Решение #795833 Экономические

QARSHI TUMANLARARO IQTISODIY SUDI 180108, Qarshi shahri, Bog’zor ko‘chasi, 2 A Tel: (+99875) 227-13-05, Fax: (+99875) 227-17-05 KARSHI INTER-DISTRICT ECONOMIC COURT 180108, Karshi, Bogzor street, 2 A е-mail: i.qarshi@sud.uz АЖРИМ (медиатив келишувни тасдиқлаш ва даъво аризани кўрмасдан қолдириш ҳақида) 2022 йил 22 август 4-1801-2203/2212-сонли иш Қарши туманлараро иқтисодий суди судьяси Ҳ.Турсунов раислигида, судья ёрдамчиси Б.Давлатовнинг котиблигида даъвогар АИТ “Ипак Йўли” банкнинг жавобгар «АБУБАКР АСЛ БАРАКА” масъулияти чекланган жамиятига нисбатан гаровга қўйилган мол-мулклар ҳисобидан муддатидан олдин 220 407 337 сўм асосий кредит қарз, 8 501 359 сўм муддати ўтган асосий кредит қарз, 2 043 204 сўм муддати ўтган кредит фоизини ундириш ҳақидаги даъво аризаси бўйича ишни даъвогар вакили Ш.Қўзиев (ишончнома асосида) (жавобгар иштирокисиз)лар иштирокида суд биносида очиқ суд мажлисида кўриб чиқиб, қуйидагиларни АНИҚЛАДИ: Даъвогар АИТ “Ипак Йўли” банк судга даъво ариза билан мурожаат қилиб, жавобгар «АБУБАКР АСЛ БАРАКА” масъулияти чекланган жамиятига нисбатан гаровга қўйилган мол-мулклар ҳисобидан муддатидан олдин 220 407 337 сўм асосий кредит қарз, 8 501 359 сўм муддати ўтган асосий кредит қарз, 2 043 204 сўм муддати ўтган кредит фоизини ундиришни сўраган. Суд мажлисига иштирок этган даъвогар вакили тарафлар ўртасида медиатив келишув тузилганлигини баён қилди. Суд мажлиси кейинга қолдирилганлиги ҳақида жавобгар тилхат орқали огоҳлантирилган бўлсада, суд муҳокамасида иштирок этмади. Мазкур ҳолатда суд Ўзбекистон Республикаси Иқтисодий процессуал кодекси (кейинги ўринда – ИПК деб юритилади)нинг 128, 170-моддаларига асосан ишни жавобгар иштирокисиз кўриб чиқишни лозим топди. Суд тараф вакилининг иш бўйича тушунтиришларини эшитиб, тақдим этилган ва ишдаги мавжуд ҳужжатларни ўрганиб чиқиб, тарафлар ўртасида 2022 йил 22 августда тузилган медиатив келишувни ўрганиб чиқиб, қуйидаги асосларга кўра медиатив келишувни тасдиқлашни ва даъво аризани кўрмасдан қолдиришни лозим топади. Аниқланишича, тарафлар ўртасида мазкур низо юзасидан 2022 йил 22 августда медиатив келишув тузилган. Медиатив келишув (нопрофессионал) медиатор А.Каримов, даъвогар АИТ “Ипак йўли банк” Қарши филиали бошқарувчиси И.Зарипов ҳамда жавобгар «АБУБАКР АСЛ БАРАКА” масъулияти чекланган жамияти раҳбари А.Хайитов иштирокида қуйидаги шартлар асосида тузилган: “Жавобгар судга даъво аризаси киритилганидан сўнг муддати ўтган кредит қарздорликни тўлиқ тўлаган. Жавобгар 24 000 сўм почта харажатини 2022 йил 25 августга қадар тўлаб беради. Жавобгар даъвогар олдидаги кредит шартномаси бўйича 203 291 413 сўм миқдоридаги муддатли асосий кредит қарз ва фоизларни кредит шартномаси ва унинг ажралмас қисми ҳисобланган графикда белгиланган муддатларда