Решение #792156 Экономические

KATTAQO’RG’ON TUMANLARARO IQTISODIY SUDI KATTAKURGAN INTER-DISTRICT ECONOMIC COURT Kattaqo`rg`on tumani, Kadan qo`rg`oni, Mustaqillik ko‘chasi, 33-uy 33, Mustaqillik street, Kadan township, Kattakurgan district Tел: (0-366) 414-31-19, е-mail: i.kattaqurgon@sud.uz Ўзбекистон Республикаси Номидан Ҳал Қилув Қарори Каттақўрғон туман 4-1402-2201/1516-сонли иш Каттақўрғон туманлараро иқтисодий судининг судьяси Й.Т.Норбеков раислигида, судья ёрдамчиси И.Улжаевнинг суд мажлиси котиблигида аризачи Самарқанд вилоят ДСБнинг жавобгар "А" фермер хўжалигига нисбатан банк ҳисобварағи бўйича операцияларини тўхтатиш тўғрисидаги аризаси асосида қўзғатилган иқтисодий ишни, Каттақўрғон туман ДСИ биносида, очиқ сайёр суд мажлиси муҳокамасида, аризачи Самарқанд вилоят ДСБ вакили Н.Амриддинов (ишончнома асосида) иштирокида кўриб чиқиб, суд қуйидагиларни,А Н И Қ Л А Д И: Аризачи Самарқанд вилоят ДСБ иқтисодий судига жавобгар "А" фермер хўжалигига нисбатан ариза билан мурожаат қилиб, ариза талабида жавобгар томонидан даъво аризада кўрсатилган солиқ ҳисоботини белгиланган муддатда солиқ органига тақдим этмагани боис, суддан жавобгарнинг хизмат кўрсатувчи тижорат банкидаги ҳисоб-варағи бўйича банк операцияларини тўхтатишни сўраган. Суд мажлисида иштирок этган аризачи вакили судга маълумотнома тақдим этиб, жавобгар суд муҳокамаси кунига қадар камчиликларни бартараф этмагани боис, суддан аризани тўлиқ қаноатлантиришни сўради. Тегишли тартибда хабардор қилинган жавобгар суд мажлисига вакил иштирокини таъминламади. Суд ишни Ўзбекистон Республикаси ИПКнинг 220-моддасига асосан, жавобгар иштирокисиз мавжуд ҳужжатлар асосида кўриб чиқишни лозим деб топди. Суд аризачи вакилининг важларини тинглаб, ишдаги ҳужжатларга ҳуқуқий баҳо берган ҳолда қуйидагиларга кўра аризани қаноатлантиришни лозим топди. Иш ҳужжатларидан аниқланишича, жавобгар "А" фермер хўжалиги томонидан солиқ ҳисоботини белгиланган муддатда солиқ органига тақдим этмаган. Ўзбекистон Республикаси Солиқ Кодексининг 82-моддасида, солиқ ҳисоботи солиқ тўловчи ҳисобга олинган жойдаги солиқ органига белгиланган шаклда электрон ёки қоғоз шаклида солиқ ҳисоботида илова қилиниши лозим бўлган ҳужжатлар билан бирга тақдим этилиши белгиланган. Ўзбекистон Республикаси Солиқ Кодексида назарда тутилган муддатларда солиқ ҳисоботини тақдим этиш ва жавобгарнинг банкдаги ҳисобварақлари бўйича операцияларни тўхтатиб туриш тўғрисида жавобгарнинг шахсий кабинетига электрон шаклда хабарнома юборилган. Бироқ, жавобгар томонидан даъво аризада кўрсатилган камчиликларни 2022 йил 23 август кунига қадар бартараф этмаган. Аризачи Самарқанд вилоят ДСБнинг қарорига асосан жавобгарнинг банкдаги ҳисобварақлари бўйича операциялари Ўзбекистон Республикаси Солиқ Кодексининг 111-моддаси 3-қисми, 1-бандига асосан 10 кундан кўп бўлмаган муддатга тухтатилган. Ўзбекистон Республикаси Солиқ кодексининг 111-моддаси 1-қисмига асосан, солиқ тўловчининг (солиқ агентининг) банкдаги ҳисобварақлари бўйича операцияларни тўхтатиб туриш