Решение #71204 Уголовные

1-1006-2505/438-сонли 2025 йил май ойининг “01” куни, Тошкент шаҳар жиноят ишлари бўйича Чилонзор туман суди, ўз биносида, очиқ суд мажлисида, Zoom иловаси орқали, раислик қилувчи, судья А.А.Мухиддинов, судья ёрдамчиси C.Азимовнинг котиблигида, тарафлардан: давлат айбловчиси - Чилонзор туман прокурори катта ёрдамчиси Н.Рустамов, судланувчи Ж.Олимов ва унинг ҳимоячиси адвокат А.Магдиев, жабрланувчи И.Мейлидиёроваларнинг иштирокида, Олимов Жавоҳир Ниғматжон ўғлига оид жиноят ишини кўриб чиқди. Иш ҳужжатларига кўра: Олимов Жавоҳир Ниғматжон ўғли (OLIMOV JAVOHIR NIG’MATJON O’G’LI) 2004 йил 15 январь куни Тошкент шаҳрида туғилган, миллати ўзбек, Ўзбекистон фуқароси, маълумоти ўрта, бўйдоқ, ишсиз, муқаддам: 1) Тошкент шаҳар жиноят ишлари бўйича Шайхонтоҳур туман судининг 2023 йил 8 майдаги ажримига кўра, Ўзбекистон Республикаси ЖКнинг 168-моддаси 1-қисми билан қўзғатилган жиноят иши ЖКнинг 661-моддасига асосан тугатилган; 2) Тошкент шаҳар жиноят ишлари бўйича Учтепа туман судининг 2023 йил 24 октябрдаги ҳукмига кўра, Ўзбекистон Республикаси ЖКнинг 169-моддаси 2-қисми “б,в,г” бандлари билан 4 йил муддатга озодликдан маҳрум қилиш жазоси тайинланган, Тошкент вилояти жиноят ишлари бўйича Оҳангарон шаҳар судининг 2024 йил 06 декабрдаги ажримига кўра, ЖКнинг 73-моддаси 3-қисми “а” бандига асосан 2 йил 5 ой 21 кун озодликдан маҳрум қилиш жазосидан муддатидан илгари шартли равишда озод қилинган, Тошкент шаҳар, Шайхонтоҳур тумани, Қизил Шарқ кўчаси, 112-уйда яшовчи, иш бўйича “гаров” эҳтиёт чораси қўлланилган, Тошкент шаҳар жиноят ишлари бўйича Чилонзор туман судининг 2025 йил 21 апрелдаги ажримига кўра, “қамоққа олиш” тарзидаги эҳтиёт чораси ҳам қўлланилган, 2025 йил 20 апрелдан буён 1 қамоқда сақланаётган, айблов хулосаси нусхасини ўз вақтида олган, Ўзбекистон Республикаси ЖКнинг 169-моддаси 3-қисми “а” банди билан айбланган. Суд, судланувчи ва жабрланувчининг кўрсатувларини тинглаб, жиноят иши ҳужжатларини ўрганиб чиқиб ҳамда ишда мавжуд бўлган далилларга баҳо бериб, қуйидагиларни бўла туриб, ўзганинг мулкини яширин равишда талон-торож қилиш мақсадида 2025 йил 08 февраль куни соат 06:00ларда Чилонзор туманида ўзига тегишли давлат рақам белгиси 01Р923WC бўлган “Gentra” русумли автомашинасида йўловчи ташиш фаолияти билан шуғулланиб юрган вақтида автомашинасига йўловчи сифатида чиққан фуқаро Мейлидиёрова Ирода Отабековнанинг ухлаб қолганидан фойдаланиб, унинг сумкасида бўлган 1.000 АҚШ доллари (12.969.840 сўм)ни ўғирлаб, пул маблағларини ўз эҳтиёжига сарфлаб юборган. Судланувчи Ж.