Решение #698743 Экономические

2022-жыл 1-октябрь күнги еки тәреплеме салыстырыў дәлалатнамасы менен тастыйқланады. Өзбекстан Республикасы Пуқаралық кодексиниң 236-статьясына муўапық миннетлемелер миннетлеме шәртлерине ҳәм нызам ҳүжжетлери талапларына муўапық лазым дәрежеде орынланыўы керек. Сондай-ақ, усы кодекстиң 468-статьясына муўапық, энергия тәмийнаты шәртнамасына муўапық энергия менен тәмийнлеўши шөлкем тутастырылған тармақ арқалы абонентке (тутыныўшыға) энергия берип турыў миннетлемесин алады, абонент болса қабыл етилген энергия ҳақын төлеў, сондай-ақ шәртнамада нәзерде тутылған энергиядан пайдаланыў тәртибине әмел қылыў, қарамағындағы энергетика шақапшаларынан пайдаланыў қәўипсизлигин ҳәм де өзи пайдаланатуғын энергия пайдаланыўшы әспаб ҳәм үскенелердиң сазлығын тәмийнлеў миннетлемесин алады. Ал, усы кодекстиң 474-статьясына муўапық, егер нызам ҳүжжетлеринде яки энергия менен тәмийнлеў шәртнамасында басқаша тәртип нәзерде тутылған болмаса, энергия ҳақы абонент әмелде қабыл қылған энергия муғдары ушын төленеди, деп көрсетилген. Тәреплер ортасындағы электр тәмийнаты шәртнамасының 3.1-бәнтине тийкар, энергия ушын есап-китаплар қатламластырылған, бир ставкалы яки өсип барыўшы коэффициентли тарифлер тийкарында әмелге асырылады, деп көрсетилген. Өзбекстан Республикасы Экономикалық процессуал кодекси (кейинги орынларда - ЭПК деп жүритиледи)ниң 149-статьясының бесинши бөлимине тийкар, даўагер өз-ара байланыслы болған бир неше талапты бир даўа арзада бериўге ҳақлы. Даўагер тәрепинен даўа талабында пеня өндириў ҳаққында талап қойылмаған. Есапланған пеня болса қарыз суммасы болып есапланбайды. Сонлықтан, даўаның талабы 12.122.192,45 сўмға тийкарлы болып есапланады. Өзбекстан Республикасы Экономикалық процессуал кодексиниң 118-статьясының биринши бөлимине муўапық суд қәрежетлери исте қатнасыўшы шахслардың қанаатландырылған даўа талаплары муғдарына сәйкес рәўиште олардың мойнына жүкленеди. Усы статьяның екинши бөлимине муўапық шешиӯши қарары өз пайдасына шығарылған тәрепке ис бойынша қылынған барлық суд қәрежетлери басқа тәреп мәмлекетлик бажы төлеўден азат етилген болса да усы басқа тәреп есабынан қапланады деп көрсетилген. Исти көриў нәтийжеси менен суд даўа арзаны қысман қанаатландырыўды, жуўапкерден даўагер пайдасына 12.122.192,45 сум қарыз ҳәм төленген 24.000 сум почта қәрежетин, жуўапкерден Республика бюджетине пайдасына 242.443,8 сум мәмлекетлик бажы өндириўди, даӯагерден тийкарсыз сораған 2.306.688,72 сум ушын 57.556 сум бажы өндириӯди лазым тапты. Жоқарыдағыларға тийкарланып ҳәмде Өзбекстан Республикасы Экономикалық процессуал кодексиниң 118, 176-179-статьяларын басшылыққа алып, суд Қ А Р А Р Е Т Т И: Даўа арза қысман қанаатландырылсын. Жуўапкер «ХХХ» ЖШЖтинен "ХХХ" акционерлик жәмийетиниң пайдасына 12.122.192,45 сум қарыз ҳәм төленген 24.000 сум почта қәрежети өндирилсин. Жуўапкер «ХХХ» ЖШЖтинен Республика бюджетине 242.443,8 сум мәмлекетлик бажы өндирилсин. "ХХХ" акционерлик жәмийетинен Республика бюджетине 57.556 сум мәмлекетлик бажы өндирилсин. Шешиӯши қарар бир айдан кейин нызамлы күшине киреди ҳәм шешиӯши қарарына наразы тәреп усы қарар қабыл етилген күннен баслап бир ай ишинде усы суд арқалы Қарақалпақстан Республикасы судына апелляциялық тәртибинде арза бериўге, прокурор протест келтириўге ҳақылы. Судья Н.Балтабаева