Решение #789298 Экономические

QARSHI TUMANLARARO IQTISODIY SUDI KARSHI INTER-DISTRICT ECONOMIC COURT 180108, Qarshi shahri, Bog’zor ko‘chasi, 2 A 180108, Karshi, Bog’zor street, 2 A е-mail: i.qarshi@sud.uz Tel: (+99875) 227-11-73, Fax: (+99875) 227-04-13 AJRIM (Kelishuv bitimini tasdiqlash va ish yuritishni tugatish to‘g‘risida) Qarshi shahri 4-1801-2201/1096-sonli ish Qarshi tumanlararo iqtisodiy sudining sudyasi L.Abdullayev raisligida, sudya yordamchisi H.Absattorov kotibligida, O‘zbekiston Savdo-sanoat palatasi viloyat hududiy boshqarmasining da’vogar – «Mikrokreditbank” ATB manfaatida, javobgar – «Bibiniso” xususiy kompaniya hisobidan 133.333.330 so‘m kredit mablag‘ini, 2.000.000 so‘m foiz qarzdorligini undirish, undiruvni javobgarga tegishli bo‘lgan Qarshi shahar, “Qarliqxona” MFY, Nasaf ko‘chasida joylashgan turar-joy maydoni -0,00 kv.m, umumiy maydoni – 562,06 kv.m, xonalari mavjud bo‘lmagan, qurilishi tugallanmagan, “Xususiy maktabgacha ta’lim muassasa” binosiga qaratish to‘g‘risidagi da’vo arizasi bo‘yicha qabul qilingan hal qiluv qarorni ijro jarayonida taraflar o‘rtasida tuzilgan kelishuv bitimni tasdiqlb berish to‘g‘risidagi javobgarning arizasini da’vogardan vakil – D.Muzaffarov (2022 yil 2 avgustdagi 01-09/3994-sonli ishonchnoma asosida), javobgardan rahbar – D.Mirsagatova ishtirokida ishtirokida, Qarshi tumanlararo iqtisodiy sud binosida, ochiq ochiq sud majlisida ko‘rib chiqib, quyidagilarni aniqladi: O‘zbekiston Savdo-sanoat palatasi viloyat hududiy boshqarmasi da’vogar – «Mikrokreditbank” ATB manfaatida Qarshi tumanlararo iqtisodiy sudga da’vo ariza bilan murojaat qilib, javobgar – «Bibiniso” xususiy kompaniya hisobidan 133.333.330 so‘m kredit mablag‘ini, 2.000.000 so‘m foiz qarzdorligini undirish, undiruvni javobgarga tegishli bo‘lgan Qarshi shahar, “Qarliqxona” MFY, Nasaf ko‘chasida joylashgan, turar-joy maydoni-0,00 kv.m, umumiy maydoni – 562,06 kv.m, xonalar mavjud bo‘lmagan, qurilishi tugallanmagan “Xususiy maktabgacha ta’lim muassasa” binosiga qaratib berishni so‘ragan. Birinchi instansiya sudining 2022 yil 25 maydagi hal qiluv qarori bilan O‘zbekiston Savdo-sanoat palatasi viloyat hududiy boshqarmasining da’vogar – «Mikrokreditbank” ATB manfaatida bergan da’vo arizasi qanoatlantirilib, Javobgar – «Bibiniso” xususiy kompaniya hisobidan da’vogar - «Mikrokreditbank” ATB foydasiga 133.333.330 so‘m kredit mablag‘i, 2.000.000 so‘m foiz qarzdorligi, 21.600 so‘m pochta xarajati, shuningdek respublika budjetiga 2.706.666,6 so‘m davlat boji undirilgan. Qashqadaryo viloyat sudi iqtisodiy ishlar bo‘yicha sudlov hay’atining 2022 yil 18 avgustdagi ajrimi bilan javobgarning apellyatsiya shikoyati yuzasidan ish yuritish tugatilgan. Sud majlisida ishtirok etgan da’vogar vakili ijro jarayonida javobgar tomonidan muddati o‘tgan asosiy kredit va foiz qarzdorliklari bo‘yicha to‘lovlar amalga oshirilganligi sababli taraflar nizoni o‘zaro kelishuv yo‘li bilan hal qilganligini ma’lum qilib, taraflar o‘rtasida tuzilgan kelishuv bitimini tasdiqlab berishni so‘radi. Javobgar rahbari sud majisida ishtirok etib, ijro jarayonida muddati o‘tgan asosiy qarz va foiz qarzlari bo‘yicha to‘lovlar amalga oshirilganligini ma’lum qilib, kelishuv bitimini tasdiqlab berishni so‘radi. O‘zbekiston Respublikasi Iqtisodiy protsessual kodeksining 130-moddasida, sud taraflarning kelishuvi uchun choralar ko‘radi, ularga iqtisodiy sud ishlarini yuritishning barcha bosqichlarida nizoni hal etishga ko‘maklashishi belgilangan. Ushbu kodeksning 132-moddasiga ko‘ra, kelishuv bitimi yozma shaklda tuziladi va kelishuv bitimini tuzgan shaxslar yoki ularning vakillari tomonidan