Решение #76712 Уголовные

АЖРИМ (ярашганлик муносабати билан жиноят ишини тугатиш тўғрисида) 2025 йил апрель ойининг 7 куни, жиноят ишлари бўйича Фарғона шаҳар суди, суднинг биносида, очиқ суд мажлисида, раислик қилувчи шаҳар судининг раиси Т.Вахобов, судья ёрдамчиси Ш.Алиёровнинг котиблигида, тарафлардан давлат айбловчиси Фарғона шаҳар прокурори катта ёрдамчиси Ж.Отажонов, ҳимоячи Ў.Мамажанов, гумон қилинувчи Х.Мезенцев ва жабрланувчи Л.Домнидиларнинг иштирокида, Ўзбекистон Республикаси Жиноят кодекси 109-моддаси 2-қисмининг “в” банди билан Мезенцев Халит Азимовичга оид 1-1501-2501/548-сонли жиноят ишини кўриб чиқди. Мезенцев Халит Азимович (Mezensev Xalit Azimovich), 2007 йил 14 январь куни Фарғона шаҳрида туғилган, миллати рус, Ўзбекистон Республикаси фуқароси, маълумоти ўрта, муқаддам судланмаган, ишламайди, уйланмаган, Фарғона шаҳар, А.Навоий кўчаси, 72-уй, 39-хонадонда яшайди. Суд, жиноят иши бўйича гумонланувчи, жабрланувчининг содир этилган жиноят ҳолатлари юзасидан кўрсатувларини ва томонларнинг фикрларини тинглаб, қуйидагиларни А Н И Қ Л А Д И: Гумон қилинувчи Х.Мезенцев 2024 йил 15 сентябрь куни соат 06:49да Фарғона шаҳар, Қиргули мавзеси, “Беруний” МФЙ ҳудудида Л.Домниди билан ўзаро жанжаллашиб, жанжал давомида Х.Мезенцев Л.Домнидини чап оёқ қисмига зарба бериши натижасида, Л.Домниди у ерда бўлган ариқ ичига йиқилиб тушиб, тан жарохати олиб шифохонага мурожаат қилган. Суд тиббий экспертизасининг 2024 йил 19 сентябрь кунги № 6424сонли хулосасига кўра, Л.Домнидида аниқланган кўкрак қафасига тешиб ўтмаган, кесилган яраси соғлиқни 6 кундан кўп, аммо 21 кундан кам муддатга бузилишига олиб келувчи енгил шикастлар тоифасига киришлиги кўрсатилган. Жабрланувчи Л.Домниди судга, ярашув тўғрисида ариза тақдим қилиб, гумон қилинувчи Х.Мезенцевга нисбатан ҳеч қандай даъвоси йўқлиги, унга етказилган зарар тўлиқ қопланганлиги, аризани ўз хоҳиши билан ёзганлиги, унга бирон-бир тазийқ бўлмаганлигини, ярашув суд томонидан тасдиқлангандан кейин келиб чиқадиган ҳуқуқий оқибатларни тушунганлигини баён этиб, иш юритишни тугатишни сўради. Гумон қилинувчи Х.Мезенцев судга ариза тақдим қилиб, айбига тўлиқ иқрорлиги, қилмишидан чин кўнгилдан пушаймонлиги, ҳозирда етказилган зарарни бартараф этгани, жабрланувчи билан иҳтиёрий равишда ярашиб олганлиги сабабли иш юритишни тугатишни сўради. Ўзбекистон Республикаси Конституциянинг 20-моддасида “шахсга нисбатан қулланиладиган хуқуқий таъсир чоралари мутаносиблик принципига асосланиши ва қонунларда назарда тутилган мақсадларга эришиш учун етарли бўлиши керак”лиги белгиланган. Ўзбекистон Республикаси Жиноят кодексининг 66 1-моддасида, ушбу кодекснинг 109-моддасининг 2-қисмида кўрсатилган жиноятни содир этган шахс, агар ўз айбига иқрор бўлса, жабрланувчи билан ярашса ва етказилган зарарни бартараф этса, жиноий жавобгарликдан озод қилиниши мумкин” деб кўрсатилган. Ўзбекистон Республикаси ЖПК 84-моддасининг 4-қисмида, 1 жабрланувчи Жиноят кодексининг 66 -моддасида назарда тутилган жиноятлар тўғрисидаги ишлар бўйича гумонланувчи, айбланувчи, судланувчи билан ярашган тақдирда жиноят иши ушбу Кодекснинг 62бобида белгиланган тартибда суд томонидан айблилик масаласи ҳал қилинмасдан туриб тугатилиши мумкин” деб кўрсатилган. Суд, Ўзбекистон Республикаси ЖПКнинг 585–моддаси талабларидан келиб чиқиб, жабрланувчининг ярашиш тўғрисида аризаси ихтиёрий равишда ёзилганлигини, гумонланувчи Х.Мезенцев ўз айбига иҳтиёрий иқрор бўлганлигини, қилмишидан пушаймонлигини, етказилган моддий зарар бартараф этилганини, жабрланувчининг унга нисбатан ҳеч қандай даъвоси йўқлигини, тарафларни ярашув битимига розиликларини инобатга олиб, Ўзбекистон Республикаси ЖПК 84-моддасининг 4-қисмига асосан гумонланувчи Х.Мезенцевни айблилик масаласини ҳал қилмасдан туриб, уни жиноий жавобгарликдан озод қилиб, жиноят ишини тугатишни лозим топди. Бундан ташқари, суд, Ўзбекистон Республикаси ЖПК 583-моддасининг 5-қисми талабларидан келиб чиқиб, жабрланувчи Л.Домнидига суд ярашувни тасдиқлаганидан сўнг, у томонидан мазкур иш бўйича иш юритишни қайта тиклаш тўғрисида илтимоснома бериш ҳуқуқи йўқотилгани ҳақида тушунтириб ўтилганини инобатга олишни лозим топди. Юқоридагиларга кўра, суд Ўзбекистон Республикаси Жиноят кодексининг 661-моддаси, Жиноят-процессуал кодексининг 84, 401, 582-583, 585-586–моддаларини қўллаб, А Ж Р И М Қ И Л Д И: Ўзбекистон Республикаси Жиноят кодекси 109-моддаси 2-қисмининг “в” банди билан гумонланувчи Мезенцев Халит Азимович жабрланувчи Л.Домниди билан ярашганлиги муносабати билан жиноий жавобгарликдан озод қилинсин. Х.Мезенцевга нисбатан юритилган жиноят иши унинг айблилик масаласи ҳал қилинмасдан тугатилсин. Жабрланувчи Л.Домнидига етказилган моддий зарар тўлиқ қоплангани ҳамда мазкур иш бўйича иш юритишни қайта тиклаш тўғрисида у томонидан илтимоснома бериш ҳуқуқи йўқотилгани ҳақида тушунтириб ўтилгани инобатга олинсин. Ажримдан норози тарафлар ажрим эълон қилинган, гумон қилинувчи ва жабрланувчи ажрим нусхасини олган кунидан бошлаб ўн кун ичида шу суд орқали Фарғона вилоят судига апелляция тартибида хусусий шикоят бериш ва хусусий протест билдиришга, ажрим қонуний кучга киргандан сўнг эса кассация тартибида хусусий шикоят бериш ва хусусий протест билдиришга ҳақли. Т.Вахобов Маъсул судья: Вахобов Тожидин Шарофидинович