Решение #98830 Уголовные

АЖРИМ (жазони ўташдан муддатидан илгари шартли озод қилиш тўғрисида) 2024 йил декабрь ойининг 20 куни жиноят ишлари бўйича Чилонзор туман суди, ўзининг биносида, очиқ суд мажлисида, қуйидаги таркибда: судья Ф.Эргашев раислигида, судья ёрдамчиси Ҳ.Норбоев котиблигида, Чилонзор туман прокурор катта ёрдамчиси Н.Рустамов, адвокат А.Юлдашев ҳамда маҳкум И.Джумамуратов иштирокида, жиноят ишлари бўйича Урганч тумани судининг 2024 йил 15 январдаги ҳукми билан судланган Хоразм вилоятида туғилган, ўзбек, Ўзбекистон фуқароси, маълумоти ўрта, олий, судланган, Тошкент шаҳри, Чилонзор тумани, 5мавзе, 13-уй, 41-хонадонда истиқомат қилувчига нисбатан тайинланган ахлоқ тузатиш ишлари жазосини ўташдан муддатидан илгари шартли озод қилиш тўғрисидаги Чилонзор туман ИИО ФМБ бошлиғининг илтимосномасини тўпланган ҳужжатлар билан бирга кўриб чиқиб, қуйидагиларни А Н И Қ Л А Д И: Илтимосномада, жиноят ишлари бўйича Урганч тумани судининг 2024 йил 15 январдаги ҳукмига кўра, ЖК 109-моддасининг 2-қисми билан айбдор деб топилиб, иш ҳақининг 20 фоизини давлат даромади ҳисобига ушлаб қолган ҳолда, 2 йил ахлоқ тузатиш ишлари жазоси тайинланганини, суд ҳукми 2024 йил 20 май куни Чилонзор туман ИИО ФМБ Пробация бўлимига келиб тушганини, маҳкумга жазо ўташ тартиб қоидалари тушунтирилиб, ишга кириши учун йўлланма берилганини, 2024 йил 16 апрель куни маҳкум “Рас Кране” МЧЖга ишга кирганини, жазони ўтаб келаётганини, иш вақтида меҳнат қоидаларини бузмаганини, иш берувчи томонидан қўйилган вазифаларини ўз вақтида бажариб, иш жойидан ҳамда худуд профилактикаси нозири ва маҳалла фуқаролар йиғини томонидан ҳеч қандай шикоят келиб тушмаганини, жазони намунали ўтаб келаётганини, жазонинг умумий муддати 2 йил бўлганини, ўталган қисми 8 ой, ўталмай қолган қисми эса 1 йил 4 ойни ташкил этишини шу муносабат билан унга нисбатан тайинланган жазони ЖК 73-моддаси 3қисмининг “а” банди тартибида муддатидан олдин шартли озод қилишни сўраган. Ўзбекистон Республикаси ЖКнинг 73-моддасида “жазони ўташдан муддатидан илгари шартли равишда озод қилиш ушбу модданинг биринчи қисмида кўрсатилган жазо турлари учун ўрнатилган тартибқоида талабларини бажарган ва меҳнатга ҳалол муносабатда бўлган маҳкумга нисбатан қўлланилади” деб кўрсатилган. ўташдан муддатидан илгари шартли равишда озод қилиш маҳкум – ижтимоий хавфи катта бўлмаган ёки унча оғир бўлмаган жинояти учун суд тайинлаган жазо муддатининг камида учдан бир қисмини ҳақиқатда ўтаб бўлганидан кейин қўлланилиши мумкин”-деб кўрсатиб ўтилган. Ўзбекистон Республикаси Олий суди Пленумининг 2016 йил 27 декабрдаги “Жазони ўташдан муддатидан илгари озод қилиш ва жазони енгилроғи билан алмаштириш бўйича суд амалиёти тўғрисида”ги 28сонли қарорининг 19-бандида “жазони ўташдан муддатидан илгари шартли озод қилиш ёки жазони енгилроғи билан алмаштириш тўғрисидаги тақдимнома (илтимоснома) қаноатлантирилганда, судья маҳкумга, тегишлича, ЖК 73-моддасининг бешинчи қисмида ёки ЖК 74моддасининг еттинчи қисмида назарда тутилган қоидаларни тушунтириши шарт бўлиб, бу ҳақда ажримнинг қарор қисми ва суд мажлиси баённомасида кўрсатилиши лозим” деб кўртасилган. Суд илтимосномани муҳокама қилиб, прокурорнинг фикрини тинглаб, И.Джумамуратов тайинланган жазонинг учдан бир қисмидан кўпроғини ўтаганини, жазони ўташ даврида ўрнатилган тартиб-қоида талабларини бузмаганини ва меҳнатга ҳалол муносабатда бўлиб, ижобий тавсифланганини инобатга олиб, унга нисбатан тайинланган ахлоқ тузатиш ишлари жазосини ўташдан муддатидан илгари шартли озод қилишни лозим топади. Шунингдек, суд маҳкум И.Джумамуратовга ЖК 73-моддасининг 5қисмида жазони ўташдан муддатидан илгари шартли равишда озод қилиниб, жазони ўталмаган қисми мобайнида қасддан янги жиноят содир этган шахсга нисбатан суд ЖК 60-моддасида назарда тутилган қоидага мувофиқ жазо тайинлаши ҳақида берилган қоидани тушунтириш лозим деб ҳисоблайди. Ўзбекистон Республикаси ЖКнинг 73-моддаси, ЖПКнинг 423, 541, 536, 542, 5461-моддаларига амал қилиб, суд А Ж Р И М Қ И Л А Д И: Чилонзор туман ИИО ФМБ бошлиғи тақдимномаси қаноатлантирилсин. Джумамуратов Илхамбек Октябровични ЖК 73-моддаси 3-қисмининг “а” бандига асосан ахлоқ тузатиш ишлари жазосининг ўталмай қолган 1 йил 4 ойни ўташдан муддатидан илгари шартли озод қилинсин. Ажрим ижросини таъминлаш Тошкент шаҳар Чилонзор туман ИИО Пробация бўлинмасига юклатилсин. И.Джумамуратовга ЖК 73-моддасининг 5-қисмида кўрсатилган талаблар тушунтирилсин. Ажримдан норози томон кассация тартибида хусусий шикоят ёки протест келтиришга ҳақли. Раислик қилувчи Ажрим нусхаси аслига тўғри, судья: (имзо) Ф.Эргашев