imzolanadi. Kelishuv bitimida taraflar tomonidan kelishilgan majburiyatlarni bajarish shartlari va muddatlari haqidagi qoidalar ko‘rsatilishi kerak. Taraflar tomonidan kelishuv bitimi shartlari bo‘yicha qabul qilingan majburiyatlarning bajarilishi taraflarni bir-biriga yoki boshqa voqealarga (harakatlarga) bog‘liq qilib qo‘yishi mumkin emas. Kelishuv bitimida javobgar tomonidan majburiyatlarni kechiktirib yoki bo‘lib-bo‘lib ijro etish to‘g‘risidagi, talab qilish huquqidan boshqa shaxs foydasiga voz kechish haqidagi, qarzdan to‘liq yoki qisman voz kechish yoxud qarzni tan olish to‘g‘risidagi, sud xarajatlarini taqsimlash haqidagi shartlar va qonunga zid bo‘lmagan boshqa shartlar ko‘rsatilishi mumkin. O‘zbekiston Respublikasi Oliy xo‘jalik sudi Plenumining “Iqtisodiy sudlar tomonidan kelishuv bitimini tasdiqlashda protsessual qonun normalarining qo‘llanilishiga oid ayrim masalalar to‘g‘risida” 2009 yil 18 dekabrdagi 204-sonli qarorning 11-bandida, kelishuv bitimining mazmuni IPKning 132-moddasi talablariga muvofiq bo‘lishi va uning shartlari aniq, ravshan bayon qilinishi va uning ijro etilishida kelishu bitimining mazmuni bo‘yicha har xil talqin qilinishiga va kelgusida nizolarning kelib chiqishiga yo‘l qo‘yilmaydigan bo‘lishi kerak. Kelishuv bitimi taraflarning bir-biri oldidagi o‘zaro majburiyatlarining shartlari, miqdori va bajarish muddatlari to‘g‘risidagi ma’lumotlarni o‘z ichiga olishi to‘g‘risida tushuntirish berilgan. Taraflar nizoni o‘zaro kelishuv asosida hal etib, 2022 yil 18 avgustda kelishuv bitimini imzolangan. Kelishuv bitimiga ko‘ra: javobgar da’vogar oldidagi 99.999.000 so‘m kredit va kreditga hisoblangan foiz qarzdorligini 2023 yil 17 noyabr kuniga qadar to‘lab berish majburiyatini o‘z zimmasiga olish sharti asosida rasmiylashtirilgan. O‘zbekiston Respublikasi Iqtisodiy protsessual kodeksning 118-moddasida, sud xarajatlari ishda ishtirok etuvchi shaxslarning qanoatlantirilgan da’vo talablari miqdoriga mutanosib ravishda ularning zimmasiga yuklatilishi belgilangan. Yuqorida qayd etilgan holatlarga hamda moddiy va protsessual qonun normalarining talablariga asoslanib sud, javobgarning arizasini qanoatlantirishni, taraflar o‘rtasida tuzilgan kelishuv bitimini ish yurituvga qabul qilishni, kelishuv bitimini: javobgar da’vogar oldidagi 99.999.000 so‘m kredit va kreditga hisoblangan foiz qarzdorligini 2023 yil 17 noyabr kuniga qadar to‘lab berish majburiyatini o‘z zimmasiga olish sharti asosida tasdiqlashni, sud xarajatlarini javobgar zimmasiga yuklashni, hal qiluv qarorni va ijro varaqalarni bekor qilishni, iqtisodiy ish bo‘yicha ish yuritishni tugatishni lozim topdi. Binobarin, O‘zbekiston Respublikasi Iqtisodiy protsessual kodeksining 110, 118, 132133, 195-196, 199-moddalarini qo‘llab, sud a j r i m q i l d i: javobgar – «Bibiniso” xususiy kompaniyasini ariza talabi qanoatlantirilsin. Taraflar o‘rtasida 2022 yil 18 avgustda rasmiylashtirilgan kelishuv bitimi ish yurituvga qabul qilinsin. Taraflar o‘rtasida rasmiylashtirilgan kelishuv bitimi: javobgar da’vogar oldidagi 99.999.000 so‘m kredit va kreditga hisoblangan foiz qarzdorligini 2023 yil 17 noyabr kuniga qadar to‘lab berish majburiyatini o‘z zimmasiga olish sharti asosida tasdiqlansin. javobgar – «Bibiniso” xususiy kompaniya hisobidan respublika budjetiga 2.706.666,6 so‘m davlat boji undirilsin. Birinchi instansiya sudining 2022 yil 25 maydagi hal qiluv qarori, 23 avgustdagi ijro varaqalari bekor qilinsin. Iqtisodiy ish bo‘yicha ish yuritish tugatilsin. Mazkur ajrim ustidan bir oylik muddat ichida apellyatsiya tartibida shikoyat qilish (protest keltirish) mumkin. Sudya L.Abdullayev