Решение #671430 Экономические

КУРГАНТЕПИНСКИЙ МЕЖРАЙОННЫЙ ЭКОНОМИЧЕСКИЙ СУД QO’RG’ONTEPA TUMANLARARO IQTISODIY SUDI 170700, Qo’rg’ontepa sh, Mustaqillik ko’chasi 50-a Тел (0-374) 723-11-49, 723-11-46 170700, г.Кургантепа, улица Мустакиллик, д. 50-а Веб-сайт: www.oliysud.uz эл.почта: i.qurgontepa@sud.uz ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ Қўрғонтепа тумани 1703-2201/2163-сонли иш Қўрғонтепа туманлараро иқтисодий суди раиси, судья Б.Давлатов раислигида, судья ёрдамчиси Б.Раимжоновнинг котиблигида, Ўзбекистон Республикаси ДДДДДДДДДДДД жавобгар - “ЖЖЖЖЖЖ” масъулияти чекланган жамиятига берилган 2022 йил 08 февралдаги серияси AN, лицензия тури F5, 0169-сонли лицензияни бекор қилиш тўғрисидаги аризаси бўйича қўзғатилган иқтисодий ишни даъвогар вакили - С.Иноятова (ишончнома асосида), жавобгар раҳбари - Б.Юлдашевлар иштирокида Қўрғонтепа туман суди биносида видеоконференцалоқа режимида ўткеазилган очиқ суд мажлисида кўриб чиқиб, қуйидагиларни АНИҚЛАДИ: Ўзбекистон Республикаси ДДДДДДДДДДДД (кейинги ўринларда “аризачи” деб юритилади) судга ариза билан мурожаат қилиб, “ЖЖЖЖЖЖ” масъулияти чекланган жамияти (кейинги ўринларда “жавобгар” деб юритилади)га берилган 2022 йил 08 февралдаги серияси AN, лицензия тури F5, 0169-сонли лицензияни бекор қилишни сўраган. Суд мажлисида иштирок қилган аризачи вакили ариза талабини қўллаб-қувватлаб, судга ариза тақдим этилганидан сўнг, ариза бериш учун сўралган ҳужжатлар аризачига жавобгар томонидан суд кунига қадар берилмаганлиги сабабли жавобгарга берилган 2022 йил 08 февралдаги серияси AN, лицензия тури F5, 0169-сонли лицензияни бекор қилишни ҳамда суд харажатларини жавобгардан ундиришни сўради. Суд мажлисида иштирок қилган жавобгар раҳбари аризачининг аризасига эътироз билдириб, айрим сабабларга кўра техник-иқтисодий ҳисоб-китоб ҳамда давлат экология экспертизасининг ижобий хулосаларини олишга имкони бўлмаганлиги сабабли, бироз муддат беришни сўради. Суд, тарафлар вакилининг тушунтиришларини тинглаб, ишдаги мавжуд ҳужжатларни ўрганиб чиқиб, қуйидагиларга асосан аризани тўлиқ қаноатлантиришни лозим топади. Иш ҳужжатларидан кўринишича, Ўзбекистон Республикаси Вазирлар Маҳкамасининг 2019 йил 1 июлдаги 546-сонли қарори (ҳаракатлар амалга оширилган пайтда амалда бўлган ҳужжат)га ва Электрон-онлайн-аукцион натижалари тўғрисидаги NR 100-066801-сонли баённомага асосан, аризачи томонидан жавобгарга 2022 йил 08 февралда Қўрғонтепа туманида жойлашган “Ханабадское (1991)” лессимон жинслар конидан фойдали қазилмаларни қазиб олиш учун ер қаъри участкасидан фойдаланиш ҳуқуқини берувчи серияси AN, лицензия тури F5, 0169-сонли лицензия расмийлаштириб берилган. Жавобгар Ўзбекистон Республикаси Вазирлар Маҳкамасининг 2019 йил 1 июлдаги 546-сонли қарори билан тасдиқланган “Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун “E-IJRO AUKSION” электрон савдо майдончасида электрон аукционни ўтказиш ҳамда ушбу участкалардан фойдаланиш ҳуқуқига лицензиялар бериш тартиби тўғрисида”ги Низомнинг 79-бандида кўзда тутилган ҳужжатларни (йириклаштирилган техник-иқтисодий ҳисоб-китоб, давлат экология экспертизасининг ваколатли органи томонидан атроф-муҳитга таъсир тўғрисидаги ариза лойиҳасига берилган ижобий хулоса) тўрт ойлик муддатда ишлаб чиқиш ва аризачига тақдим этиш мажбуриятини олган бўлса-да, бироқ жавобгар томонидан бугунги кунга қадар ҳужжатлар тўплами тақдим этилмаган. Лицензия расмийлаштирилган ер қаъридан фойдаланувчи томонидан тўрт ой ичида фойдаланиш шартларининг 1-бандида кўрсатилган ҳужжатлар тўплами аризачига топширилмаган ҳолда, расмийлаштирилган лицензия бекор қилиниши белгиланган. Ўзбекистон Республикасининг “Лицензиялаш, рухсат бериш ва хабардор қилиш тартиб-таомиллари тўғрисида”ги Қонуни 32-моддаси биринчи қисмига мувофиқ, жавобгарга аризачи томонидан берилган 2022 йил 08 февралдаги серияси AN, лицензия тури F5, 0169-сонли лицензиянинг амал қилишини 10 кунлик муддатга тўхтатиб туриш тўғрисида 2022 йил 16 сентябрда 173-сонли қарор қабул қилинган. Бироқ жавобгар томонидан қарорда кўрсатилган камчиликлар бартараф этилмаган. Ўзбекистон Республикасининг Вазирлар Маҳкамасининг 2022 йил 25 мартдаги 133-сонли қарори билан тасдиқланган низомнинг 14-бандига мувофиқ, ер қаъридан фойдаланиш рухсатномада назарда тутилган ер қаъри участкаларидан фойдаланиш шартларига мувофиқ амалга оширилиши белгиланган. Мазкур Низомнинг 32-бандига мувофиқ, ер қаъри участкасидан фойдаланиш ҳуқуқига онлайн-аукцион натижалари бўйича рухсатнома расмийлаштирилган ер қаъридан фойдаланувчи томонидан 4 ой ичида тегишли ер қаъри участкаси бўйича қуйидаги ҳужжатлар тўплами Давлат геология қўмитасига “Лицензия” ахборот тизими ёки ЯИДХП орқали йириклаштирилган техник-иқтисодий ҳисоб-китоблар ва Давлат экология қўмитаси томонидан атроф муҳитга таъсир кўрсатиши тўғрисидаги ариза лойиҳасига берилган ижобий давлат экологик экспертиза хулосаси тақдим этилиши белгиланган. Низомнинг 33-бандида, рухсатнома расмийлаштирилган ер қаъридан фойдаланувчи томонидан 4 ой ичида ушбу Низомнинг 32-бандида, кўрсатилган ҳужжатлар тўплами Давлат геология қўмитасига топширилмаган тақдирда расмийлаштирилган рухсатнома ушбу низомнинг 57-бандига мувофиқ муддатидан олдин бекор қилинади. Ўзбекистон Республикасининг “Лицензиялаш, рухсат бериш ва хабардор қилиш тартиб-таомиллари тўғрисида”ги Қонуни 33-моддаси биринчи қисмининг еттинчи хатбошисида, лицензиат ёки рухсат этиш хусусиятига эга ҳужжатни олган шахс лицензиянинг ёки рухсат этиш хусусиятига эга ҳужжатнинг амал қилишини тўхтатиб туришига олиб келган ҳолатларни ваколатли орган ёки суд белгилаган