Решение #75374 Уголовные

АЖРИМ (жазони ўташдан муддатидан илгари шартли озод қилиш тўғрисидаги тақдимномани қаноатлантириш тўғрисида) 2025 йил апрель ойининг 14 куни, Тошкент шаҳар жиноят ишлари бўйича Чилонзор туман суди, очиқ суд мажлисида, ўз биносида, раислик қилувчи, судья А.А.Мухиддинов, судья ёрдамчиси С.Азимовнинг котиблигида, тарафлардан Чилонзор туман прокурорининг катта ёрдамчиси Н.Рустамов, Чилонзор туман ИИО Пробация бўлими инспектори майор У.Исматов, маҳкум М.Исоқжоновнинг иштирокида, Тошкент шаҳар жиноят ишлари бўйича Чилонзор туман судининг 2023 йил 04 апрелдаги ҳукми билан судланган 2003 йил 01 майда Жиззах вилоятида туғилган, миллати ўзбек, Ўзбекистон фуқароси, маълумоти ўрта, бўйдоқ, вақтинча ишсиз, муқаддам судланган, Тошкент шаҳар, Чилонзор тумани, 17-мавзе, 34-уй, 34-хонадонда яшовчи Исоқжонов Мухаммадали Ойбек ўғли (ISOQJONOV MUXAMMADALI OYBEK O‘G‘LI)га нисбатан Чилонзор туман ИИО Пробация бўлинмаси бошлиғининг озодликни чеклаш тариқасидаги жазонинг ўталмай қолган муддатини ўташдан муддатидан илгари шартли озод қилиш тўғрисидаги тақдимномасини тўпланган ҳужжатлар билан бирга кўриб чиқиб, қуйидагиларни А Н И Қ Л А Д И: Тошкент шаҳар жиноят ишлари бўйича Чилонзор туман судининг 2023 йилнинг 04 апрелдаги ҳукмига кўра ЖКнинг 273-моддаси 3-қисми “б” банди билан, ЖКнинг 57-моддасини қўллаб, 3 (уч) йил 6 (олти) ой муддатга озодликдан чеклаш жазоси тайинланган. Маҳкум М.Исоқжоновга нисбатан чиқарилган ҳукм Шароф Рашидов туман ИИО ФМБга 05.05.2023 йилда рўйхатда олиниб, ижрога қаратилган. Яшаш жой ўзгарганлигини сабабли унга нисбатан чиқарилган суд ҳукми ва йиғма жилди Чилонзор тумани ИИО ФМБ Пробация бўлими томонидан 18.05.2023 йилда рўйхатга олиниб, унга озодликни чеклаш тариқасидаги жазо турини ўташ тартиб-қоидалари тушунтирилиб, уларга риоя этиши тўғрисида тилхат олиб, ижрога қаратилган. Ўтган вақт ичида маҳкум М.Исоқжонов яшаш жойидан ижобий тавсифланиб келинаётганлиги, келгусида ўзи ёқтирган иши билан шуғулланиб, Ўзбекистон Республикаси қонунларига тўлиқ риоя қилиб ҳалол меҳнат билан шуғулланиш ниятида эканлигини, жазони 1 (бир) йил 11 (ўн бир) ойни ўтаганини инобатга олиб, ЖКнинг 73-моддасининг 3-қисми “б” бандига асосан ўталмай қолган 1 (бир) йил 7 (етти) ойни озодликни чеклаш жазосидан муддатидан илгари шартли равишда озод қилишни сўраган. инспектори майор У.Исматов, маҳкум М.Исоқжонов суд томонидан тайинланган жазони ўтаб, тартибга тўлиқ риоя этиб келаётганлиги, яшаш ва иш жойидан ижобий тавсифланишини баён қилиб, тақдимномани қаноатлантиришни сўради. Суд мажлисида маҳкум М.Исоқжонов содир этган қилмишидан қаттиқ пушаймонлиги, суд томонидан тайинланган жазони ўтаб, тартибга тўлиқ риоя этиб келаётганлиги, келгусида жамият учун ижтимоий фойдали фаолият билан шуғулланишини маълум қилиб, Ўзбекистон Республикаси қонунларига риоя қилиб, ҳалол меҳнат билан шуғулланиш ниятида эканини баён этиб, Чилонзор туман ИИО ФМБ Пробация бўлими бошлиғининг тақдимномасини қаноатлантиришни сўради. Ўзбекистон Республикаси ЖКнинг 73-моддасига биноан, озодликдан маҳрум қилиш, интизомий қисмга жўнатиш, хизмат бўйича чеклаш, озодликни чеклаш ёки ахлоқ тузатиш ишлари жазосини ўташдан муддатидан илгари шартли равишда озод қилиш, мазкур жазо турлари учун ўрнатилган тартиб-қоида талабларини бажарган ва меҳнатга ҳалол муносабатда бўлган маҳкумга нисбатан қўлланилади. Бундан ташқари, мазкур модданинг 3-қисми “б” бандига кўра (эски таҳрирдаги қонунчилик бўйича) “оғир жинояти учун, шунингдек қасддан содир этган жинояти учун, агар шахс илгари қасддан содир этган жинояти учун озодликдан маҳрум этишга ҳукм қилинган бўлса, суд тайинлаган жазо муддатининг камида ярмини ҳақиқатда ўтаган шахсларга нисбатан жазони ўташдан муддатидан илгари шартли озод қилиш қўлланилиши мумкин”- деб кўрсатиб ўтилган. Иш ҳужжатларига кўра, М.Исоқжонов томонидан тайинланган жазонинг ярми ҳақиқатда ўталган. Суд тақдимномани муҳокама қилиб, бу борада прокурор фикрини тинглаб, М.Исоқжонов тайинланган жазонинг камида ярмини ўтаганлиги, жазони ўташ даврида ўрнатилган тартиб-қоида талабларини бузмаганлигини инобатга олиб, тақдимномани қаноатлантириб, Ўзбекистон Республикаси Олий суди Пленумининг 2016 йил 27 декабрдаги “Жазони ўташдан муддатидан илгари озод қилиш ва жазони енгилроғи билан алмаштириш бўйича суд амалиёти тўғрисида”ги 28-сонли қарори талабларига риоя қилган ҳолда унга нисбатан тайинланган озодликни чеклаш жазосининг ўталмай қолган қисмидан муддатидан илгари шартли равишда озод қилишни лозим топади. Ўзбекистон Республикаси ЖКнинг 73-моддаси, ЖПКнинг 536, 541-542-моддаларига амал қилиб, суд А Ж Р И М Қ И Л А Д И: Чилонзор тумани ИИО Пробация тақдимномаси қаноатлантирилсин. бўлинмаси бошлиғининг жазосининг ўталмай қолган 1 (бир) йил 11 (ўн) бир ойни ўташдан Ўзбекистон Республикаси ЖКнинг 73-моддаси 3-қисми “б” бандига асосан, муддатидан илгари шартли озод қилинсин. М.Исоқжоновга жазонинг ўталмаган қисми мобайнида қасддан янги жиноят содир этган тақдирда, унга нисбатан суд ЖКнинг 60моддасида назарда тутилган қоидаларга мувофиқ жазо тайинланиши тушунтирилсин. Ажрим маълумот учун Чилонзор тумани ИИО ФМБ ва маҳкумга топширилсин. Ажримдан норози томонлар Ўзбекистон Республикаси ЖПКнинг 1 546 -моддасига асосан кассация тартибида хусусий шикоят ёки хусусий протест келтиришга ҳақли. Раислик қилувчи А.А.Мухиддинов