Решение #811291 Экономические

O’ZBEKISTON RESPUBLIKASI QASHQADARYO VILOYAT SUDI КАШКАДАРЬИНСКИЙ ОБЛАСТНОЙ СУД РЕСПУБЛИКИ УЗБЕКИСТАН Qarshi sh, Bunyodkorlik ko’chasi 10 A uy город Карши, улица Бунёдкорлик, дом 10 А Тел: (75) 221 13 20, Факс: (75) 221 13 55, Почта: i.qashqadaryo@sud.uz АЖРИМ (апелляция инстанция суди) Биринчи инстанция судида ишни кўрган судья Ж.Ачилов, апелляция инстанцияси судида маърузачи судья А.Арзиев. 2022 йил 28 июль 4-1802-2201/662-сонли иш Қашқадарё вилоят судининг иқтисодий ишлар бўйича апелляция судлов ҳайъати А.Арзиев раислигида, Ж.Хусаинов ва М.Бозоровдан иборат таркибда, судья катта ёрдамчиси Т.Усмоновнинг котиблигида, Шаҳрисабз туманлараро иқтисодий судининг 2022 йил 22 июндаги даъво аризани қайтариш ажрими устидан “Ўзбекинвест" ЭИСК" акционерлик жамияти томонидан берилган апелляция шикоятини апеллянт вакили Б.Юсупов (2022 йил 5 январдаги 01/18-сонли ишончомага асосан) иштирокида Қашқадарё вилоят суди биносида очиқ суд мажлисида кўриб чиқиб, қуйидагиларни аниқлади: Ўзбекистон Савдо-саноат палатаси Тошкент вилояти ҳудудий бошқармаси (кейинги ўринда палата деб юритилади) даъвогар – "Ўзбекинвест" ЭИСК" акционерлик жамияти (кейинги ўринда даъвогар деб юритилади) манфаатида жавобгар – "Агробанк" АТБдан (кейинги ўринда жавобгар деб юритилади) 786.629,93 сўм пеня бўйича қарздорликни ва 24.000 сўм почта харажатини ундиришни сўраган. Шаҳрисабз туманлараро иқтисодий судининг 2022 йил 22 июндаги даъво аризани қайтариш ажрими билан даъво аризаси қайтарилган. "Ўзбекинвест" ЭИСК" акционерлик жамияти апелляция шикояти билан мурожаат қилиб, биринчи инстанция судининг ажримини бекор қилиш сўралган. Суд муҳокамасининг вақти ва жойи тўғрисида Палата ва жавобгар белгиланган тарзда хабардор қилинган бўлсада, уларнинг вакили иштирок этмади. Судлов ҳайъати Ўзбекистон Республикасининг Иқтисодий процессуал кодекси (бундан буён матнда ИПКнинг деб юритилади)нинг 274-моддасига асосан ишни уларнинг иштирокисиз кўриб чиқишни лозим топди. Даъвогар вакили судга ариза билан мурожаат қилиб, апелляция шикоятидан воз кечишини маълум қилди. Ўзбекистон Республикаси Иқтисодий процессуал кодекси (бундан буён матнда ИПК деб юритилади)нинг 273-моддаси биринчи қисми 4-бандига кўра апелляция инстанцияси суди апелляция шикояти (протести) бўйича апелляция шикояти иш юритишга қабул қилинганидан сўнг шикоят берган шахс томонидан шикоятдан воз кечиш тўғрисида ариза келиб тушган бўлса иш юритишни тугатади. ИПКнинг 275-моддаси биринчи қисмига кўра, апелляция шикояти берган шахс ишни кўриш якуни бўйича суд ҳужжати чиқарилгунига қадар ундан воз кечишга ҳақли. Даъвогар вакилининг апелляция шикоятидан воз кечиш ҳақидаги аризасини қабул қилиб, иш бўйича апелляция инстанциясида иш юритишни тугатишни ва даъвогар томонидан тўланган 24.000 сўм почта харажатини инобатга олиб, унинг зиммасида қолдиришни ҳамда апелляция шикояти даъво аризани қайтариш ажрими шикоят қилинганлиги сабабли даъвогардан давлат божи ундирмасликни лозим топади. Юқоридагиларга кўра ва Ўзбекистон Республикаси Иқтисодий процессуал кодексининг 273, 275-моддаларини қўллаб, судлов ҳайъати ажрим қилди: "Ўзбекинвест" ЭИСК" акционерлик жамияти вакилининг апелляция шикоятидан воз кечганлиги қабул қилинсин. Апелляция инстанциясида иш юритиш тугатилсин. "Ўзбекинвест" ЭИСК" акционерлик жамияти томонидан тўланган 24.000 сўм почта харажатини инобатга олиб, унинг зиммасида қолдирилсин. Ажрим қабул қилинган пайтдан бошлаб қонуний кучга киради. Уни устидан Ўзбекистон Республикаси Олий судига кассация тартибида шикоят қилиниши (протест келтирилиши) мумкин. Раислик қилувчи А.Арзиев ҳайъат аъзолари Ж.Хусаинов М.Бозоров