Решение #768460 Экономические

YUQORICHIRCHIQ TUMANLARARO IQTISODIY SUDI ЮКОРИЧИРЧИКСКИЙ МЕЖРАЙОННЫЙ ЭКОНОМИЧЕСКИЙ СУД Yuqorichirchiq tumani, Yangibozor sh., Mustaqillik ko’chasi, 77-uy Юкоричирчикский район, г. Янгибазар, улица Мустакиллик, дом 77 Tel: 0370 983-30-14, www.sud.uz, эл.почта: i.yuqorichirchiq@sud.uz ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ Мухаммадиевич, 17.10.2022 13.07.2023 Юқоричирчиқ тумани 2022 йил 17 октябрь 4-1105-2202/1788-сонли иш Юқоричирчиқ туманлараро иқтисодий суди раиси Ғ.Машкуров раислигида, судья ёрдамчиси Б.Насиров котиблигида, даъвогар “ECO CLUSTER QASHQADARYO” МЧЖ тугатиш бошқарувчисининг жавобгар “BRAND INVESTMENT GROUP AGRO” МЧЖ ҳисобидан 20.000.000.000 сўм асосий қарздорликни ундириш тўғрисидаги даъво аризаси юзасидан қўзғатилган иқтисодий ишни ўз биносида, очиқ суд мажлисида тарафлар иштирокисиз кўриб чиқиб, қуйидагиларни А Н И Қ Л А Д И: “ECO CLUSTER QASHQADARYO” МЧЖ тугатиш бошқарувчиси судга даъво аризаси билан мурожаат этиб, “BRAND INVESTMENT GROUP AGRO” МЧЖ (матнда жавобгар деб юритилади) ҳисобидан 20.000.000.000 сўм асосий қарздорликни ундиришни сўраган. Суд муҳокамасининг вақти ва жойи тўғрисида белгиланган тартибда хабардор этилган бўлса-да, суд мажлисида тарафлар вакиллари иштирок этмади. Бироқ, судга ариза тақдим этиб, суд муҳокамасини ўзларининг вакиллари иштирокисиз кўриб чиқишни сўрашган. Мазкур ҳолатда суд Ўзбекистон Республикаси Иқтисодий процессуал кодекси (матнда ИПК деб юритилади)нинг 128 ва 170-моддаларига асосан суд ишни тарафлар вакиллари иштирокисиз кўришни лозим топди. Суд иш ҳужжатларини ўрганиб, қуйидаги асосларга кўра даъво аризани тўлиқ қаноатлантиришни лозим топди. Ўзбекистон Республикаси Фуқаролик кодексининг (матнда ФК деб юритилади) 234-моддасига асосан мажбуриятлар шартномадан, зиён етказиш натижасида ҳамда ушбу Кодексда кўрсатилган бошқа асослардан келиб чиқади. Мухаммадиевич, 17.10.2022 13.07.2023 Мазкур ҳолатда тарафларнинг мажбуриятлари улар ўртасида маҳсулот етказиб бериш юзасидан тузилган шартномадан келиб чиққан. ФК 437-моддасига кўра, маҳсулот етказиб бериш шартномасига мувофиқ тадбиркорлик фаолияти билан шуғулланаётган маҳсулот етказиб берувчи-сотувчи шартлашилган муддатда ёки муддатларда ўзи ишлаб чиқарадиган ёхуд сотиб оладиган товарларни сотиб олувчига тадбиркорлик фаолиятида фойдаланиш учун ёки шахсий, оилавий мақсадларда, рўзғорда ва шунга ўхшаш бошқа мақсадларда фойдаланиш билан боғлиқ бўлмаган бошқа мақсадларда фойдаланиш учун топшириш, сотиб олувчи эса товарларни қабул қилиш ва уларнинг ҳақини тўлаш мажбуриятини олади. Аниқланишича, Қуйичирчиқ туманлараро иқтисодий судининг 2022 йил 2 августдаги 4-1801-2203/1720-сонли ҳал қилув қарори билан “ECO CLUSTER QASHQADARYO” МЧЖ банкрот деб эълон қилиниб, унга нисбатан тугатиш ишлари бошланган. Э.