тўғрисидаги қарор солиқ органининг раҳбари (раҳбар ўринбосари) томонидан ўн кундан кўп бўлмаган муддатга қабул қилиниши мумкин. Солиқ тўловчининг (солиқ агентининг) банкдаги ҳисобварақлари бўйича операцияларни ўн кундан кўп муддатга тўхтатиб туриш тўғрисидаги қарор солиқ органининг илтимосномасига асосан суд томонидан қабул қилиниши мумкин. Бунда солиқ тўловчининг (солиқ агентининг) банк ҳисобварақлари бўйича операциялари суд томонидан қарор қабул қилингунга қадар тўхтатиб турилади. Ушбу Кодекснинг 3-қисмига асосан, солиқ тўловчи (солиқ агенти) томонидан солиқ органининг камерал солиқ текшируви натижалари бўйича талабномасига тушунтиришлар ва (ёки) тузатишлар белгиланган муддатда тақдим этилмаганда, шунингдек солиқ тўловчи томонидан солиқ органи талаб қилган ҳужжатлар тақдим этилмаганда, юридик шахслар ва якка тартибдаги тадбиркорларнинг банкдаги ҳисобварақлари бўйича операцияларни тўхтатиб туриш солиқ органи томонидан мазкур солиқ тўловчиларнинг (солиқ агентларининг) солиқ мажбуриятлари бажарилишини таъминлаш учун амалга оширилади. Ўзбекистон Республикаси ИПКнинг 217-моддасига асосан банклардаги ҳисобварақлар бўйича операцияларни тўхтатиб қўйиш, ҳуқуқий таъсир чораларига киради. Ўзбекистон Республикасининг 07.01.2020 йилдаги “Давлат божи тўғрисида”ги Қонуннинг 9-моддаси 17-бандида, аризачи ва жавобгар - ҳуқуқий таъсир чораларини қўллаш тўғрисидаги ишлар бўйича давлат божи тўловидан озод қилинган. Бундай ҳолатда, суд иш ҳужжатларини текшириб чиқиб, аризачи вакилининг тушунтиришларини тинглаб, даъво аризасини қаноатлантиришни, жавобгар "А" фермер хўжалигининг банклардаги асосий ва унга очилган иккиламчи ҳисобварақлари бўйича банк операцияларини бюджет тўловлари ва иш ҳақидан ташқари бошқа чиқим ҳаракати жавобгар томонидан камчиликларни бартараф этганлиги тўғрисидаги маълумотни солиқ органига тақдим этгунига қадар тўхтатишни лозим деб топди. Юқоридагиларга кўра, Ўзбекистон Республикаси Солиқ кодексининг 82, 111, 273-моддаси ва Иқтисодий процессуал кодексининг 113, 176-180, 186-моддаларига асосланиб, суд ҚАРОР К ИЛДИ: Аризачи Самарқанд вилоят ДСБнинг, жавобгар "А" фермер хўжалигига нисбатан берган аризаси қаноатлантирилсин. Жавобгар "А" фермер хўжалигининг банкдаги асосий ва барча ҳисоб-рақамлари ҳаракатини бюджет тўловлари ва иш ҳақидан ташқари бошқа чиқим ҳаракати жавобгар "А" фермер хўжалиги томонидан камчиликларни бартараф этганлиги тўғрисидаги маълумотни Самарқанд вилоят ДСБга тақдим этгунига қадар тўхтатилсин. Жавобгар "А" фермер хўжалигига хизмат кўрсатувчи барча банклар ҳисоб-рақамлар бўйича операцияларни тўхтатиб қўйишга сабаб бўлган ҳолатлар жавобгар томонидан тўлиқ бартараф этилганидан сўнг, давлат солиқ хизмати органи томонидан тақдим этиладиган ёзма кўрсатмаси (қарори) асосида ҳисобварақлар бўйича операциялар тиклансин. Ҳал қилув қароридан норози бўлган тарафлар ўн кунлик муддатда Самарқанд вилоят судига апелляция тартибида Каттақўрғон туманлараро иқтисодий суди орқали шикоят беришга (протест келтиришга) ҳақли. Судья Й.Т.Норбеков