Решение #683623 Экономические

DO‘STLIK TUMANLARARO IQTISODIY SUDI DUSTLIK INTERDISTRICT ECONOMIC COURT 131500, Do‘stlik shahri, A.Navoiy MFY 131500, Dustlik city, MFY А.Navoi Тel: 0 (372) 335-43-40 Fax: 0 (372) 335-43-40 E-mail: i.dustlik@sud.uz Ўзбекистон Республикаси номидан ҲАЛ ҚИЛУВ ҚАРОРИ 2022 йил 26 декабрь Дўстлик шаҳри 4-1304-2202/3329-сонли иш Судья О.Эргашев, аризачи Арнасой туман Давлат солиқ инспекциясининг жавобгар DJIZAKH SUPER GROUP масъулияти чекланган жамиятининг банкдаги ҳисобварақлари бўйича операцияларни тўхтатиб туриш тўғрисидаги аризаси бўйича ишни судья ёрдамчиси А.Исожоновнинг котиблигида, аризачи вакили Қ.Бастамов (ишончномага асосан)нинг иштирокида, жавобгар вакили иштирокисиз, Дўстлик туманлараро иқтисодий суди биносида очиқ суд мажлисида кўриб чиқиб, қуйидагиларни Арнасой туман Давлат солиқ инспекцияси судга ариза билан мурожаат қилиб, жавобгар DJIZAKH SUPER GROUP масъулияти чекланган жамиятининг банкдаги ҳисобварақлари бўйича операцияларни жавобгар томонидан солиқ инспекциясининг 07.12.2022 йилдаги 1518849-сонли хабарномасида кўрсатилган мажбуриятларни, ўзи кўрсатган манзили тўғрисида аниқ маълумот тақдим этгунига қадар тўхтатиб туришни сўраган. Суд мажлисида иштирок этган аризачи вакили Қ.Бастамов кўрсатма бериб, солиқ инспекциясининг хабарномасида кўрсатилган мажбуриятларни бажарганлиги, жавобгар ўзи кўрсатган манзилда аниқланганлиги, ушбу ҳолат юзасидан далолатнома расмийлаштирилганлигини билдириб, аризани қонуний кўриб чиқишни сўради. Суд муҳокамасининг вақти ва жойи тўғрисида тегишли тартибда хабардор қилинган жавобгар суд мажлисида вакил иштирокини таъминламади. Суд, Ўзбекистон Республикаси Иқтисодий процессуал кодексининг 220-моддасига асосан, ишни жавобгар вакилининг иштирокисиз, тўпланган ҳужжатлар асосида кўриб чиқишни лозим деб топди. Суд, иш ҳужжатларини ўрганиб, аризачи вакилининг тушунтиришларини тинглаб, қуйидаги асосларга кўра аризани қаноатлантиришни рад қилишни лозим деб топди. Ишдаги ҳужжатлар ва суд муҳокамасида аниқланишича, DJIZAKH SUPER GROUP масъулияти чекланган жамияти томонидан Арнасой туман Давлат солиқ инспекциясининг 07.12.2022 йилдаги 1518849-сонли хабарномасида кўрсатилган мажбуриятларни бажармаганлигии ўзи кўрсатган манзили тўғрисида аниқ маълумот тақдим этмаганлиги аниқланган. Шу сабабли, Арнасой туман Давлат солиқ инспекцияси қарори билан жавобгарнинг банклардаги ҳисобварақлари бўйича барча чиқим операциялари 10 кун муддатга тўхтатилган ҳамда банкдаги ҳисобварақлари бўйича операцияларни тўхтатиб туриш тўғрисида жавобгарнинг шахсий кабинетига хабарнома, қарор эса ижро этишлик учун хизмат кўрсатувчи банкка юборилган. Аризачи судга солиқ тўловчининг банклардаги ҳисобварақлари бўйича операцияларини тўхтатиб туриш тўғрисида ариза билан мурожаат қилган. Мазкур Кодекснинг 111-моддасида солиқ тўловчининг (солиқ агентининг) банкдаги ҳисобварақлари бўйича операцияларни тўхтатиб туриш тўғрисидаги қарор солиқ органининг раҳбари (раҳбар ўринбосари) томонидан ўн кундан кўп бўлмаган муддатга қабул қилиниши мумкинлиги, солиқ тўловчининг (солиқ агентининг) банкдаги ҳисобварақлари бўйича операцияларни ўн кундан кўп муддатга тўхтатиб туриш тўғрисидаги қарор солиқ органининг илтимосномасига асосан суд томонидан қабул қилиниши мумкинлиги, бунда солиқ тўловчининг (солиқ агентининг) банк ҳисобварақлари бўйича операциялари суд томонидан қарор қабул қилингунга қадар тўхтатиб турилиши белгиланган. Бироқ, аризачи томонидан судга тақдим қилинган маълумотномадан кўринишича жавобгар Арнасой туман Давлат солиқ инспекциясининг 07.12.2022 йилдаги 1518849-сонли хабарномасида кўрсатилган мажбуриятларни бажарганлиги, жавобгар ўзи кўрсатган манзилда мавжудлиги аниқланган. Жавобгар томонидан қайд этилган камчиликлар бартараф этилганлигини инобатга олиб, суд аризани қаноатлантиришни рад қилишни, ҳуқуқий таъсир чораларини қўллаш тўғрисидаги ишлар бўйича аризачи ва жавобгар давлат божи тўлашдан озод этилганлигини инобатга олиб, давлат божи ундирмасликни, олдиндиан тўланган почта харажатини жавобгар зиммасига юклашни лозим деб ҳисоблайди. Юқоридагилардан келиб чиқиб ва Ўзбекистон Республикаси Солиқ кодексининг 111, 273-моддаси, Ўзбекистон Республикаси Иқтисодий процессуал кодексининг 118, 176-179, 220, 220, 222-моддаларини қўллаб, суд қ а р о р қ и л д и: Ариза талаби қаноатлантириш рад қилинсин. Жавобгар DJIZAKH SUPER GROUP масъулияти чекланган жамиятидан аризачи Арнасой туман Давлат солиқ инспекцияси фойдасига олдиндан ихтиёрий тўланган 24.000 сўм почта ҳаражати ундирилсин. Ҳал қилув қарори қабул қилинган кундан бошлаб ўн кун ўтгач қонуний кучга киради. Ҳал қилув қарори қонуний кучга кирганидан кейин ижро варақалари берилсин. Ҳал қилув қароридан норози тараф ўн кун муддат ичида Жиззах вилоят судига апелляция тартибида шикоят бериши, прокурор протест келтириши мумкин. Судья О.Эргашев