Решение #804334 Экономические

QARSHI TUMANLARARO IQTISODIY SUDI KARSHI INTER-DISTRICT ECONOMIC COURT 180108, Qarshi shahri, Bog’zor ko‘chasi, 2 A 180108, Karshi, Bog’zor street, 2 A Tel: (+99875) 227-11-73, Fax: (+99875) 227-04-13 е-mail: i.qarshi@sud.uz AJRIM (Ish yuritishni tugatish to‘g‘risida) Qarshi shahri 4-1801-2201/2896-sonli ish Qarshi tumanlararo iqtisodiy sudi sudyasi L.Abdullayev raisligida, sudya yordamchisi A.Olimovning kotibligida, arizachi - Qarshi shahar Davlat soliq inspeksiyasining, javobgar – «Primov Faxriddin Jamilovich» fermer xo’jaligining bankdagi hisobvaraqalari bo‘yicha operatsiyalarni o‘n kundan ko‘p muddatga to‘xtatib turish to‘g‘risidagi arizasi bo‘yicha ishni arizachi vakili – B.Sultonov (2022 yil 3 avgustdagi 23-07252-sonli ishonchnoma asosida) ishtirokida, Qarshi shahar Davlat soliq inspeksiyasi binosida, ochiq sayyor sud majlisida ko‘rib chiqib, quyidagilarni aniqladi: arizachi - Qarshi shahar Davlat soliq inspeksiyasi Qarshi tumanlararo iqtisodiy sudga ariza bilan murojaat qilib, javobgar – «Primov Faxriddin Jamilovich» fermer xo’jaligining bankdagi hisobvaraqalari bo‘yicha operatsiyalarni o‘n kundan ko‘p muddatga to‘xtatib turishni so‘ragan. Sud majlisida ishtirok etgan arizachi vakili sudga arizadan voz kechish to‘g‘risida ariza bilan murojaat qilib, javobgar «Primov Faxriddin Jamilovich» fermer xo’jaligining bankdagi hisobvaraqalari bo‘yicha operatsiyalarni o‘n kundan ko‘p muddatga to‘xtatib turish to‘g‘risidagi arizasi soliq organlarining elektron bazasida texnik xatolik sababli, ikki marotaba shakllantirib yuborilganligini ma’lum qilib, arizani qanoatlantirishni so‘radi. Javobgar ishni ko‘rish vaqti va joyi to‘g‘risida tegishli ravishda xabardor qilingan bo‘lsa-da, sud majlisiga kelmadi. O‘zbekiston Respublikasi Iqtisodiy protsessual kodeksining 128-moddasida, agar sud iqtisodiy sud ishlarini yuritish ishtirokchisi o‘ziga yuborilgan ajrimning ko‘chirma nusxasini olganligi yoki ushbu Kodeksda nazarda tutilgan boshqa ususlda xabardor qilinganligi to‘g‘risida sud majlisi boshlangunga qadar ma’lumotlarga ega bo‘lsa, ushbu ishtirokchi tegishli tarizda xabardor qilingan deb hisoblanadi. Iqtisodiy sud ishlarini yuritish ishtirokchisi quyidagi hollarda ham sud tomonidan tegishli tarizda xabardor qilingan deb hisoblanadi, agar: ajrim yo‘llangan shaxs ajrimning ko‘chirma nusxasini olishni rad etgan va ushbu rad etish qayd etilgan bo‘lsa; sud tomonidan yuridik shaxsning sudga ma’lum bo‘lgan oxirgi joylashgan yeri (pochta manzili), fuqaroning yashash joyi bo‘yicha yuborilgan ajrimning ko‘chirma nusxasi oluvchi ko‘rsatilgan manzilda yo‘qligi sababli topshirilmagan va bu haqida aloqa muassasasi sudni xabardor qilgan bo‘lsa; ajrimning ko‘chirma nusxasi sud tomonidan elektron pochta orqali yoki xabardor qilinganlik faktini tasdiqlovchi boshqa aloqa vositalaridan foydalangan holda yuborilgan kundan e’tiboran uch kun o‘tgan bo‘lsa, tegishli tartibda xabardor qilingan deb hisoblanishi belgilangan. Sud arizachi vakilining tushuntirishlarini tinglab, arizachining arizadan voz kechish to‘g‘risidagi arizasini ish yurituvga qabul qilib, quyidagi asoslarga ko‘ra da’vo talabi bo‘yicha ish yuritishni tugatishni lozim topadi. O‘zbekiston Respublikasi Iqtisodiy protsessual kodeksining 110-moddasni birinchi qismini oltinchi bandida, da’vogar da’vosidan voz kechgan va sud uni qabul qilgan bo‘lsa, ish yuritishni tugatishga asos bo‘lishligi belgilangan. Yuqorida qayd etilgan holatga va protsessual qonun normasining talabiga asoslanib sud, arizachining da’vodan voz kechish to‘g‘risidagi arizasini ish yurituvga qabul qilishni, da’vo talabi bo‘yicha ish yuritishni tugatishni, taraflar huquqiy ta’sir choralarini qo‘llash to‘g‘risidagi ishlar bo‘yicha davlat boji to‘lovidan ozod qilinganligini inobatga olishnini lozim topdi. Binobarin, O‘zbekiston Respublikasi Iqtisodiy protsessual kodeksining 110, 195-196-moddalarini qo‘llab, sud ajrim qildi: arizachi – Qarshi shahar Davlat soliq inspeksiyasining 2022 yil 3 avgustdagi 23-7252-sonli arizasi ish yurituvga qabul qilinsin. Arizachi – Qarshi shahar Davlat soliq inspeksiyasining, javobgar - «Primov Faxriddin Jamilovich» fermer xo’jaligining bankdagi hisobvaraqalari bo‘yicha operatsiyalarni o‘n kundan ko‘p muddatga to‘xtatib turish to‘g‘risidagi arizasi bo‘yicha ish yuritish tugatilsin. Mazkur ajrim ustidan bir oylik muddatda apellyatsiya tartibida shikoyat berish (protest keltirish) mumkin. L.Abdullayev