Решение #671371 Экономические

QO’RG’ONTEPA TUMANLARARO IQTISODIY SUDI КУРГАНТЕПИНСКИЙ МЕЖРАЙОННЫЙ ЭКОНОМИЧЕСКИЙ СУД 170700,Qo’rg’ontepa sh Mustaqillik ko’chasi 50-а 170700, г.Кургантепа улица Мустакиллик № 50-а Тel: 0-(374)723-16-20 Веб-сайт:www.oliy sud.uz эл.почта:i.qurgontepa@sud.uz Факс: 0-(374)723-11-46 ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ Қўрғонтепа тумани 4-1705-2202/2220-сонли иш Қўрғонтепа туманлараро иқтисодий судининг судьяси И.Жураев раислигида, М.Мадаминовнинг котиблигида, аризачи Ддддд, қарздор “Жжжжж” масъулияти чекланган жамиятини соддалаштирилган тартибда тўловга қобилиятсиз деб топиш тўғрисидаги аризаси бўйича қўзғатилган ишни, аризачи вакили И.Мансуров (ишончнома асосида) иштирокида, қарздор вакили А.Сидиқов (ишончнома асосида) Қўрғонтепа туманлараро иқтисодий суди биносида очиқ суд мажлисида кўриб чиқиб, қуйидагиларни аниқлади: Дддддд (бундан буён матнда аризачи деб юритилади) судга аризаси билан мурожаат қилиб, қарздор “Жжжжж” масъулияти чекланган жамияти (бундан буён матнда қарздор деб юритилади)ни соддалаштирилган тартибда тўловга қобилиятсизлик деб топишни сўраган. Суд мажлисида иштирок этган аризачи вакили – қарздорликни ундириш чоралари кўрилганлигини, лекин тўловлар амалга оширилмаганлиги учун ариза киритилганлигини билдириб, солиқ ва бошқа мажбурий тўловларни ўз вақтида амалга оширмаганлиги сабабли жамиятни соддалаштирилган тартибда тўловга қобилиятсиз деб топиб беришни сўради. Қарздор вакили суд мажлисида ўз тушунтиришида бугунги кунда корхона Андижон туманидан қайта рўйхатдан ўтганлигини, жамият балансида 1 029 726,90 АҚШ долларига тенг миқдорда мевани қуритиш ва сабзавотларни қайта ишлаш ускуналари ва Қўрғонтепа туманида 70,0 гектар ер майдони мавжудлигини, ҳозирда солиқ ва мажбурий тўловлардан бўлган қарзларни тўлаш чорасини кўраётганлигини билдириб, аризани рад қилишни сўради. Аниқланишича, қарздор 2011 йил 05 апрелда Қўрғонтепа туман ҳокимлиги ҳузуридаги тадбиркорлик субъектларини рўйҳатдан ўтказиш инспекцияси орқали 3683-рақам билан рўйҳатдан ўтган, 301934901 СТИР рақами олинган, 2016 йил 31 май куни Андижон туман ҳокимлиги ҳузуридаги тадбиркорлик субъектларига ягона дарча тамойили бўйича давлат хизматларини кўрсатиш “Ягона дарча” маркази томонидан №200/0004411-сон билан қайта давлат рўйхатидан ўтказилган. Таъсис ҳужжатига кўра жамиятни юридик манзили Андижон тумани Храбек ҚФЙ Отчопар маҳалласи этиб белгиланган. Жамиятнинг солиқ ва мажбурий тўловлардан 1 442 187 412 сўм қарздорлиги мавжуд бўлган. Мажбурий тўловлар бўйича мавжуд қарзларни ундиришга доир чораларни кўриш мақсадида, аризачи томонидан Ўзбекистон Республикаси Солиқ кодексининг 115-123-моддаларига асосан солиқ қарзи ундирувини қарздорнинг мол-мулкига қаратиш бўйича 24.05.2021 йилда 2894611-сонли, 11.06.2021 йилда 2939478-сонли, 15.11.2021 йилда 3186316-сонли қарорлар чиқарилиб, Мажбурий ижро бюроси Қўрғонтепа туман бўлимига мурожаат қилиниб, мажбурий ундирув чоралари кўриш сўралган. Мажбурий ижро бюроси Қўрғонтепа туман бўлими томонидан “Суд ҳужжатлари ва бошқа органлар ҳужжатларини ижро этиш тўғрисида”ги Ўзбекистон Республикаси Қонунининг 40-моддаси 3-қисмига асосан қайтарган. Суд жараёнида маълум бўлдики, аризачи томонидан тақдим этилган 2022 йил ҳисобот давридаги қишлоқ хўжалигига мўлжалланган ерлари бўйича ер солиғи тўловчи тўғрисидаги маълумотга кўра қарздорни норматив қиймати 2 258 564 423,56 сўмга тенг бўлган 70,0 гектарлик ер майдони мавжудлиги, бундан ташқари Қўрғонтепа туман