Решение #735116 Экономические

TОYLOQ TUMANLARARO IQTISODIY SUDI TОYLOQ INTER-DISTRICT ECONOMIC COURT Toyloq t., Mustaqillik ko‘chasi, 8-uy Toyloq region, Mustaqillik street, 8 Тel: (+99866) 240-45-38, (+99866) 240-45-41 e-mail: i.tayloq@sud.uz АЖРИМ (аризани кўрмасдан қолдириш тўғрисида) Тойлоқ тумани 2022 йил 01 декабрь 4-1405-2201/2940-сонли иш Тайлоқ туманлараро иқтисодий судининг судьяси Ў.Қ.Мурадовнинг раислигида, судья ёрдамчиси Н.Абулсаидовнинг котиблигида, аризачи Тойлоқ туман Давлат солиқ инспекциясининг, жавобгар «ASIL SHUNQOR YERLARI» фермер хўжалигининг банклардаги ҳисобварақлари бўйича операцияларини ўн кундан кўп муддатга тўхтатиб туриш тўғрисидаги аризаси бўйича ишни Тойлоқ туман Давлат солиқ инспекцияси биносида очиқ сайёр суд мажлисида аризачи вакили Д.Абдуҳалимов (ишончномага асосан) иштирокида кўриб чиқиб, қуйидагиларни Аризачи Тойлоқ туман Давлат солиқ инспекцияси судга ариза билан мурожаат қилиб, жавобгар «ASIL SHUNQOR YERLARI» фермер хўжалигининг банклардаги ҳисобварақлари бўйича операцияларини ўн кундан кўп муддатга тўхтатиб туришни сўраган. Суд мажлисида иштирок этган аризачи Тойлоқ туман Давлат солиқ инспекцияси вакили Д.Абдуҳалимов ўз тушунтиришида, аризани қўллаб-қувватлаб, аризада кўрсатилган мазмунда тушунтириш бериб, суд мажлиси кунига қадар жавобгар томонидан белгиланган солиқ ҳисоботи тақдим этилмаганлигини билдириб, аризани қаноатлантиришни сўради. Суд мажлисида жавобгар вакили иштирок этмади. Суд, аризачи вакилининг тушунтиришларини тинглаб, иш ҳужжатларини ўрганиб чиқиб, қуйидагиларга асосан даъвони кўрмасдан қолдиришни лозим деб топади. Иш ҳужжатлари ва суд муҳокамасидан аниқланишича, Тайлоқ туманлараро иқтисодий судининг иш юритувида аризачи Тойлоқ туман Давлат солиқ инспекциясининг, жавобгар «ASIL SHUNQOR YERLARI» фермер хўжалигининг банклардаги ҳисобварақлари бўйича операцияларини ўн кундан кўп муддатга тўхтатиб туриш тўғрисидаги аризаси бўйича қўзғатилган 4-1405-2201/2921-сонли иқтисодий иш мавжуд. Ўзбекистон Республикаси Иқтисодий процессуал кодексининг 107-моддаси 1-бандига кўра, фуқаролик ишлари бўйича суд, иқтисодий суд, ҳакамлик суди иш юритувида айни бир шахслар ўртасидаги, айни бир предмет тўғрисидаги ва айни бир асослар бўйича низо юзасидан иш мавжуд бўлса, даъво аризаси кўрмасдан қолдирилади. Ушбу Кодекс 108-моддасига кўра, даъво аризасини кўрмасдан қолдириш тўғрисида суд ажрим чиқаради. Шунга кўра, суд аризани кўрмасдан қолдиришни лозим деб ҳисоблайди. Юқоридагилардан келиб чиқиб ҳамда Ўзбекистон Республикаси Иқтисодий процессуал кодексининг 107, 108, 195 - моддаларига асосланиб, суд АЖРИМ Қ И Л Д И: Аризачи Тойлоқ туман Давлат солиқ инспекциясининг жавобгар «ASIL SHUNQOR YERLARI» фермер хўжалигининг банклардаги ҳисобварақлари бўйича операцияларини ўн кундан кўп муддатга тўхтатиб туриш тўғрисидаги аризаси кўрмасдан қолдирилсин. Аризачи Тойлоқ туман Давлат солиқ инспекцияси томонидан ихтиёрий тўлаб чиқилган 24 000 сўм почта харажати аризачининг зиммасида қолдирилсин. Аризани кўрмасдан қолдириш тўғрисидаги ажрим устидан шикоят қилиниши (протест келтирилиши) мумкин. Судья Ў.Қ.Мурадов