Решение #656775 Экономические

SHAHRISABZ TUMANLARARO IQTISODIY SUDI SHAHRISABZ INTER-DISTRICT ECONOMIC COURT Шаҳрисабз шаҳри, Ипак йўли кўчаси, 140-уй, Тел: (75) 522-52-46, (75) 522-52-49, Почта: i.shaxrisabz@sud.uz Ўзбекистон Республикаси номидан ҲАЛ ҚИЛУВ ҚАРОРИ Шаҳрисабз шаҳри 2023 йил 10 февраль 4-1802-2301/83-сонл иш раислигида, судья ёрдамчиси Ф.Муртазаевнинг котиблигида, Қашқадарё вилояти Давлат солиқ бошқармаси вакили У.Бурхонов (2023 йил 10 февралдаги 25-12414-сонли ишонномага асосан) иштирокида, Қашқадарё вилояти Давлат солиқ бошқармасининг, “KITOB FRUIT SUPPLY” масъулияти чекланган жамиятини соддалаштирилган тартибда тўловга қобилиятсиз деб топиш тўғрисидаги аризаси асосида қўзғатилган 4-1802-2301/83-сонли иқтисодий ишини Шаҳрисабз туманлараро иқтисодий суди биносида ўтказилган очиқ суд мажлиси муҳокамасида кўриб чиқиб, қуйидагиларни- АНИҚЛАДИ: Қашқадарё вилояти Давлат солиқ бошқармаси (матнда – аризаси деб юритилади) ариза билан судга мурожаат қилиб, “KITOB FRUIT SUPPLY” масъулияти чекланган жамияти(матнда – қарздор деб юритилади)ни соддалаштирилган тартибда тўловга қобилиятсиз деб топишни сўраган. Суд мажлисида иштирок этган аризачи вакили судга берган кўрсатувида қарздорни соддалаштирилган тартибда тўловга қобилиятсиз деб топишни сўради. Иш муҳокамасининг вақти ва жойи тўғрисида тегишли тарзда хабардор қилинган қарздор суд мажлисида иштирок этмади. Ўзбекистон Республикаси Иқтисодий кодекси(матнда ИПК деб юритилади)нинг 170-моддаси учинчи қисмига кўра, иш муҳокамасининг вақти ва жойи тўғрисида тегишли тарзда хабардор қилинган жавобгар, учинчи шахслар суд мажлисига келмаса, низо уларнинг йўқлигида ҳал қилиниши мумкин. Суд тараф вакилини тинглаб, иш ҳужжатларига ҳуқуқий баҳо берган ҳолда қуйидаги асосларга кўра аризасини қаноатлантиришни лозим деб ҳисоблайди. Иш ҳужжатларидан маълум бўлишича, аризачининг ижро ҳужжатлари билан қарздорнинг мол-мулки ҳисобидан боқиманда қарзларини ундириш белгиланган бўлиб, мажбурий ижро бюроси Китоб туман бўлими томонидан мажбурий ижро учун иш юритишга қабул қилинган ҳамда давлат ижрочисининг қарорига асосан, қарздорнинг мол-мулки мавжуд бўлмаганлиги сабабли ижро иши юритишни тамомлаш тўғрисида қарор билан ижро ҳужжатлари аризачига қайтарилган. Аризачининг ижро ҳужжатлари ва ишдаги бошқа ҳужжатлар билан қарздорнинг бюджет ва бошқа мажбурий тўловлардан, жами 1 436 725 841 сўм боқиманда қарздорлиги мавжудлиги тасдиқланади. «Тўловга қобилиятсизлик тўғрисида»ги Ўзбекистон Республикаси Қонунининг 5-моддасида, вақтинча тўловга қобилиятсизлик — агар тегишли мажбуриятлар юзага келган санадан эътиборан уч ой ичида қарздор томонидан бажарилмаган бўлса, шаҳарни ташкил этувчи корхона ҳамда унга тенглаштирилган корхоналар томонидан эса олти ой ичида бажарилмаса, судга мурожаат этиш санасида қарздорнинг пул мажбуриятлари бўйича кредиторлар талабларини қаноатлантиришга ва (ёки) солиқлар ҳамда йиғимлар бўйича ўз мажбуриятларини бажаришга қодир эмаслиги; доимий тўловга қобилиятсизлик — агар судга ариза бериш санасидаги ва ариза берилган йилнинг бошидаги ҳисобот даврида, агарда ариза йилнинг биринчи чорагида берилган бўлса, ўтган йилнинг бошидаги