Олимов суд мажлисида айбига тўлиқ иқрор бўлиб, ўзига тегишли давлат рақам белгиси 01Р923WC бўлган “Gentra” русумли автомашинасида 2025 йилнинг январь ойидан бери “Яндекс” иловаси орқали йўловчи ташиш фаолияти билан шуғуллангани, 2025 йил 08 февраль куни соат 05:10ларда унга “яндекс” иловаси орқали буюртма келиб тушганлигини, у ушбу буюртмани қабул қилганлигини ва Чилонзор тумани 24-мавзега борганлигини, у ерга борган вақтида, унга нотаниш бўлган бир аёл киши борлигини кўрганлигини, у унинг олдига бориб тўхтаганлигини, Ирода Мейлидиёрова эканлигини билгани, сўнг И.Мейлидиёрова уни автомашинасига ўтирганлигини ва ўртоғига қўнғироқ қилиб уйнинг калитини сўраганлигини, сўнг у И.Мейлидиёровани дугонаси ташлаб берган жойлашувга олиб борганлигини, сўнг И.Мейлидиёрова дугонаси билан кўришганлигини ва дугонасининг автомашинасини орқасидан Чилонзор тумани 24-мавзега борганлигини, сўнг И.Мейлидиёрова уйни калитини олмаганидан сўнг унга И.Мейлидиёрова “меҳмонхонага олиб боринг” деб айтганлигини, сўнг йўлда келаётган вақтида И.Мейлидиёрова унга боши оғриётганлигини айтганлигини, у Чилонзор туманида жойлашган дорихонадан “Кюпен” номли дори воситасини олиб, И.Мейлидиёровага олиб келиб берганлигини, И.Мейлидиёрова ушбу дориларнинг 3 донасини биттада ичиб юборганлигини, сўнг у бироз ухлаб қолганлигини, у И.Мейлидиёровани автомашинада Чилонзор тумани бўйлаб айлантириб юрганлигини, сўнг у И.Мейлидиёрованинг ёнида турган сумкасига кўзи тушганлигини, автомашинани бир четга тўхтатиб, унга тегишли бўлган сумкасининг ичида пул маблағлари борлигини 2 кўрганлигини, унга пул маблағлари керак бўлиб қолганлиги учун у И.Мейлидиёровага тегишли бўлган 1.000 АҚШ долларини яширин равишда ўғирлаб олганлигини, сўнг у автомашинада ҳаракатни давом эттириб, И.Мейлидиёровани Чилонзор тумани “Ҳосилот” меҳмонхонасининг олдига олиб келганлигини, сўнг унга И.Мейлидиёрова йўл ҳақи учун 100.000 сўм миқдоридаги пул маблағини берганлигини, ундан пул маблағини олиб бошқа мижознинг буюртмасини қабул қилганлигини, орадан бироз вақт ўтгандан сўнг унга номаълум бўлган телефон рақамидан И.Мейлидиёрова қўнғироқ қилиб сўраганида, унга пул маблағини олмаганини айтганлигини, сўнг у И.Мейлидиёровага кўришиб олайлик деб айтмоқчи бўлганлигини, бироқ И.Мейлидиёрованинг телефон рақамини тополмаганлигини, у шундан сўнг ўз ишларини қилиб юрган вақтида ИИБ ходимлари қўнғироқ қилиб пул маблағини ўғирлаб олганини ва уни ИИБга келишини айтишганлигини ва у шундан сўнг ИИБга келганлигини, ҳолат юзасидан тушунтириш хати ёзиб берганлигини, ҳозирда қилмишидан пушаймон бўлиб, жабрланувчига етказилган зарарни тўлиқ қоплаганлигини, жабрланувчининг унга нисбатан даъвоси йўқлигини инобатга олиб, енгилроқ жазо тайинлашни сўради. Судланувчи Ж.Олимов эълон қилинган айбловга тўлиқ иқрор бўлиб кўрсатув берган бўлса-да, унинг айби суд мажлисида текширилган ва тўпланган қуйидаги далиллар билан ҳам ўз исботини топади. Жумладан, жабрланувчи И.