Решение #759920 Экономические

ASAKA INTER-DISTRICT ECONOMIC COURT ASAKA TUMANLARARO IQTISODIY SUDI Asaka tuman, Sohilbo‘yi ko’cha 11-uy Asaka district, Sahil bo’yi street 11 Тел: +998 74 232 35 41, эл.почта: i.asaka@sud.uz Веб-сайт: www.oliysud.uz, А Ж Р И М (Даъво аризасини кўрмасдан қолдириш тўғрисида) Асака тумани 4-1702-2201/990-сонли иш Асака туманлараро иқтисодий судининг судьяси У.М.Бузурходжаев, Ж.Одилжоновнинг котиблигида даъвогар- Бюджетдан ташқари пенсия жамғармаси Андижон вилоят бошқармасининг Марҳамат тумани Бюджетдан ташқари пенсия жамғармаси бўлимининг манфаатида, жавобгар Марҳамат туман йўллардан фойдаланиш унитар корхонаси ҳисобидан тўлаб берилган 8861525,44 сўм пенсия тўловларини регресс тартибда ундириш тўғрисидаги даъво аризаси юзасидан иқтисодий ишини тарафлардан даъвогар вакили- ҳуқуқшунос Ў.Рахмонов (ишончнома асосида) иштирокида, жавобгар вакили иштирокисиз, Асака туман ДСИ биносида, очиқ сайёр суд мажлисида кўриб чиқиб, қуйидагиларни аниқлади: Аризада баён этилишича, Марҳамат туманида яшовчи, фуқаро Икромов Жўравой меҳнат комиссиясининг хулосасига кўра Марҳамат тумани Марҳамат туман йўллардан фойдаланиш унитар корхонасида ишлаган даврида меҳнатда майибланганлиги учун 2-гуруҳ ногирони деб тан олинган. Марҳамат тумани Бюджетдан ташқари пенсия жамғармаси томонидан фуқарога 2021 йил давомида жами 8861525,44 сўм миқдорида ногиронлик пенсияси тўланган. Бюджетдан ташқари пенсия жамғармаси Андижон вилоят бошқармасининг Марҳамат тумани Бюджетдан ташқари пенсия жамғармаси бўлимининг манфаатида судга даъво ариза киритиб, жавобгар Марҳамат туман йўллардан фойдаланиш унитар корхонаси ҳисобидан тўлаб берилган 8861525,44 сўм пенсия тўловларини регресс тартибда ундиришни сўраган. Даъвогарнинг вакили судда кўрсатув бериб, даъвони қаноатлантириб беришни сўради. Суд иш ҳужжатларини атрофлича ўрганиб чиқиб, қуйидагиларга кўра даъво аризасини кўрмасдан қолдиришни лозим топди. Ўзбекистон Республикаси Вазирлар Маҳкамасининг 2014 йил 23 декабрдаги 357-сонли Қарори билан тасдиқланган “Фуқароларнинг Давлат пенсия таъминоти тўғрисида”ги Ўзбекистон Республикасининг Қонунига мувофиқ пенсияларни тўлашга харажатларни қоплаш тартиби тўғрисида”ги Низомнинг 3-бандига кўра, Пенсионернинг яшаш жойи бўйича Пенсия жамғармасининг туман (шаҳар) бўлими ҳар ойда кейинги ойнинг 1-санасига қадар ташкилотга меҳнат вазифаларини бажариш билан боғлиқ ҳолда меҳнатда майибланиш ва касб касаллиги оқибатида тайинланган боқувчисини йўқотганлик ва ногиронлик пенсияларини тўлашга харажатларни қоплаш тўғрисида регресс талабномани юборади. Аммо, лекин даъвогар томонидан ишга илова қилинган ҳужжатларда юқоридаги пенсия тўлашга харажатларни қоплаб бериш юзасидан жавобгарга талабномани шахсан ёки алоқа бўлимлари орқали юборилганлигини тасдиқловчи далилларни судга тақдим эта олмади хамда иш ҳужжатларида мавжуд эмас. Зеро, Ўзбекистон Республикаси Иқтисодий процессуал Кодексининг 107-моддаси 1-қисми бешинчи бандида даъвогар низони судгача ҳал қилиш (талабнома юбориш) тартибига риоя этмаган, бу эса шу тоифадаги низолар учун қонунда ёки шартномада назарда тутилган бўлса, иқтисодий суди даъвони кўрмасдан қолдириши белгиланган. Ўзбекистон Республикаси Иқтисодий процессуал кодексининг 108-моддасига кўра даъво аризасини кўрмасдан қолдириш тўғрисида суд ажрим чиқаради. Юқорида баён этилганларга асосан, суд Ўзбекистон Республикаси Иқтисодий процессуал кодексининг 107-108, 118, 195-моддаларига асосан, ажрим қилади: Даъвогар Бюджетдан ташқари пенсия жамғармаси Андижон вилоят бошқармасининг Марҳамат тумани Бюджетдан ташқари пенсия жамғармаси бўлимининг манфаатида, жавобгар Марҳамат туман йўллардан фойдаланиш унитар корхонаси ҳисобидан тўлаб берилган 8861525,44 сўм пенсия тўловларини регресс тартибда ундириш тўғрисидаги аризаси кўрмасдан қолдирилсин. Даъвогар томонидан олдиндан тўланган 24 000 сўм почта ҳаражати зиммасида қолдирилсин. Даъво аризасини кўрмасдан қолдириш учун асос бўлиб хизмат қилган ҳолатлар бартараф этилганидан кейин даъвогар судга даъво аризаси билан умумий тартибда янгидан мурожаат қилиш ҳуқуқи тушунтирилсин. Мазкур ажримдан норози тараф белгиланган муддатларда ажрим устидан Андижон вилоят иқтисодий судига шикоят бериши, прокурор протест келтириши мумкин. Судья У.М.Бузурходжаев