ҳисобот даврида қарздорнинг мажбуриятлари унинг активлари қийматидан ошиб кетган бўлса, тўловга қобилиятсизлик аломатлари деб эътироф этилиши белгиланган. Ушбу қонуннинг 241-моддасида, ўз фаолиятини тугатган қарздор якка тартибдаги тадбиркор ёки тугатилаётган юридик шахснинг раҳбари ҳозир бўлмаган ва уларнинг жойлашган ерини (яшаш жойини) аниқлашнинг имкони бўлмаган тақдирда, ҳозир бўлмаган қарздорни тўловга қобилиятсиз деб топиш тўғрисидаги ариза, кредиторлик қарзи миқдоридан қатъи назар, кредитор, ваколатли давлат органи, давлат солиқ хизмати органи ёки бошқа ваколатли орган томонидан берилиши мумкинлиги, 242-моддасида, ҳозир бўлмаган қарздорнинг тўловга қобилиятсизлиги тўғрисидаги ишда кузатув, суд санацияси ва ташқи бошқарув тартиб-таомиллари қўлланилмайди. Ўзбекистон Республикаси Вазирлар Маҳкамасининг 2013 йил 14 августдаги 224-сон қарорига илова «Сохта банкротлик, банкротликни яшириш ва қасддан банкротликка олиб келиш аломатларини аниқлаш Қоидалари»нинг 3-бандига кўра, суд бошқарувчиси, ўзи тайинланган вақтдан бошлаб, мазкур Қоидаларда назарда тутилган сохта банкротлик, банкротликни яшириш ва қасддан банкротликка олиб келиш аломатларини аниқлаш бўйича ҳаракатларни амалга ошириши ҳамда чоралар кўриши шарт. Ўзбекистон Республикаси Давлат активларини бошқариш агентлигининг Қашқадарё вилоят ҳудудий бошқармаси томонидан тугатиш бошқарувчи лавозимига 3-тоифали суд бошқарувчиси Ф.Соибов номзоди кўрсатилган. Бундай ҳолатда, суд аризани қаноатлантиришни, қарздор “KITOB FRUIT SUPPLY” масъулияти чекланган жамиятини соддалаштирилган тартибда тўловга қобилиятсиз деб топишни, 3-тоифали суд бошқарувчиси Ф.Соибовни тугатиш бошқарувчиси этиб тайинлашни, тугатишга доир иш юритишни бошлашни, тугатиш бошқарувчисига қонун билан белгиланган мажбуриятларини тўлиқ бажариш юзасидан кўрсатма беришни, суд харажатларини қарздор зиммасига юклашни лозим деб топади. Юқоридагиларга кўра, Ўзбекистон Республикаси ИПКнинг 112-113, 176 ва 179-моддаларини қўллаб, «Тўловга қобилиятсизлик тўғрисида»ги Қонуннинг 5, 241, 242-моддаларига асосланиб, судҚАРОР ҚИЛДИ: Ариза қаноатлантирилсин. Қарздор “KITOB FRUIT SUPPLY” масъулияти чекланган жамияти соддалаштирилган тартибда тўловга қобилиятсиз деб топилсин ва уни тугатишга доир иш юритиш бошлансин. Қарздор “KITOB FRUIT SUPPLY” масъулияти чекланган жамиятини тугатиш бўйича 3-тоифали суд бошқарувчиси Ф.Соибов тугатиш бошқарувчиси этиб тайинлансин. Қарздорни тугатишга доир иш юритишни бошлаш, уни ташкил этиш ва расмий нашрда эълон бериш ва қилинган ишлар юзасидан судга оралиқ ҳисобот ҳамда уч ой (2023 йил 10 майгача) муддатда тугатишга доир иш юритиш тамомланганлиги тўғрисида якуний ҳисобот тақдим этиш тугатиш бошқарувчи зиммасига юклатилсин. Қарздор “KITOB FRUIT SUPPLY” масъулияти чекланган жамиятидан Республика бюджетига 900 000 сўм давлат божи ҳамда Қашқадарё вилояти Давлат солиқ бошқармаси фойдасига 30 000 сўм почта харажати ундирилсин. Мазкур ҳал қилув қароридан норози томонлар бир ойлик муддатда ичида шу суд орқали Қашқадарё вилоят судининг иқтисодий ишлар бўйича судлов ҳайъатига апелляция тартибда шикоят қилиши (протест келтириши) мумкин. А.Сафаров