Мейлидиёрова Zoom иловаси орқали суд мажлисида, 2025 йил 08 февраль куни ўзига тегишли бўлган телефонидан “Яндекс” иловаси орқали такси чақиртирганлигини, “Яндекс” иловаси орқали борадиган жойни белгиламаганлигини, шундан сўнг орадан бироз вақт ўтгандан сўнг уни олиб кетиш учун Олимов Жавоҳир бошқарувидаги қора рангли “Gentra” русумли автомашина келганлигини, уни Чилонзор тумани 24-мавзедан олиб кетганлигини, у автомашинага ўтириб дугонасини олдига бориб уйнинг калитни оламан деб айтганлигини, дугонаси уйнинг калитини бермагандан сўнг у Ж.Олимовга меҳмонхонага олиб боришни илтимос қилгани, Ж.Олимов уни Чилонзор тумани бўйлаб айлантириб юрганини, сўнг боши оғриганлиги учун ҳайдовчи бош оғриқ дори олиб бергани, дорини ичиб ухлаб қолгани, сўнг у уйғонган вақтида, Чилонзор тумани “Ҳосилот” меҳмонхонасининг олдига келганлигини кўрганлигини, у автомашинадан тушиб йўл ҳақи учун 100.000 сўм берганлигини, сўнг у меҳмонхонага кириб ўзига ижарага хона олиб икки соат ухлаганини, у ўрнидан туриб сумкасига қараган вақтида, сумканинг ичида бўлган жами 3.600 АҚШ доллари миқдоридаги пул маблағидан 1.000 АҚШ доллари миқдоридаги пул маблағи йўқлигини билганлигини, сўнг уни олиб келган Ж.Олимовга қўнғироқ қилиб 3 ундан пул маблағини нима учун олиб кетдинг деб айтган вақтида, у пул маблағини олмаганини айтганлигини, унга уни автомашинасига ўтиришидан олдин пул маблағлари борлигини айтганлигини, шундан сўнг у унга кўришиб олайлик деб айтганлигини, у эса кўришишни хоҳламаганлигини ва телефон аппаратини ўчириб қўйганлигини, ҳозирда унга етказилган зарар тўлиқ тўланганлигини, судланувчига нисбатан даъвоси йўқлигини баён қилиб, Ж.Олимовга нисбатан қонун доирасида жазо тайинлаш ҳақидаги кўрсатуви билан; бундан ташқари, судланувчи Ж.Олимовнинг айби жиноят ишида тўпланган жабрланувчиларнинг унга нисбатан қонуний чора кўришни сўраб ёзган аризаси, билдирги, тушунтириш хатлари, автомашинани кўздан кечириш, юзлаштириш баённомалари ҳамда жиноят ишида тўпланган бошқа объектив далиллар йиғиндиси билан тўлиқ исботини топган. Суд, дастлабки тергов органи томонидан судланувчи Ж.Олимовнинг “ўғирлик, яъни хавфли рецидивист бўла туриб, жабрланувчи И.Мейлидиёрованинг сумкасидан 1.000 АҚШ доллари миқдоридаги пул маблағларини яширин равишда талон-торож қилиш”да ифодаланган жиноий ҳаракати Ўзбекистон Республикаси ЖКнинг 169-моддаси 3-қисми “а” банди билан тўғри квалификация қилинган деб ҳисоблайди. Суд, судланувчи Ж.Олимовга нисбатан жазо тайинлашда унинг айбига иқрор бўлиб, қилмишидан пушаймонлигини, етказилган моддий зарар тўлиқ қопланганлигини, жабрланувчининг даъвоси йўқлигини Ўзбекистон Республикаси ЖКнинг 55-моддасига асосан жазони енгиллаштирувчи ҳолатлар деб, илгари ҳам қасддан жиноят содир этган шахснинг қасддан янги жиноят содир этганини Ўзбекистон Республикаси ЖКнинг 56-моддасига асосан жазони оғирлаштирувчи ҳолат деб баҳолайди. Ўзбекистон Республикаси