Решение #798568 Экономические

NAMANGAN TUMANLARARO IQTISODIY SUDI NAMANGAN INTER-DISTRICT ECONOMIC COURT 160133, Namangan shahri, Nodim Namangoniy ko’chasi, 20a 160133, Namangan city, Nodim Namangoniy street, 20a Tel: (+99869) 227-79-93, Fax: (+99869) 227-76-14 е-mail: i.namangan.t@sud.uz ЎЗБЕКИСТОН РЕСПУБЛИКАСИ НОМИДАН ҲАЛ ҚИЛУВ ҚАРОРИ Наманган шаҳри 2022 йил 16 август № 4-1601-2202/3747 раислигида, И.Қозақовнинг суд мажлиси котиблигида, АААААнинг жавобгар– АААААнинг банкдаги ҳисоб варақ операцияларини тўхтатиб туриш тўғрисидаги аризасини суд биносида бўлиб ўтган очиқ суд мажлисида аризачи вакили О.Мўминов (ишончнома асосида) иштирокида кўриб чиқиб, қуйидагиларни аниқлади: ААААА судга ариза билан мурожаат қилиб, ААААА (кейинги матнда жавобгар деб юритилади) юридик шахснинг гувоҳномасида кўрсатилган манзилда фаолият кўрсатмаётганлиги сабабли банкдаги ҳисобварақ операцияларини ўн кундан кўпроқ муддатга тўхтатиб туришни сўраган. Суд мажлисида аризачи вакили аризани қаноатлантиришни сўради. Суднинг ажрими жавобгарга Кодексда назарда тутилган тартибда юборилган бўлсада, шу куни у суд муҳокамасида иштирок этмади. Ўзбекистон Республикаси Иқтисодий процессуал кодекси (кейинги матнда ИПК деб юритилади) 220-моддасининг биринчи қисмида суд ишда иштирок этувчи шахсларни суд мажлисининг вақти ва жойи тўғрисида ушбу Кодексда белгиланган тартибда хабардор қилиши, бунда суд аризачининг зиммасига жавобгарни суд мажлисининг вақти ва жойи тўғрисида хабардор қилиш мажбуриятини юклашга ҳақли эканлиги, суд мажлисининг вақти ва жойи тўғрисида тегишли тарзда хабардор қилинган мазкур шахсларнинг келмаганлиги, агар суд уларнинг келишини мажбурий деб топмаган бўлса, ишни кўриб чиқиш учун тўсқинлик қилмаслиги белгиланган. Шу сабабли суд ишни жавобгар иштирокисиз кўриб чиқишни лозим деб топди. Суд, ишдаги мавжуд ҳужжатларини ўрганиб, ишда иштирок этувчи шахсларнинг тушунтиришларини тинглаб, қуйидаги асосларга кўра аризани қаноатлантириш лозим топди. Иш ҳужжатларидан кўринишича, жавобгар юридик шахснинг гувоҳномасида кўрсатилган манзилда фаолият кўрсатаётганлиги ва мавжудлигини ўрганиш бўйича борилганида, у ерда мавжуд эмаслиги аниқланган. Бу ҳақида белгиланган тартибда далолатнома расмийлаштирилган. Қарздорнинг банкдаги ҳисобварақ операцияларини ўн кунга тўхтатиб қўйиш бўйича даъвогарнинг 2022 йил 21 июлдаги 0142861-сонли қарори қабул қилинган. Ўзбекистон Республикаси Солиқ кодекси (кейинги матнда СК деб юритилади) 111-моддаси учинчи қисмининг 4-бандида солиқ тўловчининг (солиқ агентининг) ўзи кўрсатган манзилда йўқлигида юридик шахслар ва якка тартибдаги тадбиркорларнинг банкдаги ҳисобварақлари бўйича операцияларни тўхтатиб туриш солиқ органи томонидан мазкур солиқ тўловчиларнинг (солиқ агентларининг) солиқ мажбуриятлари бажарилишини таъминлаш учун қўлланилиши мумкинлиги назарда тутилган. СК 111-моддасининг биринчи қисмига кўра, солиқ тўловчининг (солиқ агентининг) банкдаги ҳисобварақлари бўйича операцияларни тўхтатиб туриш тўғрисидаги қарор солиқ органининг раҳбари (раҳбар ўринбосари) томонидан ўн кундан кўп бўлмаган муддатга қабул қилиниши мумкин. Солиқ тўловчининг (солиқ агентининг) банкдаги ҳисобварақлари бўйича операцияларни ўн кундан кўп муддатга тўхтатиб туриш тўғрисидаги қарор солиқ органининг илтимосномасига асосан суд томонидан қабул қилиниши мумкин. Бунда солиқ тўловчининг (солиқ агентининг) банк ҳисобварақлари бўйича операциялари суд томонидан қарор қабул қилингунга қадар тўхтатиб турилади. Юқоридагилардан кўринадики, аризачининг талаби қонунчиликка мувофиқ асосли қўйилган ва у ишдаги мавжуд ҳужжатлар билан ўз тасдиғини топган. Шу асосда суд жавобгарнинг банкдаги ҳисобварақлари бўйича операцияларини тўхтатиб туришни лозим деб ҳисоблайди. Бинобарин, суд СК 111-моддаси, ИПК 118, 165, 170, 176, 177, 220, 221, 222-моддаларининг талабларини қўллаб, ҚАРОР ҚИЛДИ: АААААнинг аризаси қаноатлантирилсин. АААААнинг банкдаги ҳисобварақлари бўйича операциялари СК 112моддаси биринчи қисмида назарда тутилган қарор қабул қилингунга қадар тўхтатиб турилсин. Ҳал қилув қарори қабул қилинган кундан бошлаб 10 кун муддатда қонуний кучга киради. Ҳал қилув қарори устидан норози тараф қонунда белгиланган тартибда шикоят қилиши (прокурор протест келтириши) мумкин. Раислик қилувчи А. Дадабаев