ҳар ойнинг 20-санасига қадар тўлаб бориш мажбуриятини ўз зиммасига олади. Тарафлар мазкур медиатив келишув ихтиёрий равишда тузилганлигини тасдиқлайди. Медиатив келишувда белгиланган шартлар ўз вақтида амалга оширилмаса ёки бошқа ҳолатларда битим иштирокчиларининг ҳуқуқлари бузилса, бу бўйича тарафларнинг бири судга мурожаат қилиши мумкин”. ИПКнинг 131-моддасига кўра тарафлар низони келишув битимини ёки медиатив келишувни тузиб ҳал этиши мумкин. Келишув битими ёки медиатив келишув даъво тартибидаги ҳар қандай иш бўйича тузилиши мумкин. Келишув битими иқтисодий суд ишларини юритишнинг ҳар қандай босқичида ва суд ҳужжатини ижро этиш жараёнида, медиатив келишув эса биринчи инстанция судида суд алоҳида хонага (маслаҳатхонага) суд ҳужжатини қабул қилиш учун чиққунига қадар тарафлар томонидан тузилиши мумкин. Келишув битими у суд томонидан тасдиқланганидан кейин тузилган ҳисобланади. “Медиация тўғрисида”ги Қонуннинг 15-моддасига мувофиқ медиация тарафларнинг хоҳиш-истаги асосида қўлланилади. Медиация суддан ташқари тартибда, низони суд тартибида кўриш жараёнида, суд ҳужжатини қабул қилиш учун суд алоҳида хонага (маслаҳатхонага) киргунга қадар қўлланилиши мумкин. Мазкур Қонуннинг 17-моддаси 4-қисмига кўра суд муҳокамаси жараёнида ваколатли давлат органида кўриш жараёнида медиация тартиб-таомилини амалга ошириш чоғида тарафлар томонидан эришилган медиация келишув тегишли иш қайси суд ёки ваколатли давлат органининг иш юритувида турган бўлса, дарҳол ўша судга ёки ваколатли давлат органига юборилади. Бундан ташқари, Иқтисодий процессуал кодексининг 107-моддаси 53бандида тарафлар ўртасида медиатив келишув тузилган бўлса, даъво аризасини кўрмасдан қолдирилиши белгиланган. “Медиация тўғрисида”ги Қонуннинг 17-моддаси 5-қисмига асосан низо медиатив келишув билан медиация тартибида ҳал қилинган тақдирда тўланган давлат божи қайтарилиши лозим. Юқоридагиларга кўра, суд тарафлар томонидан тақдим этилган медиатив келишув шартлари билан танишиб чиқиб, ушбу медиатив келишув шартлари ўзга шахсларнинг қонун билан қўриқланадиган ҳуқуқ ва манфаатларини поймал қилмаслигини, амалдаги қонун ҳужжатлари талабларига зид эмаслигини инобатга олган ҳолда мазкур медиатив келишувни тасдиқлашни, даъво аризасини кўрмасдан қолдиришни, медиатив келишув тасдиқланганлиги сабабли тарафлардан давлат божи ундирмасликни, почта харажатини даъвогар зиммасида қолдиришни лозим топади. Ўзбекистон Республикаси “Медиация тўғрисида”ги Қонунининг 15,17-моддаларини ҳамда Иқтисодий процессуал кодексининг 107,118,131,133, 194195-моддаларини қўллаб, суд АЖРИМ ҚИЛДИ: Даъвогар АИТ “Ипак Йўли” банкнинг даъво аризаси кўрмасдан қолдирилсин. Ажрим нусхаси тарафларга юборилсин. Ажримдан норози томон бир ой ичида апелляция тартибида шикоят қилиши (протест келтириши) мумкин. Судья Ҳ.Турсунов