Решение #744051 Экономические

NO’KIS RAYONLAR ARALIQ EKONOMIKALIQ SUDI NUKUS TUMANLARARO IQTISODIY SUDI 230100, No’kis qalasi, A.Dosnazarov ko’shesi, 92-jay 230100, Nukus shahri, A.Dosnazarov ko‘chasi, 92 Ўзбекистон Республикаси номидан ҲАЛ ҚИЛУВ ҚАРОР Нукус шаҳри Нукус туманлараро иқтисодий судининг судьяси З.Хасанова раислигида, судья ёрдамчиси П.Шыныбековнинг котиблигида, ариза берувчи вакили *** (ишончнома асосида)нинг иштирокида, ариза берувчи ***нинг жавобгар ***га 2 381 657,6 сўм жарима қўллаш ва почта харажатини ўндириш ҳақидаги аризасини ва унга илова қилинган ҳужжатларини суд биносида очиқ суд мажлисида кўриб чиқиб, қуйидагиларни АНИҚЛАДИ: *** (бундан буён матнда – ариза берувчи) иқтисодий судга ариза билан мурожаат қилиб, ***га (бундан буён матнда – жавобгар) 2 381 657,6 сўм жарима қўллашни ва почта харажатини ўндиришни сўраган. Суд мажлисида ариза берувчи вакили жавобгарга жарима қўллашни ва тўланган почта харажатини ўндиришни сўради. Жавобгар суд мажлисига келмади. Суд томонидан белгиланган тартибда чақирув ҳүжжати почта алоқаси бўлимидан берилган ва уни олгани бўйича ҳужжат мавжуд. Ўзбекистон Республикаси Иқтисодий процессуал кодексининг (бундан буён матнда – Ўзбекистон Республикаси ИПК) 170-моддасининг учинчи қисмига кўра, иш муҳокамасининг вақти ва жойи тўғрисида тегишли тарзда хабардор қилинган жавобгар, учинчи шахслар суд мажлисига келмаса, низо уларнинг йўқлигида ҳал қилиниши мумкин. Суд ишдаги ҳужжатларни ўрганиб чиқиб, ариза берувчи вакилининг фикрини эшитиб, қўйидаги асосларга аризани қаноатлантиришни лозим топади. Иш ҳужжатларидан кўринишича, жавобгар ва Россия Федерациясининг *** билан тузилган шартномаси буйича (ИДН2069241843082815162102000003) жами 262 485,0 Россия рубль миқдорида муддати ўтган дебиторлик қарздорлиги вужудга келганлиги аниқланган. Ариза берувчининг 2022 йил 05 август кунги талабномаси билан Ўзбекистон Республикаси Вазирлар Маҳкамасининг 2020 йил 14 май кунги 283-сонли Қарори талабларига кўра, муддати ўтган дебиторлик қарзи 262 485,0 Россия рубль эквивалентиниң 5% 2 381 657,6 сўм миқдорида жаримани 10 кунлик муддатда иҳтиёрий равишда 1 *** Республика бюджети даромадига ўтказиб бериш тавсия этилган, лекин талабнома бажарилмаган. Шу сабабли ариза берувчи ариза берувчи иқтисодий судга мурожаат қилиб жавобгарга 2 381 657,6 сўм жарима қўллашни сўраган. Ўзбекистон Республикаси Вазирлар Маҳкамасининг 2020 йил 14 май кунги 283-сонли қарори билан тастиқланган “Ташқи савдо операциялари амалга оширилиши мониторингини олиб бориш ва назорат қилиш тартиби тўғрисида” ги Низомининг 23-бандида товарларни республикага олиб кириш ва "эркин муомалага чиқариш (импорт)" божхона режимига расмийлаштириш, шунингдек, ишларни бажариш ёки хизматлар кўрсатиш ёхуд улар учун тўланган пул маблағларини қайтариш муддати импорт контрактлари бўйича тўлов амалга оширилган кундан бошлаб 180 кундан ортиқ бўлмаслиги кераклиги, олиб кириш контракти бўйича товарларни республикага олиб кириш ва божхона омбори, эркин омбор, эркин божхона зонаси, божхона ҳудудида қайта ишлаш божхона режимларига расмийлаштириш, шунингдек, улар