Решение #681666 Экономические

O‘ZBEKISTON RESPUBLIKASI TOSHKENT VILOYATI YUQORICHIRCHIQ TUMANLARARO IQTISODIY SUDI Yangibozor sh.,Mustaqillik ko’chasi 77-uy e-mail: i.yuqorichirchiq@sud.uz РЕСПУБЛИКА УЗБЕКИСТАН ЮКОРИЧИРЧИКСКИЙ МЕЖРАЙОННЫЙ ЭКОНОМИЧЕСКИЙ СУД ТАШКЕНТСКОЙ ОБЛАСТИ г. Янгибазар, улица Мустакиллик, дом 77 e-mail: i.yuqorichirchiq@sud.uz Тел: 0-(370 ) 983-30-14, факс: 0-(370 ) 983-30-16 ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ 2022 йил 27 декабрь 4-1105-2202/2594-сонли иш Юқоричирчиқ туманлараро иқтисодий суди судья З.М.Эшмирзаев раислигида, судья ёрдамчиси Б.С.Насиров котиблигида, аризачи вакили аризачи вакили А.Аъзамов (2022 йил 14 майдаги 23-04996-сонли ишончнома билан) иштирокида, аризачи Юқоричирчиқ туман давлат солиқ инспекциясининг жавобгар “BIG LIDER LOGISTICS” МЧЖнинг банкдаги ҳисобварақлар бўйича операцияларни ўн кундан кўп муддатга тўхтатиб туриш тўғрисидаги аризаси бўйича қўзғатилган иқтисодий ишни суднинг маъмурий биносида очиқ суд мажлисида кўриб чиқиб, қуйидагиларни А Н И Қ Л А Д И: Аризада баён этилишича, солиқ тўловчи сифатида рўйхатдан ўтган “BIG LIDER LOGISTICS” МЧЖ Юқоричирчиқ туман давлат солиқ инспекциясининг ҳужжатларни тақдим этиш тўғрисидаги сўровномасига асосан камерал солиқ текшируви натижалари бўйича талабномаси бўйича тушунтириш ва тузатишга оид ҳужжатларни тақдим қилмаган. Аризачи Юқоричирчиқ туман давлат солиқ инспекцияси (бундан буён матнда Юқоричирчиқ туман давлат солиқ инспекцияси деб юритилади) Юқоричирчиқ туманлараро иқтисодий судига ариза билан мурожаат қилиб, жавобгар “BIG LIDER LOGISTICS” МЧЖнинг банклардаги ҳисобварақлар бўйича операцияларини ўн кундан кўп муддатга тўхтатишни сўраган. Жавобгар суд мажлиси вақти ва жойи тўғрисида тегишли тарзда хабардор қилинган бўлсада суд мажлисига келмади. Суд Ўзбекистон Республикаси Иқтисодий процессуал кодексининг (бундан буён матнда ИПК деб юритилади) 128, 220-моддасига асосан ишни жавобгар “BIG LIDER LOGISTICS” МЧЖ вакили иштирокисиз кўришни лозим топди. Суд мажлисида аризачи вакили “BIG LIDER LOGISTICS” МЧЖ жавобгар томонидан камчилик бартараф этилганлигини маълум қилиб, тегишли қарор қабул қилишни судга ҳавола қилди. қаноатлантиришни рад этишни лозим топди: Ўзбекистон Республикаси Солиқ кодексининг (бундан буён матнда СК деб юритилади) 138-моддасига кўра, камерал солиқ текшируви солиқ тўловчи (солиқ агенти) томонидан тақдим этилган солиқ ҳисоботини, молиявий ҳисоботни, шунингдек солиқ тўловчининг фаолияти тўғрисида солиқ органида мавжуд бўлган бошқа ҳужжатлар ҳамда маълумотларни таҳлил қилиш асосида солиқ органи томонидан ўтказилади. Камерал солиқ текшируви жараёнида солиқ органи солиқ тўловчидан (солиқ агентидан, учинчи шахсдан) ҳисобга олиш ҳужжатларини, тақдим этилган солиқ ҳисоботига ва ҳисобга олиш ҳужжатларига доир тушунтиришларни, шунингдек солиқ ҳамда йиғимларни ҳисоблаб чиқариш ва тўлаш билан боғлиқ бошқа ахборотни ушбу Кодексда назарда тутилган тартибда сўраб олиши мумкин. Сўралган ҳужжатлар ва тушунтиришлар солиқ органига тегишли сўров олинган кундан эътиборан беш кун ичида тақдим этилиши керак. Иш ҳужжатларидан кўринишича, аризачининг камерал солиқ текшируви натижаси бўйича талабномасига жавобгар томонидан тушунтириш ва тузатишларга оид ҳужжатлар