Решение #780332 Экономические

O‘ZBEKISTON RESPUBLIKASI NAMANGAN TUMANLARARO IQTISODIY SUDI 160133, Namangan shahar, Nodim Namangoniy ko’chasi, 20-uy НАМАНГАНСКИЙ МЕЖРАЙОННЫЙ ЭКОНОМИЧЕСКИЙ СУД РЕСПУБЛИКИ УЗБЕКИСТАН 160133, г. Наманган, ул. Нодим Намангани, дом-20 Тel: 0(369)227 79 93 Fax: 0(369)227 81 38 Веб-сайт: www.sud.uz Эл.почта: i.namangan.t@sud.uz АЖРИМ (даъво аризасини кўрмасдан қолдириш ҳақида) Наманган шаҳри 2022 йил 15 сентябрь 4-1601-2201/4034-сонли иш Наманган туманлараро иқтисодий судининг судьяси А.Каримовнинг раислигида, судья ёрдамчиси Т.Тўраевнинг суд мажлиси котиблигида, даъвогар – «А» АЖнинг жавобгар – «Б» МЧЖ ҳисобидан жами 9430056,18 сўм ундириш ҳақидаги даъво аризасини суд биносида, очиқ суд муҳокамасида кўриб чиқиб, қуйидагиларни аниқлади: Даъвогар – «А» АЖ жавобгар – «Б» МЧЖ ҳисобидан жами 9430056,18 сўм ундиришни сўраган. Суднинг 2022 йил 29 августдаги ажрими билан даъво аризаси иш юритишга қабул қилиниб, суд мажлиси 2022 йил 15 сентябрь куни соат 10-30га тайинланган. Даъвогар – «А» АЖ суд мажлиси куни, вақти ва жойи ҳақида қонунда белгиланган тартибда хабардор қилинган бўлсада, бироқ суд мажлисига келмади. Суднинг суд мажлисини тайинлаш ҳақидаги ажрими даъвогар – «А» АЖга 2022 йил 29 август куни почта орқали юборилган бўлиб, почта ташкилоти хабарномасига кўра суд ҳужжати 2022 йил 3 сентябрь куни даъвогарнинг фамилияси “Ахмедова” бўлган ходимига топширилган. Суд мажлисига даъвогардан вакил келмаганлиги ҳолати Бекобод туманлараро иқтисодий судининг АКТ ходими Б.Ибрагимовнинг 2022 йил 15 сентябрдаги маълумотномаси билан тасдиқланади. Ўзбекистон Республикаси Иқтисодий процессуал кодексининг 127-моддасига кўра ишда иштирок этувчи шахслар суд муҳокамасининг вақти ва жойи тўғрисида суд ажрими орқали хабардор қилинади, ажрим топширилганлиги маълум қилинадиган буюртма хат орқали юборилади ёки ушбу шахсларга тилхат олиб топширилади ёхуд хабардор қилинганлиги факти қайд этилишини таъминлайдиган алоқа воситаларидан фойдаланган ҳолда хабардор қилинади. Иқтисодий суд ишларини юритишнинг бошқа иштирокчилари ажрим орқали, зарур ҳолларда эса суд чақирув қоғозлари, телеграммалар, факслар, телетайплар ҳамда бошқа алоқа воситалари орқали хабардор қилинади ва судга чақирилади. Суд мажлисида жавобгар вакиллари суд мажлисига ўз вақтида келган бўлсаларда, даъвогар келмаганлигини, даъвогарнинг даъво талаблари мутлақо асоссиз эканлигини, жавобгарларнинг барчасини ёши кекса кишилар эканлигини, уларни даъвогар томонидан сарсон қилинаётганлигини билдириб, даъво аризасини кўриб чиқмасликни сўрадилар. Суд иш ҳужжатларига баҳо бериб, қуйидаги асосларга кўра даъво аризасини кўрмасдан қолдиришни лозим топди: Ўзбекистон Республикаси Иқтисодий процессуал кодексининг 107-моддаси 6-бандига кўра, даъвогар биринчи суд мажлисига келмаган ва ишни ўзининг иштирокисиз кўрилиши тўғрисида арз қилмаган бўлса, суд даъво аризасини кўрмасдан қолдиради. Мазкур ҳолатда, суд даъвогарни судга ўз вақтида келмаганлигини ёки ишни ўзининг иштирокисиз кўрилиши тўғрисида арз қилмаганлигини инобатга олиб, даъво аризасини кўрмасдан қолдиришни лозим топади. Юқоридагиларга кўра, даъво аризани кўрмасдан қолдириш ва тўланган 24000 сўм почта харажатини ва 300000 сўм давлат божини даъвогар зиммасида қолдириш лозим бўлади. Баён этилганларга кўра ҳамда ИПКнинг 107, 118, 195, 196моддаларини қўллаб, суд АЖРИМ ҚИЛДИ: «А» АЖнинг 2022 йил 18 августдаги ВВ1-1171-сонли даъво аризаси кўрмасдан қолдирилсин. Тўланган 300000 сўм давлат божи ва 24000 сўм почта харажати даъвогар «А» АЖ зиммасида қолдирилсин. Даъво аризасини кўрмасдан қолдириш учун асос бўлиб хизмат қилган ҳолатлар бартараф этилганидан кейин даъвогар судга даъво аризаси билан умумий тартибда янгидан мурожаат қилишга ҳақли. Ажрим устидан бир ойлик муддатда шу суд орқали Наманган вилоят судининг иқтисодий судлов ҳайъатига апелляция тартибида шикоят қилиш (протест келтириш) мумкин. Раислик қилувчи А.Каримов