учун тўланган пул маблағларини қайтариш муддати ушбу контрактлар бўйича тўлов амалга оширилган кундан бошлаб 180 кундан ортиқ бўлмаслиги кераклиги, 24-бандида экспорт контракти бўйича тушум тушиши ёки товарларни қайта олиб кириш муддати товарларга нисбатан - "экспорт" божхона режими бўйича божхона юк декларацияси расмийлаштирилган санадан ва хизматларга (ишларга) нисбатан - бажарилган ишларни қабул қилиш далолатномаси имзоланган санадан бошлаб 180 кундан ошиб кетмаслиги кераклиги, олиб чиқиш контракти бўйича тушум тушиши ёки товарларни қайта олиб кириш муддати товарлар реэкспорт божхона режимига расмийлаштирилган санадан бошлаб 180 кундан ошиб кетмаслиги кераклиги, 24-1-бандида сотиб олиш контракти бўйича тўланган пул маблағларини қайтариш ёки сотиш контракти бўйича пул маблағларининг келиб тушиши сотиб олиш контракти бўйича тўлов амалга оширилган кундан бошлаб 180 кундан ошмаслиги керак. Бунда сотиш контракти бўйича келиб тушган пул маблағларининг миқдори сотиб олиш контракти бўйича тўланган пул маблағлари миқдоридан кам бўлмаслиги лозимлиги, ушбу муддатда қайтарилмаган ёки белгиланган миқдорда келиб тушмаган валюта маблағлари муддати ўтган дебитор қарздорлик сифатида қараладиганлиги, 27-бандида Ташқи савдо контрактлари бўйича активлар репатриация қилинишини (чет элдан хорижий валютадаги маблағлар келиб тушишини ёки ушбу Низомда кўрсатилган божхона режимларида товарлар республикага олиб кирилиши ва расмийлаштирилишини, ишлар бажарилиши ва хизматлар кўрсатилишини ёки пул маблағларининг қайтарилишини) мазкур Низомнинг 23, 24 ва 24-1-бандларида белгиланган муддатлар тугагандан кейин кўпи билан 45 кун (кичик тадбиркорлик субъектлари 2 активларни репатриация қилиш норезидентга тўлов ёки экспорт амалга оширилган санадан эътиборан 360 кунгача кечикканда - репатриация қилинмаган активлар суммасининг 5 фоизига тенг миқдорда республика бюджети даромадига қўшимча жарима тўлайдиганлиги белгиланган. Жавобгарнинг дебитор қарздорлиги мавжудлиги аризага қушимча қилинган хужжатлар билан тасдиқланади. Мазкур ҳолатда суд, жавобгарга Қарорнинг 27-банди талабларига асос 5 фоизи миқдорида яъни, 2 381 657,6 сўм жарима қўллаш тўғрисидаги арз қилинган талаби асосли бўлиб, суд арз қилинган талабни қаноатлантиришни лозим топади. Шунингдек, суд Ўзбекистон Республикаси «Давлат божи тўғрисида»ги Қонунининг 9-моддаси 12-бандига мувофиқ, аризачи ва жавобгар ҳуқуқий таъсир чораларини қўллаш тўғрисидаги ишлар бўйича давлат божини тўлашдан озод қилинганлигини инобатга олиб, жавобгардан давлат божи ундирмасликни, ариза берувчи томонидан тўланган почта харажатини эса жавобгардан ариза берувчи фойдасига ундиришни лозим топади. Ўзбекистон Республикаси ИПКнинг 118, 176-179, 221-моддаларини қўллаб, суд ҚАРОР ҚИЛАДИ: Ариза қаноатлантирилсин. ***га 2 381 657,6 сўм жарима қўлланилсин. Қўлланилган жаримани ундириш ***га юклатилсин. ***дан *** фойдасига 24000 сўм почта харажати ундирилсин. Мазкур ҳал қилув қарори устидан ўн кунлик муддат ичида ушбу суд орқали Қорақалпоғистон Республикаси судига апелляция тартибида шикоят қилиш (протест келтириш) мумкин. Судья З.Хасанова 3