Олий суди Пленумининг 2006 йил 3 февралдаги “Судлар томонидан жиноят учун жазо тайинлаш амалиёти тўғрисида”ги 1-сонли қарорининг 3-бандига кўра “Жиноят кодексининг 8, 54-моддалари мазмунига кўра, жазо адолатли бўлиши, ҳар бир ҳолатда индивидуал тайинланиши, жиноятнинг хусусияти ва ижтимоий хавфлилик даражасига, айбдорнинг шахсига, шунингдек жазони енгиллаштирувчи ва оғирлаштирувчи ҳолатларга мувофиқ бўлиши керак” деб тушунтирилган. Шу сабабли, суд судланувчи Ж.Олимовга нисбатан жазо тури ва миқдорини белгилашда, ЖКнинг 7,8-моддаларида назарда тутилган одиллик ва инсонпарварлик тамойилларидан ҳамда Ўзбекистон Республикаси Олий суди Пленумининг 2006 йил 3 февралдаги “Жиноят учун жазо тайинлаш амалиёти тўғрисида”ги 1-сонли қарори талабларидан келиб чиқиб, содир этилган жиноятнинг ижтимоий хавфлилик даражасини, жазони енгиллаштирувчи ва оғирлаштирувчи 4 ҳолатларни инобатга олиб, у айбли деб топилаётган модда санкциясида назарда тутилган озодликдан маҳрум қилиш жазосини тайинлашни, шунингдек Ж.Олимов мазкур жиноятни илгариги ҳукм билан тайинланган жазони ўташдан муддатидан илгари шартли равишда озод қилиниб, жазонинг ўталмаган қисми мобайнида қасддан янги жиноят содир этганини инобатга олиб, Ўзбекистон Республикаси ЖКнинг 60-моддаси тартибида узил-кесил жазо тайинлашни лозим топади. Ўзбекистон Республикаси Жиноят-процессуал кодекси 454-457, 462, 463, 465-468, 471, 472, 473-моддаларига амал қилиб, суд O’G’LI) Ўзбекистон Республикаси ЖКнинг 169-моддаси 3-қисми “а” бандида назарда тутилган жиноятни содир қилганликда айбли деб топилсин ва шу модда билан 5 (беш) йил муддатга озодликдан маҳрум қилиш жазоси тайинлансин. Олимов Жавоҳир Ниғматжон ўғлига Ўзбекистон Республикаси ЖКнинг 60-моддаси тартибида илгариги ҳукм билан тайинланган жазонинг ўталмаган қисмини қисман қўшиш йўли билан узил-кесил 5 (беш) йил 3 (уч) ой муддатга озодликдан маҳрум қилиш жазоси тайинлансин. Тайинланган жазо қаттиқ тартибли колонияларда ўтаттирилсин. Жазони ўташ муддати 2025 йил 20 апрель кунидан бошлаб ҳисоблансин. Судланувчи Ж.Олимовга нисбатан қўлланилган “гаров” эҳтиёт чораси “қамоққа олиш” тарзидаги эҳтиёт чорасига ўзгартирилиб, суд залида қамоққа олинсин. Гаров тариқасида Тошкент шаҳар ИИББ Молия депозит ҳисоб рақамига топширилган 8.000.000 (саккиз миллион) сўм пул маблағлари гаров қўювчи Ахмедова Дурдона Абдуллаевнага қайтарилсин. Апелляция шикояти ва протестлари ҳукм эълон қилинган кундан эътиборан ўн сутка ичида, маҳкум, оқланган шахс, жабрланувчи томонидан эса уларга ҳукмнинг кўчирма нусхаси топширилган кундан эътиборан шу муддат ичида берилиши мумкин. Қонуний кучга кирган суд ҳукми устидан ушбу суд орқали юқори турувчи судга кассация тартибида шикоят берилиши ва протест билдирилиши мумкин. Раислик қилувчи (имзо) Нусхаси аслига тўғри: 5 А.А.Мухиддинов