Решение #671307 Экономические

YUQORICHIRCHIQ TUMANLARARO IQTISODIY SUDI ЮКОРИЧИРЧИКСКИЙ МЕЖРАЙОННЫЙ ЭКОНОМИЧЕСКИЙ СУД Yangibozor sh.,Mustaqillik ko’chasi 77-uy e-mail: i.yuqorichirchiq@sud.uz г. Янгибазар, улица Мустакиллик, дом 77 e-mail: i.yuqorichirchiq@sud.uz Тел: 0-(370 ) 983-30-14, факс: 0-(370 ) 983-30-16 ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ 2023 йил 24 январь 4-1105-2301/11-сонли иш Юқоричирчиқ туманлараро иқтисодий суди раиси Ғ.Машкуров раислигида, судья ёрдамчиси Б.Насировнинг котиблигида, аризачи Паркент туман Давлат солиқ инспекциясининг жавобгар «ALISHOX» МЧЖнинг банкдаги ҳисобварақлар бўйича операцияларни ўн кундан кўп муддатга тўхтатиб туриш тўғрисидаги аризаси бўйича қўзғатилган 4-1105-2301/11-сонли ишни ўз биносида, очиқ суд мажлисида кўриб чиқиб, қуйидагиларни А Н И Қ Л А Д И: Аризада баён этилишича, солиқ тўловчи сифатида рўйхатдан ўтган «ALISHOX» МЧЖ 2022 йил учун қишлоқ хўжалиги учун мўлжалланган ер солиғи бўйича солиқ ҳисоботини белгиланган муддатида солиқ органига (матнда солиқ ҳисоботи деб юритилади) 2023 йил 9 январь кунига қадар тақдим қилмаган. Шунга кўра, аризачи Паркент туман Давлат солиқ инспекцияси (матнда Паркент туман ДСИ деб юритилади) Юқоричирчиқ туманлараро иқтисодий судига ариза билан мурожаат қилиб, жавобгар «ALISHOX» МЧЖнинг банклардаги ҳисобварақлар бўйича операцияларни ўн кундан кўп муддатга тўхтатишни сўраган. Суд мажлисининг вақти ва жойи кўрсатилган ажрим аризачи ва жавобгарнинг шахсий кабинетига электрон тарзда юборилган бўлсада, бироқ аризачи ва жавобгар бугунги суд мажлисида вакили иштирокини таъминламади. Мазкур ҳолатда суд Ўзбекистон Республикаси Иқтисодий процессуал кодексининг (матнда ИПК деб юритилади) 128, 220моддаларига асосан ишни уларнинг иштирокисиз кўриш мумкин деб ҳисоблайди. Иш ҳужжатларида аризачининг 2023 йил 24 январдаги инспекция бошлиғининг биринчи ўринбосари томонидан имзоланган жавобгар ҳисобот топширганлигини тасдиқловчи маълумотномаси мавжуд. Суд иш ҳужжатларини ўрганиб чиқиб, қуйидаги асосларга кўра аризани қаноатлантиришни рад этишни лозим топди: Ўзбекистон Республикаси Солиқ кодексининг (матнда СК деб юритилади) 82-моддасига кўра, солиқ ҳисоботи солиқ тўловчи ҳисобга электрон шаклда ушбу Кодексга мувофиқ солиқ ҳисоботига илова қилиниши лозим бўлган ҳужжатлар билан бирга тақдим этилади. СК 273-моддасига кўра, солиқ тўловчилар, солиқ ҳисоботини ўзлари солиқ ҳисобида турган жойдаги солиқ органларига ўтган солиқ давридан кейинги ойнинг йигирманчи кунидан кечиктирилмаган муддатда тақдим этишлари шарт. Иш ҳужжатларидан кўринишича, «ALISHOX» МЧЖ солиқ ҳисоботини белгиланган муддатда тақдим этмаган. Шу сабабли, Паркент туман ДСИ 2023 йил 9 январда «ALISHOX» МЧЖнинг банклардаги ҳисобварақлари бўйича операцияларини тўхтатиб туриш тўғрисида қарор қабул қилган. Мазкур ҳолат юзасидан тижорат банкларидаги ҳисобварақлар бўйича операциялар тўхтатилгандан кейин 10 кунда аниқланган камчиликлар бартараф этилиши таъминланмаса, суд тартибида тўхтатиб турилиши маълум қилинган хабарнома жавобгарнинг шахсий кабинетига электрон шаклда юборилган. Бироқ, жавобгар