Решение #685375 Экономические

TERMIZ TUMANLARARO IQTISODIY SUDI TERMIZ INTER-DISTRICT ECONOMIC COURT 190111, Termiz shahri, Istiqlol ko’chasi, 67 190111, Termiz, Istiqlol street, 67 Тел: (+99876) 227-29-72, Fax (+99876) 227-29-25 e-mail: i.termiz@sud.uz ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ 2201/4396-сонли иш 2022 йил 23 декабрь 4-1901- Термиз туманлараро иқтисодий суди судьяси Д.Жумаев раислигида, Т.Музраповнинг котиблигида, аризачи – Йирик солиқ тўловчилар бўйича ҳудудларраро давлат солиқ инспекциясининг жавобгар – “AMUDAR TEXTILE” МЧЖ ҚКга нисбатан молиявий жарима қўллаш тўғрисидаги аризаси бўйича иқтисодий ишни Термиз туманлараро иқтисодий суди биносида, очиқ суд мажлисида кўриб чиқиб, қуйидагиларни а н и қ л а д и: Аризачи – Йирик солиқ тўловчилар бўйича ҳудудларраро давлат солиқ инспекцияси (бундан буён матнда аризачи деб юритилади) иқтисодий судга ариза билан мурожаат қилиб, жавобгар – “AMUDAR TEXTILE” МЧЖ ҚКга (бундан буён матнда жавобгар деб юритилади) 11975946 сўм молиявий жарима қўллашни сўраган. Ишни кўриш вақти ва жойи ҳақида белгиланган тартибда хабардор қилинган аризачи ва жавобгар суд мажлисига келмаган ва сабабини маълум қилмаган. Аризачи ишни ўзининг иштирокисиз кўриб чиқишни сўраган. Суд, Ўзбекистон Республикаси Иқтисодий процессуал кодексииннг (бундан буён матнда ИПК деб юритилади) 170моддасига асосан ишни уларнинг иштирокисиз кўришни лозим топди. Суд, ишда тўпланган ҳужжатларни атрофлича ўрганиб чиқиб, уларга ҳуқуқий баҳо бериб, қуйидагиларга кўра, арз қилинган талабни қаноатлантиришни лозим топади. Иш ҳужжатларидан кўринишича, аризачига Ўзбекистон Республкаси Марказий банки томонидан тақдим этилган маълумотга кўра, жавобгар билан Швейцария давлатининг RIETER MACHINE WORKS LTD/ MASCHINENFABRIK RIETER AG субъекти ўртасида имзоланган ИДН: 200547792207115225220200002-сонли импорт контракти бўйича 05.07.2022 йил ҳолатига 21909,71 АҚШ доллари миқдорида аниқланган. Таҳлил натижаси юзасидан аризачи томонидан жавобгарга молиявий жаримани ихтиёрий тўлаб бериш учун талабнома юборилган бўлсада, тўлов ихтиёрий тўланмаганлиги натижасида аризачи судга мурожаат қилган. Ўзбекистон Республикаси “Валютани тартибга солиш тўғрисида”ги Қонунининг 111-бандига мувофиқ, норезидентга тўлов ёки экспорт амалга оширилган санадан эътиборан бир юз саксон кун ўтганидан кейин кўпи билан қирқ беш кунда (кичик тадбиркорлик субъектлари учун тўқсон кунда) ташқи савдо операциялари бўйича активларни репатриация қилишни таъминламаган резидентлар республика бюджети даромадига: активларни репатриация қилиш норезидентга тўлов ёки экспорт амалга оширилган санадан эътиборан уч юз олтмиш кунгача кечикканда — репатриация қилинмаган активлар суммасининг 5 фоизига тенг миқдорда; активларни репатриация қилиш норезидентга тўлов ёки экспорт амалга оширилган санадан эътиборан уч юз олтмиш кундан беш юз қирқ беш кунгача кечикканда — репатриация қилинмаган активлар суммасининг 10 фоизига тенг миқдорда қўшимча равишда; активларни репатриация қилиш норезидентга тўлов ёки экспорт амалга оширилган санадан эътиборан беш юз қирқ беш кун ва ундан ортиқ муддатга кечикканда — репатриация қилинмаган активлар суммасининг 35 фоизига тенг миқдорда қўшимча равишда жарима тўлайди. Бироқ, жавобгар низо судда кўрилган кунга қадар дебитор қарздорликни бартараф этмаган. Мазкур ҳолатда, суд, аризачининг аризасини қаноатлантиришни лозим топади. Ўзбекистон Республикаси “Давлат божи тўғрисида”ги қонуни 9-моддаси биринчи қисмининг 19-бандида аризачи ва жавобгар - ҳуқуқий таъсир чораларини қўллаш тўғрисидаги ишлар бўйича иқтисодий судларда давлат божини тўлашдан озод қилинганлиги сабабли суд, тарафлардан давлат божи тўловини ундирмасликни лозим топади. Суд, ИПКнинг 118-моддасига асосан почта харажатларини жавобгар зиммасига юклашни лозим топади. Юқоридагиларга асосан, Ўзбекистон Республикаси Иқтисодий процессуал кодексининг 176-179, 186-моддаларини қўллаб, суд қарор қ и л а д и: Аризачи Йирик солиқ тўловчилар бўйича ҳудудларраро давлат солиқ инспекциясининг аризаси қаноатлантилсин. Жавобгар “AMUDAR TEXTILE” МЧЖ ҚКга нисбатан 11975946 сўм миқдорида молиявий жарима қўлланилсин. Молиявий жаримани ундириш аризачи зиммасига юклансин. Аризачи Йирик солиқ тўловчилар бўйича ҳудудларраро давлат солиқ инспекциясига жавобгар “AMUDAR TEXTILE” МЧЖ ҚКдан 24000 сўм почта харажати ундирилсин. Ҳал қилув қароридан норози тарафлар қарор қабул қилинган кундан эътиборан ўн кун ичида ушбу суд орқали апелляция тартибида шикоят (протест) беришлари мумкин. Д.Жумаев