Набиев тугатиш бошқарувчиси этиб тайинланган, кредиторларнинг даъволари реестри бўйича қарздорнинг қарзи 77 миллиарддан ошган. “ECO CLUSTER QASHQADARYO” МЧЖнинг дебиторлик қарзлари таҳлили ўрганилганда “ECO CLUSTER QASHQADARYO” МЧЖ ва жавобгар ўртасида маҳсулот етказиб тўғрисида шартнома имзоланганлиги аниқланган. Шартномага кўра, етказиб берувчи ҳисобланган жавобгар аччиқ қалампир кўчатларини етказиб беришни, даъвогар эса 20 млрд сўм миқдоридаги пул маблағларини жавобгарнинг ҳисоб-рақамига ўтказиб бериш мажбуриятини олган. Даъвогарнинг шартнома бўйича ўз мажбуриятларини бажарганлиги ва келишилган пул маблағларини ўтказиб берганлиги банк сертификатлари, Яккабоғ туман жиноят ишлари бўйича судининг 2022 йил 25 январдаги ҳукми, 1-1801-2104/265-сонли иши ва 2020 йил 17 декабрдаги Иқтисодий жиноятларга қарши курашиш бошқармаси Қашқадарё вилоят бўлимининг текшириш далолатномаси билан тасдиқланган. Бироқ, жавобгар келишилган маҳсулотларни шартнома шартларига ва қонун ҳужжатлари талабларига мувофиқ етказиб бериш мажбуриятини бажармаган. Низони судгача ҳал қилиш мақсадида даъвогар томонидан 2022 йил 7 сентябрда жавобгарга юборилган 14-сонли талабнома жавобгар томонидан оқибатсиз қолдирилган. Жавобгарнинг даъвогар олдидаги асосий қарзи 20.000.000.000 сўмни ташкил қилган. ИПК 68-моддасига кўра, ишда иштирок этувчи ҳар бир шахс ўз талаб ва эътирозларига асос қилиб келтираётган Мухаммадиевич, 17.10.2022 13.07.2023 ҳолатларни исботлаши керак. Ишдаги мавжуд ҳужжатлар, хусусан Яккабоғ туман жиноят ишлари бўйича судининг 2022 йил 25 январдаги ҳукми, 1-1801-2104/265-сонли иши ва 2020 йил 17 декабрдаги Иқтисодий жиноятларга қарши курашиш бошқармаси Қашқадарё вилоят бўлимининг текшириш далолатномаси ҳамда ишдаги бошқа ҳужжатларга асосан жавобгарнинг даъвогар олдида 20.000.000.000 сўм асосий қарзи мавжудлиги ўз исботини топди. Юқоридагилардан келиб чиқиб, суд даъвогарнинг 20.000.000.000 сўм асосий қарз ундириш ҳақидаги талабини тўлиқ қаноатлантиришни лозим топади. ИПК 118-моддасига кўра суд харажатлари ишда иштирок этувчи шахсларнинг қаноатлантирилган даъво талаблари миқдорига мутаносиб равишда уларнинг зиммасига юклатилади. Суд даъвогар жавобгардан 20.000.000.000 сўм асосий қарз ундириш ҳақида даъво талаби билдирганлигини инобатга олиб, қаноатлантирилган даъво талабига мутаносиб равишда жавобгардан республика бюджетига 400.000.000 сўм давлат божи, жавобгардан Олий суд депозитига 24.000 сўм почта харажатини ундиришни лозим топди. Бинобарин, Ўзбекистон Республикаси Иқтисодий процессуал кодексининг 68, 118, 128, 170, 176-179моддаларини қўллаб, суд ҚАРОР Даъвогар “ECO CLUSTER QASHQADARYO” МЧЖ тугатиш бошқарувчисининг даъво аризаси тўлиқ қаноатлантирилсин. Жавобгар “BRAND INVESTMENT GROUP AGRO” МЧЖ дан: - даъвогар “ECO CLUSTER QASHQADARYO” МЧЖга 20.000.000.000 сўм асосий қарз ; - Республика бюджети (ягона ғазна ҳисобварағи)га 400.000.000 сўм давлат божи ; Олий суд депозитига 24.000 сўм почта харажати ундирилсин. Ҳал қилув қарори қонуний кучга киргандан сўнг ижро варақаси берилсин. Мазкур ҳал қилув қарори устидан бир ой муддат ичида Юқоричирчиқ туманлараро иқтисодий суди орқали Тошкент вилоят судининг Иқтисодий ишлар бўйича судлов ҳайъатига апелляция шикояти (протести) берилиши мумкин. Раислик қилувчи, судья Қ И Л А Д И: Ғ.Машкуров