчининг (солиқ агентининг) банкдаги ҳисобварақ бўйича операцияларнинг тўхтатиб турилиши фуқаролик қонунчилигига мувофиқ биринчи навбатда кўрсатилган тўловларга, шунингдек қонунчиликка мувофиқ ундирувга йўл қўйилмайдиган банклардаги ҳисобварақларга татбиқ этилмаслиги белгиланган. Бироқ, суд мажлисида иштирок этган жавобгар вакили ijara.soliq.uz электрон тизимига ҳисобга қуиилганлиги ҳақидаги гувоҳномани тақдим этди. Юқорида қайд этилган ҳолатларга ҳамда моддий ва процессуал қонун нормаларининг талабларига асосланиб, суд аризачи ва жавобгар вакилининг аризани қаноатлантиришни рад этиш ҳақидаги оғзаки фикрини ва жавобгар "ХХХ" масъулияти чекланган жамияти ijara.soliq.uz электрон тизимига ҳисобга қуиилганлигини инобатга олиб, ариза талабини қаноатлантиришни рад этишни, тарафлар ҳуқуқий таъсир чораларини қўллаш тўғрисидаги ишлар бўйича давлат божи тўлашдан озод этилганлигини ҳамда мазкур иқтисодий иш электрон шаклда расмийлаштирилганлиги сабабли почта харажати ундирмасликни лозим топди. Бинобарин, Ўзбекистон Республикаси Иқтисодий процессуал кодексининг 118, 128, 176-179, 220, 221, 222-моддаларини қўллаб, суд қарор қ и л а д и: аризачи ХХХнинг ариза талабини қаноатлантириш рад этилсин. Мазкур ҳал қилув қарор қабул қилингандан кейин ўн кун ўтгач қонуний кучга киради. Ҳал қилув қарори устидан ҳал қилув қарори қабул қилинган кундан эътиборан ўн кун ичида Денов туманлараро иқтисодий суди орқали Сурхондарё вилоят судининг иқтисодий ишлар бўйича судлов ҳайъатига апелляция тартибида шикоят бериш (прокурор протест келтирилиши) мумкин. У.А.Рахимов