белгиланган муддатда тақдим этилмаган. Шу сабабли Юқоричирчиқ туман давлат солиқ инспекцияси “BIG LIDER LOGISTICS” МЧЖнинг банклардаги ҳисобварақлари бўйича операцияларини тўхтатиб туриш тўғрисида қарор қабул қилган. Мазкур ҳолат юзасидан жавобгарнинг шахсий кабинетига электрон шаклда тижорат банкларидаги ҳисобварақлар бўйича операциялар тўхтатилгандан кейин 10 кунда аниқланган камчиликлар бартараф этилиши таъминланмаса, суд тартибида тўхтатиб турилиши маълум қилинган хабарнома юборилган. Бироқ, жавобгар томонидан хабарнома жавобсиз қолдирилган. СК 111-моддасининг биринчи қисмига кўра, солиқ тўловчининг (солиқ агентининг) банкдаги ҳисобварақлари бўйича операцияларни тўхтатиб туриш тўғрисидаги қарор солиқ органининг раҳбари (раҳбар ўринбосари) томонидан ўн кундан кўп бўлмаган муддатга қабул қилиниши мумкин. Солиқ тўловчининг (солиқ агентининг) банкдаги ҳисобварақлари бўйича операцияларни ўн кундан кўп муддатга тўхтатиб туриш тўғрисидаги қарор солиқ органининг илтимосномасига асосан суд томонидан қабул қилиниши мумкин. Бунда солиқ тўловчининг (солиқ агентининг) банк ҳисобварақлари бўйича операциялари суд томонидан қарор қабул қилингунга қадар тўхтатиб турилади. СК 111-моддасининг учинчи қисмига кўра, юридик шахслар ва якка тартибдаги тадбиркорларнинг банкдаги ҳисобварақлари бўйича операцияларни тўхтатиб туриш солиқ органи томонидан мазкур солиқ тўловчиларнинг (солиқ агентларининг) солиқ мажбуриятлари томонидан солиқ органининг камерал солиқ текшируви натижалари бўйича талабномасига тушунтиришлар ва (ёки) тузатишлар белгиланган муддатда тақдим этилмаганда, шунингдек солиқ тўловчи томонидан солиқ органи талаб қилган ҳужжатлар тақдим этилмаганда қўлланилиши мумкин. ИПК 221-моддасининг иккинчи қисмига мувофиқ суд ҳуқуқий таъсир чорасини қўллаш тўғрисидаги иш кўриб чиқилаётганда ҳуқуқий таъсир чорасини қўллаш учун асослар бор-йўқлигини аниқлайди. Суд жавобгар томонидан камерал солиқ текшируви натижалари бўйича талабномаси бўйича тушунтириш ва тузатишга оид ҳужжатларни тақдим қилмаганлиги сабабли аризачининг ариза талабини асосли деб ҳисоблайди, бироқ суд мажлисида аризачи вакили тақдим этган маълумотдан кўринишича, судга мурожаат этилгандан сўнг жавобгар камчиликни бартараф этган. Юқоридагиларга асосланиб, суд аризачининг аризасини қаноатлантиришни рад этишни ҳамда “Давлат божи тўғрисида”ги Ўзбекистон Республикаси Қонуни 9-моддаси биринчи қисмининг 19-бандига кўра аризачи ва жавобгар ҳуқуқий таъсир чораларини қўллаш тўғрисидаги ишлар бўйича давлат божи тўлашдан озод қилинганлигини ҳамда ариза судга электрон шаклда тақдим қилинганда почта харажат ундирилмаслигини инобатга олиб, давлат божи ва почта харажати ундирмасликни лозим топди. Юқоридаги баён этилган ҳолатларга кўра, Ўзбекистон Республикаси Иқтисодий процессуал кодексининг 128, 176-179, 215-222-моддаларини қўллаб, суд қ а р о р қ и л д и: Юқоричирчиқ туман давлат солиқ инспекциясининг аризасини қаноатлантириш рад этилсин. Ҳал қилув қарори ўн кунлик муддат ўтгандан сўнг қонуний кучга киради. Мазкур ҳал қилув қарори устидан 10 (ўн) кунлик муддат ичида апелляция тартибида шикоят қилиш (прокурор ишда иштирок этувчи шахснинг мурожаати бўлган тақдирда протест келтириши) мумкин. Раислик қилувчи, судья З.Эшмирзаев