давлат ижрочиларининг 2020 йил 25 ноябрдаги мол-мулкни рўйхатга олиб хатлаш тўғрисидаги далолатномасига асосан “Миллий банк” Андижон филиали фойдасига 4 616 189 323 сўм қарз ҳисобига қарздорга тегишли умумий қиймати 8 311 742 918 сўмлик 6 камерали 2018 йилда Хитой давлатида ишлаб чиқарилган мева сабзавот қуритиш ва сақлаш ускуналари ва 7 қисмдан иборат ошқовоқ кукуни ишлаб чиқариш ускуналари тўплами хатланганлиги ҳамда “Тараққиёт ва таҳлил” масъулияти чекланган жамияти баҳолаш ташкилотининг 2021 йил 21 августдаги Мажбурий ижро бюроси Қўрғонтепа туман бўлимига йўллаган хатида 6 комплект “узумни қуритиш ускунаси”ни мажбурий сотиш баҳоси 3 854 221 668 сўмга, 1 комплект “қовоқ кукуни ишлаб чиқариш ускунаси” ни мажбурий сотиш баҳоси 2 837 501 639 сўмга баҳоланганлиги қайд этилган. Бундан кўринадики, аризачи юқорида қайд этилган ҳолатларни ўрганмасдан ҳамда мажбурий ундирув чораларини тўлиқ кўрмасдан соддалаштирилган тартибтаомилни қўллаб судга ариза билан мурожаат қилган. Ўзбекистон Республикасининг “Тўловга қобилиятсизлик тўғрисида”ги қонун(бундан буён матнда Қонун деб юритилади)нинг 43-моддасига кўра, кредиторнинг қарздорга нисбатан тўловга қобилиятсизлик тўғрисида иш қўзғатиш ҳақидаги аризасига Ўзбекистон Республикасининг Иқтисодий процессуал кодексида назарда тутилган ҳужжатлардан ташқари қарздорнинг кредитор олдидаги пул мажбуриятларини, шунингдек қарзи мавжудлигини ва унинг миқдорини тасдиқловчи ҳужжатлар, тўловга қобилиятсизликнинг соддалаштирилган тартибтаомилида ҳамда жисмоний шахснинг тўловга қобилиятсизлиги тўғрисидаги ишда суд бошқарувчисига ҳақ тўлаш харажатлари тўланганлигини тасдиқловчи ҳужжат илова қилинади. Мазкур Қонуннинг 45-моддасига асосан, давлат солиқ хизмати органининг ҳамда бошқа ваколатли органнинг қарздорга нисбатан солиқлар ва йиғимлар бўйича тўловга қобилиятсизлик тўғрисида иш қўзғатиш ҳақидаги аризаси ушбу Қонуннинг 41 ва 43-моддаларида назарда тутилган талабларга жавоб бериши керак. Қонуннинг 55-моддасига биноан, тўловга қобилиятсизлик аломатлари аниқланмаганда; суд тўловга қобилиятсизлик тўғрисидаги иш бўйича қарор қабул қилгунига қадар кредиторларнинг билдирилган талаблари қаноатлантирилганда; сохта тўловга қобилиятсизлик аниқланганда. Суднинг қарздорни банкрот деб топишни рад этиш тўғрисидаги қарори ушбу Қонунда назарда тутилган бошқа ҳолларда ҳам қабул қилиниши мумкин. – деб кўрсатиб ўтилган. Юқоридагиларга кўра, суд аризачини талабини асоссиз деб ҳисоблайди ва аризани қаноатлантиришни рад этишни лозим топади. Суд, ишни кўриб чиқиш билан боғлиқ суд харажатларини ундириш талабини муҳокама қилган ҳолда аризачининг талабини қаноатлантириш рад этилганлиги сабабли давлат божи тўловини ундирмасликни ва почта харажатини эса аризачи зиммасида қолдиришни лозим топди. Чунки, Ўзбекистон Республикаси Давлат божи тўғрисидаги Қонунининг 9моддаси 12-бандида, давлат солиқ хизмати органлари, молия ва божхона органлари — барча ишлар ҳамда ҳужжатлар бўйича, шунингдек алоҳида юритиладиган ишлар бўйича судга аризалар берганлик учун давлат божи тўлашдан озод қилинган. Бинобарин суд, Ўзбекистон Республикаси “Тўловга қобилиятсизлик тўғрисида”ги Қонунининг 43, 45, 55-моддаларини ва Иқтисодий процессуал кодексининг 118, 211, 176-179, 186-моддаларини қўллаб, ҚАРОР ҚИЛДИ: Ариза талабини қаноатлантириш рад этилсин. Дддддд томонидан 24.000 сўм почта харажати зиммасида қолдирилсин. тўланган Мазкур ҳал қилув қарори устидан қонунда белгиланган тартибда шикоят қилиш (протест келтириш) мумкин. И.Жураев