муддатда бартараф этмаганда, лицензия ёки рухсат этиш хусусиятига эга ҳужжат бекор қилинади деб белгиланган. Шунингдек, ИПКнинг 217-моддаси биринчи қисмининг еттинчи хатбошисида, тадбиркорлик фаолиятининг айрим турлари билан шуғулланиш учун лицензияларнинг (рухсатномаларнинг) амал қилишини ўн иш кунидан кўп бўлган муддатга тўхтатиб туриш ёки уларнинг амал қилишини тугатиш ва лицензияларни (рухсатномаларни) бекор қилиш бўйича ҳуқуқий таъсир чораларини қўллаш назарда тутилган. ИПКнинг 68-моддаси иккинчи қисмига кўра, юридик шахслар ва фуқароларга нисбатан ҳуқуқий таъсир чораларини қўллаш (бундан буён матнда ҳуқуқий таъсир чоралари деб юритилади) тўғрисидаги ишлар кўриб чиқилаётганда ҳуқуқий таъсир чораларини қўллаш учун асос бўлган ҳолатларни исботлаш мажбурияти назорат қилувчи орган зиммасига юклатилади. Шунингдек, Ўзбекистон Республикасининг “Давлат божи тўғрисида”ги Қонуни 9-моддаси биринчи қисми 19-бандига кўра, аризачи ва жавобгар - ҳуқуқий таъсир чораларини қўллаш тўғрисидаги ишлар бўйича давлат божини тўлашдан озод қилинган. Бундай ҳолатда, суд, аризани қаноатлантиришни, жавобгар - “ЖЖЖЖЖЖ” масъулияти чекланган жамиятига Ўзбекистон Республикаси ДДДДДДДДДДДД томонидан берилган фойдали қазилмаларни қазиб олиш ҳуқуқини берувчи 2022 йил 08 февралдаги серияси AN, лицензия тури F5, 0169-сонли лицензияни бекор қилишни, суд харажатлари масаласини муҳокама қилиб, жавобгар - “ЖЖЖЖЖЖ” масъулияти чекланган жамиятидан Ўзбекистон Республикаси ДДДДДДДДДДДД фойдасига олдиндан тўланган 24.000 сўм почта харажати ҳамда Ўзбекистон Республикаси Олий суд депозитига 75 000 сўм видеоконференцалоқа харажати ундиришни лозим топади. Юқоридагиларга кўра, Ўзбекистон Республикасининг Иқтисодий процессуал кодекси 68, 118, 176-179, 188, 217, 222-моддаларини қўллаб, суд ҚАРОР ҚИЛАДИ: Ариза қаноатлантирилсин. Жавобгар - “ЖЖЖЖЖЖ” масъулияти чекланган жамиятига Ўзбекистон Республикаси ДДДДДДДДДДДД томонидан берилган фойдали қазилмаларни қазиб олиш ҳуқуқини берувчи 2022 йил 08 февралдаги серияси AN, лицензия тури F5, 0169-сонли лицензия бекор қилинсин. Жавобгар - “ЖЖЖЖЖЖ” масъулияти чекланган жамияти ҳисобидан аризачи Ўзбекистон Республикаси ДДДДДДДДДДДД фойдасига олдиндан тўланган 24.000 сўм почта харажати ундирилсин. Жавобгар - “ЖЖЖЖЖЖ” масъулияти чекланган жамияти ҳисобидан Ўзбекистон Республикаси Олий суди депозитига ишни кўриш билан боғлиқ 75.000 сўм видеоконференцалоқа харажати ундирилсин. Ҳал қилув қарори қонуний кучга киргач ижро варақалари берилсин. Мазкур ҳал қилув қарори устидан у қабул қилинган кундан бошлаб қонунда белгиланган тартибда ўн кунлик муддат ичида тарафлар шу суд орқали Андижон вилоят судининг иқтисодий ишлар бўйича судлов ҳайъатига апелляция тартибида шикоят бериш (протест киритиш)га ҳақли. Раислик қилувчи Б.Сатвалдиев