солиқ ҳисоботини 2023 йил 9 январь кунига қадар ҳам тақдим этмаган. Лекин аризачи вакили томонидан судга жавобгарнинг 2022 йил учун қишлоқ хўжалиги учун мўлжалланган ер солиғи бўйича солиқ ҳисоботи топширилганлиги, камчилик бартараф этилганлиги ҳақида маълумотнома тақдим этилди. Суд мажилиси жараёнида Давлат кадастрлар палатаси Паркент тумани филиалининг 2023 йил 23 январдаги 89-сонли хатига кўра жавобгарга қишлоқ хўжалиги мақсадлари учун туман хокимининг қарори билан ҳеч қандай ер майдони ажратилиб бермаганлиги ва кадастр рўйхатидан ўтмаганлиги аниқланди. СК 111-моддасининг биринчи қисмига кўра, солиқ тўловчининг (солиқ агентининг) банкдаги ҳисобварақлари бўйича операцияларни тўхтатиб туриш тўғрисидаги қарор солиқ органининг раҳбари (раҳбар ўринбосари) томонидан ўн кундан кўп бўлмаган муддатга қабул қилиниши мумкин. Солиқ тўловчининг (солиқ агентининг) банкдаги ҳисобварақлари бўйича операцияларни ўн кундан кўп муддатга тўхтатиб туриш тўғрисидаги қарор солиқ органининг илтимосномасига асосан суд томонидан қабул қилиниши мумкин. Бунда солиқ тўловчининг (солиқ агентининг) банк ҳисобварақлари бўйича операциялари суд томонидан қарор қабул қилингунга қадар тўхтатиб турилади. СК 111-моддасининг учинчи қисмига кўра, юридик шахслар ва якка тартибдаги тадбиркорларнинг банкдаги ҳисобварақлари бўйича операцияларни тўхтатиб туриш солиқ органи томонидан мазкур солиқ тўловчиларнинг (солиқ агентларининг) солиқ мажбуриятлари бажарилишини таъминлаш учун ушбу солиқ тўловчи (солиқ агенти) томонидан солиқ органига молиявий ва (ёки) солиқ ҳисоботи бундай ҳисоботни тақдим этишнинг белгиланган муддати тугаганидан кейин ўн кун ичида тақдим этилмаганда қўлланилиши мумкин. тўғрисида аризалар билан иқтисодий судларга назорат қилувчи органлар мурожаат қилишга ҳақли. Аризачи ҳамда Давлат кадастрлар палатаси Паркент тумани филиали томонидан тақдим этилган ҳужжатларга асосан жавобгарга қишлоқ хўжалиги учун мўлжалланган ер майдони ажратилмаганлиги маълум бўлди. Юқоридагиларга асосланиб, суд аризачи аризаси асоссиз равишда киритилганлиги боис уни қаноатлантиришни рад этишни ҳамда Ўзбекистон Республикасининг “Давлат божи тўғрисидаги” 2020 йил 6 январдаги ЎРҚ-600-сонли Қонунининг 9-моддаси биринчи қисмининг 19-бандига кўра, аризачи ва жавобгар ҳуқуқий таъсир чораларини қўллаш тўғрисидаги ишлар бўйича давлат божи тўлашдан озод қилинганлигини ҳамда судга ариза электрон шаклда тақдим қилинганида почта харажати ундирилмаслигини инобатга олиб, давлат божи ва почта харажати ундирмасликни лозим топди. Бинобарин, Ўзбекистон Республикаси Солиқ кодексининг 111-моддаси ҳамда Ўзбекистон Республикаси Иқтисодий процессуал кодексининг 118, 128, 220, 221, 222-моддаларини қўллаб, суд ҚАРОР Қ И Л Д И: Аризачи Паркент туман ДСИнинг аризасини қаноатлантириш рад этилсин. Ҳал қилув қарори ўн кунлик муддат ўтгач қонуний кучга киради. Мазкур ҳал қилув қарори устидан ўн кунлик муддат ичида Юқоричирчиқ туманлараро иқтисодий суди орқали Тошкент вилоят судининг Иқтисодий ишлар бўйича судлов ҳайъатига апелляция шикояти (протести) берилиши мумкин. Раислик қилувчи, судья Ғ.Машкуров